ابي اجهز سيارتي للبر ابي اعرف من الاخوه عن ورشه كويسه

[بندر سويلم]

راجعت مواضيع الاخوان ولقيته كله قديمه او انا عمه ما اشوف بخصوص
البطارية الاضافيه
ولمبات ...... الخ
وابي اخزان ( تانيكي ) ماء
عندي جيب فورد اكسبدشن 2001
ارشدوني يا اخوني

اخوكم من الرياض

[حفيد بن صعصعة]

ذئاب الصحراء

[بندر سويلم]

ذئاب الصحراء

اشكرك على مرورك بس احد جهزو سياراتهم عندهم تعرف اسعارهم
وعنوانهم جزاك الله خير

[الجوكر حسن]

وعليكم السلام
انا من اهل حائل التانكي الماء خذه من السنيدي جاهز المنيوم لك ولزمن ان شاء الله
لاكن ماادل شي برياض الي اعرفه يضبطون مواتر خاصه للبر محل عروق الشمال اذكره في بريده وعندك الاختيار في حائل وكلهم غالين
وفي محل في بريده اشوف صور في الانستقرام اعجبني شغلهم اذا تبي رقمه قلي ارسله لك في الخاص

[روح شمالي]

انصحك بورشة السوافي بالرياض
روح لواحد اسمه ابو نوره واذا ماحصلته اسأل عن ابوعبدالله
قولهم انا من طرف طلال البلوي من تبوك .

عندهم طلبك وماراح تندم معهم شغل مرتب ونظيف

[بندر سويلم]

اشكر الاخوه
الجوكر حسن
مشكور عالنصيحه بسالك التانكي الالمنيوم افضل من البلاستك الوطني
و
روح الشمال
مركز السوافي على كلام الشباب مايمدحونه ان قطعه مو اصليه

[روح شمالي]

اشكر الاخوه
الجوكر حسن
مشكور عالنصيحه بسالك التانكي الالمنيوم افضل من البلاستك الوطني
و
روح الشمال
مركز السوافي على كلام الشباب مايمدحونه ان قطعه مو اصليه

انت تاخذ كلام الشباب ولا تتأكد من المجربين؟
اذا تاخذ على كلام الشباب ترى السعودية مافيها احد يفيدك، روح اوروبا يضبطون لك السيارة

انا مركب عندهم تانكي بنزين، وضمان مدى الحياه
وشغلهم ابداع ومرتب وموزون ،،،

[مطر وسم]

ورشة الصبي يمدحونها كثير من كل النواحي يعتبر ارخص واحد وافضل قطع ومعامله ممتازه موقعهم للي مايعرف - الرياض حي الربوه غرب شمال سوق المجد

تحياتي لكم

[هااوي المكشات]

السلام عليكم وكل عام وانت بخير اخوي بندر

انا مجهز سيارتي عند الصبي قبل العيد وصراحة شغلهم جداً جداً ممتاز ومرتب

وبالنسبه لتانكي الماء انا مفصلة عند المواهب وله معي تقريباً سنه ولا تغيير طعم المويه ولا لونها

وهذا رقمي بعد اذن الادارة 0546666484 اذا بغيت اي خدمه او استفسار دق علي لاني ما ادخل النت كثير

[الجوكر حسن]

اشكر الاخوه
الجوكر حسن
مشكور عالنصيحه بسالك التانكي الالمنيوم افضل من البلاستك الوطني
و
روح الشمال
مركز السوافي على كلام الشباب مايمدحونه ان قطعه مو اصليه


الالمنيوم تراه غالي مجربه انا مادامه انه غالي اكيد بيصير احسن والبلاستك الوطني مدري ماجربته رخيص وخفيف انصحك في الالمنيوم انا شاريه من السنيدي جاهز 100 لتر ومعه تلبيسه ومعي الان سنتين ماشاء الله خذيته 630 ريال الظاهر والوطني تلقى قيمته يمكن 350 ريال الله اعلم
وباقي الاخوان ساعدونك جزاهم الله خيررر

[Mohammed5d]

ورشة الصبي شغل ممتاز ومخفي صح ان فيه الغلا بس يستاهل شغله مرتب
جهزت فورتشنر كلفني فوق ٢٣٠٠

[ابو خالد 111]

بخصوص التانكي خذ لك من السنيدي مثل ما ذكر اخوي الفاضل

بخصوص البطاريه الاضافيه من لمبات واسلاك ثلاجه وكنود ولمبات جانبيه ......الخ

عندك المنديل بمخرج 16 انا مركب عنده وسعره اقل من سوافي بكثير ورجال نصوح ومحترم بالتعامل

واذا بغيت الوصف او الجوال كلمني خاص وابشر

[الصخرة]

خزان الماء الوطني ممتاز ولا يتغير طعم الماء من تجربه وخفيف ورخيص ....

