رايكم ب الجيب الكزس 2008

[خالد 177]

السلام عليكم
اخواني اعضاء مكشات
ناوي علئ جيب لكزس للوالد 2008 مستعمل
المهم ابي اسئلكم كيفه فالبر يتحمل او لا
طلعات البر خفافيه شعيب ولا ف احدئ الطعووس
ومقناص ضبان مرتن فالسنه
جاني كلام انه م يحتمل البر
وقطع الغيار معقوله ولا نارر

الله لايهينكم

[خالد 177]

ي الربع المشاهدات اقبلت علئ 70 ولا احد رد
مهيب عوايدكم ي النشاما

[صفحة تربوية]

الذي اعرفه ان اللكزس ليس من سيارات البر ولايصلح
دور لك في اكس ار نظيف احسن لكم وخذ مكينة 5.7

[خالد 177]

الله يعطيك العافيه اخووي بس ظنك 160 تجيب فكسار 11 م اتوقع
واللي معجبني ف الكزس راحته وشكله

[kbobe]

ياخوي عيال اختي يشرون الجيب اللكزز من موديل ٢٠٠٤ راعين طرد وبعارين ونفود يعني يا بالدهنا ولا الربع الخالي ثمن اول ما طلع الشكل الجديد اخذو واحد ٢٠٠٨ يقول فرق السماء عن الارض الجديد ازين ولا فرق يعني اشره ونم وقطع غياره رخيص انا واحد من العيال شارين فحمات برمضان قدام و ورا ب ٤٦٠ بسعر رخيص جداً وكل اللي شارين الجيب يمدحونه

[krk]

وعليكم السلام ورحمة الله وبركاته

عزيزي انت سآلت وتبغا الجواب من مستخدم وليس سامع ولله الحمد انا عندي لكزس موديل ٢٠٠٩ مشتريها من الوكاله شهر ١١ ولين اليوم عندي استعمالي لها كالتالي:
مدن: ادعسها ولي اقبلت على دوار استخدم الغيار العكسي مع البريك دائما هذي سواقتي

سفر: للسعويه ولا احنها رمل شعيب سيح طبعا فيها نظام الجامبيل مريح او عادي او سبورت انا بالبر احطه دائما سبورت يقسا ولا تحس بالحفر والمطامر طبعا يصير كانه جامبيل رياضي وبالشارع ترجه عادي او مريح

البر: اما اكون كاشت او ادورلي بوش ظياع انزل الهوا لين ال ١٨ بالتواير واسوقها كني اسوق شاص مايردها شي عزم قوي ما شاء الله والبودي قوي ادعم بها نكد الشجر واعفد بها الطعوس ولا تغير به شي فضل من الله.

استخدامي لها ٥ سنين الى الان ولله الحمد لم اواجه بها اي مشكله ميكانيكيه او كهربائيه طبعا اصينها دائما عند الوكيل قبل اخر صيانتين صار ليك قليل بجامبيل الهيدروليك وتكلفته تقريبا ١١٠٠ ريال تبديل جديد بس انا ما اريد ابدله حاليا لاني لم انكر شي عليها.

من وجهة نظري السياره تستاهل ولكن عليك بالمستعمل النظيف

[كن متفائلا]

وش حادك على المستعمل وموديل ٢٠٠٨

١٦٠ الف تجيب لك نيسان سفاري جديد موديل ٢٠١٥ كامل المواصفات

راحة على الخط وخفه وسط المدينة وقوة بر وتطعيس

[خالد 177]

كن متفائلا ي خووك ودي بالراحه والفخامه والسكبه مثلك عارف

[خالد 177]

كن متفائلا ي خووك ودي بالراحه والفخامه والسكبه مثلك عارف
والكزس م يتقارن ب الباترول

[خالد 177]

ننتظر الافاده من الاخوه الباقين

[qx55]

اخذ للواد فكسار افضل للبر وترى المكينه وحده

[السليطين]

موتر ماعليه كلام ...