سؤال + استفسار

[راعي المقانيص]

أخواني وأحبتي في الله اهل مكشات
السلام عليكم ورحمة الله وبركاته

هايلكس موديل 2013 غمارة دبل ( 4X4 ) نوع جي ال ( GL ) قزاز عادي ماشي 24500 الف
اربعة وعشرون الف وخمسمائة كلم فقط
وبودي نظيف لون ابيض
وراعية صديق عزيز الله يعزنا وياكم على طاعته وموتره ما انسام ولي رغبه اشتريه ولا اعرف اسعارها
ياليت احد يفيدني كم يسوا الموتر ولكم مني كل الاحترام والتقدير

[راعي المقانيص]

للرفع اخواني الكرام ياليت احد يقدر يفيدني

[Nasser33]

السلام عليكم
من 75 الف الى 85 الف
على حسب نظافة الموتر من بدي ومحركات
وتقدر تدخل موقع حراج وتشوف اللي مثلها كم تسوى

[ابوسعيد2020]

لا وين انا اشوف مبالغ بهالسعر له سنه استخدام
انا اشوف من 55 - 68

[شنطة عده]

انزل للمعارض وقارن ....بس موتر رفيقك يفرق فيه ممشاه قليل
وسياره انت متاكد منها ما فيها غش
اشوف السومه تكون في بحر ال 70 وحولها
لان الجديده 2014 بـــ 107الاف (الفل كامل)

[راعي المقانيص]

بيض الله وجيهكم وماقصرتوا ورحم الله والدينا ووالديكم والعذر والسموحه اخواني السيارة غماره وحده وليست غمارتين اشتراها جديده وكاله 67000 سبعه وستون الف ريال يمكن انا ماعرفت اوصل المعلومه بالشكل المناسب واقدم اعتذاري

[كم كيلو باقي]

الله يكتب لك الخير
حاول تشوف مثيلاتها بالسوق وتزود شوي حق الثقة بالسيارة ومالكها

[راعي المقانيص]

الله يكتب لك الخير
حاول تشوف مثيلاتها بالسوق وتزود شوي حق الثقة بالسيارة ومالكها
بيض الله وجهك ياغالي وشاكر تشريفك الموضوع وننتظر اهل الخبره لعلهم يفيدوننا