للي عنده الخبره في اندونيسيا

[GMC 111]

بسم الله الرحمن الرحيم

السلام عليكم ورحمة الله وبركاته

ياشباب ياليت من عندة الخبرة الكافيه عن اندونيسيا

اسعار التذاكر للشخص لو بحجز من الحين ووقت السفر اول يوم في العيد ان شاء الله واسعار الفنادق وافضل المدن من ناحيت الطبيعة والشواطى للمعلومية السفره شباب فقط وهل مبلغ 8000 للشخص يكفى 13 يوم السكن والتذاكر والطعام ؟؟
ولكم جزيل الشكر
انتظر ردودكم

[m00]

سلام عليكم

بنسبه لثمانية آلاف غير التذاكر تكفيكم وتزود بس بشرط ما تحطون لكم منقيه :/

وأسعار التذاكر انت ما حددت منطقتك لانها تختلف على حسب المنطقة

لأكن المعتاد من ثلاثة آلاف وأقل

وشوف جميع الشركات وإذا لقيت على السعودية خذ وانت مغمض اذا كان الفرق بسيط

لان راح تشتري راحة نفسك عن الشحططه في المطارات

لا تنسون حق الفيزا وانتبهو لايضحكون عليكم هاتو حق الفيز مصروف معاكم لاتخلوهم يصرفون لكم


ونصيحه

أنا لفيتنام اندونيسيا كلها والله مقاربه لبعض ما فيه زود

روح انبطح في بونشاك

وأنصحك بمجمع نظيف اسمه كوتا بونقا

وفقك الله

[غدر الزمن]

اول شي تاكد من الفيزا هي تاخذها من سفارتهم هنا او من المطار انا اخطط على سفره

وانحست حوس مع العم قوقل واحد يقول لازم فيزا من هنا والثاني يقول تاخذها في مطار

الوصول في جاكرتا

اما الفنادق انا افرفر في موقع booking اسعارهم مناسبه والخيارات كثير وعلى

مسؤوليه فرفرتي وليس مسؤوليتي انا اقول 8000 اكثر من الحاجه بكثير

المهم يبيلنا واحد شقردي ياكد لنا موضوع الفيزا بعيد عن قوقل ومواضيعه

[m00]

الفيزا خذ كلامي من المطار أنا جاي قبل رمضان من عندهم وانت واقف

[GMC 111]

الله يجزاكم خير جميعا ماقصرتو والله

[ا ل ح]

انا حاجز في 20 /11 والعوده في 5 /12 الخطوط السعودبة ب 3374

طبعا 8000 كافيه جدا بس حسب صرفك ونظامك هناك
ونصيحه خل عنك الفنادق وعيش حياتك في فلل في البونشاك

[GMC 111]

انا حاجز في 20 /11 والعوده في 5 /12 الخطوط السعودبة ب 3374

طبعا 8000 كافيه جدا بس حسب صرفك ونظامك هناك
ونصيحه خل عنك الفنادق وعيش حياتك في فلل في البونشاك


الله يعطيك الف عاافيه ياحبيبي ماقصرت رحلة سعيد وترجع بالسلامة يالغالي

[خشكاري]

السلام عليكم

أخوي GMC بما إني من محبي هذا المنتدى وأعضائه .. وبحكم سفراتي العديدة لأندونيسيا بفيدك باللي أقدر عليه وبعطيك عصارة خبرتي لأكثر من 14 سفريه .. بما اني رايق حاليا :) ..

1- الخطوط الناقلة : انصحك بالإتحاد بحدود 3000 التذكرة .. المهم أنتبه تسافر مع الخطوط السعودية أنحش .. ولا عليك من اللي يقول رخيصه ودايركت .. وربي تندم انواع المناكح سووها فينا من تأخير بالهبل وخدمه زفت واكل يمرض الله يديم النعمه ووسائل ترفيه معدومه في طياراتهم .. بإختصار يخلونك تكره السفريه .. وانت خابر ربعنا !!

2- العملة : خذوا دولارات احسن من الريال لأن بعد الحج ينزل سعر صرف الريال هناك .. اصرف دولارات فئة 100 دولار نسخة جديدة من محلات الصرافه زي العمودي .. وتجنب بنوكنا الحراميه .. حطوا الدولارات في زرف قوي شوي علشان ماتتسفط .. وانصح بشنطة الخصر زينه للسفر .. وعلى جنب لكل واحد 25 دولار للفيزا في مطار جاكرتا .. وبخصوص الفرق بين الريال والروبية حط فبالك دايم ورقة 100 ألف روبية حدود 40 ريال وورقة 50 ألف 20 ريال علشان تزبط معك الحسبه والوزنيه ..

3- العزبه : تكون كلها بشنطة وحدة قوية أريح لكم .. والأساسيات بس علشان الوزن .. الاتحاد متساهلين شوي بالوزن إلى 30 كيلو للشخص وحتى لو زادت شوي مايدققون .. العزبة كالتالي : رز - مكرونه - قهوه وشاهي ودله مشكنمه وفناجيل - قدوع - بهارات - نواشف معلبات - تونه - مكسرات - صلصه وشطه - سفر طعام واكياس بلاستيك شفاف لتقسيم لحم الذبيحة بالفريز - قدر ضغط مشكنم وخفيف ( ونصيحة ) خذوا طباخ كهرب ابو عين وحدة 220V ب 50 ريال وخفيف من بندة لزوم الطبخ والنفخ والتقهوي حتى بفندق 5 نجوم :) وصدقني بيفيدكم كثير

4- مطار جاكرتا "سوكارنو هاتا" : موظف الجوازات حق الفيز اذا طلبك هديه عطه علك ابو نص هههه امزح .. لاتعطيه شي انتبه توهق أخوياك لأنك لادفيته بينشب لأخوياك .. ابتسم له وسو نفسك غبي هههه

اكشاك الصرف في المطار تصرف منها 100 او 200 دولار بالكثير كل واحد فيكم .. وأحسنهم مكتب كاها 24 ساعة فاتح .. وان كان مابتحجزون شقق أو فندق عن طريق موقع بوكينق احجزوا من عنده كانكم بتريحون بجاكرتا يوم بعد تعب الرحلة .. اما اذا بترقدون في الطيارة وتقومون مصحصحين أنصحكم ماتقعدون بجاكرتا مامنها الا غثا وزحمة .. والخيار لكم .. وأرشح لكم شقق اريادوتا سيمانقي وتحتها مشي سوبرماركت كبير .. وبعدها شقق أستون مارينا قريبة من منطقة أنشول البحرية ( الكورنيش والملاهي دنيا فنتازي وعالم البحار سي وورد وغيرها ) تشوفها بعينك من البلكونه .. دامكم شلة شباب خذوا شقتين أمهات غرفتين او بحسب عددكم .. وأشرط عليهم المطل على الكورنيش أو المسبح على هواك ..

