ساعدوني: طلع اسمي بهجرة ابو نخله

[nadz]

السلام عليكم ورحمة الله وبركاته

:sكل عام وانتم بخير:s

الحمد لله كما ينبغي لجلال وجهه وعظيم سلطانه

اشكر كل من ساعدني في موضوعي الخاص باختيار هجر وقرى الرس الاقرب لمطار القصيم.
http://www.mekshat.com/vb/showthread.php?t=637497

طبعا هم اللي اختارو الهجرة على كيفهم، وطلع اسمي في هجرة ابو نخله التابعه لدخنه.
المشكله اني ما اعرف عنها شيء واول مره اسمع فيها:looney:

ساعدوني اذا تعرفون عنها اي شيء وخاصه:
1. هل فيها سكن للمعلمات؟
2. كم تبعد عن دخنه والرس؟
3. هل فيها اسواق ومن وين اهلها يشترون احتياجاتهم اليوميه؟

الله يجزاكم خير اذا ما عندكم معلومات على الاقل ادعولي ارجع لأهلي بالدمام:(

[مستبشر]

وعليكم السلام ورحمة الله وبركاته
وتقبل الله منا ومنكم صالح الأعمال
الله يوفقك يارب ويحفظك من كل شر ويعجل بنقلك إلى المنطقة الشرقية في أقرب مكان تحبين
والله يهدي رجال التعليم يحسنون اختيار التعيين للمعلمات ويراعون ظروف الغربة فيهم

[السامر2]

ماشاءالله مبروك التعيين وبالنسبةلابونخلةقرية صغيرة هادئةوتبعدعن دخنةبحدودالعشرين كيلوتقريباودخنةمتوفربها جميع الخدمات وتبعدابونخلةعن الرس قرابةالثمانين كيلوتقريباوالرس محافظةكبيرةوبهاجميع الخدمات واعتقدانه يوجد اكثرمن نقل معلمات من الرس لابونخلة
اتمنى لك التوفيق والنقل السريع للشرقية

[الصيادالمليح]

هذي صور من قوقل تبين لك موقعها و بعدها التقريبي

http://www.mekshat.com/pix/upload06/images/2014/07/mk141197_um nakhla111.jpg

و هذي لقطة جوية

http://www.mekshat.com/pix/upload06/images/2014/07/mk141197_abo nakhla111.jpg

و هذي لقطة مقربة للنطاق العمراني و اعتقد أن الاحتياجات المعيشية عن طريق محطة الوقود

http://www.mekshat.com/pix/upload06/images/2014/07/mk141197_abo nakhla1121.jpg


و الله يعينك و يعجل بنقلك لأقرب مدرسة من أهلك إن شاء الله

و يبعدك عن التدريس في أبو نِـكلة دي

[اهم-1]

الله يوفقنا واياك ويعينك
على العموم حاولي بعدة طرق للنقل لأهلك
١- ظروف خاصه
٢- استثناء من الوزير
٣- لم شمل
٤- اكمال دراسه
بالتوفيق

[الشيخ الظريف]

تستطيعين السكن في مدينة الرس والذهاب مع نقل المعلمات لهجرة ابو نخله والرجوع بزمن الذهاب اربعين دقيقه ومثلها للرجوع

[محرين باالخير]

ياخي الي متي هاالتخلف والهدرفي مقدرات البلد علي اشياء مالهااي مردود .
قريه مثل هذي وش الفايده منها خساير خدمات وبنيه تحتيه ومدارس ومراكزصحيه علي 40 شخص ولافيهااي مقومات للحيات حتي الماء يشترونه بوايتات ومثلهاكثيرمن القري والهجر .
ليش مايرحلون اهلها الي اقرب مركزحيوي ويستفيدون من الخدمات هناك بإقرب مدينه اومحافضه وبدل الملايين المهدره يعوضون عنها بتثمين مرضي
والله نسمع عن قري فيها مدارس بدون طلاب المعلمين والمعلمات يروحون كذاعلي الفاضي اوعدد طلاب مايستحق .
وجهة نظر لا اكثر..،،،،

[تميم2222]

هذذي من اسمها غلقه شكلها

[راعي الرود]

