تانكي الماء بالقصيم

[البحر1399]

السلام عليكم

ممكن نستفيد منكم لاهنتوا

ابي محل يفصل تانكي للماء للباترول بالقصيم

ووش الأفضل فيبر او حديد او ستيل او ألمونيوم


الخبرة يالربع

[sloom0555]

حياك الله عزيزي بالنسبه لتانكي الماء فيه محل انا مفصل عنده ( عند مدينه التمور ) يفتح المحل شرق طبعا في محلات حدادة كثيره مرهم كلهم

الشي الثاني نوعه
راي شخصي

الاول ستيل . الامنيوم , فيبر , حديد

[ابوصالح77]

حياك الله عزيزي بالنسبه لتانكي الماء فيه محل انا مفصل عنده ( عند مدينه التمور ) يفتح المحل شرق طبعا في محلات حدادة كثيره مرهم كلهم

الشي الثاني نوعه
راي شخصي

الاول ستيل . الامنيوم , فيبر , حديد

👍👍👍👍
وكذلك عندك السنيدي وعروق الشمال والمبارك للوازم الرحلات
والسيف للرديرات

[البحر1399]

يعطيكم العافيه وماقصرتوا

[أبوصالح9]

وشوله تفصل وخساير اذا موترك باترول باب واحد خذ تانكي فيبر اللي يجي سدح بالشنطة ورص فوقه انواع العفوش عندك نوعين -- الوطني -- والوادي -- وانا عندي الوطني له اكثر من خمس سنين وماشاء الله احلى كلام - لا طعم ولا ريحة وعندي من العزب اللي حاطهن فوقه الى ابو دليم -- ابو دليم يعني واجد ههههههههه-

هذا غير المطامر والعزب معي بعد

الاستيل زين بس ثقيل بالحيل على الموتر - والالمنيوم ممتاز بشرط ان اللحام يكون غير مخلوط بحديد بس يبقى ايضا ثقيل مقارنة بالفيبر اما التانكي الحديد لو يجيك ببلاش لاتاخذه - كله صصصصصصصدأأأأأأ

اذا تبي الترتيب المفضل عندي

1- فيبر

2- المنيوم بالشرط السابق

3- استيل

4- امراض

موفق خير

[الكعمي]

روح للمصنع بالقصيم تلقى اشكال والوان وارخص من السنيدي

وعروق الشمال بس يحتاج تفصل تلبيسه

[سوبر VTC]

اذا تبي رخيص عندك الفيبر حق الوطني



اما الالمنيوم انصحك به خفيف و وذف
شغل نظيف بالقواطع و صب اللحام تقل وكاله
لا تعدا ورشة السيف / الشارع التجاري

[(هزاع)]

الوطني وبس
المعادن لاتظمن الصدى وجسامنا ذبحتها الكيماويات ناقصه الصدى
عندي الوطنيه والمهابد واجد وله قطعة سنين معي مامثله ابد
95 لتر 220 ريال
واول ماتشريه افرغ به ثلاث اكياس ملح ابو ريال
وصب به ربعه ماء وخله بالموتر يومين يخضه
ثم خذ خزان مامثله ابد
لاصدى ولاريحه ومتين

[دواك عندي]

اذا تبي رخيص عندك الفيبر حق الوطني



اما الالمنيوم انصحك به خفيف و وذف
شغل نظيف بالقواطع و صب اللحام تقل وكاله
لا تعدا ورشة السيف / الشارع التجاري

اخوي سوبر فتك بكل امانه ايهم احسن شغل لتانكي الألمنيوم
ورسة السيف ولا عروق الشمال؟
وين موقع ورشة السيف؟

[دواك عندي]

وكم رقم التلفون حقهم؟

[سفاري سوبر]

يالربع وين القى تانكي الوطنيه الفايبر

ياليت تخدموني

[الشاص منوتي]

السلام عليكم
هااام يالربع ردو لي سرييع وين القى التانكي الوطني ببريدة
يعطيكم العافية

[علي ابن]

تانكي الوطني أحيانا يعطي نكهة ..
ولم أجربه لكن حسب تجربة بعض الزملاء ..

وعندك ورشة السيف الشارع التجاري تفصل المونيوم
وعندك ورشة الرحيلي بطريقة عنيزة مقابل مدينة التمور ببريدة
واذا تبي احد يشتغل على كيفيك الرحيلي ممتاز

[المتلولس]

تانكي المنيوم ١٠٠ لتر من السنيدي مع التلبيسه ب٦٣٠ ريال