خذلك شريحة أندونيسية شركة سيمباتي شبكتها قوية .. لاتشتريها من المطار غاليه خذها من برا بحدود 15 ألف روبية وأشحنها ب 100 ألف يعني ب40ريال .. كلكم خذوا شرايح علشان المواعد بينكم وتسهيل اموركم

5- الفله والتماشي : 13 يوم ؟؟؟؟ أممممممممم بالنسبة لي مستحيل اروح اندونيسيا بس 13يوم .. أقل شي شهر ودايم امدد شهر ثاني من دائرة الهجرة ب400 ألف روبية 160 ريال ... المهم ماعليك مني ههههه تعال أعطيك الزبده دامكم بتقعدون بس 13 يوم : ( وسالفة الفلة والوجهات تختلف من شخص لآخر ) لكن دامكم شلة شباب أتوقع أنكم كوكتيل ههههه

بونشاك .. الجبل : شخصيا لي اكثر من خمس سنين ماطبيتها والسبب ان العرب دعسوها وخربوها وخربوا أهلها .. ماغير سرقات ومداهمات وجريات ونصب وغلاء وحقد وطلب هديه في كل مكان .. بإختصار غثا وقلة حيا حتى من ربعنا اللي بتشوفهم هناك وبتشوف عمايلهم .. لكن دامكم بتروحونه انزلوا تحت لشيباناز وشيباداز .. وشقق كوتا بونقا زينه وخياراتها كثيرة ومجمع كبير تضيع فيه لكن عيبه مقطعه شوي لابقالات حوله ولا مطاعم .. وان حطيت كل الكلام ذا براسك ورحت لمكتب سلطان المزيد في الجبل وقلت له أبي فيلا من فللكم رايقه وهاديه ومافيها قلق وبياعين وقروشه بتحصل مطلوبك عنده .. وتقدر تحجز من بدري من موقعهم حط بقوقل مكتب سلطان المزيد وخش موقعهم وحدد له التاريخ .. والرجال ماأزكيه على الله محترم وصدوق وخدوم .. واذا تبون بعد عندك فلل جاياكرتا في وسط الجبل زينه ونظام فنادق وحراسه لاكن الله يعينكم على المهسترين اللي بيسكنون جنبكم .. من ألحين أعلمك .. وانتم وحظكم ولا الفلل مايعلى عليها ..
التماشي في الجبل بونشاك : حديقة الحيوانات سفاري ملام حلوه ويبيلها من الصبح للمغرب ..شلال شيباداز حلو والكبسه على جال الشلال مامثلها والمنطقة كلها جنان وهادية .. شلالات شيليمبر حلوه لكن زحمه وتعب شوي .. حديقة الزهور ومزارع الشاهي ... وعلى بعد نص ساعة تقريبا مدينة بوقور وحديقتها العجيبة وبحيرة الليدو الساحرة والاكلات البحرية


وبالنسبة لي بعد ماكنسلت الجبل بونشاك صرت أروح جبل ثاني لكنه بعيد صوب سورابايا ساعتين بالطيارة .. اسمه تريتيس tretes .. نفس بونشاك وأحلى زي ابها بالنسبة للطايف والباحة .. وشعبه لبا قلوبهم وطبيعة خبال ومايجيه عرب واجد .. وكل اللي في الجبل بونشاك تلقاه هناك بربع السعر والله من فلل وتيوس وتماشي وحديقة حيوان زي اللي ببونشاك وشلالات حذفة حصاة من الفلل .. وماتحصل قلق وبوليس وفساد وهدية وغثا ..

وأنتم بكيفكم .. أعرف فيها دكتور سعودي متقاعد رجال محترم ومهوب دايم هناك عنده شقق تمام اسمها ماوماو maw maw وأعرف حارسها وزوجته عجوز طبيخه .. ساكنين بنفس الشقق تحت .. وخدمات على كيف كيفك .. لو تقله لهم من طرف ابراهيم بيحطونك بعيونهم ..

هذا بخصوص الجبل ... فصلت لك فيه ... وانتم بكيفكم

منطقة باندونق : حدود 5 ساعات بالسيارة من الجبل بونشاك .. طبيعتها شي ماينوصف .. وتشتهر بالبركان تاكوبان براهو .. وبمنطقة الشياتر "المياة الحارة" ciater .. فيها شلالات وحدايق .. وأنصحكم بقوة بمنتجع ساري آتير sari ater للمياة الحارة .. فيه غرف وفلل وشغل ملكي ونظيف .. مهوب زي باقي المنتجعات والبرك الحارة الشعبية .. بترتاحون فيه كثير وبتحس بطاقة مهيب عادية بعد مسبح المياة البركانية الحارة .. خطر تكملون باقي السفره مشي على أرجولكم هههههه .. مجمع كبير بالحيل وطبيعة سبحان مبدعها .. وعندك بعد شلالات ماربيا قرب باندونق تصلح مكشات بالكبسة والقهوة .. ومنطقة وبحيرة تشيبودي حلوه وبارده ..

جزيرة بالي + جارتها جزيرة لومبوك الساحرة : قال رحت أندونيسيا قال ايه قال رحت بالي ولومبوك قال لا قال أجل مارحت أندونيسيا :) .... بالي ولومبوك ...... وما أدراك ؟؟؟؟؟؟

هنا أعجز عن الوصف ولا تسعفني الكلمات .. هنا أطبن مكاني هههههههه
رأس مال بالي تذكرة ب 600 ألف على خطوط ليون ساعة زمان من جاكرتا الا انت في بالي .. فتح عيونك خلاص ماعاد فيه نوم في بالي ... يالطيف ليش انا ماجيت بالي على طول !! بلا جبل بلا تسدح هههههههه

من مطار جاكرتا رحلة كل ساعة لبالي .. وكلما حجزت بدري رخصت التذكرة مع تجنب عطلة نهاية الأسبوع لزحمة الحجوزات .. اهل جاكرتا شادين الرحال لبالي في الويكند ..

التماشي في بالي : يبغالها مجلد .. وبشكل عام بحيرات شلالات انهار جبال شواطيء .. والجديد على بالي يتعب نفسيا خصوصا اذا مدة الاقامة قصيره :(
السكن متنوع من شقق وفلل وفنادق وترى بالي مهيب غاليه زي مايدعي بعض عربوه الغشم .. وشخصيا أسكن في فنادق في بالي فقط .. لأني ما اجي الغرفه الا وقت النوم بس وأهج منها الصبح بدري .. أشهر شارع في بالي شارع لاقيان في منطقة كوتا قلب بالي النابض .. وفيه فندق رايق ورخيص اسمه سيمبانق إإن على نفس الشارع وسط الدعثه .. ومسبح وطبيعة وأشجار وسط الفندق .. الغرفه ب 450 ألف روبية حدود 180 ريال .. موقع استراتيجي بقوة وكل شي جنبك صرافين مطاعم بقالات اكشاك سياحية والشغلات الثانية النوادي الليلية ومحلات ملابس وكل شي .. وشارع كارتيكا بلازا مطاعم عالميه وحلو بالليل ..
الجدول المناسب للمواطن السعودي الشقيق في بالي : وببدأ بالمهم
- التجديف النهري : تجربة ماتنساها طول الحياة .. بين الطبيعة والجبال والوديان .. تكلفة الشخص من 250 إلى 350 ألف انت وشطارتك شامل وجبة غداء بعدما تخلصون النهر والحجز من الاكشاك المنتشرة في شارع لاقيان .. يوجد 3 انهار أحلاهم محل اسمه alam والباقية صعبة شوي شفل محترفين بروفيشينال .. ولاصرتم قروب تقل التكلفة وياخذونك من استقبال الفندق الساعة 8 الصبح ويرجعونك للفندق العصر .. لازم تاخذ شورت وفوطة وبعض التسالي ولاتخاف يعطونك شنطة ضد الماء للجوال والكاميرا والدراهم وصندوق امانات وشغل مرتب .. اللي مايجرب التجديف النهري بهاك الطبيعة ماعنده سالفه ابد ابد
-شاطي نوسا دوا .. للألعاب البحرية وبرضو الحجز من الأكشاك والله الله بالمكاسر تكلفة الشخص حدود 500 ألف روبية وأرشح لكم تطلبون الألعاب التالية : البراشوت .. البنانا بوت .. الفلاينق فش .. الجت سكي .. وكلها بيدربونكم عليها عالسريع وحتى العجز يركبونها هههه
- منطقة اوبود الساحرة بطبيعتها الجبلية وبحيراتها ومطلاتها ..
- منطقة كينتاماني خيال الطبيعة وسحرها والبراد
- منطقة بحيرة بيدقول بحيرة بين الجبال وطبيعة خلابة

