نداء لأصحاب الباجيرو

[أبو جابرر]

السلام عليكم ورحمة الله وبركاته

يا اخوان انا في حيره من امري بخصوصجيب الباجيرو

انا ما اقصد هنا المقارنه لاني مقتنع بالسياره بعد ما

سمعت الكثير والكثير من الاراء من خلال مواقع النت


لكن استفساري لكم يا وجيه الخير

هل اشتري ربع ولا اربع ابواب والموديل ان شاء الله 2014

علما بأن الاسره اربع افراد طفلين وام العيال وانا

لاتبخلون على اخوكم يا النشاما

وهل فيه فروقات بين الفئتين الربع والاربع ابواب من ناحية الاداء والرساوه
يعني من جميع النواحي

[المميـز]

:

انصحك بالاربع ابواب اوسع لكم وللمستقبل ان شاء الله لاكبروا العيال
اسهل لركوبهم ونزولهم واوسع لك انت اذا بتحمل اغراض يكون معك مساحه كافيه بالشنطه
والباجيرو عموما يتميز برساوته وفخامته
خذ الخليجي ارخص من السعودي
اربع ابواب اعلى فئه ١١٢ الف ريال موديل ٢٠١٤ لؤلؤي
تحصلهم عند معرض المسند بالرياض - النسيم

الله يكتب لك اللي فيه الخير والصالح

:

[أبو جابرر]

شكراً لك على لطفك وحسن ردك

ورحم الله والديك ما قصرت

يا مشرفنا المميز

[محمد1415]

فيه نقطه مهمه بالباجيرو

بطلوع النفود سيء جدا


والسبب ان قيره التبترونك يعشق من نفسه


يعني وانت باخر الطعس يعشق نمره ويقول هذا مكاني


الموتر بشكل عام ممتاز ولا به خلاف الا قلة توفر القطع


وشكله بيتغير

[Hwer]

انا املك باجيرو اربع ابواب 2011 فل كامل مكينة 3.8 السيارة عليها ملاحظتين مهمه لاتغفلها
1-العزل ضعيف جداً جداً لايقارن بالنيسان او تايوتا او مازدا
2- غلاء قطع الغيار وخاصة للبدي الخارجي (الكبس الصغير بالصدام قيمته بالوكاله 1100 بعد الخصم )
ربلة الصدام الامامية 3200 ريال بعد الخصم
وغير ذلك السيارة ممتازة وفخمه وسعرها مقبول وانصحك بالاربع ابواب فل كامل

[عمادغانم]

الباجيرو ممتازة وأنا أملك2010فل كامل والأربع أبواب أفضل من ناحية الحجم والتخزين ونقل أسرتك أو أقاربك بها ولكن عيبها أن السيارة عزلها ظعيف جدا من حيث الحرارة من الأسفل أنا أرجولي تصير نار من عند الدعاسات وحاولت أشوف حلول وإلى الآن قيد دراسة الحلول
والطابلون يهتز بالكامل عند طلوعك لمطب بسيط او حتآ عيون القطط
أما من ناحية مقارنتها بتصاميم من نفس فئتها فهي ملكة التصميم والأناقة والبادي قوي جدا لو صار حادث لاقدر الله غير سعرها المعقول جدا
والله يباركلك فيها

[أبو جابرر]

تسلم اخوي محمد على ردك لاهنت

بالنسبه للطعوس وانا اخوك ديرتي ما هيب ديرة طعوس

ومسألة التطعيس ما تهمني

الله يحفظك وما قصرت

[أبو جابرر]

اخوي Hwer

والله انك ذكرت نقطتيين مهمه فعلا

العزل وقطع الغيار

لكن بسألك اثناء السفر دايم سرعتي 130 هل حتى مع هذي السرعه العزل سيء

ومسالة القطع بإذن الله انا مانحتاجها باستثناء القطع الاستهلاكيه

شكرا لتجاوبك يا الذيب

[أبو جابرر]

ابو غانم

جعلك دوم غانم

والله هذي اول مره اعرفها ان الحراره تجيك من اسفل
لكن هل حاولت معرفة السبب

لاني ع كثر ما قرات فالمنتديات عن الباجيرو ما عمري قريت هالسلبيه


شكرا على تجاوبك لاهنت

[س س س 5]

معليش على المداخله


انا مالي في الباجيرو ابد


لاكن بخصوص رد اخوي عماد غانم


نصيحه رح لم محلات تنجيد قله ابي عزل حراره



انا كان معي هايلكس اروح القصيم الراكب مايقدر يحط رجليه على الارض من الحراره



رحت لم محل في سلطانه ركبلي عازل دبل خذ علي على العازل مع التركيب 90 ريال سعر بسيط