الف مبروك التعيين أهم شيء و باقي الأمور تتسهل و يفرجها رب العالمين
الهجرة في الجزء الجنوبي الغربي تقريباً عن الرس و تبعد عن الرس حوالي 85 كيلو حسب قياس الماب سورس
و هذا الدرب لها بالضبط :

http://im46.gulfup.com/WVTNYa.jpg

صورة أقرب :

http://im66.gulfup.com/dqknBx.jpg

[سعود 28]

الى الحين وانتي بالرس مانقلتي الله يسهل عليك
ابونخلة هجرة تبعد ثمانين عن الرس
وعشرين عن دخنة
فيها نقل من الرس
ما انصحك بالسكن لان مافيها
فيها بقالات وناس تعكس الطريق
فيها محطة
درست فيها زمان والله يعينك وينقلك لااهلك

[رسّام]

مبروك التعيين واللي يعينك على التردد

آنصح بالسكن بالرس لوجود سكن مناسب وخدمات متكامله والمسافه 80 كم تقطع ب40 دقيقة تقريباً

ونتمنى لك نقل لآهلك بأقرب وقت بآذن الله

[عدسة خالد]

مبروك التعيين
أنا من اللي يترددون يومياً - مدرستي بعد هجرة أبونخلة ب ٨ كم تقريباً
ودائما طريقي يمر من تلك الهجرة لأنه طريق واحد
وهي قرية صغيرة وممتازة جداً في عدد طلابها القليل وهناك تساهل وتعاون من ناحية الدوام

رأيي الشخصي السكن في الرس والذهاب مع نقل

[شهاب الظلام]

الله يعين بناتنا ويوفقهن .
أسأل الله أنه يوفقك بالنقل القريب لأهلك .

[nadz]

وعليكم السلام ورحمة الله وبركاته
وتقبل الله منا ومنكم صالح الأعمال
الله يوفقك يارب ويحفظك من كل شر ويعجل بنقلك إلى المنطقة الشرقية في أقرب مكان تحبين
والله يهدي رجال التعليم يحسنون اختيار التعيين للمعلمات ويراعون ظروف الغربة فيهم

الله يجزاك خير على هذي الدعوة الجميله ومرورك على موضوعي:)



ماشاءالله مبروك التعيين وبالنسبةلابونخلةقرية صغيرة هادئةوتبعدعن دخنةبحدودالعشرين كيلوتقريباودخنةمتوفربها جميع الخدمات وتبعدابونخلةعن الرس قرابةالثمانين كيلوتقريباوالرس محافظةكبيرةوبهاجميع الخدمات واعتقدانه يوجد اكثرمن نقل معلمات من الرس لابونخلة
اتمنى لك التوفيق والنقل السريع للشرقية

مشكور اخوي، وانا رحت مع اخوي للرس عشان اطابق وارفع مباشرتي قبل رمضان، وبصراحة حبيت هدوءها ومرينا على مجمعاتها وبعض محلاتها مره تهبل ما شاء الله.
بس الخوف من ابو نخله ومشوارها كل يوم:(، الله يعين

[nadz]

هذي صور من قوقل تبين لك موقعها و بعدها التقريبي

http://www.mekshat.com/pix/upload06/images/2014/07/mk141197_um nakhla111.jpg

و هذي لقطة جوية

http://www.mekshat.com/pix/upload06/images/2014/07/mk141197_abo nakhla111.jpg

و هذي لقطة مقربة للنطاق العمراني و اعتقد أن الاحتياجات المعيشية عن طريق محطة الوقود

http://www.mekshat.com/pix/upload06/images/2014/07/mk141197_abo nakhla1121.jpg


و الله يعينك و يعجل بنقلك لأقرب مدرسة من أهلك إن شاء الله

و يبعدك عن التدريس في أبو نِـكلة دي

ياااااويلي اش هذي؟ ما فيها احد:eek:!!!! يعني انا راح ادرس حق مين؟؟!!!!
الله يجزاك خير على الصور، عطيتني فكره عن الواقع اللي بروحله
بس معقوله احتياجاتهم من محطة البانزين:hot:!!
لا اله ألا أنت سبحانك أنى كنت من الظالمين

[nadz]

الله يوفقنا واياك ويعينك
على العموم حاولي بعدة طرق للنقل لأهلك
1- ظروف خاصه
2- استثناء من الوزير
3- لم شمل
4- اكمال دراسه
بالتوفيق

