اين طريق المدينه من الرياض ؟

[مغرم مقناص]

السلام عليكم ورحمة الله وبركاته

اولا مبارك عليكم ماتبقى من الشهر الفضيل

شباب النيه ان شاء الله شد الرحال الى مدينة المصطفى صلى الله عليه وسلم برفقة العائله

في العيد باّذن الله تعالى والاقامه بها ومن ثم الاتجاه الى الطائف ان شاء الله

فأتمنى من الله ان تعينوني على وصف طريق القصيم من اين يخرج من الرياض الى المدينه

ومن المدينه الى الطائف

ويكون وصف دقيق بالاضافه الى اعطائي معلومات عن محطات الوقود على الطريق

لأنه يقال لي انها قليله

فجزاكم الله خيرا وتقبل منا ومنكم صيام هذا الشهر واعاننا على ماتبقى منه

وأسئل الله عز وجل ان يعتق رقابنا واياكم من النار

[nayf01]

من الرياض امسك طريق الملك فهد اللي يجي من عند سوق عتيقه واتجه شمال وتمر بمركز الملك عبدالله المالي الابراج الكثيره اللي شمال الرياض وشمال من الدايري الشمالي وحط رجلك وانتبه لساهر لايصيدك والطريق يمر ابريده ومن بعد بريده عبي بنزين ترا المحطات شحيحة وبعيده عن بع

[nayf01]

بعض واذا جيت في المدينه وخلصت تبي تطلع مع طريق الهجرة من المدينه جنوب وويوديك الطريق الى مكة ومنها الى الطائف

[مغرم مقناص]

جزاك الله خيرا


اسمح لي اخي العزيز

انا لا اعرف سوق عتيقه

انا بكون داخل الرياض من المنطقه الشرقيه واعرف الطريق الذي يدخل الرياض من جهة الشرق ويكون

استاذ الملك فهد على يميني وانا متجه للغرب يرجى التوضيح من هذه النقطه

والسؤال الثاني

هل علي اني ان امر مكه

يعني لايوجد طريق من المدينه الى الطائف مباشره بدون المرور بمكه حفظها الله

[فورد ماركيز]

https://www.google.com.sa/maps/search/0112793611/@24.8033924,45.0128221,7z?hl=ar

[فورد ماركيز]

وانت داخل الرياض من الدمام يكون استاد الملك فهد على يسارك

كبر الخارطة اللى فوق ويبان لك الخطوط

نمشى على طول يجيك مفرق المطار والخرج تعداه يجيك مخرج 7 عثمان ابن عفان رضى الله عنه تعداه
يجيك مخرج ابو بكر الصديق رضى الله عنه رقم 6 تعداه
يجيك مخرج الملك عبدالعزيز رقم 5 تعداه
بده يجيك مخرج القصيم المدينة على اليمين وتخرج من الرياض الى القصيم واسمه طريق الملك فهد
وهو نفس الخط يدخل القصيم ويروح المديننه


تابع الخارطة اللى فوق

[شقران نجد]

الوصف واضح اخي الحبيب وانت جاي من الشرقيه اترك الاستاد على يدك اليسار وانت متجه غرباّ استمر حتى تتقاطع مع مخرج خالد ابن الوليد رضي الله عنه استمر غرباّ يجيك بعده مخرج 8 استمر ومن ثم 7 طريق عثمان بن عفان رضي الله عنه استمر ثم مخرج 6 ثم مخرج 5 وبتلاقي كارفور واضح على مخرج 5 استمر غرباَ بنفس طريقك بعده بأقل من كيلو بيجيك مخرج 4 طريق القصيم -سدير - المدينه انعطف انعطاف كامل لليمين وتوكل على الله مسافة حوالي 350 كم شمالاَ ومن ثم تحاذي مدينه بريده وعنيزه دون الدخول فيهم تزود بالبنزين من هناك وأكمل المسير على بركة الله الى مدينة رسول الله ولا تنسانا من الدعاء ,,,,,

اما الطريق من المدينه الى الطائف هناك طريقين القديم ولا زم تدخل مكه والجديد لازم تدخل جده ومن ثم تحاذي مكه على الدائري ولا تدخله الى وسط البلد ولكن لازم تشطفها وهو في طريقك من جده الى مكه قبل دخول مكه تاخذ الطريق من عند مستشفى النور وهو الدائري حق مكه وبذلك تفتك من اختناقات مكه وزحامها

اخوك
شقران

[مغرم مقناص]

فورد

شقران نجد

بيض الله وجيهكم ونفع الله بكم واسئل الله لي ولكم العتق من النار في هذا الشهر الكريم