راعي هايلكس دبل يبي فزعتكم

[عاشق الزلفي]

مساء المطر و الربيع إن شاء الله

معي هايلوكس 2003 دفرنسين وأبغى أركب له هوك .

واحد من العيال إقترح علي طريقة يقول يركب وصلة تلحم مع الشاسيه على شكل u بعدين تلحم فيه قطعة الهوك ويصير يطلع مكان اللوحة تسحبه وترفع اللوحة وتحط لك مسمار علشان مايرجع الهوك ، رحت للمواهب قالوا لي ب 500 صراحة غالي على هوك .

وش رايكم أنتم.

[قرقاص]

فيه محل في شارع الغرابي يبيع صدام خلفي فيه هوك
يعني يفك لك القديم ويركب الجديد
بس نسيت سعره واسمه المحيا يجيك في آخر الشارع عاليسار

[sameer_1798]

يارجال ليش ماتركب خطاف مثل الي قدام ويكون في الشاص (طبعا الخلفي) وتكون منزلة عن الصدام شوي .
بيكون في اليمين أو اليسار على حسب الرغبة . يسوية لك الحداد ما يكلف 50 ريال .
ولا إذا تبي مثل الي في الاند في الوسط رح اشترة من التشاليح أرخص.