صور طازه للربيع في بداية عطلة الاضحى 1423 هـ

[راعي عنيزة]

السلام عليكم ورحمة الله

اقدم لكم بعض صور رحله قصيره قمت بها في بداية عطله الاضحى المبارك 1423هـ ،
والموضوع يشمل 11 صوره لذلك صبركم لحد ما تطلع كل الصور والصوره الي ما تطلع ، بواسطة زر الماوس الايسر اعملوا لها اظهار الصوره


هذا نفود ابا النسور
http://ra3i.jeeran.com/lenh/Dscn0087.jpgوتلاحظون انه اخذ سمعه على الفاضي ومهب لا اكبر نفود بالعالم ولا بالمريخ واظن اصغر نفود بصعافيق اكبر منه ;)
وتشاهدون في الصوره اربع نسور تحلق يمين النفود



بعض الازهار البريه في الحكسي
http://ra3i.jeeran.com/lenh/Dscn0105.jpgويعيب الحسكي هذي السنه كثرة الرعاة حوله لذلك ربيعه مدهول وعاثية فيه الغنم


فيضة العبد في حجرة لينه
http://ra3i.jeeran.com/lenh/Dscn0108.jpgكم تمنيت لو اني بربري عشان ارعى واستنانس :D


فيضه ما اعرف اسمها لكن اطلقت عليها اسم فيضة شقردي ;)
http://ra3i.jeeran.com/lenh/Dscn0110.jpg
يا زين فيضتك يا شقردي مزهره وتفتح النفس :p

[راعي عنيزة]

فيضه غمرتها المياه
http://ra3i.jeeran.com/lenh/Dscn0114.jpg

فيضة زقله
http://ra3i.jeeran.com/lenh/Dscn0142.jpg
احسن ربيع شاهدته هذي السنه والعالم فيها كانهم في عرس لدرجه انك تكشت وبعد اقل من 10 متر تحصل ناس كاشتين جنبك
http://ra3i.jeeran.com/lenh/Dscn0118.jpg
محاوله للاحتكاك بصورة ابو ريان ام كاتم ;)
http://ra3i.jeeran.com/lenh/Dscn0135.jpg
الماء في اخر الفيضه

[راعي عنيزة]

فيضه ايضا ما اعرف اسمها لكني اطلقت عليها اسم فيضة السمح :D
http://ra3i.jeeran.com/lenh/Dscn0149.jpg
والجميل في هذي الفيضه ارتفاع الربيع واذا هب الهوا تشوفه يتموج قدامك وكانك قاعد وسط رشاش قمح :good:
http://ra3i.jeeran.com/lenh/Dscn0152.jpg
http://ra3i.jeeran.com/lenh/Dscn0153.jpg

تمت بحمد الله :)

[طلال]

الله يعطيك العافيه ومقصرت على ها الصور الي تفتح النفس ، فعلاً يا راعي عنيزه بالنسبه لنفود ابا النسور ماهو على ذكر الناس له الحقيقه صعافيق يوجد فيها نفد اعلا منه بكثير ويوجد ايضاً نفود جنوب شرق تربه تقريباً اعتقد ان كنت منيب وهم ارفع من المذكور والصوره الي تقول انه احسن ربيع شاهدته الي فيها الدله ومطبقيت التمر هل هي بالزعبيه ولا فين ابغى ولا عليك كلافه اسمها واحداثيتها يالحبيب ويعلك تسلم وماتشوف شر يا راعي عنيزه0

[نفل]

يمال السيل يالينه الله يعطيك العافية يراعى عنيزه صور كشخه ما قصرت وحبيت اسأل عن احوال الفقع حول لينه به شى لان المنطقة ماسومة حسب علمى والامطار متواليه عليه . واذا كان عندك صور زيادة للمنطقه الى حول لينه رجاء وضعها بالمنتدى ولك الشكر .......... نفل

[زامل]

ماشاء الله صور روعه جميله جدا تنفع الى تقويم يعلق على الحائط

الله يعطيك العافيه ياراعي عنيزه اتحفتنا بهالصور

[السعلو]

