ابي اعلق الكفر على الشنطة و وين يركبونه ؟؟؟؟

[ابوروان]

الله يعطيكم العافية
الموضوع ان الإستبنة عندي نازلة تحت زيادة وابي اعلقها على الشنطة وش الحل انصحوني ؟؟؟؟
اللــه لا يهيــــنكــم ابركب محله تانكي ****

[البارز]

السلام

مادري وش الاسباب التي تجبرك على نقل الاستبنه
اذا كان تركيب تانكي ليش مايكون جنب السيارة من الجهتين
وذا مجبر رح لتشلايح حاير اذا انت من اهل الرياض
هذا الي عندي والله يعينك

[ابوروان]

اشكرك اخوي البارز على المرور
انا طلعت البر والاحظ ان الإستبنة تحك في بعض الأحيان في حجر وفي طلعة صعبة ضاق صدري وودي اشيلها"""
وهل في حاير يركبونها؟؟
وبيني وبينكم شكل الكفر تعليق أفضل من تحت يعطي السيارة منظر.
وهل هناك سلبات للي مركب الإستبنه تعليق؟؟؟

[تــــوني]

أبو روان مساك الله بالخير

تلقى القاعدة بالكامل عند محل في صناعية النسيم اسمة الجمعان على طريق المية تلقاها كاملة جاهزة بقيمة 550 أو500 ريال سعودي لا غير

وين ياعم قاعد اكتب شيك (ماعندي سالفة )

الوصف مخرج 15 اتجه منه شرق وابتل وغني يا ليل ما اطولك لين تجيك الصناعية على اليمين ...بينها وبين مقبرة شرق الرياض الظاهر اشارتين أو ثلاث وهم يركبونها لك كنها وكالة إلا شوي
وبالتوفيق....