البطارية الأضافيه واللمبات حسب تجربه ورشة الصبي شغل لا يعلى عليه وميزتهم أنهم ينفذون طلباتك بدون أسئلة وين تبي تمدد وين تحط اللمبات أي شيء تبيه ...حتى الأضافات المستقبلية تجيهم ويعدلون عليها ...

[بندر سويلم]

روح شمالي
مشكور على نصيحتك
بس لا تعصب بعض الاخوه مجربين عنده وما مدخوه
بعد خشمي خشمك

عاشق ام سيلان
مشكور على مرورك

هاوي الكشات
مشكور على مرورك
بس ليتك تنزل لنا صور بتجهيزات على سيارتك
يعني سو لك موضع وارفق معه صور والله يا خوك تفيدنا

الجوكر حسن
الله يسلمك وين احصل الوطني ابي اشوفه
مشكور على طلتك


Mohammed5d
حبيبي مشكور على مرورك
بس ياليت تقول لنا وش الاضافات على المبروك

ابو خالد 111
الله يسلمك
المنديل انت مجربه
اذا مجربه ياليت تقول وش سويت عندهم

الصخره
مشكور على مرورك
وين اصل الخزان الوطني وكم سعره
الصبي انت جهزت عندهم وش الاضافات اللي سويت عنده

[بندر سويلم]

يالربع الموضع مهم لي ولغيري ترى كل الموضعي عن تجهيز الموتر
قديمه
واشكر كل مشاركين

[الجوكر حسن]

ابي امر اليوم الاختيار بشوف كم قيمته الوطني واصوره لك وارد لك

[بندر سويلم]

مشكور اخوي الجوكر حسن
هم وين مكانه بروح اشوفهم

[جول قميري]

انا اشتغلت موتري عندي الصبى برمضان كمل ثلاث سنوات ولله الحمد ما اشتكيت من اي شي
شغلهم ممتاز جدا و يشهد الله اني مالي اي صلة قرابه ولا معرفه الا اني ضبطت موتري عنده..

وخزان الماء ارشح لك الالومينيوم مايطعم بالماء و قوي.

[Mohammed5d]

طال عمرك الاضافات بطاريه اضافيه ومحول كهرب مع فيشين ولمبه واحده في الكبوت ولمبتين في الشنطه ولمبه مع تمديد حنفيه للتانكي ومنظى رفيق الدرب للبطاريه وطبق حديد وقاعده مع مجرى للثلاجة

[بندر سويلم]

جول قميري جزاك الله خير

Mohammed5d

الله يبارك لك به

[الجوكر حسن]

جيتهم اليوم وهذي الصور تانكي الماء الوطني المشكله 55 لتر 270 ريال غالي ياخي و اخر نوع عندهم يقول خلصن المكان حائل محل الاختيار


http://up.m0dy.net/2014/m0dy.net-14073634851.jpg (http://up.m0dy.net/)


http://up.m0dy.net/2014/m0dy.net-14073638331.jpg (http://up.m0dy.net/)

[القلب المحروم]

اين تقع ورشة المنديل

واين تقع ورشة الصبي

بروح لهم انا جديد على هالشغلات
وش تنصحونن به

[هجروس]

تجهيز سيارات البر لاتتعدى ورشة المنديل في الرياض مخرج 16 وراح تدعيلي بإذن الله .
وان بغيت شي هذا رقمي0555676830

[بندر سويلم]

الجوكر حسن
فديت خشمك
ومشكورين الاخوه المارين

بخصوص التانكي ركبة الوطني
حق هايلكس ١٠٥ لتر وضبط
من كشته ٣١٠ ريال

وجيت لصبي ولقيت ابوشهد ما شاء الله رجال نصوح بس والله زحمه
قلت له يومين واجيك السياره تاخذ يوم كامل

[سليم بن شداد]

سلام عليكم
ابي اجهز من الصدام الى الصدام جيب لاندكروزر93
المكان المدينة المنورة احسن روش او اقرب مكان
وشكرا

[batrol2002]

شباب وين احصل تانكي الوطني ١٤٥ لتر في الشرقية وكم سعره حالياً

[جول قميري]

اين تقع ورشة المنديل

واين تقع ورشة الصبي

بروح لهم انا جديد على هالشغلات
وش تنصحونن به

ورشة الصبى مخرج 15 وجهك غرب بعد ما تتعدى سوق المجد امسك الخدمة تجيك اشارة خذها يمين امش تقريبا 150 متر تجيك يمين بوابتهم بين مغسلة سيارات وتغيير زيت..