اخي الكريم / راعي عنيزة وفقه الله
مشاركة جميلة وصور حلوة امتعتنا بها ووضعتنا في جو الربيع و الخضرة والجمال فجزاك الله خير على هذه المشاركة

اخوك
السعلو

[مسافر]

ماشاء الله ياراعي حبييبتنا تصدق انه مايحتاج الواحد يطرش شمال من هالصور
الي تشرح الصدر
اما بالنسبه لنقا ابالنسور ليتك والله مصورة من بعـــــــــــــــــــــــــيد حتى يتبن اكثر

انزل ابيك














لايدري احد عينتو الزبيدى والفقع والالا وشكرررررا لك

[الخادم]

الله يعطيك العافية يابعدي

والله انا بالفياض هاذي قبل اسبوع و اني ماشفت لهن مثيل بالمملكة كلها 0
الله يوفقك الجميع ليشبع منهن .

اخوك
الخادم

[عاشق البر2003]

:D مشاء الله تبارك الله...
بصراحه ربيع وافي وأيه من أيات الله عز وجل وهذا الربيع ولا بلاش وبصراحه مقصرت ياراعي عنيزة على هصور الي توسع الخاطر وجعله دايم كل سنه والله يجزاك خير .

اخوك عاشق البر والسلام عليم

[جــلــمــود]

ماشاء الله

اهنيك اخ راعي عنيزه على الصور الحلوه والكشته الطيبه

و ليش ماصورت جلاميد على طريقك ؟

[راعي الحمره]

الصور عجيبه والربيع يفتح النفس ما قصرت وعساك على القوه.


مع تحيات
اخوك راعي الحمره

[العاصوف]

مشكور والله يعطيك العافيه

[أبوتميم]

لقد أمتعت أنظارنا بهذه الصور الجميلة والتي تدل على سعة فضل المنان سبحانه وتعالى وتدل أيضاً على المهارة في التصوير ولكن لي ملاحظة بسيطة على عبارة وردت في تعليقك على أحد الصور ولا أشك أنه ورد على سبيل المزاح......وهو تمنيك أن تكون بربرياً وأظن أن في هذا محذور شرعي والله يقول :(ولقد كرمنا بني آدم)..........وفقك الله ورعاك

[السمح]

فعلاً أنت عضو كشخة .. وكل شي فيك كشخة .. :p حتى الصور اللي تفتح النفس ، والتصوير والتعليق ..
ترى هالمدح كله علشان إنك سميت حدا هالفياض باسمي ، وهي أحسن فيضة وبعدين اباخذ منك إحداثياتها .. صحيح إن الربيع اللي فيها صمعا http://smilies.sofrayt.com/%5E/r/happy.gif ولكن تظل زينة ..

مشكور يابعدي .. وعسى الله يقويك ..

أحلى تحية ..

[سيف السيف1]

ما يصيراحتج بكل قوة توزع الفياض وبس ؟ لنا اسنين خر مر للحجرة ونطلع من المولد بلا حمص , وينك ياالمشرف العام :D :D :D
صور رائعة لا تظهر إلا من شخص رائع مثلك ياراعي عنيزة. على العموم كل ما أتذكر كلمتك من النوع الدب اضحك:D :D :cool:

[راعي عنيزة]

الرسالة الأصلية كتبت بواسطة طلال
الله يعطيك العافيه ومقصرت على ها الصور الي تفتح النفس ، فعلاً يا راعي عنيزه بالنسبه لنفود ابا النسور ماهو على ذكر الناس له الحقيقه صعافيق يوجد فيها نفد اعلا منه بكثير ويوجد ايضاً نفود جنوب شرق تربه تقريباً اعتقد ان كنت منيب وهم ارفع من المذكور والصوره الي تقول انه احسن ربيع شاهدته الي فيها الدله ومطبقيت التمر هل هي بالزعبيه ولا فين ابغى ولا عليك كلافه اسمها واحداثيتها يالحبيب ويعلك تسلم وماتشوف شر يا راعي عنيزه0