والاماكن واجد في بالي ولا يمدي أذكرها كلها .. استكشاف شمال بالي - والسفاري - والغواصة اوديسي - شلال قيت قيت - القرية المائية وتقفل 6 المساء - شاطيء دربم لاند - شاطيء جيمبران للماكولات البحرية لكنه غالي بالحيل - المياة الحارة ديفازا - حديقة الطيور - وغيرها كثييييير وأكتفي بهذه عن بالي

واهم شي للي يروح بالي هو زيارة جزيرة لومبوك ليوم أو يومين وتحديدا لشاطيء سنقيقي وبالذات جزيرة قيلي تراونقان عشقي الاول والأخير :( .. وتقدر تروح جزيرة قيلي دايركت بدون ماتمر لومبوك وهذا الافضل للي سفرتهم قصيرة .. والرحلة لها طريقتين السبيد بوت قارب سريع تقل فيراري ساعة ونص وأنت في لومبوك ب 350 ألف روبية للشخص والمكاسر يلعب دور وكلما زاد العدد قل المبلغ .... او بالباخره ويسمونها "فيري" ب 10 آلاف روبية يعني ب 3 ريال هههههه ... لكن التكسي بياخذ منك 300 ألف لأن الميناء بعيد ... باخره تضيع فيها وصيد سمك وقاعات مكيفة ومطعم ومسار وطبيعة بين جزر الأرخبيل الخصراء .. تستغرق الرحلة 5 ساعات .. والفيري فقط الى لومبوك وليس لجزيرة قيلي تراونقان ...

جزيرة قيلي تراونقان ماراح أوصفها لأنها زي ماقلت عشقي الاول والاخير مع ان مساحتها ما تتعدى 3 كيلو متر مربع تقريبا .. وأخواتها التوائم جزيرة قيلي آير وقيلي مينو ... لكن قيلي تراونقان هي العروس ... ولي تقرير عنها على النت كأول مواطن سعودي شقيق يحط تقرير لها مع انها ثاني اشهر جزيرة في اندونيسيا عالميا بعد بالي ..

هذا كل ماسمح به وقتي يا أخوي GMC ... والرد هذا كتبته مخصوص لك ومهو مقتبس وأخذ مني وقت مهوب شوي ... بما انكم شلة شباب قلت علكم تستفيدون منه .. وتقلبونه بينكم وتجتمعون وتنسقون وتتشاورون وماخاب من شاور ...

ونصيحتي لكم يا أخوي أنكم تكونون على قلب واحد وتأمرون امير تكون القطه اليوميه معه .. بحيث كل يوم كل واحد يصرف 100 دولار وتعطونه اياها علشان تسهل عليكم الامور وماتختبصون .. واللي يزيد يتقسم ويرجع لكل واحد تالي اليوم .. قطة السكن والتكسي والمطاعم والتذاكر الداخلية .. وباقي الامور كلن وبصره .. ولا تاخذون سواق باليوميه ماراح تستفيدون منه ... تكسي بلو بيرد في كل مكان وبرخص التراب في وجه العدو .. وانصحك تحمل تطبيق تكسي بلوبيرد من متجر قوقل بلاي BLUE BIRD سهل ومريح تطلب تكسي وانت بمكانك بس تحط رقمك شريحتك الاندونيسية وتريح بالك ..

ودامكم شلة صدقني لازم بتختلفون ببعض الامور .. هذا يبي ينام للظهر وهذاك يبي يسهر وهذا بيتزا هت والثاني مكدونالدز والثالث مايبي البحر ورابع مايبي مدري ايش ... ومن هالأمور ... لاكن الترتيب والجدول المنسق والاتزام به يريحكم ويختصر وقتكم القصير أساسا .. اهم شي القومه الصبح بدري وماتقولون اجازة نبي نشخر للظهر ههههه لا حبيبي تتعبون وتنسقون وتسافرون ومرمطة مطارات وبالعملة الصعبة وآخرتها شخري للظهر ماينفع أبها تراهي قريبه ههههه ... ولا تقول الشي الفلاني ما أبيه لين تجربه وتشوف وتعيشه بنفسك وتشوف بعينك مثل يوم اقول التجديف النهري مثلا ...

وكثروا من الشورتات والتي شيرتات واتركوا عنكم الكشخات والجنز والترزز ههههههه .. والله الله بالتصوير الزين والتقرير الكايف عقب ماترجعون بالسلامة سالمين وغانمين ... وأي مكان تروحونه هناك مثل التجديغف والالعاب البحرية أتفقوا معهم يصورونكم شغل احترافي بحقه طبعا ويعطونكم سي دي وصور وشهادات للذكرى ... وأعيد وأكرر المكاسر في أندونيسيا ثفافه وتراهم يستهطفون اللي مايكاسر ..

وأن كان بغيت رقم سواقي الخاص هناك يستقبلكم ويزبط أموركم تامر أمر وتراه زكرت وتربيتي من سنين ويعرف عربي .. ان بغيتوه أرسل لك اسمه ورقمه عالخاص .. والطيبين الغالين بمكشات الغالي يستاهلون كل خير .. وان بغيت بعد روابط لتقارير قديمه لي على النت أيام عز النقارير هههه فيها وصف وصور لبعض ماذكرت بردي هذا ..


والسلام ختام ....

[m00]

الأخ العزيز خشكاري.

