حصلت فرارات وش هي من لحيه

[بحرالقلزم]

السلام عليكم
ياشباب حصلت فرارات ب 800
لونها اسود لا يوجد عليها بلد الصنع ولا أي معلومات
حديد في حديد
مكتوب عليها لوك و اوتو بالانجليزي
يقول صاحب المحل برازيليه
طبعا تنفك بمفتاح الكفرعلشان تغير من اوتو الى لوك والعكس
اش رايكم فيها وهل اذا صارت على وضع اوتو اتها تشتغل وتفصل مع الدبل
او تفصل مثلا على سرعه معينه
السياره لاند 2006

[المتلولس]

ياليت حطيت لها صورة كان افادوك الشباب اكثر

[بحرالقلزم]

اخي المتلولس ما اعرف ارفق الصور
لكن اللي يرسل رقمه خاص ارسل له الصور واتس ينزلها اكون له من الشاكرين

[سيف وقلم]

عند السليماني فرارات الظاهر ب٥٠٠ تزيد أو تنقص قليلا...

[بحرالقلزم]

عند السليماني فرارات الظاهر ب500 تزيد أو تنقص قليلا...

نعم عند السليماني ب 500 ولكن ماركة AVM وهي الان صارت مضروبه بعض القطع الداخليه بلاستك
اما اللي اتكلم عنها كلها حديد

[مسير عليكم]

تاكد لاتكون صينيه وخصوصن انها لا شركه ولا صنع والمحلات عندنا كلهم بركه اصدق منهم مافي لدرجه انك تشوف الحديد بعينك وهو يحلف انه ذهب

[بحرالقلزم]

ياشباب كيف طريقة تركيب الفرار التماتيك
نفس الفرار العادي او تختلف

[التعـ King ـديل]

قبل كل شي اذا موترك الخفيف زر او دفع رباعي مستمر لا تركب فرار لانه بيعدم الموتر

تاكد ان موترك دفع خلفي والدبل عصا

وارفق لنا صوره الفرار ونجاوبك تامر امر

[الوسم]

يا ليتك مصورها

[ابومازن2]

هذه مشاركة اخونا مهيلان

الكل يعرف الفرارات او التحاضير
ولا اظن في منتدى مكشات من لا يعرف فوائدها التي منها
خفة السياره
المحافظه على الجلد الاماميه والمقصات من التاكل
عدم وجود الصوت المزعج (العره )
تقليل استهلاك البنزين [/ALIGN]
انواعها كثيره لكني ساستعرض الموجوده عندنا بالسعوديه
النوع الافضل على الاطلاق والاكثر تحملا هو الايسين (aisin)
وهو الافضل بلا منازع
صناعته ياباني
يصنع لشركة تويوتا ويجي في الشاص شد بلد
سعره اغلى الموجود وهو 800 ريال ...
http://www.mekshat.com/pix/upload/images/]4.jpg
النوع الثاني امريكي اسمه الوارن ( warn )
وهي وكاله معروفه تصنع الكثير من الاكسسوارات
وهذا النوع جيد وقوي
سعره من 400 ــ 450 حسب نوع السياره
http://www.mekshat.com/pix/upload/images/88.jpg

النوع الثالث دخل السوق منذ فتره قريبه
الصناعه برازيلي
جيد لكن ليس للمهمات الصعبه
ورخيص بــ 400 ريال
اسمه اي في ام ( avm ) http://www.mekshat.com/pix/upload/images/999.gif

[ALIGN=center]ارجو ان يكون الموضوع مفيد وننتظر المشاركات من الاخوان لعله ان يكون فيها الفائده
ودمتم

[ابومازن2]

اذا قصدك النوع الاخير فهي صناعة برازيلية سعرها مع التركيب 600 ريال من السليماني

[أبو حامد888]

الأخ ابو مازن أنا شريت باترول وموجود عليه النوع الأخير البرازيلي ويقولون انه استرالي وانه موجود عند الرماية

وهل تنصحني أغيره بالنوع الاول الياباني ووين احصل النوع الاول الياباني

شاكر ومقدر مقدماً

[أبو حامد888]

