المساعد الشخصي الرقمي

مشاهدة النسخة كاملة : افك عامود الدبل أو اركب فرارات ؟


حلم واقعي
24/07/2014, 08:51 PM
السلام عليكم
حي الله كلن باسمه
بسألكم يا اهل الخبرة معاي باترول ربع 2007 وماني في حاجة الدبل وسمعت انهم يقولون الفرارات تريح الموتر ويقوي عزمه ومن هالكلام ونفس الشيء قالوه في فك العامود وانا الحين ودي اعرف الفرق بين فك العامود وتركيب الفرارات هل يختلف شيء ولا نفس النتيجة وهل فيه اضرار لو سويت احد الطريقتين ؟
وخبركم الفرق بالسعر بين الفرار وفك العامود وهذا الي خلاني استشيركم لاني اراوي على فك العامود ..

وسلامتكم
كبسولة2
24/07/2014, 08:57 PM
الافضل ركب فرارات برازيلية سعرها 500 ريال

افضل من فك العمود واذا ركبتها كنك فاك العمود اصﻻ

بس ميزتها اذا احتجت الدبل تشبك الفرار

اما اذا فكيت العمود واحتجت للدبل

يبغالك تنزل تحت السيارة وتركب وتشد الصواميل
Salamah.y
24/07/2014, 09:16 PM
عليكم السلام و رحمة الله


كما تفضل أخونا كبسولة
و الفرارات أفضل , و تنفع أكثر
لأنها تفصل الكفرات عن الكوس
و بالتالي الكرونه ما تدور طالما الفرار مفصول

ثم أن الفرارات , تشبكها بسهولة
لو لا سمح الله أحتجت الدبل بأي موقف من المواقف
حلم واقعي
24/07/2014, 09:24 PM
مشكورين يعني إذا فكيت العمود بتدور العكوس ؟
التعـ King ـديل
25/07/2014, 12:06 AM
اذا موترك نظيف ولا يشتكي من شي خله على ماهو عليه واذا فيه مشكله ركب فرار برازيلي الاسود
طير الطنايا
25/07/2014, 03:46 AM
امسي عليك وعلى اخونا الفاضل
كﻻم اخونا المشرف
في الصميم
حلم واقعي
25/07/2014, 03:49 AM
بيض الله وجيهكم عز الله ما قصرتوا
الوسم
25/07/2014, 03:55 AM
ما شاء الله عليك يا صاحب الموضوع
مشرفين يردون على موضوعك
ما شاء الله ما شاء الله
ولا تعدى شورهم نصيحة
شاق النفد
26/07/2014, 06:11 AM
حتى لو انك فكيت لعمود نفس وضعك ما يفرق شي
ان العكوس والكارونة بتدور مع المشي
اما الفرار مهمته يفصل العكوس وبتالي توقف عن الدوران هي و الكارونة
hz1oo
26/07/2014, 06:44 AM
ركب فرارات وريح عمرك ومنت خسران الربع عطوك العلم وزيادة
أبن المدينة
28/07/2014, 01:40 PM
حتى لو انك فكيت لعمود نفس وضعك ما يفرق شي
ان العكوس والكارونة بتدور مع المشي
اما الفرار مهمته يفصل العكوس وبتالي توقف عن الدوران هي و الكارونة

هذا الكلام السليم والصحيح فصل العمود لا يكفي لأن الكارونة تدور
لكن ركب فرار وريح راسك
sameer_1798
28/07/2014, 02:06 PM
مشكورين يعني إذا فكيت العمود بتدور العكوس ؟
نعم تدور وتدور الكرونه لكن بالفرارات ماتدور (العكوس / الكرونه / عمود دبل )
بدوي جنوبي
29/07/2014, 10:27 AM
يا جماعه
الفرار يفصل الهوب عن العكس
يعنى الفرار قلل 10 % من الحركه

ما تسوي الخسارة والصيانه للفرار