استفسار للي جربوا فقط هدد جي اكس

[ماهقيت]

السلام عليكم ورحمة الله وبركاته
يا اخواني بغيت اشتري بإذن الله لاند جي اكس فل كامل هدد 2014 سته سلندر الثمانيه مابيه....
الاستفسار
وش انشط بالقومه والخط ويكون عملي عالمدى البعيد ومايحتاج صيانه كل فتره واستخدامي بر وديره
اخذ القير العادي والا التماتيك؟؟؟؟؟؟
مافرقت معي الراحه للي بيقولون التماتيك اريح بالزحمه ابي اعرف الانشط فقط.
المقارنه فقط 6 سلندر لا احد يقول 8سلندر........ ياليت اللي جربوا من 2012 الى 2014 ولايمنع اللي جربوا من غير هالمديلات

[أبوصالح9]

دايم اي قير عادي انشط بالقومة والتبديلات - ومامعي من هالموديلات الجدد ولا كان علمتك - اذا تبي تسألن عن 97 ابشر

بس نصيحة واعتبر انك ماشفتها لاتاخذ 6 سرندل - 8 افضل وخصوصا الموديلات الجديدة - لو كان الموديل القديم قلتلك خذ 6 وراهي بعد بس الجدد ثقال اذا كان 6 سرندل



نصيييييييييييييييييحة


اما اذا كنت راعي وعر وحجرة ونفد على خفيف خذ 6 سرندل وكافي بعد - اما النفد الهيار وخصوصا اذا كنت محمل عزب وتانكي وجراكل ماء وووووووو يبي يدبل تسبدك ويحوس مريرك وتبي تحسف وتبي تذكر كلامي - والجيوب بشكل عام مامثل القير العادي - واللي يبي البر صدز ماتهمه الراحة ابد

[التعـ King ـديل]

بقولها لك كلمه وحده بس وانت براحتك

لا تقرب السته سلندر ابدا نصيحه مجرب فكيته وكاله 13 من اليحيى وبعته ممل وعزم ماش

[ماهقيت]

ابو صالح جعل عيني ماتبكيك ولاتذوق حزنك
صادق يابعدي وانا كان عندي جكسار 2007 تماتيك 6سلندر علني عله تقل اني اسحب تريله وجي اكس 2000 قير عادي ماشاء الله مع اللي شراه مني الى الان يدعي لي ونشيط وجربت الفكسار 2010 بس للدوام ومايحتاج طيب بس دراهمي قصرت وودي ب 6 يكفيني وانا راعي وعر بس مانيب راعي نفود واجد
وحدي 6 سلندر وابي الانشط والعملي منهن ومن كلامك القير العادي بالنسبه للسته. الله يرحم والديك

[ماهقيت]

كنق دراهمي مقصره ��
وسؤالي عن الافضل بال6 سلندر التماتيك او العادي الله يوفقك.

[صفحة تربوية]

الموديلات الحديثة ( المفخرة كما يسمى )

إذا 6 سلندر خذ قير عايدي

6 سندر تماتيك حسب التجارب ضعيف نوعا ما

لكن خذ نصيحة

8 سلندر لو مستعمل افضل لك

[ماهقيت]

مشكور يالغالي صفحه تربويه ومالقيت شي على دراهمي ا8سلندر الا 2012 وفحصت 2 طلع بهن عذاريب فهونت عن المستعمل فراح اخذ جي اكس بريمي او اليحي فل كامل اصفار بإذن الله بس كنت متحير ولو اني مايل للقير العادي

[أبوصالح9]

طيب عندي لك اقتراح ويمكن يفيدك- اصلا انا كنت عارف ان دراهمك ناقصة بس مابغيت احرجك واشوا انك صرحت فيها وعسى الله يبشرك ب الدراهم اللي تجيبلك ال8 سرندل وفل الفل بعد


