رأيكم يهمني ياشعار المنتدى

[ابوفهد502]

بسم الله الرحمن الرحيم
انا شاعر مبتدي وعندي قصيده
وابي انتقاد شعار المنتدى لهذه القصيده
وبدون مجامله لان المجامله ماترفع الشاعر
وهذي هي القصيده

مدام لي جدن ينومس بالافعال
عز الله اني من قلال الرجالي

ومدام فاخّر كنيتي عبيد.. رجال
عز الله اني شايلن للثقالي

اللابة اللي عزها بين الاجيال
الاد عبيد اهل الوفاء والمعالي

اللي لهم فعلن ينومس بالاشبال
قبل الكبير وقبل برك الجمالي

اهل الوفاء والطيب حماية القال
اللي لهم في الوقع فعلن اجلالي

واجب علي امدح هل الطيب والعال
اهل الجزايل والصفات الخصالي

ربعي ولالي غيرهم يوم الاهوال
لكثرة الاقوال لي من رسالي

ان اشهد اني عايشن بين الاجبال
بفعالهم واهل الوفاء في العوالي

ماني من اللي رافعن ربعي اميال
افعالهم ترقى سنود وجبالي

واختامها صلو عدد عد الازوال
على الرسول اللي يحل العقالي



وسلامتكم"""

[ابو ياسر طريف]

صح لسانك يالشاعر
ودامك طلبت الراي خذ الصحيح
انت مادامك مبتدئ فأنا اشوف ان مستواك فوق الممتاز واجزم ان شعار بالساحه لهم سنين يعجزون يجيبون مثل قصيدتك يعني انت شاعر حقيقي
لكن كل شاعر في بداية المشوار يكون عنده اخطاء في الوزن واخطاء في المعاني بسبب قلة الخبره ومع الوقت يتجاوزها ان شاء الله
وملاحظاتي هي
عجز البيت الثالث فيه خلل بالوزن ويحتاج الى اعادة صياغته من جديد
هناك حشو ومفردات في غير محلها مثل حماية القال
هل الطيب والعال
وهناك خطأ في تركيبة الصفات الخصالي فالصفات هي الخصال نوعاً ما وكان الاجدر ان تبحث عن كلمة لمدح صفاتهم
بالاضافه الى لكثرة الاقوال لي من رسالي ويحل العقالي
لا اريد الاطاله
ومختصر الكلام انت شاعر جميل وانصحك بكثرة الاطلاع لزيادة ثقافتك الشعريه ولكي تكون رصيد مفردات تخدم قصائدك المستقبيله
هذا ما ارآه وقد اكون مصيب او مخطي
تحياتي لك ايها الشاعر

[ابوفهد502]

صح بدنك ولاهنت واطراء جميل واقدره ووسام على صدري

[السنافي1111]

يامرحبا بشاعرنا
كلام ابو ياسر ماعليه زياده عزالله عطاك الراي اللي مابعده راي
وكفى ووفى عسى عمره طويل
وخلك حسب ماقال لك يابو فهد
وانت شاعر مافيها كلام ولست مبتدئ تقول الشعر من فتره لكن يتضح انك متردد
من متابعينك يابو فهد

[ابوفهد502]

تبقى يالسنافي وكلامك وسام على صدري ومن ناحية متردد فأن متردد وبقوه لاني في مجتمع يحطمك اذا ماكنت صحيح وحتى لو كنت صحيح شاعر من الشعار اللي اعرفهم عرضت عليه هذه القصيده وغيرها من قصايد فكان رده بالله هذا شعر وراعين جمعولهم كلمتين وزبط القافيه وقال انا شاعر وانا والله ماقلت له اني شاعر بس عرضتها عليه اريد رايه وكان رايه بالاستحقار والتحطيم عشان كذا جنبت اعطاء قصايدي وتقيمها لغير هذا المنتدى لما فيه من احترام ونقد بنا وجميل وبأسلوب اجمل واستفدت كثير من هذا المنتدى

وشكرا،،،