الله يجزاك خير على دعوتك، ان شاء الله اذا بدء الدوام ان شاء الله راح اشوف وش ممكن اسوي، انا افكر اخذ استثناء من الوزارة او ظروف خاصة. الله يعين ان شاء الله




تستطيعين السكن في مدينة الرس والذهاب مع نقل المعلمات لهجرة ابو نخله والرجوع بزمن الذهاب اربعين دقيقه ومثلها للرجوع


والله كنت افكر اسكن دخنه، بس مادام الرس 40 دقيقة اعتقد انها مو كثيره على الاقل الرس متوفر فيها كل شيء واقرب للمستشفيات والاسواق والمكاتب. بس لازم استشير اخوي واستخير قبل ما اسكن في الرس او دخنه.




ياخي الي متي هاالتخلف والهدرفي مقدرات البلد علي اشياء مالهااي مردود .
قريه مثل هذي وش الفايده منها خساير خدمات وبنيه تحتيه ومدارس ومراكزصحيه علي 40 شخص ولافيهااي مقومات للحيات حتي الماء يشترونه بوايتات ومثلهاكثيرمن القري والهجر .
ليش مايرحلون اهلها الي اقرب مركزحيوي ويستفيدون من الخدمات هناك بإقرب مدينه اومحافضه وبدل الملايين المهدره يعوضون عنها بتثمين مرضي
والله نسمع عن قري فيها مدارس بدون طلاب المعلمين والمعلمات يروحون كذاعلي الفاضي اوعدد طلاب مايستحق .
وجهة نظر لا اكثر..،،،،

مشكور اخوي على مرورك، وبصراحة وجهة نظرك احترمها واتفق معاك 100%


هذذي من اسمها غلقه شكلها

ربي يعين ان شاء الله، مشكور على مرورك:good2:

[nadz]

الف مبروك التعيين أهم شيء و باقي الأمور تتسهل و يفرجها رب العالمين
الهجرة في الجزء الجنوبي الغربي تقريباً عن الرس و تبعد عن الرس حوالي 85 كيلو حسب قياس الماب سورس
و هذا الدرب لها بالضبط :

http://im46.gulfup.com/WVTNYa.jpg

صورة أقرب :

http://im66.gulfup.com/dqknBx.jpg

الله يبارك فيك ويحقق لك كل ماتتمنى، راح استفيد من الخريطة عشان اعطيها اخوي عشان يعرف دربها :D

[nadz]

الى الحين وانتي بالرس مانقلتي الله يسهل عليك
ابونخلة هجرة تبعد ثمانين عن الرس
وعشرين عن دخنة
فيها نقل من الرس
ما انصحك بالسكن لان مافيها
فيها بقالات وناس تعكس الطريق
فيها محطة
درست فيها زمان والله يعينك وينقلك لااهلك

انا توني ما بديت الدوام، الموضوع القديم كنت اسال عن اقرب الهجر والقرى للرس:p
والحين اسال عن القريه اللي حطوني فيها "ابو نخله":D
كيف ناس تعكس الطريق؟ يعني الطريق لابونخله خطر؟
آمين الله يرجعني لاهلي وكل مغتربه ومغترب عن اهله



مبروك التعيين واللي يعينك على التردد

آنصح بالسكن بالرس لوجود سكن مناسب وخدمات متكامله والمسافه 80 كم تقطع ب40 دقيقة تقريباً

ونتمنى لك نقل لآهلك بأقرب وقت بآذن الله

الله يبارك فيك، آمين مشكور على مرورك، والحين بديت افكر بالسكن بالرس بدال دخنه بس لازم الاقي احد معي في النقل والسكن بالرس


مبروك التعيين
أنا من اللي يترددون يومياً - مدرستي بعد هجرة أبونخلة ب 8 كم تقريباً
ودائما طريقي يمر من تلك الهجرة لأنه طريق واحد
وهي قرية صغيرة وممتازة جداً في عدد طلابها القليل وهناك تساهل وتعاون من ناحية الدوام

رأيي الشخصي السكن في الرس والذهاب مع نقل

الله يجزاك خير، بغيت اسالك عن الطريق هو مسفلت او ترابي؟ وكيف يكون الطريق اذا كان مطر او فيه غبار؟ هل يكون خطر ولا لا؟


الله يعين بناتنا ويوفقهن .
أسأل الله أنه يوفقك بالنقل القريب لأهلك .

