فزعتكم ياأهل البر [الأرشيف]

جمس قطعه 10

01/12/2006, 10:32 PM

السلام عليكم كيف حال الشباب وشرايكم بالمطر اللي جاء والله يزيده ان شاء الله

المهم ماطول عليكم عندي كم استفسار اذا ماعليكم امر بالنسبه الى روضات الرياض ابي وصفها
وصف بالروضات وطرقها وايضا طريق الدهناء
ومتى أفضل وقت للروحه للروضات
مثل: الشوكي - خريم -التنهاة -الطوقي -الخفس --الصمان-
وسؤال وش مميزات كل روضه وسمعت انا ان روضه خريم ممنوع الدخول فيها للحفاظ عليها
وش افضل منطقه تصلح للعوائل
وش أفضل منطقه للشباب يعني تعب للعوائل يصير فيه شق غير الشارع وشكرا

أرجو الافاده سريعا
تحياتي:d

غضنفر

01/12/2006, 10:59 PM

بصراحة السؤال كبير وعريض
افضل حاجة انك تشوف الفياض بنفسك وتعرف مميزات كل وحدة
انا باكتفي بالوصف ولعل الاخوان يكملون ما تبقى
روضة خريم
تمسك طريق الشرقية الين ما يجيك مفرق رماح تفرق معه يسار ثم تبتل مسافة 40 كيلو
الين ما تجيك لوحة تقول خريم يمين لف معه و خذ لك لفة على الروضة ثم ارجع على الخط
اذا بغيت الدهناء ابتل مع الخط شمال الين ما تبدا تشوف النفود على يمينك ويسارك
اذا بغيت التنهات اطلع يسار مع مفرق رماح بعد خريم
ثم ابتل الى الرمحية اذا وصلت الرمحية لف يمين بعد شعيب الرمحية
بتجيك لوحة الصمان خذه يسار ابتل 35 كيلو بيجيك دوار الحفنة
اذا بغيت الخفس خذ الدوار يسار باتجاه الغرب
ابتل 30 كيلو الين ما تنزل من شعيب الطوقي ثم بعد 5 كيلو لف يمين ودر في ذيك المنطقة الين ما تطيح في سور روضة الخفس
اذا بغيت التنهات
لف يمين مع دوار الحفنة باتجاه الشرق وابتل 40 كيلو الين ما تجيك لوحة التنهات يسار الدوار الثاني

رمال الصحراء

02/12/2006, 09:19 AM

جمس قطع عشرة 00 ونفس كلام اخي الي قيلي واضاهر اسمة بلاك باث والله يوفقك

رحاااال

02/12/2006, 10:39 AM

الأخ العزيز جمس قطعه 10 يمكن الاطلاع على مشاركة محب البر والتي تحتوي على خرائط المملكة وبالنظر إلى الخريطه رقم 7 والتي تحتوي على الرياض والصمان ستجد إجابة لجميع استفساراتك من حيث المسافة.http://mekshat.com/vb/images/smilies/tongue.gif
http://www.mekshat.com/vb/showthread.php?s=&threadid=20188

اما بانسبة للمكان الأجمل فأنا اعتقد انك تستطيع الحكم على هذه الأماكن إذا استطعت الخروج مبكراً في أحد الأيام والمرور على جميع هذه الأماكن لتحكم بنفسك.ماعدا الصمان فهي تحتاج إلى رحلة خاصة ويفضل الذهاب مع من يعرف المنطقة.

وأنا أوصيك بالتنهاة http://mekshat.com/vb/images/smilies/wink.gif

وأتمنى لك رحلة سعيدة http://mekshat.com/vb/images/smilies/biggrin.gif

جمس قطعه 10

02/12/2006, 10:37 PM

يعطيكم العافيه شباب وماقصرتوا على المشاركات