وعلى طاري هالفرارات صار لي مواقف مضحكة طبعا شريت الموتر وهي راكبه عليه ولا اعرفها وأكثر من مره انزل واطلع من أماكن صعبه وفيها وعوره وأشد الموتر واطلعه وانا معشق الدبل وهو مقفل بالفرار لكن نفسيا بالنسبة لي شغال وأشد الموتر واطلعه وبعد أسبوعين من الجلد بدون الدبل اللي على بالي شغال وطبينا في مكان كله رمل ويغوص الموتر وأحاول أطلعه وانسم الكفر واشده شد ومو راضي يطلع قال خويي عطني الطاره بس ونزلت أنا أشوف وش بلا الموتر مايطلع واناظر الكفر الأمامي مايفر أبد قلت لخويي اشبك الدبل قال شابك الدبل الكامل الثقيل قلت والله مايفر الكفر الأمامي وقف بس وجيت عند الجنط ولقيت 4x2 والسهم عليه وتحت شوي مكتوب 4x4 قلت بحط السهم على 4x4 واشبك الدبل الخفيف يوم يرتفع وجه الموتر ويقول وين الغراز بس ما شاء الله تبارك الله عاد والله يا أنا ضحكت على الأيام والأماكن اللي طلعت ونزلت منها بالدبل النفسي فقط ::D:D:D:D وكنت حاط ببالي ونفسياً ان الدبل شابك والامور تمام ولكن الحمد لله على سلامتي من بعض الأماكن اللي طلعتها بدون الدبل وهذا والله دليل على قوة الباترول ماشاء الله لا قوة الا بالله ....

[ابومازن2]

الاخ ابو حامد
ما دام موجودة علية خليها عليه اذا ما فيها أي تهريب من الشحم وتري هي نوع طيب افضل الموجود في السوق السعودية .

[أبو حامد888]

يعطيك العافية اخوي ابو مازن يعني ان شاء الله مامنها خوف وإلا ضرر على الموتر

بعد ماعرفتها صرت اذا بدخل مكان وعر اقفلها وإذا طلعت على المزفلت شغلتها

بس لو نسيتها وخليتها على 4x4 هل فيه خطوره على الموتر ...

[بارق نجران]

وعلى طاري هالفرارات صار لي مواقف مضحكة طبعا شريت الموتر وهي راكبه عليه ولا اعرفها وأكثر من مره انزل واطلع من أماكن صعبه وفيها وعوره وأشد الموتر واطلعه وانا معشق الدبل وهو مقفل بالفرار لكن نفسيا بالنسبة لي شغال وأشد الموتر واطلعه وبعد أسبوعين من الجلد بدون الدبل اللي على بالي شغال وطبينا في مكان كله رمل ويغوص الموتر وأحاول أطلعه وانسم الكفر واشده شد ومو راضي يطلع قال خويي عطني الطاره بس ونزلت أنا أشوف وش بلا الموتر مايطلع واناظر الكفر الأمامي مايفر أبد قلت لخويي اشبك الدبل قال شابك الدبل الكامل الثقيل قلت والله مايفر الكفر الأمامي وقف بس وجيت عند الجنط ولقيت 4x2 والسهم عليه وتحت شوي مكتوب 4x4 قلت بحط السهم على 4x4 واشبك الدبل الخفيف يوم يرتفع وجه الموتر ويقول وين الغراز بس ما شاء الله تبارك الله عاد والله يا أنا ضحكت على الأيام والأماكن اللي طلعت ونزلت منها بالدبل النفسي فقط ::D:D:D:D وكنت حاط ببالي ونفسياً ان الدبل شابك والامور تمام ولكن الحمد لله على سلامتي من بعض الأماكن اللي طلعتها بدون الدبل وهذا والله دليل على قوة الباترول ماشاء الله لا قوة الا بالله ....


الحمد لله علي سلامتك واعجبني الدبل النفسي :D:D:D:D:D:D

[راع الهيل]

السلام عليكم
ش افضل فرارات للهلي 2007 من خلال التجربه لاهنتم

[جيب ربع]

السلام عليكم
ش افضل فرارات للهلي 2007 من خلال التجربه لاهنتم

وعليكم السلام

الهايلوكس من 2006 وطالع مايركب لها فررات

[بحرالقلزم]

اذا قصدك النوع الاخير فهي صناعة برازيلية سعرها مع التركيب 600 ريال من السليماني

مالك لوا ماهي زيها
ياشباب واحد يفزع يرسل رقمه ارسله الصور وينزلها في المنتدى للفائده

[Salamah.y]

مالك لوا ماهي زيها
ياشباب واحد يفزع يرسل رقمه ارسله الصور وينزلها في المنتدى للفائده

من الوصف , أظنها الأصليه اللي جت على شاص 2002
و أتمنى أن تراجع الخاص ~

[بحرالقلزم]

يالربع واحد يفزع ينزل الصور

[فياض الربيع]

ركبت فرارت قبل كم يوم عند السليماني طريق الملك عبدالعزيز
العزم نفسه صرفيه البنزين للامانه اختلفت
العيوب بعد تركيب الفرارات اشوف ان السياره مهيب راسيه بالطريق يلعب فيها الهواء مهوب مثل اول
السياره باثفاندر ٢٠٠٥