باثفاندر...(نيسان)...على كفرين o-o

[خـــالـــد &]

السلام عليكم

قام المبدع الامبراطور ... برفع جيب نيسان من طراز باثفاندر حديث المديل

وكان ذلك نهار يوم الاربعاء الموافق 4\12\1423هــ ....

وهذه مجموعه من الصور....

http://www.freewebz.com/khalid9988/r5.jpg
http://www.freewebz.com/khalid9988/r1.jpg
http://www.freewebz.com/khalid9988/r6.jpg
http://www.freewebz.com/khalid9988/r2.jpg
http://www.freewebz.com/khalid9988/r7.jpg
http://www.freewebz.com/khalid9988/r3.jpg
http://www.freewebz.com/khalid9988/r8.jpg
http://www.freewebz.com/khalid9988/r4.jpg


تحياتي....

[المرصاع]

في الحقيقة ماكان بودي أن أرد لولا مقولتك ((((((( المبدع ))))))))..........

فهل تسمي هذا إبداع .............

إن هذا عدم شكر النعمة وعدم المبالاة بالعواقب هذه حركات طائش ........

[راعي عنيزة]

الله لا يعطي الظالم عافيه

هذا لو دافع في الموتر ريال واحد ما قعد يفسده كذا

قولو امين
الله يخلف على ابيه الي يكد ويتعب عشان يحرقهن ذا السفيه

[راعي كيف]

وشبكم طرتو بالرجال
مالكل مجتهد نصيب وبعدين إدعولة بدال ماتشرهون علية لعل الله يهدية بدعوة من الدعوات الزينة
الرجال ربما حس إنة ناقص فحب يتميز ولاكن صار التميز بغير مكانة ؟؟ ليش؟؟؟؟؟؟؟؟؟؟؟؟؟
... لأن الجميع فينا يحب ينقد ويحب يعيب ووووو الخ .
فالشاهد ياخوان النصيحة والدعاء شي لا يمكن ان يتخيل الواح منا إذا وجة نصيحة حاصة إذا كانت ترمي بصلب الموضوع يعني بالي يواجهه الشاب او الشخص المعني لكي يستفيد الشخص وغيرة من الأخطاء ويرتدع الواحد منا بمجرد ان هذا الشخص يرى انة توجة الغ الأفضل المهم الرجو من الجميع عدم الأخذب بالشيئ إلا بعد الرؤية فية وتقصي اساس العيب والله يبعدنا عن العيب ويكفينا شر السوء واصحابة والله يصلح رفيقنا للخير والصلاح وعمل الخير وعقبال مايمشي دبابة على روس الأعداء اليهود ومن عاونهم .
والله يصلحة ويصلح الجميع
( الجميع يمر بفترة المراهقة فلا بد من مدارات هذة المرحلة والأخذ باليد على صالح مصلحة هذا الشخص )





هذا والله اعلم
وااسف على الإطاله
اخوكم المحب الناصح
ابو ناصر

[القماري]

أسمحوا لي بالمداخلة
ماقام به هذا الشخص ( ترفيع السيارة ) أعتقد أنه فن وإبداع وخبره (وبدون زعل )
كان السوفيتيين سابقا قبل حوالي 20 سنه يتفاخرون في العالم بأنهم يستطيعون السير بسيارة على كفرين بسيارات لادا السوفيتية وكانو يبهرون الناس بهذه الحركة ،وقبل كم سنة زارت محطة الـ BBC قطر وصورت هذه الرياضة وعرضتها في قناتها مع إندهاشهم بما يفعلة الشباب القطري بالسير على كفرين بسيارات باترول وغيرها . والسؤال هل كان السوفييت يمارسونها بالشارع وفي الأحياء السكنية وبسيارات جديدة ومكلفة ؟؟!!
بالطبع لا بل كانت سياراتهم رخيصة وقديمة وتمارس هذه الرياضة في ملاعب خاصة ومغلقة وكانت تقام بطولات وإستعراض .
ومثل ماتفضل أحد الشباب (راعي كيف ) بأن هؤلاء شباب في فترة مراهقة قد يعون أو لايعون المخاطر لكن لايجب علينا الشتم والقدح بل يجب التشجيع مع الإلتزام بالمبادئ والأخلاق والسلامة والتنبيه للجميع بأن تمارس هذه الرياضات في مناطق بعيده عن الأحياء وبعيد عن الأزعاج وعدم الأسراف في الأموال الخاصة والعامة وحماية الأنفس من العواقب .
وفق الله الجميع

[الخبير]

