تجهيزات تاهو

[فؤاد الزهراني]

بسم الله الرحمن الرحيم




السلام عليكم ورحمة الله وبركاته

أحبابي أعتذر أولاً عن العنوان لأن لي ربع ساعه قاعد افكر في العنوان لحاله :D

على كل حال أسعد الله أوقاتكم بالخير والمسرات

يا أحبابي أنا شريت تاهو دبل والحمد لله وعندي كم إستفسار ياليييييييت أحصل من

يساعدني فيها




( أول إستفسار )

بخصوص لو بغيت أدخل طعوس هل يجب علي أن أنسم في هواء الكفرات؟؟

لأني قبل فتره دخلت في طرف البر وبغينا نجيب العيد أخوكم عليمي توه

كنت اخش البر مع اخوياي لكن راكب ولا لي خبره في الطعوس والبر ذاك الزود



( ثاني إستفسار )

أبي أركب له تانكي مويه وللأسف لي أكثر من اسبوعين وانا ادور في النت

لكن ما حصلت شيء يرضي النفس شفت موضوع الأخ اللي فصل تانكي

وحاطه مكان الإستبنه لكن ما أعجبتني فكرته فحاولت أحصل طريقه ثانيه لكن ما حصلت

لو فيه أحد جربها أو يعرفها ياليت يعطيني طريقتها




( ثالث إستفسار )

أبي أركب ثلاجه وشفت ثلاجات لكن ما أعجبتني بصراحه

فهل أحد قد جرب فصل لها ثلاجه مكان الدرج اللي تحت التكايه؟؟؟

لأني سمعت أن فيه محل في الرياض حول سوق حجاب يفصل فهل أحد جرب وراح له؟؟؟






هذا ما عندي الآن


وجزاكم الله عني بالفردوس الأعلى من الجنة




أخوكم/ أبو أحمد
.
.
.

[على رمشي تمشي]

وعليكم السلام - لابد من تنسيم الكفرات الى 15 افضل واريح للسيارة تفادياً للغراز ويفضل شبك الدبل
اذا كان بر عادي بدون نفود وطعوس - عادي امش عليه بدون تنسيم وبدون دبل ومتى ما احتجت للدبل تشبكه
عندك مشكلة بلحية السيارة ممكن تطيح معك - اذا تبي تانكي فيه تانكي الوطني اعتقد سعره ب220 90لتر فيبر
ممتاز جداً - بالتوفيق وان شاء الله اهل الخبره ماراح يقصرون

[فؤاد الزهراني]

وعليكم السلام - لابد من تنسيم الكفرات الى 15 افضل واريح للسيارة تفادياً للغراز ويفضل شبك الدبل
اذا كان بر عادي بدون نفود وطعوس - عادي امش عليه بدون تنسيم وبدون دبل ومتى ما احتجت للدبل تشبكه
عندك مشكلة بلحية السيارة ممكن تطيح معك - اذا تبي تانكي فيه تانكي الوطني اعتقد سعره ب220 90لتر فيبر
ممتاز جداً - بالتوفيق وان شاء الله اهل الخبره ماراح يقصرون




الله يجزاك الفردوس الأعلى من الجنه

انت اللي حنيت علي من بين قرابة 30 مشاهد :D

بس بغيت أسأل بخصوص اللحيه هل يمديني أفكها اذا جيت بدخل طعوس؟؟

وبخصوص التانكي الوطني أنا شفت موضوع عنه لكن ضروري أركبه

خلف المقاعد أنا ودي أركب شي خارج السياره عشان لا يضايقني

إذا عندك أي معلومه ياليت تفيدني الله يسعدك في الدنيا والآخره



حفظك الله من كل باس وسوء

[على رمشي تمشي]