هلا بك هلا اخوي طلال وحياك ربي

صادق ابا النسور مهب ذاك الزود ونفد صعافيق خصوصا الي شمال عن ام دبابه ما تقارن فيه اطلاقا

وبالنسبه للفيضه هذي الزقله وهي دون عن الزعبيه 7 كيلو واحسن ربيع منها بواجد

وذي احداثياته
N28 53.827
E44 05.280

[راعي عنيزة]

الرسالة الأصلية كتبت بواسطة نفل
يمال السيل يالينه الله يعطيك العافية يراعى عنيزه صور كشخه ما قصرت وحبيت اسأل عن احوال الفقع حول لينه به شى لان المنطقة ماسومة حسب علمى والامطار متواليه عليه . واذا كان عندك صور زيادة للمنطقه الى حول لينه رجاء وضعها بالمنتدى ولك الشكر .......... نفل

حياك الله يا نفل
والفقع ما دورته لكن سئلت عنه بالجهاز ناس واجد وما ذكرو حول لينه شي وكلهم يقولون انه بالرقعي وحول ذيك الاراضي
وعندي 75 صوره لكن المشكله اغلبهن بهن وجهي الشين واخاف تشوفونه وتروعون وتعجزون تنامون بالليل :p

[عاشق البر2003]

:) بصراحه صور جميله وربيع وافي والله يعيده علينا كل سنه ومقصرت ياراعي عنيزه على هصور الموفقه



اخوك عاشق البر 2003 والله يوسع صدرك بالعافيه:good:

[راعي عنيزة]

الرسالة الأصلية كتبت بواسطة زامل
ماشاء الله صور روعه جميله جدا تنفع الى تقويم يعلق على الحائط

الله يعطيك العافيه ياراعي عنيزه اتحفتنا بهالصور

زامل
الله مير يسلمك ويعطيك العافيه

[راعي عنيزة]

الرسالة الأصلية كتبت بواسطة السعلو
اخي الكريم / راعي عنيزة وفقه الله
مشاركة جميلة وصور حلوة امتعتنا بها ووضعتنا في جو الربيع و الخضرة والجمال فجزاك الله خير على هذه المشاركة

اخوك
السعلو

خالي ابو تركي

ان كانت المشاركه جميله فمشاركتك زادته جمالا :)

وتسلم لي يا غالي

[راعي عنيزة]

الرسالة الأصلية كتبت بواسطة مسافر
ماشاء الله ياراعي حبييبتنا تصدق انه مايحتاج الواحد يطرش شمال من هالصور
الي تشرح الصدر
اما بالنسبه لنقا ابالنسور ليتك والله مصورة من بعـــــــــــــــــــــــــيد حتى يتبن اكثر

انزل ابيك
لايدري احد عينتو الزبيدى والفقع والالا وشكرررررا لك

مسافر

النقا على قولتك والنفود على قولتنا :) مهب كبير ومنظره من بعيد او قريب عادي جدا وما تفرقه عن اي طعس :rolleyes:
والفقع ما عينا منه شي يجيب الله خير :confused:

[راعي عنيزة]

الرسالة الأصلية كتبت بواسطة الخادم
الله يعطيك العافية يابعدي

والله انا بالفياض هاذي قبل اسبوع و اني ماشفت لهن مثيل بالمملكة كلها 0
الله يوفقك الجميع ليشبع منهن .

اخوك
الخادم

الخادم
الله يعافيك وصادق ذي الفياض ما اعتقد فيه مثلهن ذي السنه

[راعي الحزم]

سلالالالالالالالالالام عليكم هلا والله براعي عنيزة اثرك قاعد تتسدح بالفياض ومستانس لا وصور روعه الله يعطيك الف الف الف عافيه على هالمجهود الجبار على طاري الفقع انا كنت هناك بالفياض الى بالحجره قبل الحدقه بعشر كيلو لقينا حق الغداء بس بعد تعب شديد والله شكلك يا راعي عنيزه حولنا وش سيارتك

[راعي عنيزة]

الرسالة الأصلية كتبت بواسطة عاشق البر2003
:D مشاء الله تبارك الله...
بصراحه ربيع وافي وأيه من أيات الله عز وجل وهذا الربيع ولا بلاش وبصراحه مقصرت ياراعي عنيزة على هصور الي توسع الخاطر وجعله دايم كل سنه والله يجزاك خير .