صراحه تقرير كافي ووافي وقليل من يعطيك مثل هذه التجارب

ولاكن لي تعليق بسيط على بحيرة الليدو لانها الله يعزكم مصب مجاري غالبية اهل الجبل

فيه بحيره فوق نظيفه وقليل اللي يعرفها اسمها بحيرة تشي انجور وفيها مطعم عائم وصيد

السمك امامك وطبخه امامك


وبخصوص تريتس صراحه من أجمل المناطق اللي رحت لها لاكن عيبها الوحيد بعيده شوي

واحلى مافي تريتس مزارع الفواكه الاستوئيه

ويوجد بها اعلى شلال في اندونيسيا

وبطريق بين سوربايا وتريتس يوجد بها من اشهر مطاعم اندونيسيا شي خرافي

وبخصوص تريتس انا دائماا احب الذهاب لها عن طريق القطار لماذا

لان من اراد المتعه والتعرف على مناطق عده وصراحه متعه الذهاب بالقطار

اما الرجوع انصح بطائره

وفق الله الجميع

[ابوغلاالقصيمي]

الريال والدولار كله واحد

اذا بتروح للجبل والمناطق القريبه منه

الريال كويس بسبب موسم الحج لذالك يرتفع قيمة صرفه

اما اذا تبي تروح لبالي وانصحك تروح لها عن تجربه

خذ دولار لأن الريال ببالي غالباً سعره منخفض

اذا رحت لبالي

عليك بأخذ بكجات الرحلات والألعاب البحريه من الأكشاك المنتشره بمنطقة كوتا

لأن سعرهم ارخص من الذهاب مباشره

[GMC 111]

السلام عليكم

أخوي GMC بما إني من محبي هذا المنتدى وأعضائه .. وبحكم سفراتي العديدة لأندونيسيا بفيدك باللي أقدر عليه وبعطيك عصارة خبرتي لأكثر من 14 سفريه .. بما اني رايق حاليا :) ..

1- الخطوط الناقلة : انصحك بالإتحاد بحدود 3000 التذكرة .. المهم أنتبه تسافر مع الخطوط السعودية أنحش .. ولا عليك من اللي يقول رخيصه ودايركت .. وربي تندم انواع المناكح سووها فينا من تأخير بالهبل وخدمه زفت واكل يمرض الله يديم النعمه ووسائل ترفيه معدومه في طياراتهم .. بإختصار يخلونك تكره السفريه .. وانت خابر ربعنا !!

2- العملة : خذوا دولارات احسن من الريال لأن بعد الحج ينزل سعر صرف الريال هناك .. اصرف دولارات فئة 100 دولار نسخة جديدة من محلات الصرافه زي العمودي .. وتجنب بنوكنا الحراميه .. حطوا الدولارات في زرف قوي شوي علشان ماتتسفط .. وانصح بشنطة الخصر زينه للسفر .. وعلى جنب لكل واحد 25 دولار للفيزا في مطار جاكرتا .. وبخصوص الفرق بين الريال والروبية حط فبالك دايم ورقة 100 ألف روبية حدود 40 ريال وورقة 50 ألف 20 ريال علشان تزبط معك الحسبه والوزنيه ..

3- العزبه : تكون كلها بشنطة وحدة قوية أريح لكم .. والأساسيات بس علشان الوزن .. الاتحاد متساهلين شوي بالوزن إلى 30 كيلو للشخص وحتى لو زادت شوي مايدققون .. العزبة كالتالي : رز - مكرونه - قهوه وشاهي ودله مشكنمه وفناجيل - قدوع - بهارات - نواشف معلبات - تونه - مكسرات - صلصه وشطه - سفر طعام واكياس بلاستيك شفاف لتقسيم لحم الذبيحة بالفريز - قدر ضغط مشكنم وخفيف ( ونصيحة ) خذوا طباخ كهرب ابو عين وحدة 220V ب 50 ريال وخفيف من بندة لزوم الطبخ والنفخ والتقهوي حتى بفندق 5 نجوم :) وصدقني بيفيدكم كثير

4- مطار جاكرتا "سوكارنو هاتا" : موظف الجوازات حق الفيز اذا طلبك هديه عطه علك ابو نص هههه امزح .. لاتعطيه شي انتبه توهق أخوياك لأنك لادفيته بينشب لأخوياك .. ابتسم له وسو نفسك غبي هههه

اكشاك الصرف في المطار تصرف منها 100 او 200 دولار بالكثير كل واحد فيكم .. وأحسنهم مكتب كاها 24 ساعة فاتح .. وان كان مابتحجزون شقق أو فندق عن طريق موقع بوكينق احجزوا من عنده كانكم بتريحون بجاكرتا يوم بعد تعب الرحلة .. اما اذا بترقدون في الطيارة وتقومون مصحصحين أنصحكم ماتقعدون بجاكرتا مامنها الا غثا وزحمة .. والخيار لكم .. وأرشح لكم شقق اريادوتا سيمانقي وتحتها مشي سوبرماركت كبير .. وبعدها شقق أستون مارينا قريبة من منطقة أنشول البحرية ( الكورنيش والملاهي دنيا فنتازي وعالم البحار سي وورد وغيرها ) تشوفها بعينك من البلكونه .. دامكم شلة شباب خذوا شقتين أمهات غرفتين او بحسب عددكم .. وأشرط عليهم المطل على الكورنيش أو المسبح على هواك ..

خذلك شريحة أندونيسية شركة سيمباتي شبكتها قوية .. لاتشتريها من المطار غاليه خذها من برا بحدود 15 ألف روبية وأشحنها ب 100 ألف يعني ب40ريال .. كلكم خذوا شرايح علشان المواعد بينكم وتسهيل اموركم

5- الفله والتماشي : 13 يوم ؟؟؟؟ أممممممممم بالنسبة لي مستحيل اروح اندونيسيا بس 13يوم .. أقل شي شهر ودايم امدد شهر ثاني من دائرة الهجرة ب400 ألف روبية 160 ريال ... المهم ماعليك مني ههههه تعال أعطيك الزبده دامكم بتقعدون بس 13 يوم : ( وسالفة الفلة والوجهات تختلف من شخص لآخر ) لكن دامكم شلة شباب أتوقع أنكم كوكتيل ههههه

بونشاك .. الجبل : شخصيا لي اكثر من خمس سنين ماطبيتها والسبب ان العرب دعسوها وخربوها وخربوا أهلها .. ماغير سرقات ومداهمات وجريات ونصب وغلاء وحقد وطلب هديه في كل مكان .. بإختصار غثا وقلة حيا حتى من ربعنا اللي بتشوفهم هناك وبتشوف عمايلهم .. لكن دامكم بتروحونه انزلوا تحت لشيباناز وشيباداز .. وشقق كوتا بونقا زينه وخياراتها كثيرة ومجمع كبير تضيع فيه لكن عيبه مقطعه شوي لابقالات حوله ولا مطاعم .. وان حطيت كل الكلام ذا براسك ورحت لمكتب سلطان المزيد في الجبل وقلت له أبي فيلا من فللكم رايقه وهاديه ومافيها قلق وبياعين وقروشه بتحصل مطلوبك عنده .. وتقدر تحجز من بدري من موقعهم حط بقوقل مكتب سلطان المزيد وخش موقعهم وحدد له التاريخ .. والرجال ماأزكيه على الله محترم وصدوق وخدوم .. واذا تبون بعد عندك فلل جاياكرتا في وسط الجبل زينه ونظام فنادق وحراسه لاكن الله يعينكم على المهسترين اللي بيسكنون جنبكم .. من ألحين أعلمك .. وانتم وحظكم ولا الفلل مايعلى عليها ..
التماشي في الجبل بونشاك : حديقة الحيوانات سفاري ملام حلوه ويبيلها من الصبح للمغرب ..شلال شيباداز حلو والكبسه على جال الشلال مامثلها والمنطقة كلها جنان وهادية .. شلالات شيليمبر حلوه لكن زحمه وتعب شوي .. حديقة الزهور ومزارع الشاهي ... وعلى بعد نص ساعة تقريبا مدينة بوقور وحديقتها العجيبة وبحيرة الليدو الساحرة والاكلات البحرية


وبالنسبة لي بعد ماكنسلت الجبل بونشاك صرت أروح جبل ثاني لكنه بعيد صوب سورابايا ساعتين بالطيارة .. اسمه تريتيس tretes .. نفس بونشاك وأحلى زي ابها بالنسبة للطايف والباحة .. وشعبه لبا قلوبهم وطبيعة خبال ومايجيه عرب واجد .. وكل اللي في الجبل بونشاك تلقاه هناك بربع السعر والله من فلل وتيوس وتماشي وحديقة حيوان زي اللي ببونشاك وشلالات حذفة حصاة من الفلل .. وماتحصل قلق وبوليس وفساد وهدية وغثا ..

