مشكله في البطاريه الاضافيه

[Mohammed5d]

السلام عليكم ورحمه الله وبركاته

عندي مشكله واول مره تصير لي ان البطاريه الاضافيه اذا طفيت السياره صارت تعطي كهرب ضعيف للاضاءه والثلاجه مقارنه بالسابق مع العلم اذا شغلت السياره تصير نفس اول مع العلم ان عمر البطاريه 7شهور وصناعتها تركي ومركب لها منظم رفيق الدرب تتوقعون المشكله من البطاريه

[Ra3e]

هل البطاريه الكترونيه ؟

اذا نعم فكثر الشحن من البطاريه الاساسيه يقلل من عمرها الافتراضي :)

فتقريبا البطاريه ضعيفه

[Mohammed5d]

صحيح البطاريه الكترونيه صناعتها تركيه يعني تشوف اغيرها ببطاريه تعبئيه ووش احسن نوع

[ابوسعيد2020]

اتوقع الافضل انك تقيس البطاريه في اي محل بنشري وهو يبين لك مدي صلاحيه البطاريه

[Mohammed5d]

قستها ع وقال انها منتهيه قال تبي نغيرها قلت لا قال العامل افضل نوع بانسونيك تعبئه بدورها في الغرابي

[Ra3e]

والله شوري عليك ان كان الدراهم متوفره

عليك بالجافه صفراء عندي لها سنه ونص بالموتر عز الله مايحتاج بطاريه لاقالو لك بطاريه

[Mohammed5d]

الجافه احطها اضافيه او اساسيه

[Ra3e]

مايبيلها وانا اخوك اضافيه اكيد :)

[جيب ربع]

إذا عليها ضمان أرجع للمحل

[مجالس الرجال]

هاذي مشكلة البطارية اللي ماتستخدم بشكل يومي عمره قصير
عندي بطارية إضافية 200 امبير مركبه بشهر 3 والحين ادائه اقل من 70 بالمائه
وحاط بينه وبين الاساسية منظم امريكي
وسبق لي تجربة اشبك البطاريتين مع بعض بدون منظم وعاشت البطارية افضل مايكون

[Mohammed5d]

جزاكم الله خير على تعاونكم
تم تغيرها ببطاريه الكترونيه لان الحديده اللي تمسك ماركبت على التعبئة بسبب وجود فتحات التعبئه

[شهاب المحبه]

خير ما سويت

[أبوبسام 0104]

صارت معي نفس المشكله ببطاريتي الأضافيه فذهبت إلى كهربائي سعودي في بريده متخصص بتمديد البطاريه الأضافيه وشرحت له المشكله وقلتله وش رأيك أغيرالبطاريه لأنه باقي في ضمانها كم شهر
قالي وقف خل أفحص الماص حق السالب في البطاريه الاضافيه بعدمافحصه وشاف قوته ع الجهاز اللي معه قام وفك الماص وربطه بالرفرف حق السياره بصاموله بعدها فحص قوة البطاريه لقاها ارتفعت بواجدماشاءالله وقال خلاص امش ع السياره ومع كثرالمشي تشحن البطاريه وفعلآ الحمدلله البطاريه الحين من أبدع مايكون ماشاءالله
فكلامي هذا أنه ليس شرطآ أن يكون الخلل من البطاريه ربما يكون من الماص

[العطر]

عطنا رقم خويك يابو بسام

[أبوبسام 0104]

أبشر
أرسلته ع الخاص