السلام عليكم جميعاً
الصراحة شدني الموضوع و شدتني المناقشة
طبيعي ان لكل واحد منا له وجة نظر خاصة فيه و علينا احترامها
و لكل مجتهد نصيب فمنا المخطئ و منا المصيب
مثل ما قريت في هذا الموضوع بعض الشباب يقولون هذا استهتار و سفاهه
و البعض الآخر يقول ان هذا ابداع
طيب إلي يقول هذا إبداع يقولها لان ما تشوف مثل المواهب هذي بشكل دائم و ما تظهر إلا في النادر!!!
انتم تشوفون في عروض العيد انهم يجيبون ناس من الخارج عندنا في الرياض و غيرها يسوون نفس الحركات هذي أو قريب منها و يجون الناس من كل حدب و صوب عشان يشوفون العروض هذي و كل و احد منا فاق خشته قدام العروض و يقول و الله ياهم فنانين ياهم يعرفون يتحكمون بالسيارة و ياهم و ياهم.
خلونا الان من العروض الخاصة هذي ، و تخيلوا معي الصورة هذي :
انت رجال قاعد تتمشى في احد الشوارع و قام راعي احد السيارات و نطل بالسيارة و قعد يمشي على كفرين ، اول ردة فعل لك وش تبي تكون؟؟؟؟
انا اعتقد انك تبي تقول لربعك شف شف مشى على كفرين يا هو سواق و الله ياهو قطع مسافة ولا انقلب و عدلها بدون أي مشاكل.
الان انت تبي تكون في حالة إنبهار ، لكن بعد ساعة تبي تقول ياهو مهبون انحين لو انه اتقلب على سيارة جنبة أو ما عرف يتحكم فيها و قعد يبي يوازن السيارة و حد له سيارة؟؟؟؟

صدقوني تبي تتحول وجة نظرك له 180 درجة ، فيبي يكون شئ من 2 إما ان تدعيله بالهداية او انك تقعد تلعنه .
في نظري ان الشخص هذا إلي مشى على كفرين لامنه عقل ، و تذكر وضعه السابق بعد سنوات يبي يقول يا إني خبل الحمد لله إلي خليت الخرابيط هذي.

[قناص بريدة]

الصراحه إبداع .... اي إبداع .. هذي تهلكة ....

الله يهديهم ..

[ابو شهقه]

انت يا المرصاع وراعي عنيزه ك.............


للمرة الثانية انتبه لألفاظك ، إما أن تلتزم بالنهج الذي يسير عليه مكشات ، أو ابحث عن مكان آخر

اعتبر هذا هو الانذار الثاني ، ولا يوجد ثالث

إدارة المنتدى

[هلي 2003خليجي]

أخوي خالد,,,,,,,

السلام عليكم ورحمة الله وبركاته....


هل هاذي في حب السلام في الرياض بجانب معهد تدريب حرس الحدود.....



وشكراً........

[عاشق النحم]

الهمااهدي شباب الأمه عامه

وأعضاء مكشات خاصه




بعدين اي أبدع ذا اللي تقول الله يهديك ابداع انه يروح للهاويه على رجليه؟!!!!!1

[خـــالـــد &]

هلالالالالالالالالالا شباب


لكل مجتهد نصيب :D







تحياتي..

[الشيك]

تصدقون عاد أول مره أعرف إن الباثفاندر من جد له شكل حلو :rolleyes: >> كلا على همه سرى
ماعلينا ماقصرت ياخالد ,, والله يعطيك العافيه والله تسلم أيدينك :D .
أما بالنسبه للرفع أذكر واحد من أخوياي يقولي :
" يارجال الحين كل واحد صار يرفع ,,, تعال شف الجيوب موقفه على كفرين في بريده :D "
واليوم بس تأكدت إن كلامه صحيح 100 % .

بس اللي قاهرني شي واحد اللي هو : كيف يرفعون :confused: .

[laith]

السلام عليكم..



للاسف الشديد نجد كثيرا من الناس يدرج التطعيس تحت قائمة التفحيط والعبث بالارواح والممتلكات..ولكن حقيقة مايدور في هذا الموقع ليست معلومات تطرح من اجل كشته"وناسه" وانما تبادل خبرات علميه وعمليه بين مشرفين واعضاء لهم يد طولى وباع طويل في خوض ومجابهة مجاهيل الصحاري وتقديم الجليل من الخدمات مقابل الاجر من الله سبحانه فجزاهم الله خيرا.

من وجهة نظري لااعتقد ان الانبهار بالشيء يعني الاعجاب به..ولكن ندرة حدوث هذا الفعل وغرابته ولدت الانبهار به وبفاعله.بدليل انك تمقت هذا الفعل بمجرد انتهاء الحدث.

اللهم اهد شباب المسلمين وردهم اليك ردا جميلا.

Laith

[Y&Y_4X4]

هذا والله اهدار للأرواح والاموال ماهوب شطارة .

الشطارة بعلوم الرجال وانتم احسن من يعرفها !!!!!!!!!!!!!!!!!1

[الأشـــهـــب]

اللهم اهد شباب المسلمين






شباب اهتمو با الاملاء