وأنتم بكيفكم .. أعرف فيها دكتور سعودي متقاعد رجال محترم ومهوب دايم هناك عنده شقق تمام اسمها ماوماو maw maw وأعرف حارسها وزوجته عجوز طبيخه .. ساكنين بنفس الشقق تحت .. وخدمات على كيف كيفك .. لو تقله لهم من طرف ابراهيم بيحطونك بعيونهم ..

هذا بخصوص الجبل ... فصلت لك فيه ... وانتم بكيفكم

منطقة باندونق : حدود 5 ساعات بالسيارة من الجبل بونشاك .. طبيعتها شي ماينوصف .. وتشتهر بالبركان تاكوبان براهو .. وبمنطقة الشياتر "المياة الحارة" ciater .. فيها شلالات وحدايق .. وأنصحكم بقوة بمنتجع ساري آتير sari ater للمياة الحارة .. فيه غرف وفلل وشغل ملكي ونظيف .. مهوب زي باقي المنتجعات والبرك الحارة الشعبية .. بترتاحون فيه كثير وبتحس بطاقة مهيب عادية بعد مسبح المياة البركانية الحارة .. خطر تكملون باقي السفره مشي على أرجولكم هههههه .. مجمع كبير بالحيل وطبيعة سبحان مبدعها .. وعندك بعد شلالات ماربيا قرب باندونق تصلح مكشات بالكبسة والقهوة .. ومنطقة وبحيرة تشيبودي حلوه وبارده ..

جزيرة بالي + جارتها جزيرة لومبوك الساحرة : قال رحت أندونيسيا قال ايه قال رحت بالي ولومبوك قال لا قال أجل مارحت أندونيسيا :) .... بالي ولومبوك ...... وما أدراك ؟؟؟؟؟؟

هنا أعجز عن الوصف ولا تسعفني الكلمات .. هنا أطبن مكاني هههههههه
رأس مال بالي تذكرة ب 600 ألف على خطوط ليون ساعة زمان من جاكرتا الا انت في بالي .. فتح عيونك خلاص ماعاد فيه نوم في بالي ... يالطيف ليش انا ماجيت بالي على طول !! بلا جبل بلا تسدح هههههههه

من مطار جاكرتا رحلة كل ساعة لبالي .. وكلما حجزت بدري رخصت التذكرة مع تجنب عطلة نهاية الأسبوع لزحمة الحجوزات .. اهل جاكرتا شادين الرحال لبالي في الويكند ..

التماشي في بالي : يبغالها مجلد .. وبشكل عام بحيرات شلالات انهار جبال شواطيء .. والجديد على بالي يتعب نفسيا خصوصا اذا مدة الاقامة قصيره :(
السكن متنوع من شقق وفلل وفنادق وترى بالي مهيب غاليه زي مايدعي بعض عربوه الغشم .. وشخصيا أسكن في فنادق في بالي فقط .. لأني ما اجي الغرفه الا وقت النوم بس وأهج منها الصبح بدري .. أشهر شارع في بالي شارع لاقيان في منطقة كوتا قلب بالي النابض .. وفيه فندق رايق ورخيص اسمه سيمبانق إإن على نفس الشارع وسط الدعثه .. ومسبح وطبيعة وأشجار وسط الفندق .. الغرفه ب 450 ألف روبية حدود 180 ريال .. موقع استراتيجي بقوة وكل شي جنبك صرافين مطاعم بقالات اكشاك سياحية والشغلات الثانية النوادي الليلية ومحلات ملابس وكل شي .. وشارع كارتيكا بلازا مطاعم عالميه وحلو بالليل ..
الجدول المناسب للمواطن السعودي الشقيق في بالي : وببدأ بالمهم
- التجديف النهري : تجربة ماتنساها طول الحياة .. بين الطبيعة والجبال والوديان .. تكلفة الشخص من 250 إلى 350 ألف انت وشطارتك شامل وجبة غداء بعدما تخلصون النهر والحجز من الاكشاك المنتشرة في شارع لاقيان .. يوجد 3 انهار أحلاهم محل اسمه alam والباقية صعبة شوي شفل محترفين بروفيشينال .. ولاصرتم قروب تقل التكلفة وياخذونك من استقبال الفندق الساعة 8 الصبح ويرجعونك للفندق العصر .. لازم تاخذ شورت وفوطة وبعض التسالي ولاتخاف يعطونك شنطة ضد الماء للجوال والكاميرا والدراهم وصندوق امانات وشغل مرتب .. اللي مايجرب التجديف النهري بهاك الطبيعة ماعنده سالفه ابد ابد
-شاطي نوسا دوا .. للألعاب البحرية وبرضو الحجز من الأكشاك والله الله بالمكاسر تكلفة الشخص حدود 500 ألف روبية وأرشح لكم تطلبون الألعاب التالية : البراشوت .. البنانا بوت .. الفلاينق فش .. الجت سكي .. وكلها بيدربونكم عليها عالسريع وحتى العجز يركبونها هههه
- منطقة اوبود الساحرة بطبيعتها الجبلية وبحيراتها ومطلاتها ..
- منطقة كينتاماني خيال الطبيعة وسحرها والبراد
- منطقة بحيرة بيدقول بحيرة بين الجبال وطبيعة خلابة

والاماكن واجد في بالي ولا يمدي أذكرها كلها .. استكشاف شمال بالي - والسفاري - والغواصة اوديسي - شلال قيت قيت - القرية المائية وتقفل 6 المساء - شاطيء دربم لاند - شاطيء جيمبران للماكولات البحرية لكنه غالي بالحيل - المياة الحارة ديفازا - حديقة الطيور - وغيرها كثييييير وأكتفي بهذه عن بالي

واهم شي للي يروح بالي هو زيارة جزيرة لومبوك ليوم أو يومين وتحديدا لشاطيء سنقيقي وبالذات جزيرة قيلي تراونقان عشقي الاول والأخير :( .. وتقدر تروح جزيرة قيلي دايركت بدون ماتمر لومبوك وهذا الافضل للي سفرتهم قصيرة .. والرحلة لها طريقتين السبيد بوت قارب سريع تقل فيراري ساعة ونص وأنت في لومبوك ب 350 ألف روبية للشخص والمكاسر يلعب دور وكلما زاد العدد قل المبلغ .... او بالباخره ويسمونها "فيري" ب 10 آلاف روبية يعني ب 3 ريال هههههه ... لكن التكسي بياخذ منك 300 ألف لأن الميناء بعيد ... باخره تضيع فيها وصيد سمك وقاعات مكيفة ومطعم ومسار وطبيعة بين جزر الأرخبيل الخصراء .. تستغرق الرحلة 5 ساعات .. والفيري فقط الى لومبوك وليس لجزيرة قيلي تراونقان ...