بالنسبة للاقتراح - ادري اني ملقوف بس ابطلع اللي بخاطري وانت بكيفك

اذا انت تبي الموتر للبر والوناسة وسعة الصدر وشوله تاخذ 8 سرندل فل كامل - كل اللي تبيه للبر مكينة وقير - يعني وشوله فتحة وشوله ديكورات وشوله تخشيبة وشوله شاشة وشوله...... - شاشة تطفى تعلك- فتحة تنكسر من برد يطيح عليك يصير موترك برابيس من الخرخرة-تخشيبة يركب معك واحد وتطيح عينه عليه همن يصير طبلونك الوان الطيف - وابتل كلها مواصفات بها زود دراهم وتلقى الواحد مايستخدمه اغلبنا يبزخ بالدراهم ومواصفات وحده ورده ولو تقوله يابو فلان شلون يشتغل هذا قال والله مدري من يوم شريت السيارة ماعمري شغلته

وعندي لك اقتراح ثاني مير تحملن - وراه متاخذ لك جي اكس مخزن من الموديلات القديمة تحت 2007 حتى لو فيه زود عشرين الف ريال على سعره ويكون نظيف احسن لك - ترا تفكيري من جيل الاولين مير لاتشره حتى جوالي نوكيا 82 ولا عندي واتس وماواتس - اخضر + احمر واحلى عيشة ياربي لك الحمد

هذا اللي عندي واي خدمة ترانا حاضرين

[ماهقيت]

لا يا ابوصالح ههههههههههههه الله يسعدك الشغله ومافيها عندي ددسن مقطع بطنه بالبر لكن لابغيت اخذ الوالده تتضايق ويتعبها والوالد معه شاص وموتري اف جي وصغير علينا والاخوان مواترهم جيوب لكن كل واحد معه اهله ........ وكلها 8 سلندر
قصة حياتي ههههههههههههههه
يعني من الاخر لعوينات الوالده الله يحفظهم لنا ولكم وبغفر لأمواتنا جميع.
جعل عيني ماتذوق حزنك يازين اخلاقك واحترامك اشهد بالله انك والف نعم :heart:

[ماهقيت]

الى الان جميع التوصيات ان السته يفضل قير عادي الله يسعدكم

[اليامي قطر]

طيب ايش رايك في استاندر ابواب 2014 اصفاااااار قير عادي شد بلد

سعره في 150 وان زاد شي بسيط

انا اشوف انه مناسب للمواصفات اللي تبغيها

وفيه حركه يسوونها الشباب فيه فيوز لونه ابيض يسار المكينه

تفصله ويرجع كأنه 2007 فالتعشيق والريس :good2:

[ماهقيت]

يامي ارحب يالله حيه
ايه انا قصدي قير عادي
لانه انشط على كلام الاغلبيه....
عطني اي وسيله اتواصل معك بها لاهنت .
الله يعافيك

[ماهقيت]

طبعا جي اكس فل كامل ومواصفاته
قير عادي ويجي تماتيك
دفلوك
فتحه
مكيفين
ونش
كاميرا
مثبت سرعه
تخشيبه
6 سلندر ويجي 8 سلندر بس بدون ونش وفتحه

[ماهقيت]

الله يسعد كل من تفاعل معي

[ذيب ذهلان]

معي 12 تماتيك 6 سرندل عزمه جيد وحسب ماسمعت ان التماتيك افضل

[ماهقيت]

مشكور يالذيب الله يرحم والديك يقولون من 12 وفوق تغيرت مكينتها وعزمها نشط

[ابو عادل9060]

السلام عليكم

عادي ولا تشاور

والله يوفق الجميع

[FAHAD - 506]

بالنسبه لي مايفرق القير عادي عن التماتيك الا بالنفود هاذا اقدر امرجحه وادبل كلتش والتماتيك لا التماتيك بيوصلك الي تبيه وزود ولا ينقصه عن العادي شي والخط التماتيك اريح بعكم ان الأربي ام منخفض ومريح
والله يدلك الي فيه الخير

[اليامي قطر]

بالنسبه لي مايفرق القير عادي عن التماتيك الا بالنفود هاذا اقدر امرجحه وادبل كلتش والتماتيك لا التماتيك بيوصلك الي تبيه وزود ولا ينقصه عن العادي شي والخط التماتيك اريح بعكم ان الأربي ام منخفض ومريح
والله يدلك الي فيه الخير


انا من النوع اللي يعشق القير العادي

لكن هل فيه حل يكون الار بي ام يكووون نفس التماتيكـ