اخوك عاشق البر والسلام عليم

هلا بك يالعاشق وحياك ربي

[راعي عنيزة]

الرسالة الأصلية كتبت بواسطة جــلــمــود
ماشاء الله

اهنيك اخ راعي عنيزه على الصور الحلوه والكشته الطيبه

و ليش ماصورت جلاميد على طريقك ؟

الله يسلمك ويخليك يا اخ جلمود وابشر الكشته الجايه نخليها كلها جلاميد :)

[راعي عنيزة]

الرسالة الأصلية كتبت بواسطة راعي الحمره
الصور عجيبه والربيع يفتح النفس ما قصرت وعساك على القوه.


مع تحيات
اخوك راعي الحمره

راعي الحمره
اهلا وسهلا وحياك الله

[راعي عنيزة]

الرسالة الأصلية كتبت بواسطة العاصوف
مشكور والله يعطيك العافيه

حياك ربي العاصوف

[راعي عنيزة]

الرسالة الأصلية كتبت بواسطة أبوتميم
لقد أمتعت أنظارنا بهذه الصور الجميلة والتي تدل على سعة فضل المنان سبحانه وتعالى وتدل أيضاً على المهارة في التصوير ولكن لي ملاحظة بسيطة على عبارة وردت في تعليقك على أحد الصور ولا أشك أنه ورد على سبيل المزاح......وهو تمنيك أن تكون بربرياً وأظن أن في هذا محذور شرعي والله يقول :(ولقد كرمنا بني آدم)..........وفقك الله ورعاك

حياك الله يا ابو تميم وجعلك تسلم
وبالنسبه للمحذور فما ادري لكن تقل اذكر اني قد سمعت اثر ينسب لابو بكر رضي الله عنه يقول بما معناه ليتني كنت عصفورا افنى ولا احاسب

والله اعلم :rolleyes:

[راعي عنيزة]

الرسالة الأصلية كتبت بواسطة السمح
فعلاً أنت عضو كشخة .. وكل شي فيك كشخة .. :p حتى الصور اللي تفتح النفس ، والتصوير والتعليق ..
ترى هالمدح كله علشان إنك سميت حدا هالفياض باسمي ، وهي أحسن فيضة وبعدين اباخذ منك إحداثياتها .. صحيح إن الربيع اللي فيها صمعا http://smilies.sofrayt.com/%5E/r/happy.gif ولكن تظل زينة ..

مشكور يابعدي .. وعسى الله يقويك ..

أحلى تحية ..

خال الجميع ابو تركي
ان كان فيني شي كشخه فهو معرفتك يالكشخه :p
ويا علك تسلم يا حبيلك على ذا المدح وفعلا انت تستاهل المنحه الي منحتك اياه :D
وممكن تعرب لي كلمه صمعا ;)

[راعي عنيزة]

الرسالة الأصلية كتبت بواسطة ابوفارس
ما يصيراحتج بكل قوة توزع الفياض وبس ؟ لنا اسنين خر مر للحجرة ونطلع من المولد بلا حمص , وينك ياالمشرف العام :D :D :D
صور رائعة لا تظهر إلا من شخص رائع مثلك ياراعي عنيزة. على العموم كل ما أتذكر كلمتك من النوع الدب اضحك:D :D :cool:

ابو فارس :D
ياخي ذولا قدموا معاريض وطارت الطيور بارزاقه ;)
لكن ما عليه عندي كم فيضه بالصمان اكتبهن باسمك هاه وش قلت ؟؟ <== كريم على حلال غيره :D

[راعي عنيزة]