جزيرة قيلي تراونقان ماراح أوصفها لأنها زي ماقلت عشقي الاول والاخير مع ان مساحتها ما تتعدى 3 كيلو متر مربع تقريبا .. وأخواتها التوائم جزيرة قيلي آير وقيلي مينو ... لكن قيلي تراونقان هي العروس ... ولي تقرير عنها على النت كأول مواطن سعودي شقيق يحط تقرير لها مع انها ثاني اشهر جزيرة في اندونيسيا عالميا بعد بالي ..

هذا كل ماسمح به وقتي يا أخوي GMC ... والرد هذا كتبته مخصوص لك ومهو مقتبس وأخذ مني وقت مهوب شوي ... بما انكم شلة شباب قلت علكم تستفيدون منه .. وتقلبونه بينكم وتجتمعون وتنسقون وتتشاورون وماخاب من شاور ...

ونصيحتي لكم يا أخوي أنكم تكونون على قلب واحد وتأمرون امير تكون القطه اليوميه معه .. بحيث كل يوم كل واحد يصرف 100 دولار وتعطونه اياها علشان تسهل عليكم الامور وماتختبصون .. واللي يزيد يتقسم ويرجع لكل واحد تالي اليوم .. قطة السكن والتكسي والمطاعم والتذاكر الداخلية .. وباقي الامور كلن وبصره .. ولا تاخذون سواق باليوميه ماراح تستفيدون منه ... تكسي بلو بيرد في كل مكان وبرخص التراب في وجه العدو .. وانصحك تحمل تطبيق تكسي بلوبيرد من متجر قوقل بلاي BLUE BIRD سهل ومريح تطلب تكسي وانت بمكانك بس تحط رقمك شريحتك الاندونيسية وتريح بالك ..

ودامكم شلة صدقني لازم بتختلفون ببعض الامور .. هذا يبي ينام للظهر وهذاك يبي يسهر وهذا بيتزا هت والثاني مكدونالدز والثالث مايبي البحر ورابع مايبي مدري ايش ... ومن هالأمور ... لاكن الترتيب والجدول المنسق والاتزام به يريحكم ويختصر وقتكم القصير أساسا .. اهم شي القومه الصبح بدري وماتقولون اجازة نبي نشخر للظهر ههههه لا حبيبي تتعبون وتنسقون وتسافرون ومرمطة مطارات وبالعملة الصعبة وآخرتها شخري للظهر ماينفع أبها تراهي قريبه ههههه ... ولا تقول الشي الفلاني ما أبيه لين تجربه وتشوف وتعيشه بنفسك وتشوف بعينك مثل يوم اقول التجديف النهري مثلا ...

وكثروا من الشورتات والتي شيرتات واتركوا عنكم الكشخات والجنز والترزز ههههههه .. والله الله بالتصوير الزين والتقرير الكايف عقب ماترجعون بالسلامة سالمين وغانمين ... وأي مكان تروحونه هناك مثل التجديغف والالعاب البحرية أتفقوا معهم يصورونكم شغل احترافي بحقه طبعا ويعطونكم سي دي وصور وشهادات للذكرى ... وأعيد وأكرر المكاسر في أندونيسيا ثفافه وتراهم يستهطفون اللي مايكاسر ..

وأن كان بغيت رقم سواقي الخاص هناك يستقبلكم ويزبط أموركم تامر أمر وتراه زكرت وتربيتي من سنين ويعرف عربي .. ان بغيتوه أرسل لك اسمه ورقمه عالخاص .. والطيبين الغالين بمكشات الغالي يستاهلون كل خير .. وان بغيت بعد روابط لتقارير قديمه لي على النت أيام عز النقارير هههه فيها وصف وصور لبعض ماذكرت بردي هذا ..


والسلام ختام ....



الصراحه مدري وش اقولك والله يعجز اللسان عن الشكر

ورب البيت احرجتني في ردك الله يجزاك خير ويطول عمرك

ردك على موضوعي يبيله موضوع مستقل بدون مجامله فيه من المعلومات والخبره اللي راح يستفيد منها الكثير غيري وليس انا فقط

اما انا راح اطبع كلامك واحطه في ورقة واحطها في جيبي الين ارجع :D

وارجع مره ثاني واقولك اعذرني مهما قلت ومهما فعلت لن أوفيك حقك يالغالي

كل الشكر والامتنان على روعة ردك واجاباتك عما يجول بخاطري من اسئلة لم اقم يالسؤال عنها انبهارا وتعجبا بروعة ردك اخي خشكاري
تقبل تحياتي لشخصك الكريم http://blogs.ksu.edu.sa/moona/wp-content/plugins/smilies-themer/Nomicons%20v2.0/heart.png

[خشكاري]

الأخ العزيز خشكاري.

صراحه تقرير كافي ووافي وقليل من يعطيك مثل هذه التجارب

ولاكن لي تعليق بسيط على بحيرة الليدو لانها الله يعزكم مصب مجاري غالبية اهل الجبل

فيه بحيره فوق نظيفه وقليل اللي يعرفها اسمها بحيرة تشي انجور وفيها مطعم عائم وصيد

السمك امامك وطبخه امامك


وبخصوص تريتس صراحه من أجمل المناطق اللي رحت لها لاكن عيبها الوحيد بعيده شوي

واحلى مافي تريتس مزارع الفواكه الاستوئيه

ويوجد بها اعلى شلال في اندونيسيا

وبطريق بين سوربايا وتريتس يوجد بها من اشهر مطاعم اندونيسيا شي خرافي

وبخصوص تريتس انا دائماا احب الذهاب لها عن طريق القطار لماذا

لان من اراد المتعه والتعرف على مناطق عده وصراحه متعه الذهاب بالقطار

اما الرجوع انصح بطائره

وفق الله الجميع

الله يعطيك العافية يالغالي على ماتفضلت به ..

بخصوص بحيرة الليدو والله توني ادري منك .. وكنت أروحها لروعة طبيعة منطقتها لكن سباحة فيها انسى .. وبحيرة تشانجور فعلا روعة ورحت لها مرتين وكنت اجي قريب من فندق يطل عليها نسيت اسمه وأستأجر جت سكي وأفلها بالبحيرة العجيبة بين الجبال .. وكانوا الاندونيسيين يرموني بحصى من فوق الجبال ههههه

والمطعم إللي ذكرته بين سورابايا وتريتيس مطعم أسماك واسمه من ثلاث حروف بالانجليزي لاكن نسيته .. وفعلا أشهر مطعم في سورابايا وسمك خرافي وزحمه بشر عنده ..

وأعلى شلال في أندونيسيا هو زي ماتفضلت في منطقة أسمها باتو جيته مرتين وسبحت فيه والسيكيورتي خلاني شوي بعدين جاني وقال لي ممنوع السباحة وحاطين لوحات منع السباحة خوفا على الناس لأنه يطيح حصى من فوق .. شي مايوصف وصوته يخوف وهوا يدفك من قوته ..

أشكرك يالغالي على الإضافة والافادة منك ..

[خشكاري]

ماسوينا شي أخوي GMC ... وجزاك الله خير على كلامك الطيب ودعائك لي ...