لاكن فرق معي فرق خيالي المكيف صار تبريده عالي ولافيه اي حراره من تحت



والحمد الله تكلفه جدا بسيطه على المشكله



واسف على الاطاله والخروج عن الموضوع الاساسي


اخوكم عبد الله

[أبو جابرر]

ابد حياك اخوي ابوعبدالله
وكلنا ربع واحباب في منتدى مكشات الشامخ

وعساك ع القوه ما قصرت ملاحظه مهمه وحل ولا اروع
لاهنت يا الذيب

[مزدهر]

فيه نقطه مهمه بالباجيرو

بطلوع النفود سيء جدا


والسبب ان قيره التبترونك يعشق من نفسه


يعني وانت باخر الطعس يعشق نمره ويقول هذا مكاني


الموتر بشكل عام ممتاز ولا به خلاف الا قلة توفر القطع


وشكله بيتغير
المكينه الكبيره ما يعشق من روحه

[محمد1415]

يعني 3500 و 3000 هو اللي يعشق من نفسه ؟

متاكد من هالمعلومه يالغالي ؟

[Salamah.y]

الوالد معه باجيرو موديل 2003 , مكينة 3500

الصراحة عيبه الأكبر هو قطع الغيار
نار نار نار , بالنسبه للعضلات وهي استهلاكيه
بما انه مقصات أمام و ورا , تضطر بعد كل فتره تغير له ربلات

المشكله مافيه خيارات ثانيه غير الأصلي
زي بعض الشركات تحصل قطع غيار أصلي و تقليد درجات
الميتسوبيشي , اما اصلي , و ان لقيت تجاري تكون جودة سيئه جداً

بشكل عام , السيارة تتميز بسعر الشراء مقارنة بالمنافسين
اعرف انك مقتنع تماماً بالباجيرو , و لكن لكل بلد سياراته
و للأسف , سيارات مثل الباجيرو مظلومه بالسعودية
و اللي يشتري باجيرو عندنا , راح يتعذب بالصيانه و قطع الغيار

,

الكامل افضل لك من الربع , خصوصاً اذا هو السيارة الرسميه لك
راح تستفيد منه أكثر , ان شاء الله ~

[مزدهر]

يعني 3500 و 3000 هو اللي يعشق من نفسه ؟

متاكد من هالمعلومه يالغالي ؟
نعم مجرب 2011

[محمد1415]

نعم مجرب 2011

شكرا لك معلومه جديده كنت اجهلها

[pilot1]

توكل علي الله اربع بيبان واذا لك سفرة للشارقة بامكانك تركب صدام امامي مع صدام خلفي بقلص مع تغطية كفر الاستبنة مع تانكي اضافي بمبلغ 1500 ريال سعودي سيارة فيها كمبوتر تعطيك معلومات كم تصرف بنزين بالمسافة
كم ضغط الهواء الخارجي كم المسافة الباقية حسب البنزين بالتانكي كم الارتفاع عن سطح البحر درجات الحرارة الخارجية لمدة اخر اربع ساعات بس خذ 3800 سعة المحرك التانكي 88 لتر مثبت سرعة مع التحكم بالراديو من اليد اضاءة زنوون اما حرارة التي يشكون عنها فانا لا اعرفها ليس عندي وان حصلت عليك بالعازل الحراري الذين يضعونة تحت البساط بالمنزل والله يوفقك

[أبو جابرر]

مشكور اخوي بيض الله وجهك

معلومات اكثر من رائعه لاهنت يالذيب

لكن عندي استفسار وانا اخوك لي قريب فالامارات وشغلة الصدام الامامي

راغبها هي والصدام الخلفي بدون قلص سؤالي كم سعرها عندكم وهل عملية شحنها

مكلفه ولا الامر بسيط

اخيرا الله يجزاك خير على ما تم توضحيه
شرح يثلج الصدر

عساك ع القوه

[moon77]

http://www.saudishift.com/wp-content/uploads/2014/07/1766760977535600626.jpg

http://www.saudishift.com/wp-content/uploads/2014/07/78504897813763754.jpg
هذا الباجيرو الجديد ٢٠١٥

[cadillac911]

متأكد انه هو ذا ولا بيكون نفس الشكل


Liverpool for ever

[كم كيلو باقي]

ممتازز
يعيبه القساوة + العزل
والمميزات مالها حد ماشاء الله