ياهل الثلاجات بالله تعالو !

[قلم جريئ]

السلام عليكم اخواني المكشاتيه
البارح وانا بالرياض مرافق مع مريض الاكيد الدكتور كتب له علاجاته ويوم جيت اصرفه له شدد علي الصيدلي انها لازم تكون بثلاجه والشي المحزن اننا راجعين للديره اللي تبعد حول 1000 كيلو وقلت مابدهاش وعلي طول واروح للعليان اللي بالخريص واشتري براده صغيره صينيه 270ريال
الاكيد هالثلاجه تشتغل وتطفي والله اتعبتن بالطريق وانا شاك من السلك اي حركه تطفي
المراد علاجات الرجال شريت له حافظه وحطيت بها ثلج
لكن الثلاجه عجزت عنها ابي مشورتكم يالاجواد هل الكيبل حقها له بديل او اقدر اولف له سلك ثاني
وتقبلو شكري وتقديري

[كم كيلو باقي]

يمدحون ثلاجة اسمها ثلاجة الطمره
انا ماجربتها بس مشهورة
لعلك تبحث عنها وتستفيد اكثر

[المميـز]

:

الله يشفي مريضكم ويجيركم على عملكم
جرب غير الكيبل وتأكد من ولاعة السياره

:

[يالبى الهلا]

تأكد من الأسلاك. إذا بها قطع توصل بشرطون كهرباء.
وتأكد من كمية الأمبير لتشغيل الثلاجة بورقة لاصقة بالخلف لأن اذا كان الامبير ضعيف مايشغل الكمبروسور
لابد من امبيررررر قوي

[مجالس الرجال]

انت شاري ثلاجة بمروحة تبريد يعني بدون كمبروسر
وهاذي ماتنفع وخسارة عليه عشر ريال
خذ الويكو ١٨ لتر كمبروسر دانفوس تثليج وتبريد

[يالبى الهلا]

الرجال شراء وخلص يبي حلول للثلاجة
حرام يخسر مرتينويرميها ويشتري جديد

[أبوصالح9]

طيب شف يمكن الثلاجة فيها فاصل اوتوماتيكي يعني اذا وصلت درجة معينه من البرودة تفصل من حالها يعني يمكن ثلاجتك مافيها شي - انت اعرض ثلاجتك على فني وشف وش يقولك

[قلم جريئ]

الشكر كل الشكر لكم اخواني المكشاتيه الله يرحم والديكم
شكوركم كل خير وبركه ولكن اميل مع شور اخوي ابو صالح9 اسئل الله العظيم رب العرش العظيم ان لايريكم مكروه

[KHARJAWI]

لا اعلم والله

[الشيخ الظريف]

لاتتعب نفسك وتخسر زياده اعطاك مجالس الرجال زبدة الموضوع اللي انت شاري نوع من الأنواع الانواع الفاشله لا يوجدبها كمبروسور ولذلك ماتنفع عن تجربه اشتريت باركو ووجدتها لا تبرد الابعد ساعات بروده ضعيفه جدا وتستهلك كهرباء٠تنفع في حالة واحده عندما تضع الشيء البارد قد تحافظ على برودته

[سقم المعادي 1]

الله يجزاك الجنه ولا يحرمك الاجر على مرافقتك للمريض اسأل الله ان يشفيه ويشفي والدي و مرضى المسلمين اجمعين
العلم وانا اخوك ثلاجات العليان ماتنفع كبهن عنك مروحه بس بدون كمبرسر عليك بالطمره او ثلاجه الرمايه و ارشح لك الرمايه ارخص و لك وللزمن

[قلم جريئ]

اخوي سقم ١ الله يرحم والديك ويجزاك خير ويشرح صدرك واسئل الله العظيم رب العرش العظيم ان يشفي والدك
بكم ثلاجة الرمايه ؟

[سقم المعادي 1]

اخوي سقم ١ الله يرحم والديك ويجزاك خير ويشرح صدرك واسئل الله العظيم رب العرش العظيم ان يشفي والدك
بكم ثلاجة الرمايه ؟

الله يجزاك خير ويحرم وجهك و والديك عن النار
ثلاجات الرمايه مقاساتها واجد ماتحضرني الاسعار وانا اخوك بس بشكل عام هي ارخص من الويكو " الطمرة "

ادخل هالموضوع فيه مندوب الرمايه و يعطيك العلم كامل بإذن الله

http://www.mekshat.com/vb/showthread.php?t=611223&page=72

[سفير الجزيرة]

عندي ثلاجة الطمرة
لها الان مايقارب ٥ سنوات كد ومد

من احسن مايكون ماشاء الله تبارك الله

[التعـ King ـديل]

الله يشفي مريضكم ويجزاك خير على مرافقته

اذا كانت الثلاجه زي ماقالو الاخوان من النوع الرديئ ابشر بالعوض كانك من الرياض بثلاجه جديده من اختيارك وحسابها مدفوع

[مسير عليكم]

ثلاجتك عندي زيها مالها كمبروسر وتبرد من المكيف ماهي بشينه بس شف الاصبع الي عندك مايشبك صح ويلعب

[موادع 1]

الله يشفي مريضكم ويجزاك خير على مرافقته

اذا كانت الثلاجه زي ماقالو الاخوان من النوع الرديئ ابشر بالعوض كانك من الرياض بثلاجه جديده من اختيارك وحسابها مدفوع


كفو والله ياخوي هشام قول وفعل
والله ان الواحد يقشعر بدنه اذا قرا مثل هالردود
الله يبارك لك ويجزاك الفردوس ومن يقرا ووالدينا
ويتقبل منا ومنكم صالح الاعمال
فعلا هذا المكسب الحقيقي من مكشات
معرفه الرجاااااال تجاااااره

[قلم جريئ]

كنق التعديل كفو قول وفعل
الله يجزاك خير ويرحم والديك
ابشرك اموري بخير الله يكثر خيرك ويبارك لك بعيالك ومالك

[قلم جريئ]

الله يشفي مريضكم ويجزاك خير على مرافقته

اذا كانت الثلاجه زي ماقالو الاخوان من النوع الرديئ ابشر بالعوض كانك من الرياض بثلاجه جديده من اختيارك وحسابها مدفوع


كنق التعديل كفو قول وفعل
الله يجزاك خير ويرحم والديك
ابشرك اموري بخير الله يكثر خيرك ويبارك لك بعيالك ومالك

[(ابو عبدالله)]

السلام عليكم

انا نفس الشي احتاج ثلاجه صغيره تكون لرحلات والسفر ولا تأثر على البطارية للإبر حقة السكر
لان ثلاجة الدرج لازم يكون السيارة شغاله
وللجميع تحياتي