الله يجزاك الفردوس الأعلى من الجنه

انت اللي حنيت علي من بين قرابة 30 مشاهد :D

بس بغيت أسأل بخصوص اللحيه هل يمديني أفكها اذا جيت بدخل طعوس؟؟

وبخصوص التانكي الوطني أنا شفت موضوع عنه لكن ضروري أركبه

خلف المقاعد أنا ودي أركب شي خارج السياره عشان لا يضايقني

إذا عندك أي معلومه ياليت تفيدني الله يسعدك في الدنيا والآخره



حفظك الله من كل باس وسوء


اللهم آمين اللهم آمين ومن قال - الاخوان فيهم الخير والبركه وان شاء الله ماراح يقصرون
اللحيه تقدر ترفع السيارة من الامام وان شاء الله ماراح تحتاج لها فك - اذا لك الرغبه في رفع السيارة امامي وخلفي وانا اشوف انه لازم لانك راح تركب تانكي ومع تعبئة الماء واغراض البر بينزل من ورى فلذلك لازم ترفعه
والله شوف انا افضل اللى خلف المرتبه - إلى مكان الاستبنه لو لاسمح الله غرزت او رقيت شي مرتفع ممكن تتعلق السيارة ويصعب تطليعها - اما الاستبنه ممكن تنزل هواء الكفر وتنتهي المشكلة
وفوق كذا تبي تفقد رساوة السيارة خصوصاُ بعد تعبئة الماء
الافضل والاحسن الوطني خلف المرتبه وميزته متى ماخلص الشتاء تقدر تنزله للبيت وحتى مثلاً جيت من البر تنزله يعني تقدر تتحكم فيه - والله يعطيك من خيره ويكفيك شره

[أبو الوليد 14]

1.. نعم يجب عليك تنسيم الكفرات إذا ناوي تدخل النفود ، افضل واريح للمحرك وللقير وللدفرنس ويحافظ على الموتر من التفكك.

2..تانكي الماء على حسب حاجتك ، لكن اشوف لك تانكي الوطني 95 لتر واقف ( بولي ايثيلين ) هو افضل خيار والانسب لك .

3.. بخصوص الثلاجة ما قد سمعت انها تفصل ، اللي اعرفه انك تشريها جاهزة وتلقى احجام واشكال وانواع ، انت تحدد اللي يناسبك
البعض يشيل المرتبة اللي بين السائق والراكب ويحط مكانها ثلاجه لكن هاذي ما اعتقد انها تناسب موترك سواء كانت المرتبة الامامية منفصل او متصلة ، والبعض يحطها في الشنطة ويوصل لها الكهرب ويمكن هاذا افضل خيار لك .

بالتوفيق

[فؤاد الزهراني]

اللهم آمين اللهم آمين ومن قال - الاخوان فيهم الخير والبركه وان شاء الله ماراح يقصرون
اللحيه تقدر ترفع السيارة من الامام وان شاء الله ماراح تحتاج لها فك - اذا لك الرغبه في رفع السيارة امامي وخلفي وانا اشوف انه لازم لانك راح تركب تانكي ومع تعبئة الماء واغراض البر بينزل من ورى فلذلك لازم ترفعه
والله شوف انا افضل اللى خلف المرتبه - إلى مكان الاستبنه لو لاسمح الله غرزت او رقيت شي مرتفع ممكن تتعلق السيارة ويصعب تطليعها - اما الاستبنه ممكن تنزل هواء الكفر وتنتهي المشكلة
وفوق كذا تبي تفقد رساوة السيارة خصوصاُ بعد تعبئة الماء
الافضل والاحسن الوطني خلف المرتبه وميزته متى ماخلص الشتاء تقدر تنزله للبيت وحتى مثلاً جيت من البر تنزله يعني تقدر تتحكم فيه - والله يعطيك من خيره ويكفيك شره



كلامك والله عين العقل وفي محله

وتقبل الله دعاك أخوي دعوة طيبه من وجه طيب جعل عين مغليك ما تبكيك





1.. نعم يجب عليك تنسيم الكفرات إذا ناوي تدخل النفود ، افضل واريح للمحرك وللقير وللدفرنس ويحافظ على الموتر من التفكك.

2..تانكي الماء على حسب حاجتك ، لكن اشوف لك تانكي الوطني 95 لتر واقف ( بولي ايثيلين ) هو افضل خيار والانسب لك .

3.. بخصوص الثلاجة ما قد سمعت انها تفصل ، اللي اعرفه انك تشريها جاهزة وتلقى احجام واشكال وانواع ، انت تحدد اللي يناسبك
البعض يشيل المرتبة اللي بين السائق والراكب ويحط مكانها ثلاجه لكن هاذي ما اعتقد انها تناسب موترك سواء كانت المرتبة الامامية منفصل او متصلة ، والبعض يحطها في الشنطة ويوصل لها الكهرب ويمكن هاذا افضل خيار لك .