وتصحيح بسيط أخوي بخصوص قيمة الفيزا من مطار جاكرنا صارت 35 دولار من فترة قصيرة بدل 25 دولار ...

ودمت في رعاية الله ...

[GMC 111]

ماسوينا شي أخوي GMC ... وجزاك الله خير على كلامك الطيب ودعائك لي ...

وتصحيح بسيط أخوي بخصوص قيمة الفيزا من مطار جاكرنا صارت 35 دولار من فترة قصيرة بدل 25 دولار ...

ودمت في رعاية الله ...



ما اقول غير بيض الله وجهك يوم تبيض وجوه وتسود وجوه

[new2012]

اضافة بسيطى للموضوع الشباب ما قصروا كفوا ووفوا لكن بالنسبة لمجمع كوتا بونقا انحش , تم اضافته للقائمة السوداء لا تقرب منه سرقات بالهبل للسعودين من نفس حراس المجمع لاني قريت رد لاحد الاعضاء ينصح فيه ,

فيه مجمعات كثير

1- مجمع باراتاما حلو وممتاز

2- مجمع ميرانتي روعه فوق مجمع باراتاما

وغيرها الكثير والله ييسر لنا ولكم كل خير

[GMC 111]

اضافة بسيطى للموضوع الشباب ما قصروا كفوا ووفوا لكن بالنسبة لمجمع كوتا بونقا انحش , تم اضافته للقائمة السوداء لا تقرب منه سرقات بالهبل للسعودين من نفس حراس المجمع لاني قريت رد لاحد الاعضاء ينصح فيه ,

فيه مجمعات كثير

1- مجمع باراتاما حلو وممتاز

2- مجمع ميرانتي روعه فوق مجمع باراتاما

وغيرها الكثير والله ييسر لنا ولكم كل خير


امين الله يجزاك خير يالغالي ماقصرت

[سرا]

طيب ياحبيبنا والي يبي ياخذ معزبته معه وش تنصحه فيه وخطه سيره ورحتله

[سرا]

طبعا بدون اطفال

[بر الوالدين]

بصراحه الله يعطيك ، كفيت و و فيت :-

وبالنسبة لي بعد ماكنسلت الجبل بونشاك صرت أروح جبل ثاني لكنه بعيد صوب سورابايا ساعتين بالطيارة .. اسمه تريتيس tretes .. نفس بونشاك وأحلى زي ابها بالنسبة للطايف والباحة .. وشعبه لبا قلوبهم وطبيعة خبال ومايجيه عرب واجد .. وكل اللي في الجبل بونشاك تلقاه هناك بربع السعر والله من فلل وتيوس وتماشي وحديقة حيوان زي اللي ببونشاك وشلالات حذفة حصاة من الفلل .. وماتحصل قلق وبوليس وفساد وهدية وغثا .

ترى إن هذا الجبل الثاني هو الأفضل و ش إسم المنطقه ؟

الله يعطيك العافيه

[خشكاري]

بصراحه الله يعطيك ، كفيت و و فيت :-

وبالنسبة لي بعد ماكنسلت الجبل بونشاك صرت أروح جبل ثاني لكنه بعيد صوب سورابايا ساعتين بالطيارة .. اسمه تريتيس tretes .. نفس بونشاك وأحلى زي ابها بالنسبة للطايف والباحة .. وشعبه لبا قلوبهم وطبيعة خبال ومايجيه عرب واجد .. وكل اللي في الجبل بونشاك تلقاه هناك بربع السعر والله من فلل وتيوس وتماشي وحديقة حيوان زي اللي ببونشاك وشلالات حذفة حصاة من الفلل .. وماتحصل قلق وبوليس وفساد وهدية وغثا .

ترى إن هذا الجبل الثاني هو الأفضل و ش إسم المنطقه ؟

الله يعطيك العافيه



هلا وغلا أخوي بر الوالدين ... اسم المنطقة موجود في الرد المقتبس وهي منطقة تريتيس tretes منطقة جميلة وجوها بارد في الليل ومعتدل في النهار يعني انسى المكيف .. مليانه فلل وفنادق ورخيصة جدا مقارنة بالجبل بونشاك .. والزين فيها قريبه من مناطق سياحية كثيرة مثل بركان برومو العجيب اكبر بركان في جاوا ومنطقة باتو الخلابة بشلالها الذي يعتبر اطول شلال في اندونيسيا .. هذا غير شلال تريتيس نفسها قريب جدا تنزل من السيارة وتمشي شوي وتشوف شلال عجيب ومنطقة الشلال طبيعة خيالية وتصلح لكشته من فطور وغداء على جال الشلال .. والسباحة فيه متعه

قريب من الجبل تريتيس "خمس دقائق بالسيارة او الدباب" يوجد مدينة صغيرة اسمها "باند آن" فيها سوق شعبي للمواشي من تيوس وخرفان وجميع ماتحتاجه ..

وبالتوفيق للجميع ..

[خشكاري]

اضافة بسيطى للموضوع الشباب ما قصروا كفوا ووفوا لكن بالنسبة لمجمع كوتا بونقا انحش , تم اضافته للقائمة السوداء لا تقرب منه سرقات بالهبل للسعودين من نفس حراس المجمع لاني قريت رد لاحد الاعضاء ينصح فيه ,

فيه مجمعات كثير

1- مجمع باراتاما حلو وممتاز

2- مجمع ميرانتي روعه فوق مجمع باراتاما

وغيرها الكثير والله ييسر لنا ولكم كل خير


بيض الله وجهك على التحذير ... يعني الفساد والسرقات وصل حتى شيباداز وشيباناز .. وبلوموني يوم حطيت إكس احمر على بونشاك ومنطقة سيزاروا بكبرها .. والله يالغالي لو يجيني واحد يقول لي مشينا بونشاك محفول مكفول ماخاويته .. بونشاك قبل حدود 15 سنه مامثله لكن يوم دعسوه العرب خرب .. حط في يوتيوب "اندونيسي يتكلم عن العرب في بونشاك" واسمع وش يقول ..

دمت في حفظ الله ..

[بر الوالدين]

هلا وغلا أخوي بر الوالدين ... اسم المنطقة موجود في الرد المقتبس وهي منطقة تريتيس tretes منطقة جميلة وجوها بارد في الليل ومعتدل في النهار يعني انسى المكيف .. مليانه فلل وفنادق ورخيصة جدا مقارنة بالجبل بونشاك .. والزين فيها قريبه من مناطق سياحية كثيرة مثل بركان برومو العجيب اكبر بركان في جاوا ومنطقة باتو الخلابة بشلالها الذي يعتبر اطول شلال في اندونيسيا .. هذا غير شلال تريتيس نفسها قريب جدا تنزل من السيارة وتمشي شوي وتشوف شلال عجيب ومنطقة الشلال طبيعة خيالية وتصلح لكشته من فطور وغداء على جال الشلال .. والسباحة فيه متعه

قريب من الجبل تريتيس "خمس دقائق بالسيارة او الدباب" يوجد مدينة صغيرة اسمها "باند آن" فيها سوق شعبي للمواشي من تيوس وخرفان وجميع ماتحتاجه ..

وبالتوفيق للجميع ..

