عطونا نصيحتكم ياهل البر والمكاشيت

[ابوخالدم]

السلام وعليكم ورحمة الله وبركاته

المهم مانطول عليكم

انا ودي اشري سيارة والميزانية 120 وتحت

ورسيت على خيارين ي اف جي اصفاررر او سيررا 13 اصفارر او 14 مستعمل

علما انه يوجد موتر عائلي يعني اببيه للمكاشيت


والي عنده موتر ثاني يشير علينا فية

[ابونبيل]

شف يالغالي الجيوب الصغيره مثل الافجيه رأيي انها ما تصلح مكشات حقت تطعيس ووناسه لكن مكشات ما تاخذ راحتك بالعفش والخيمه اما الحوض فكره طيبه جدا كنت بنصحك بالهايلكس الغمارتين الدبل لكن واضح انك تبي موتر عزمه قوي والسيرا عزمه قوي لكن مجربه مع الشباب والصدق انه ممتاز بس عيبه الحراره ترتفع بالنفود مع الدعس و بالوعر مثل الصمان والشعبان يهابد يعورك قلبك وانت تمشي
اشور عليك اذا ما تفرق معك تاخذ غماره بشاص فتك تلقا جديد اصفار بسعر رخيص و مريح وعزم ممتاز وموتر ما يتعبك بإذن الله والله يرزقك الموتر الي يجملك ويرضيك

[ابوخالدم]

شف يالغالي الجيوب الصغيره مثل الافجيه رأيي انها ما تصلح مكشات حقت تطعيس ووناسه لكن مكشات ما تاخذ راحتك بالعفش والخيمه اما الحوض فكره طيبه جدا كنت بنصحك بالهايلكس الغمارتين الدبل لكن واضح انك تبي موتر عزمه قوي والسيرا عزمه قوي لكن مجربه مع الشباب والصدق انه ممتاز بس عيبه الحراره ترتفع بالنفود مع الدعس و بالوعر مثل الصمان والشعبان يهابد يعورك قلبك وانت تمشي
اشور عليك اذا ما تفرق معك تاخذ غماره بشاص فتك تلقا جديد اصفار بسعر رخيص و مريح وعزم ممتاز وموتر ما يتعبك بإذن الله والله يرزقك الموتر الي يجملك ويرضيك


شف يذيبان السيررا ماعليه كلام كان معي يوكن 2008 والله اني داخل اماكن مغرزه فيها جكسرات والشاص فكرتن ممتازة بس ماودي بغمار

[ksaboss]

اللي يحتاج السييرا في العادة هو اللي يشيل اكثر الاغراض في الكشتة من خيام و توانكي بنزين و موية و غاز و المأكولات. اما اذا راس مالك عزبة و فرشة و سليب باق خذ اف جي

[---ابو يوسف-]

خذ لك فورد F150 افضل ونيت امريكي قوه وراحه وصبر ولاتاخذ الا دفلك احسن ونا مجربه معي 2 الحمدلله

[Ra3e]

عليك بالافجي كانك راعي صيد
وان كانك كشتات خفايف عليك بالجمس :)

[طالب شايب]

اذا ما يهمك الشكل عليك بالشاص الغمارتين لك وللزمن