والشغلات على حسب حاجتك..

[الجوكر حسن]

الجوكر حسن
فديت خشمك
ومشكورين الاخوه المارين

بخصوص التانكي ركبة الوطني
حق هايلكس 105 لتر وضبط
من كشته 310 ريال

وجيت لصبي ولقيت ابوشهد ما شاء الله رجال نصوح بس والله زحمه
قلت له يومين واجيك السياره تاخذ يوم كامل



الله يوفقك

[ابو خالد 111]

المعذره يالغالي على التأخر بالرد لقلة دخولي النت

بخصوص ورشة المنديل بمخرج 16 وهذا رقمه بعد اذن الاداره / 0504472382

بخصوص ايضاً وش ركب لي كالاتي :

1- بطاريه اضافيه 90 امبير بضفيرتها

2- توصيل اسلاك الكنود

3- توصيل اسلاك للثلاجه

4- تركيب لي وقسام ( قاطع ) للتانكي بطريقه مخفيه وحلوه مع ( بزبوز )

5- تركيب عدد 2 لمبه 8 واط بالكبوت

6- تركيب عدد 2 لمبه 8 واط بالكتوف ( الجوانب )

7- تركيب عدد 1 لمبه 4 واط بالشنطه الباب الاخير

8- تركيب عدد 1 لمبه 4 واط لتانكي الماء مخفي باخر السياره تحت

9- تركيب محول كهرب بقوة 700 تحت مرتبة السائق بقواعد متماسكه

10 - تركيب عدد 2 فيش كهرب 220 واحد بالتكايه اللي بين الراكب والسائق
ووحده بالشنطه

ملاحظه / أقسم بالله ما اعرفه ولا تربطني فيه اي علاقه وليس لجلب الناس له .. فقط لاني جربت عنده وانسان خلوق وحقه علينا نظهر محاسنه
وصل الله وبارك

[ابو صالح 4]

السلام عليكم ورحمه الله وبركاته
تعرف شارع خالد ابن الوليد وانتجايه مع الدائري الشرقي اول اشاره على شارع خالد بتشوفه على يمناك اتمنى الوصف واضح تحياتي

[Mohammed5d]

المعذره يالغالي على التأخر بالرد لقلة دخولي النت

بخصوص ورشة المنديل بمخرج 16 وهذا رقمه بعد اذن الاداره / 0504472382

بخصوص ايضاً وش ركب لي كالاتي :

1- بطاريه اضافيه 90 امبير بضفيرتها

2- توصيل اسلاك الكنود

3- توصيل اسلاك للثلاجه

4- تركيب لي وقسام ( قاطع ) للتانكي بطريقه مخفيه وحلوه مع ( بزبوز )

5- تركيب عدد 2 لمبه 8 واط بالكبوت

6- تركيب عدد 2 لمبه 8 واط بالكتوف ( الجوانب )

7- تركيب عدد 1 لمبه 4 واط بالشنطه الباب الاخير

8- تركيب عدد 1 لمبه 4 واط لتانكي الماء مخفي باخر السياره تحت

9- تركيب محول كهرب بقوة 700 تحت مرتبة السائق بقواعد متماسكه

10 - تركيب عدد 2 فيش كهرب 220 واحد بالتكايه اللي بين الراكب والسائق
ووحده بالشنطه

ملاحظه / أقسم بالله ما اعرفه ولا تربطني فيه اي علاقه وليس لجلب الناس له .. فقط لاني جربت عنده وانسان خلوق وحقه علينا نظهر محاسنه
وصل الله وبارك

يمكن شغله زين مع اني ماجربته بس كثير يمدحونه
بس يحسسك انه يشتغل لك ببلاش يكلمك من طرف خشمه

[ابو خالد 111]

اخوي بخصوص موقع خزانات الوطني

اتصل علي واوصلك لهم بس انا انصحك بتوانكي السنيدي له 3 سنوات لاتغير بالطعم ولا رائحه 100 لتر ب 630 لك وللزمن

