ورشة تفصل عزبه تحت الاسيات للمرتبه الخلفيه

[صاحب بوعبود]

السلام عليكم ورحمة الله وبركاته
نود من الاخوه ذكر اسماء الورش وارقامهم اذا امكن
الذين يقومون بتفصيل العزب تحت الاسيات الخلفيه للجيب الصالون
حيث انه تم مشاهدة مقطع فديو لهذه العزبه (ماشاءالله) على راعي الجيب شكلها وذف ومرتبه
نود من الاخوه الذين قاموا بهالفكره بالتفاعل و الافاده. الله يحزاكم خير

سائلين الله عز وجل ان يتقبل صيامنا وقيامنا وصالح اعمالنا.

[kshtat999]

وين الرابط يمكن نفيدك

[صاحب بوعبود]

http://youtu.be/s3MpZb4Tgss

[(هزاع)]

ماشاء الله
تجهيز وستغلال كامل للموتر
مخ نضيف
تبارك الله

[صاحب بوعبود]

عيدكم مبارك
وتقبل الله منا ومنكم صالح الاعمال

نرجو من الاخوه المشاركه والافاده عن هذا التجهيز
من حيث الورش التي تقوم بالتفصيل

[سفاري سوبر]

كل عام وانتم بخير
وعيدكم مبارك


ودي اعرف وين احصل التانكي الفيبر وطني ٩٥ لتر اللي يجي ورى المرتبه الخلفيه

[فتى الوادي]

السلام عليكم ورحمة الله وبركاته ...

كل عام وانتم بخير ومن العايدين ومن الفايزين وتقبل الله منا ومنكم صالح الاعمال .

بالنسبة للمقطع .... المراتب ليست شد بلد السيارة .. بل صمتت خصيصا لتتناسب مع الصندوق اسفلها ...
والسيارة سفاري باترول ..
واعتقد ان المرتبة غير مريحة بهذا الشكل ..
فإذا كان سيارتك جديدة فنصيحة لا تلعب فيها .,... أما إذا كان السيارة مخصصة للكشتات وللرحلات ولا يهمك راحة الراكب .. فخذ راحتك .... .

[ابو خالد 14]

وعليكم السلام ورحمة الله وبركاته
وكل عام وانتم بخير جميعا
اتوقع الفكره بسيطة وراح يسويها لك اي محل تنجيد (اذا كان مشتهي يشتغل !!)
هي عباره عن صندوق خشب وملبس ومركب له فصالات لفتح الابواب
بس اتوقع انها معدومة الراحة لو تلاحظ ان الاسفنج قليل جدا ...مجرد خشب وشوي اسفنج وقماش

ولا اخفيك ان الفكره حلوه وانها عاجبتني بس يبيلها تعديل بعد

[ابو خالد 14]

كل عام وانتم بخير
وعيدكم مبارك


ودي اعرف وين احصل التانكي الفيبر وطني 95 لتر اللي يجي ورى المرتبه الخلفيه

http://www.npco.com.sa//products/show/69/%D8%AE%D8%B2%D8%A7%D9%86-%D8%B3%D9%8A%D8%A7%D8%B1%D8%A9-95

هذا رابط خزانات الوطني وتلقى فيه الفروع وارقامها

[خالد التميمي]

السلام عليكم هذا الشغل تحصله عند مركز شمس بالرس

[صاحب بوعبود]

السلام عليكم ورحمة الله وبركاته
اشكر الاخوه الذين شاركونا برائهم وتفاعلهم مع الموضوع

فيه شخص شار علي يقول فصل ( صندوق العزبه )من عند الحدادين اقوى من الخشب
ثم ركب فوقه خشب واسفنج وتنجيده. المشكله وين الورشه الي فاهمه هذا الشغل وتريحك.

[سلطان الغانم]

للإخوة الي يدورون خزانات فيابر تحصلونها في محلات الكشته او محلات الصيد

[اهم-1]

فيه افضل من الشغل هذا وبكثير
عند ورشة ( الكراج السوري ) بالكويت
لكنه غالي
والشغل مضبوط بالحيل

[بدوي جنوبي]

كل عام وانتم بخير

[ابوضيف الله]

السلام عليكم ورحمة الله كل عام وانتم بخير ومن العايدين الفايزين بأذن الله
فكرة صندوق العزبة ممتازة لكن فيه شي وانا اشوف انها اهم نقطة مستوي الامان بها الصندوق
الراحة للراكب اتوقع لو الصندوق غطاة خشب راح يكون غير عملي لو ضرب له الواحد جرف او مطب قوي ممكن ينكسر اذا فيه احد جالس عليه لان مافيه دعامات له
الحديد مع المطبات الاغراض اللي فيه بتقرقع من قدور واباريق وغيره
اهم شي الامان تغافلنا عنه في هالصندوق مع اني معجب بفكرته جداً لكن وجهة نظري انه غير عملي مع الوقت

[صاحب بوعبود]

السلام عليكم ورحمة الله وبركاته
اشكر الاخوه على مشاركاتهم وابداء رأيهم
وكلام الاخوان صحيح من عدم الراحه لبد من تدبيل الاسفنج
حتى الان لزال البحث عن ورشه تفصل هذه العزبه

[أحمد أبوعلي]

ماعندنا في تبوك شغل تفصيل