[QUOTE]الرسالة الأصلية كتبت بواسطة عاشق البر2003
:) بصراحه صور جميله وربيع وافي والله يعيده علينا كل سنه ومقصرت ياراعي عنيزه على هصور الموفقه



اخوك عاشق البر 2003 والله يوسع صدرك بالعافيه:good: [/QUOTE



الله يجزاك خير يا عاشق البر واللهم امين يعيده علينا وعليكم بالعافيه

[راعي عنيزة]

الرسالة الأصلية كتبت بواسطة راعي الحزم
سلالالالالالالالالالام عليكم هلا والله براعي عنيزة اثرك قاعد تتسدح بالفياض ومستانس لا وصور روعه الله يعطيك الف الف الف عافيه على هالمجهود الجبار على طاري الفقع انا كنت هناك بالفياض الى بالحجره قبل الحدقه بعشر كيلو لقينا حق الغداء بس بعد تعب شديد والله شكلك يا راعي عنيزه حولنا وش سيارتك


سيارتي كورفيت وجيب لكزس (حقات البتار الا من احد نشده بالبر وش موترك :D )

وهلا بك هلا يا راعي الحزم وصادز يا حبيلك ذيك الديار ما ودك الا تسدح وتبطح ولولا الالتزامات ولا كان الواحد ما نكس الا قبالية الصيف :rolleyes:

[التغلبي]

صور جميلة ياراعي عنيزة وماقصرت تعليق رائع بارك الله فيك

[فرد حمزة]

سلالالالالالالالالالالالالالالالالالاموووووووووون عليكم


كيف حالك أبو حمد

شخبارك ،
ياحمبيلك <----:D

أقووووووووووووووووووووووول

شفت الإحداثيات اللي عطيتني

توقع من واجهت في حجرة لينه وعطيته إحدثياتك ؟؟؟؟؟؟؟؟

إنزل حدر
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
بعد شوين
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
خلاص
تعرفه تحت
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
لقيت الشيخ ناصر العمر مضيع مخيمه وكلمنا عياله بالجهاز وعطيناهم إحداثية موقعه وجو عياله
وسألنا الشيخ عن اماكن الربيع الزينه واللي تقل بها سخفات الشباب ،،
قلت له أبشر عندي لك إحدثيات فياض رهيبه والناس ماتدري عنها وراعي الإحدثيات يقول إذا انبسطتوا إدعوا لي بالخير ودعالك ياهنيالك :)

هذي من بركاتك وبركات مكشات :)

أغلى تحيه
اخوك ... فرد حمزة

[aif]

تسلم يمينك يابو حمد على هالصورررر

ويعطيك العافية وشفلي الله يخليك على طريقك حدى هالفياض اللي ما له اسم حتى لو نفود (بس يصير به ارطى ) حطه باسمي ;) ;)

بس الله يخليك لا تحط فيضة فرد حمزة حولي أخاف أصور ويطلع لي البليزر حقه :confused:

تحياتي للجميع

أبو ريان

[نقا هشال]

الف شكر ياراعي عنيزه

بصراحه صور تفتح النفس

بااختصار ابدااااااااااااااااااع

بس حبيت اسألك الصوره اللي فيها الخيمه وينها فيه

واللي فيها الغدير بعد وينها فيه

هل هي في الحجره اوفي غيرها؟؟؟؟

عطنا احداثيتها لاهنت00000

[عبدالعزيز الدباسي]

اولا الحمد لله على سلامتي

والثانية مشكور جداً على المنحة ، اللي كلها ملحة

والخامسة وش هالزين يا راعي الزين ،، تصوير محترفين ، وشغل مهندسين

ياملا العافية يالغالي ((((((((((( احبك ليه انا ما أدري ))))))))))))

[راعي عنيزة]

الرسالة الأصلية كتبت بواسطة التغلبي
صور جميلة ياراعي عنيزة وماقصرت تعليق رائع بارك الله فيك

حياك ربي يالتغلبي وهلا بك هلا

[راعي عنيزة]