بالتوفيق



حياك الله أخوي أبو وليد وكلامك أيضا فيه من العقلانيه الشيء الكثير

أما بخصوص التانكي حق الماء فقبل شوي مع تقليب خفيف في النت شفت

ذا التانكي بلاتسيك اللي يسمونه تانكي الرماية وهذي صورته

http://www.alfaris.net/up/90/alfaris_net_1408524388.jpg

والشخص اللي شاريه مفصل عليه شراع زي كذا

http://www.alfaris.net/up/90/alfaris_net_1408524590.jpg



وبصراحه كأنه خش مزاجي والله ييسرها



بخصوص نقطة الثلاجه فصعبه جدا احطها في الشنطه لأني راعي خطوط

وشكلي بشتري لي وحده وأحطها بين المرتبتين من ورا

مكان الأرجل للركاب في الخلف ( أجلكم الله )


بس وش تنصحون فيه لأني شفت كذا واحد يمدح ثلاجة الطمره وفيه ناس تذمها


ومحتاااار بصراحه



جزاكم الله جميعاً الفردوس الأعلى من الجنة

[ماجد222]

وعليكم السلام ورحمة الله وبركاته..

تفضل بخصوص الثلاجة


http://www.mekshat.com/vb/showthread.php?t=309101

[فؤاد الزهراني]

هذي اللي أقول عنها يعني شكلها مو ذاك الزود

بصراحه ودي بشيء أفضل إذا فيه


وفق الله الجميع لما يحب ويرضى

[محب االخير]

تفضل أخي لعل هذا ينفعك
http://www.mekshat.com/vb/showthread.php?t=598176

[فؤاد الزهراني]

تفضل أخي لعل هذا ينفعك
http://www.mekshat.com/vb/showthread.php?t=598176




جزاك الله الفردوس الأعلى من الجنة

فكرتها زوينه ما عليها بس للأسف أنا ماعندي نفس ذا الدرج :D


أشكرك يا عسل

[1824]

من راعي تاهو دبل الى اخر اول شيء اللحية تنفك بسهولة من تحت وطريقة الفك مكتوبة في الكتلوج والكتلوج يقول يجب ازالتها اذا اردت الخروج عن الطريق ودخول اماكن وعرة ويفضل ايضا ازالة الدعاسات الجانبية حسب كلام الكتلوج وسهلة ازالتها تلقى في النت مقاطع لازالتها هي واللحية كلهم وبعدها كذا السيارة جاهزة تدخل وين ما تبي والكفرات لا تنزل عن 20 الا للضرورة القصوى نصيحة لان اكثر من كذا الموتر ينزل واجد والباقي مالي علم فيه بالتوفيق ياصاحبي

[1824]

نزل الكفرات 20 وتوكل على الله بعد ازالة الدواسات واللحية بالتوفيق لك

[فؤاد الزهراني]

من راعي تاهو دبل الى اخر اول شيء اللحية تنفك بسهولة من تحت وطريقة الفك مكتوبة في الكتلوج والكتلوج يقول يجب ازالتها اذا اردت الخروج عن الطريق ودخول اماكن وعرة ويفضل ايضا ازالة الدعاسات الجانبية حسب كلام الكتلوج وسهلة ازالتها تلقى في النت مقاطع لازالتها هي واللحية كلهم وبعدها كذا السيارة جاهزة تدخل وين ما تبي والكفرات لا تنزل عن 20 الا للضرورة القصوى نصيحة لان اكثر من كذا الموتر ينزل واجد والباقي مالي علم فيه بالتوفيق ياصاحبي


نزل الكفرات 20 وتوكل على الله بعد ازالة الدواسات واللحية بالتوفيق لك





^^^^^^^^^^


:good2::good2::good2::good2:


جزاكم الله الفردوس الأعلى من الجنة


بصراحه أول مره أدري عن اللي قلتوا عليه بخصوص اللحيه والدعاسات


وفقكم الله جميعاً

[تميم2222]

ما شالله الله يطعمك من خيره ويكفيك شره اما عن الثلاجه فيه نوعين تركب عند في النص بين الراكب والسواق وهذي ميزه ماشالله حلوه في اليوكن والتاهو ........في موضوع عنها منزله احد الاخون طريقه تركيبها ن شالله يفيدك اكتب بنسبه لتغيزر فادوك الاخوان