العج عدم الشمعات وش الحل؟؟؟؟؟

[Seas Diver]

يا اخوان مشكلتي مثل ماذكرت وش الحل مع العلم ان الشمعات بلاستك مو قزاز

[موادع 1]

الحل تلميعها وانا اخوك عند محلات الزجاج
وان شاء الله تظبط معك
سبق وجربت التلميع على ددسن وضبطت

الله يوفقك

[باترول مغرز]

اخوي مر اكسسوارات اوتو ستار على الدايري عند العيسى واشتر ملمع شمعات واسفنجه ب 50 ريال ونضفها معي فكسار وصار لي زيك ونضفتا والحين وكاله ما شاء الله

[حصاد الوشم]

جرب معجون اسنان وسفنجه ناعمه افرك بها كل شكعة على حده لمدة عشر دقايق تقريباً وشف النتيجه بنفسك

[حسين2002]

يا إخوان يقول لكم الشمعات بلاستيك يعني ما ينفع معها التلميع

[بواردي جنوبي]

جرب معجون اسنان وسفنجه ناعمه افرك بها كل شمعة على حده لمدة عشر دقايق تقريباً وشف النتيجه بنفسك

^ صحيح كلام أخونا حصاد وانا مجرب الطريقة وميه ميه

[ابوراكان تبوك]

يا إخوان يقول لكم الشمعات بلاستيك يعني ما ينفع معها التلميع

لا تتلمع

وبعد التلميع اشتري لك غطاء بلاستيك عند محلات الزينه تتركب على النور وافضل نوع مايز يريحك من ترميل النور

[باوزير]

يا إخوان يقول لكم الشمعات بلاستيك يعني ما ينفع معها التلميع


القزاز ما ينفع معها التلميع البلاستيك عادي

[Seas Diver]

ياطوال الاعمار استخدمت معجون الاسنان مافاد ووديتها لحقين التلميع وبرضكم مافاد .....بالنسبه لحقين الزجاج حسب ماذكرت اخوي موادع ماوديتها لهم
افيدونا وفقكم الله

[أبو شيري]

الحل اللي تبي

مع العج

او

مع الشمعات

؟؟

اممممم أفضل شي تهاجر لأحد الدول التي رطوبه طول العام وأرضهم طينيه
أضمن لك ما فيه عج وسافي

والله سالفة الترميل بالوجهيه والشمعات هذي ما لها حل الا تصبر وتتحمل وتلمع كل سنه مره

اذا الشمعات بلاستيك فالتلميع ينفع معها ولكن تحتاج مواد أصليه

ولي تجربه وتقرير مفصل أطلع عليه وشاهد بنفسك النتيجه مرضيه

الموضوع بالتوقيع

[الحربي 591]

اخوي انصحك تخليها بحالها
انا مثلك لفيت ودرت وضاعت قروش واجد ولا فيه فايده

قلت اجل خني اسويها بنفسي وماخليت شي ما سويته لللين اخر مره صنفرتها وزادت الطين بله هههههههههههههههههه



افضل حل تنقز التشليح وتشتري شمعات نظيفه ماراح تتجاوز 100ريال للواحد
وركب عليها عازل الشفاف اللي طالعين فيه الشباب الحين

[منصور الفايز]

اكثر شمعات المواتر تجي بلاستك مش قزاز

مالك الا تركب تجليده شفافه على الشمعات بعد ماتلمعها وتغيرها كل فتره على حسب الخطوط
انا امسك خطوط كل اسبوع للعمل واغير التجليده كل شهرين او شهر على حسب العج اللي اصادفه بالخط والحمدلله الامور تمام

واذا تبي تلميع للشمعات الي ما بعده تلميع ... الرياض الصناعيه الداخليه .. مقابل السالم للزجاج من جهة الجنوب .. وما راح تتحسف ان شاء الله

بالتوفيق اخوي

[راعي الرود]

اخوي جرب معهن التلميع بالمحلات اللي حول معارض النسيم على شارع عبدالرحمن بن عوف
اذا ماضبطت مع التلميع مالك الا تغيرهن و تفصل عليهن نظارات شفافه بالغرابي يفصلونها انا افضلها عن التجليده بحيث انك تفكها وتركبها متى ماتبي وسعرها مايتجاوز 60 ريال

[حصاد الوشم]

ياطوال الاعمار استخدمت معجون الاسنان مافاد ووديتها لحقين التلميع وبرضكم مافاد .....بالنسبه لحقين الزجاج حسب ماذكرت اخوي موادع ماوديتها لهم
افيدونا وفقكم الله
إذا انت في الرياض عطني خبر نتقابل وان شاء الله انها تروح. يمكن ما سيويتها بالطريقة المناسبة.

[ابو محمد1991]

رح لمحلات التظليل مثل ثري ام واوتو جت وطقتها وخلهم يلمعونها لان موادهم اصلية وشف ان كانه نفع قلهم حطو تجليدة حماية عليها وحسب المركز الي انت رايح له يعطيك ضماان انا اوتو جت معطيني ضمان ٨ سنين وخطوط اسبوعيا والحمد لله لا اشيل هم عج ولا شي

[Seas Diver]

جزاء الله الجميع خير

انا من مكة اخوي حصاد الوشم الله يثيبك خير

ان شاء الله نجرب m3 يابو محمد حفظك الله