0532233668

[ابو خالد 111]

يمكن شغله زين مع اني ماجربته بس كثير يمدحونه
بس يحسسك انه يشتغل لك ببلاش يكلمك من طرف خشمه

اخوي / محمد

اخالفك الرأي

يعلم الله ما ادافع عنه وكما ذكرت انه لايربطني فيه اي صله ولا معرفه

بالعكس اللي عجبني فيه اخلاقه وتواضعه

بس يمكن مريت عليه وهو بظرف وماتدري عن ظروف الناس

ولكن كاخلاق وسعر مناسبه كثير عن غيره

تقبل ردي ودمت بود

[سهيل 8]

اهم شي الخزان لايطعم بالماء خذ واحد صاعة زينه

[بندر سويلم]

يالله حيهم اشكركم عالمرور الطيب
يالربع الموضوع هذا يهم كثير من الناس خصوص انه قرب وقت المقناص

[JARAH]

بسم الله الرحمن الرحيم



انا مريت ورشة الصبي اليوم .. والحقيقة شفت شيء بسيط من شغلهم ويعتبر جيد .. لاكن الورشة ما فيها زحمة قوية الشيء الثاني ما فيه ذاك الرخص اذا بتركب البطارية والمأطور والمحول وفياش وحنفية مويه ولي ثلاجة .. 3200 ريال

المشكلة ان اغلب القطع الي شفتها ما فيها اصلي زي المنضم حق البطارية صيني والاسلاك سعودية والبطارية عنده نوع تركي ونوع تايلندي ..

ما اظلمهم قالو عندنا منضم امريكي ممتاز بس ما عاد صرنا نجيبة ؟؟ ما ادري ليش

شغل اليد شكلة ممتاز .

فإذا احد مجرب قبل وعنده معلومات عن المنظمات الاصلية والمفاتيح والبطارية الممتازة ياليت ينصحنا .

اذكر احد الاخوان في منتدى تويوتا ذكر ورشة في الصناعية مخرج 18 جميع قطع التركيب اصلية وماركات عالمية .. بدور الموضوع وبحط رابطة ليستفيد الاخوان اذا مهوب ممنوع .

[شمالي عنيد]

مرحبا يالربع كلن باسمه
ابشارك معكم ،،،،،، طبعا تجربه شخصيه
بالنسبه للتانكي والمحول ولمبات الجوانب وافياش كهرب

انا مركب لموتري عند عروق الشمال ببريده
تانكي 140 لتر المنيوم مع تلبيس تنزاني وصمبورين يمين ويسار مخفي
محول 600 امبير
لمبات كامل دار مادار ع الموتر مع الخلف وكل جهه فاصل بروحها
افياش داخليه
وجميع التكاليف ب 1200 ريال فقط
وشغل منتاز المنتاز وذلك في العام الماضي وكل شي تمام ميه ميه الى الان ولله الحمد ،،،

[الدحمي 6000]

ياليت لو تفيدونا بافضل الورش ترتيباً في الرياض

لتعم الفائدة للجميع

[سليم بن شداد]

ياشباب افضل ورشه في القصيم زينه وسعرها حلو
تجهز السياره للبر كامله من مجميعة:good:
تكلف كم

[بندر سويلم]

مساكم الله بالخير
بخصوص موضوع احسن ورشه كلهم فيهم الخير والبركه
افضل لاتقولون هذا زين وهذا شين افضل شي تقول وش ركب لك من ماركه
الكلام للي جرب
انا افضل انك انت اللي تجيب الاغراض وهو يركب لك وانت تضمن نفسك
اذا جيت لاي ورشه يقول لك اللي اركبه اضمنه لك
وانا برايي ان شغلهم كله واحد ونظيف لس في اخنلاف بالسعر
وطبعاً سياره عن سياره تفرق
وشكراً

[JARAH]

من يفيدنا بس من وين تنشرى القطع .. زي المنضم الاصلي والاسلاك والإضاءة .. وافضل بطارية ممكن تعيش معك فترة طويلة .. انا أتكلم عن اهل الرياض ومثل ما قالو الاخوان التركيب تقريبا واحد بس الفرق في نوع القطع .

[االملتاع]

بالنسبه لتسليك الاناره الجانبيه وتسليك الثلاجه وتسليك محول الكهرب انصحك بمحل في بريدة اسمه فنون الكهرب عن تجربه
بس سعره غالي