أمين الله يجزاك خير ويوفقك، مشكور على مرورك:good:

[مزن طيبة]

ان شاء الله امورك تمام دامك بالقصيم

[سعود 28]

ان شاء الله اذا داومتي وسكنتي بالرس تبي تنسين هم المدرسة والطريق
خصوصا الرس عروس نجد اهلها طيبين ومميزين ومنفتحين وأغلب المعلمات ساكنات فيه وبدون محرم
ويوجد افخم الشقق المفروشة مثل فيافي والخالدية وبودل ومايمزها كثرة المطاعم
ايضا النقل داخل الرس موجود ابوعشرة وبكثرة وبامكانك تتعرفين على زميلاتك وتستفيدين منهم وتسألينهم
يكفي الحارة اللي انا فيها ثلاث مجمعات سكنية وكلهم من خارج الرس ومبسوطين اللي متأهل واللي ماتزوج
انا وحدةمن قريباتي دوامها في سراة عبيدة في قحطان الجنوب لذلك احمدي ربك اذا شفتي غيرك بعيد ومنطقة نائية والله يوفقك

[دلهميز]

أتوقع تبي تنبسطين ان شاء الله على البساطة والاريحية وسلامة نفوس الطالبات

حتى يمكن يجيك نقل وترفضين ( لا تستغربين )

تجربة غنية وتغيير ممتع في حياتك ينتظرك ( فقط كوني وسيعة صدر وارييحية بالتعامل)

لا تشدي اعصابك ولا تاخذي الأمور الا ببساطة وسوف تكتشفين ان الواقع - ان شاء الله - احسن مما توقعتي واسهل مما استصعبتي

الطالبات والمديرة والمعلمات سيكونون مثل العائلة لكي

طبعا الدوام والجدول فيه مساحة كبيرة من المرونة والتساهل وهذا اجمل شيئ

ماعندهم تعقيدات المدن وصرامتهم ونفسياتهم بل الأمور تختلف في الهجر والقرى الصغيرة

انصحك تزورين المدرسة قبل الدوام وتتعرفين على المديرة والمعلمات وتستفسرين وين ساكنين بالرس حتى تسكني معهم او بجوارهم على الأقل وستتلقين نصائح مفيدة منهم

والزيارة للمدرسة قبل عودة الطالبات ستزيل الرهبة والتردد الذي عندك وستجعل الأمور عندك افضل بكثير فقط زوريهم وخلي الخشة عشرة سنت ابتسامة وطلاقة وجه لان البداية البشوشة لها اثر على المدى البعيد

دعواتي لك

[عزام الشمالي]

الله يوفقگ ويسهل امرگ

[قوافي ( أم نهار )]

حياك الله اختي الفاضله

اولاً الف مبروك عالتعيين ولو انه بعيد

ثاني شي :العام كان فيه اخت مثلك تعيينها جا على الحدود مع عُمان وكانت خايفه وشايله هم والاخوان ما قصرو معها عطوها كل المعلومات اللي تحتاجها وبعد فتره من الدوام هناك طمنتنا عليها بانها مرتاحه والواقع صار افضل مماكانت تتوقع بكثير والحمد لله ..

فلا يضيق صدرك يالغاليه هي خطوه وماجات عالكيف وبإذن الله الجاي افضل واحسن..

ادعو رب العالمين ان ييسر امرك ويسهل دربك وننتظر تطمنينا عليك بعد الدوام..

تحياتي وتقديري واحترامي لشخصكم الكريم

اختك

..قوافي..

[EE_Abdulelah]

الله يرزقك ويبارك لك ويكون في عونك ويسهل عليك ويكفيك شر الطرق

[وقاص]

ماشاء الله على البركة التعيين والله ييسر أمرك ، والمكان اللي تعيناي فيه ممتاز وكثير من معلمات الرس يتمنين لو كُنَّ فيه لقربه

موفقة

[ابومحمدالعامر]

أختي لاتشيلين هم أهل الرس حبيبين ومتعاونين جدا هذا مالاحظته لنفسي وأهل القصيم بصفة عامة فيهم بساطة وراحة في التعامل أنتي توكلي على الله ومثل ماقالوا اﻷخوان الحمد لله جت على القصيم وماجت في ديار الحدود الشمالية او في الجنوب ، وحاولي بقدر المستطاع تقديم إستثناء للنقل والله ييسر لك النقل عاجلا .