الرسالة الأصلية كتبت بواسطة فرد حمزة
سلالالالالالالالالالالالالالالالالالاموووووووووون عليكم


كيف حالك أبو حمد

شخبارك ،
ياحمبيلك <----:D

أقووووووووووووووووووووووول

شفت الإحداثيات اللي عطيتني

توقع من واجهت في حجرة لينه وعطيته إحدثياتك ؟؟؟؟؟؟؟؟

إنزل حدر

لقيت الشيخ ناصر العمر مضيع مخيمه وكلمنا عياله بالجهاز وعطيناهم إحداثية موقعه وجو عياله
وسألنا الشيخ عن اماكن الربيع الزينه واللي تقل بها سخفات الشباب ،،
قلت له أبشر عندي لك إحدثيات فياض رهيبه والناس ماتدري عنها وراعي الإحدثيات يقول إذا انبسطتوا إدعوا لي بالخير ودعالك ياهنيالك :)

هذي من بركاتك وبركات مكشات :)

أغلى تحيه
اخوك ... فرد حمزة




وعليكم سلااااااااااااااااااااااااااامون

هلا والله ابو همام

وهذا والله من دواعي سروري ان يستفيد من الاحداثيه الشيخ ناصر وجزاك الله خير على طلبك الدعا منه :)

لكن هل انت استأذنت من السمح ؟؟؟؟؟ ;)
خبرك منحناه الفيضه وطلعنا له به صك 10 كيلو ب 10 كيلو :p

وعلى طاري ابو تركي يوم عرف اني رايح لحجره لينه قعد يتطنز ويقول ابد انتم عنز بدو وطاحت بعبس ومافي ذا البلد غير ذا الولد وماله داعي تروحون للزحمات والازعاج :D :D
ويوم فقدناه عقبه بيومين سألنا عنه وقالو كاشت بحجرة لينه :D :D :D

[راعي عنيزة]

الرسالة الأصلية كتبت بواسطة aif
تسلم يمينك يابو حمد على هالصورررر

ويعطيك العافية وشفلي الله يخليك على طريقك حدى هالفياض اللي ما له اسم حتى لو نفود (بس يصير به ارطى ) حطه باسمي ;) ;)

بس الله يخليك لا تحط فيضة فرد حمزة حولي أخاف أصور ويطلع لي البليزر حقه :confused:

تحياتي للجميع

أبو ريان

ابو ريان :D

ذا البليزر مثل فضولي حق مجلة ماجد لازم يتدعس بكل صوره :D
واما بالنسبه للمنح فبما انك انسان حيبيب ورهيب وتشرب حليب قررنا منحك الدهنا والربع الخالي <= خربانه خربانه :D

[راعي عنيزة]

الرسالة الأصلية كتبت بواسطة نقا هشال
الف شكر ياراعي عنيزه

بصراحه صور تفتح النفس

بااختصار ابدااااااااااااااااااع

بس حبيت اسألك الصوره اللي فيها الخيمه وينها فيه

واللي فيها الغدير بعد وينها فيه

هل هي في الحجره اوفي غيرها؟؟؟؟

عطنا احداثيتها لاهنت00000

هلا بك هلا يا نقا هشال وتسلم

وصورة الخيمه والغدير هذي طال عمرك بفيضة الزقله بالحجره
وتلقا احداثياتها في احد الردود السابقه بذا الموضوع

[راعي عنيزة]

الرسالة الأصلية كتبت بواسطة شقردي
اولا الحمد لله على سلامتي

والثانية مشكور جداً على المنحة ، اللي كلها ملحة

والخامسة وش هالزين يا راعي الزين ،، تصوير محترفين ، وشغل مهندسين

ياملا العافية يالغالي ((((((((((( احبك ليه انا ما أدري ))))))))))))

الحاج شقردي :p

تقبل الله ومن العايدين عقب الزحمه
والتصوير مهب شي عند تصويرك وحنا تلاميذك طال عمرك :cool:
والله يعافيك ويخليك ولمكشات يبقيك