التظليلة !! مشكلة!؟

[11ssair]

السلام عليكم ورحمة الله وبركاته

أنا عندي سيارة صغيرة ومظلل السيارة كامله من داخل وظللت القزازة اللي ورى الكبيرة ، وجيت افك منها شيء بسيط اجرب وانفكت لكن بقي الغراء ، فماادري وش الطريقة مع الغراء لأني أخاف على أسلاك التسخين ( الحرارة) ..

واللي يعرف محل يفكها بالرياض يخبرنا الله لايهينكم ..

[جني صغير]

انت مضلل القزازه الخلفية من الداخل

والمعروف اي سياره فيها تسخين القزاز يضلل من الخارج

شغل تسخين الزجاج ومعك فوطه فيها شوي مويه حاره وحاول فيها

[11ssair]

اخاف تمسك لو اشغله ،،؟

عالعموم بيض الله وجهك يااخوي

[كن متفائلا]

سيارتي كان عليها خطوط ... شلتها وبقى الغراء

جربت سائل التلميع ومانفع وجربت زيت بريك ماتغير شي وجربت w40 ومافيه فايده

أخيرا أستخدمت قطعة قماش وبنزين ومسح خفيف وذاب الغراء وراح بسهولة

لاكن ما أنصحك بهذه الطريقة داخل السيارة الا بأخذ كافة الأحتياطات من تهوية أثناء وبعد العملية

وفصل أصبع البطارية لأنك بتشتغل على مصدر كهرباء وأي شرارة ياساتر

أو جرب الديزل

[YOU1]

اخوي انا صارت معاي من قبل مده والحل تجيب لك منشفه صغيرة وتشتري لك اي عطر رخيص وتبخه علي القزاز وتمسحه بالفوطه وان شاء الله يروح الصمخ واذا فيه بقايا تضليل يشيله بعد.. جرب ولاتنسانا من دعائك..

[11ssair]

الله يجزاااكم خير جمييعا .. والله يبيض وجيهكم ويكتب اجركم