يالاجاويد دلوني على افضل مركز فحص بالشرقيه

[حبل الوريد]

السلام عليكم ورحمة الله
عنوان الموضوع يدل على غايتي يالاكارم
انا تقريباً شبه شريت شاص من الشرقيه وابقابل الرجال وافحص انا وياه الموتر
لكن ابي مركز فحص ممتاز زي البريدي وكارتك عندنا للبدي والمحركات وضعط البستم وباقي هالامور ؟

[خط الجبيل]

اللي اقدر افيدك فيه ابعد عن محلات الفحص اللي بالمعارض

[صمّّان]

عندك سهم ب٢٠٠ .. بس اهم شي افحص بنفسك انت واذا ماتعرف جب واحد خبير لو شريطي يفحص بنفسه

[كم كيلو باقي]

الله يكتب لك الخير
استخر
ركز على الشغلات التالية
لو كل شغلة تسويها بمكان
المكينة والقير والدفرنس .. جربهن واسمع صوته وحاول تلاحظ اي صوت غريب أو مشكلة بتعشيقات القير
البدي مر محلات السمكرة اعتقد يقدرون يفحصونه لك او استأجر الجهاز من اي شريطي ب 50
وحاول تشوف المسافات بين الرفرف الامامي والباب وبين الرفرف والكبوت وتشوف اذا فيه اختلاف مثلا المسافة ضيقة من فوق ووسيعه شوي من تحت معناها متعرض لصدمه وما انوزن زين
العضلات وهي مهمة جدا مثل المساعدات والمقصات وبطن الموتر حاول تاكل فيه مطب او مطبين وامش على عيون القطط واسمع اذا فيه قرقعه او شي
اهم شي اهم شي اهم شي
انزل تحت الموتر وافحص الصدا بعينك وتأكد ان الشاصي غير مرشوش لأخفاء الصدا
تاكد من الصوف اللي بمقدمة المكينة وباخر المكينة هل فيها تهريب او لا
حرك عامود الكردان بيدك شف فيه فضاوة او لا
واجزم وتوكل على الله حتى لو حصلت بعض العيوب -كل شي يتصلح- ترا النظيف اللي تثق براعيه وترتاح له نادر

[التعـ King ـديل]

انا من الرياض ولكن سالت لك عن مركز فحص بالدمام

قالي رجال شروا من عندي عن مركز سهم محله عقب محطه المعارض يجي صراف بنك الرياض رح يمين عقب الصراف وامش لين تجيك محلات فحص كمبيوتر تلاقي محل سهم