المساعد الشخصي الرقمي

مشاهدة النسخة كاملة : تركيب كيمرات لسيارة


nayf01
18/07/2014, 12:30 AM
بسم الله الرحمن الرحيم
مبارك عليكم دخول عشر العتق من النار اعاذنا الله واياكم من النار
احبتي الغالين ودي اركب كمرات خلفيه لسيارتي عشان لا عشقت ريوس اشوف اللي خلفي
وين اجدها من يركبها
شاكر لكم تجاوبكم ونصحكم لااخيكم (حضرتي)
فارس العمور
18/07/2014, 03:51 AM
عند محلات الزينه اشكال وانواع
المميـز
18/07/2014, 07:49 AM
:

محلات الزينه عندهم انواع واشكال
فيه شي لازم يكون عندك شاشه تدعم الكاميرا
واذا ماعندك شاشه فيه شاشات مخصصه للكاميرا يثبتها لك بالمكان اللي تبي بالطبلون او غيره
فيه كاميرات شاشتها بالمرايه الوسطيه طبعا يغيرها لك
وارخص شي اذا كان عندك شاشه من اول وتدعم الكاميرا
تطلع عليك بحدود ٢٠٠ - ٢٥٠ ريال تقريبا
:
التعـ King ـديل
18/07/2014, 01:58 PM
اذا انت من اهل الرياض

تروح للغرابي الوصف كالتالي : وانت جاي من البريد اول اشاره بوش على يسارك تروح يمين مع الاشاره اول اشاره تجيك تلاقي شارع الغرابي قدامك طبعا مالك الا تروح يمين للبطحاء او يسار لسوق الغرابي تروح يسار بالماريه بتلاقي الحوشان يسارك بالزاويه تروح يسار وتخليه يمينك اول شارع يمين اخر محل بثاني عماره اسمه الغرابي بالماريه مقابله محل الرياض كول للاستكرات يسار والمحل اللي اقولك يمين اسأل عن صادق رجال نصوح وفاهم وامين
مسير عليكم
18/07/2014, 04:54 PM
وعندك مركز احد كويس بس حار في الدراهم
nayf01
20/07/2014, 10:22 PM
مركز احد وينه؟
nayf01
20/07/2014, 10:23 PM
بيض الله وجيهكم ياشباب ماقصرتم ومادام فيه شاشة ولابد منها ودي اركب شاشة جي بي اس
ولاادري تدعم الكيمرة والا لا اللي يعرف يخبرنا جزاكم الله خير
ابونبيل
21/07/2014, 09:59 AM
فيه شاشه صينيه رود ماستر تدعم الكامرا والجي بي اس لكن الظاهر انها درجات فيه شي مضبوط وفيه شي ماش واحد من الربع مركبها والي معه شكلها سيئه تتغير المقاطع بالحالها اذا دخلنا البر وواحد مركبه على كامري واموره تمام اسأل عن الشي المضبوط والله يوفقك
nayf01
21/07/2014, 02:59 PM
بيض الله وجهك ياخي الكريم
وخوفي من الصيني الغير جيد
والتمنى من اخواني اعضاء المنتدى يفيدوننا عن الجيد
الصقرالعربي
21/07/2014, 06:21 PM
السوق مليان اهم شي طريقة التركيب تكون صحيحة وبدون زيادة اسلاك وتشويه للسيارة
nayf01
22/07/2014, 11:20 PM
هذ اللي مخوفني ؟
وين القاء النصيح واللي شغلة تمام
يالبى الهلا
22/07/2014, 11:31 PM
انتبه في شاشات إماراتية بالسوق اذا تعطلت ماتصلح ليس لها قطع بالسوق ولايمكن توليف لها قطع لاصلاحها من نوع اذا خرب ارميةيستورنها بالرخيص وطبيعتها بسعر الشاشة الأصلي و الأفضل خذ ضمان محلي لها فروع بالسعودية وتصلح اشرط علية شرط الوكيل الشاشة بالسعودية حتى اذاتعلطت تصلحها ولاترميها
أبوعذااب707
23/07/2014, 02:44 AM
اذا ما تبي شاشه وعوار راس
في نوع يجي في المرايه الي بالنص ونوع شاشه تركب بدال الشماسيه
مسير عليكم
26/07/2014, 04:36 AM
بشر ركبت ولالا
nayf01
05/08/2014, 05:01 PM
والله ياربع ماركبت
قدر الله وحصل عطل في قير الموتر وانا واقف في الاشارة
ودوبي مطلعة من الورشة والتحين الفرصة
وودي ابحث عن الذين ذكرتوها لي لاحقاً واذا فيه شي معروف او مضمون لاتبخلون علينا