تفصيل كرفانه او غرفه

[faris001]

السلام عليكم ورحمة الله وبركاته

كل عام وانتم بخير وتقبل الله منا ومنكم صالح الاعمال

ارغب في تفصيل كرفانه او غرفه سحب متنقله
من 8-10 متر تقريبا" وبعرض 4 متر


احتاج مشورة كل واحد يمر بهالموضوع من خلال خبرته

وش افضل مكان للتفصيل خاصه بالدمام وضواحيها او بأي منطقه ووشهي المواصفات الزينه

سواء غرفه بالدكه تسحب من تحت
او غرفه والدكه تفتح من جنب
لو شرايح او صاج


اللي يملك الخبره لايبخل علينا وله منا كل الدعاء والشكر

انا من اهل الدمام

[Somebody]

مرحبا اخوي فارس ممكن افيدك ببعض الأشياء.....

بالنسبة لأماكن التفصيل عندك عريعرة في وادي العجمان واكيد تعرفها

فيه عشرات الورش ... وعينك ميزانك في كل شيء

بالنسبة للمقاس تأكد من شيئين قبل التفصيل :

1 - الأماكن اللي راح تستخدم الكرفانه فيها هل هي رمل او جلد
2 - السيارة اللي تسحب الكرفانه نوعها قوتها دبل الخ...


العرض المسموح به على الطرق 3.75 متر . فحاول ان تكون في هذا القياس
الطول بالنسبة لي أفضل 11 متر ...
الدكة لو جعلتها فوق الكرفانه افضل وارتب لك

التفصيل طبعا حسب رغبتك..
عندي كرفانه 6X3.5 مجلس 4X3.5 غرفة بها مطبخ وفيها باب لدورة مياة 1X1.30
اخر متر في الكرفانه من خلف فيه درج للدكة ويمر من فوق دورة المياة.

ملحوظة أي ورشة يقول لك صاحبها الأرضية خشب بلكاش لا تطيعه ابدا.. فصل ارضية حديد صفائح 2 ملي على الأقل
حاول يكون مقاس التيوبات 4X8 اللي تجي في شاص الكرفانه اضلع الأرضية
الرحى اخذ ألماني مقاس 110 اقل شيء
أطلب صبغ أسفل الكرفانه بــ اللون الأسود المطفي

أتمنى اني افدتك ولو بعض الشيء.