مااااقصرت لا هنت الله يجزاك خير

تعتقد إنها تصلح للعوائل

[خشكاري]

مااااقصرت لا هنت الله يجزاك خير

تعتقد إنها تصلح للعوائل


وياك ياأخوي .. تصلح للعوائل وبقوة .. وأفضل من الجبل بونشاك .. حيث سترتاح العائلة من الإستغلال ومن أمة بونشاك المطالبين بهديه في كل مكان .. ولا يوجد بها عرب ومناظر مخجله منهم لرب العائلة في الاماكن السياحية .. وحديقة الحيوان في تريتيس كبيرة وطبيعتها روعة .. يوجد بها مطعم روعة بداخله حوش زجاجي كبير به نمور بيضاء نادرة وإذا طلبت اكل وجلست في المطعم يقومون بإطعام النمور بطريقة فريدة حيث يلقون له الاكل في الماء وانتم تشاهدون من خلال الزجاج وأيضا يعلقون الأكل فوق شجرة كبيرة ولاتصدق عينك كيف ان النمر يستطيع الوصول لهذا الارتفاع الشاهق .. والشلال هناك قريب ولن تتعب العائلة بالوصول اليه وجلسات جميلة عند الشلال .. ويكفي في الجبل تريتيس ان أهله طيبين جدا ومتواضعين .. بعكس جبل بونشاك

[خشكاري]

طيب ياحبيبنا والي يبي ياخذ معزبته معه وش تنصحه فيه وخطه سيره ورحتله

برفقة الزوجة انصحك بخط سير : 1-جاكرتا : وبها (ملاهي دنيا فنتازي - عالم البحار سي وورد - عروض سومدرا للحيوانات البحرية .. وكلها جنب بعض في منطقة الكورنيش أنشول .. زيارة احد الجزر القريبة من شاطيء جاكرتا مثل جزيرة آير أو جزيرة بوتري أو جزيرة سيبا وأرشح لك الاخيرتين لأنها أبعد عن جاكرتا وبالتالي شواطئها انظف .. تحجز لها من المكاتب الموجودة في ميناء "هاربور" انشول وياخذونك من الفندق 8 الصبح ويرجعونك قرب المغرب .. والله الله بالمكاسر
2- باندونق : منطقة الشياتر .. والسكن في منتجع sari ater للمياة الكبريتية الحارة .. وعندك بعد مجمع جراسيا سبا grasia spa ومنتجع شياتر هاي لاند ciater high land.. تقدر تختار من بينها وتشوف صورها على النت

3- منطقة قاروت garut : روعة بجد ومثالية للزوجين .. يوجد بها مياة عذبة حارة "ليست كبريتية" وتسمى spring water .. السكن في فندق tertaganga تيرتاقانقا الجميل والرخيص .. حاول تسكن في السويتات فوق المسبح الحار .. راجع الصور في جوقل او موقع ترب أدفايزر .. بإختصار قاروت ما تتفوت للزوجين .. وبتدعي لي ان شاء الله .. وفيه مجمع سكني قريب جدا من الفندق هذا .. نسيت اسمه لكنه مشهور وهو على بحيرة كبيرة والمنطقة طبيعتها لاتعليق سبحان الله .. لكنه غالي شوي

4- الجبل تريتيس tretes : وليس بونشاك .. انحش من بونشاك .. ومعلوماته مذكورة بالتفصيل في ردودي بهذا الموضوع ..

5- جزيرة بالي : الكثيرين يقولون لا تصلح للمتزوجين .. وهذا خطأ كبير .. ويفوتك أروع مافي اندونيسيا بسبب هذه المقولة .. تجنب منطقة كوتا فقط في بالي .. ومعلومات عن بالي ذكرتها في رد سابق بالصفحة الأولى ..

6- جزيرة لومبوك : سحر الطبيعة .. وقريبة من جزيرة بالي .. معلومات الوصول إليها من جزيرة بالي والتفاصيل في ردي بالصفحة الاولى .. وبخصوص جزر قيلي الثلاث توائم الملاصقة لجزيرة لومبوك .. أنصح بالجزيرة الوسطى قيلي مينو gili meno روعة للمتزوجين .. والذهاب إليها من جزيرة بالي بالقارب السريع speed boat .. ومن لومبوك بالقارب العام public boat ب10 آلاف روبية 3 ريال هههه من هاربور "ميناء صغير" اسمه بانقسال في لومبوك .. راجع جوجل وموقع ترب ادفايزر للصور .. لاكن انتبه تروح gili trawangan قيلي تراونقان بالمعزبه !! علمتك من ألحين .. لأن الوضع فيها سردح مردح هههه .. والجزر ذي جنب بعض بينهن حدود كيلومتر واحد ..


هذا مالدي .... وبالتوفيق

[سلطان الفلا]

السلام عليكم انصح الشباب وبشدة الابتعاد عن الجبل من واقع تجربة كبيرة لأكثرمن 15سنة و27زيارة للبلد ترى البلدكبيروفيه الكثير من الجزر والاماكن اللتي تستحق الزيارة لأنه مكون من13الف جزيرة لوجلست طول عمرك بالبلدماخلصتها انصح الشباب بجزيرة بالي اوسومطرة اوسولاويسي فعلا انها تستحق الزيارة وبعيدة عن الاستغلال ومن خلال خبرتي بالبلدماعمري استأجرت من النصابين استأجرعن طريق المالك مباشرة عشان اني اتكلم لغتهم عشان اخدمكم ممكن تبحثون بالنت عن كلمة rumah di sewah اومن خلال موقع rumah.com وراح تحصل اللي تبيه بس حدد الشيء اللي تبي فله اوشقه اوحتى غرفه وحددالمنطقه اللي تبي وراح تطلع لك والله اني كنت استأجر لمدة شهربقيمة ثلاث اواربع ايام بفندق ارجوا ان اكون قد افدتكم

[ابو صالح 871]

والله ابدع الجميع بالرد واحيي الاخ كشخاري والله ماقصرت كفيت ووفيت وفقك الله

[بر الوالدين]

ايه نعم الله يجزاك خير أخوي كشخاري على إفادتك عز الله إنك بريت ذمتك
ترد رد متعوب عليه بارك الله فيك و الله يسعدك ، نصحت و أفدت لا حرمك الله الأجر

كما هو الشكر موصول للأخ سلطان و نسئله كيف الوصول للمالك و قد وضع مندوب له ؟

[طريخمه]

اخوي خشكاري السلام عليكم الحقيقه ماشاء الله تبارك الله الله لايضرك موسوعه بهالديار لكن الي يبي يتزوج من هناك وش تنصحه فيه ... ولك تحياتي

[خشكاري]

اخوي خشكاري السلام عليكم الحقيقه ماشاء الله تبارك الله الله لايضرك موسوعه بهالديار لكن الي يبي يتزوج من هناك وش تنصحه فيه ... ولك تحياتي

وعليكم السلام ..

حياك الله اخوي طريخمه .. وشاكر لك ولمن دعى لي بخير من بقية الأخوة .. وبخصوص استفسارك انتبه تتزوج من هناك زواج غير رسمي وغير قانوني .. والله يركبونك قضية ماتطلع منا إلين تدفع إللي دم قلبك لهم بعيد الشر .. وهذا إللي يدورونه دواره هناك ..

أما إذا بتاخذ تصريح من الداخلية أمورك في السليم إن شاء الله وسهالات .. تاخذ تصريحك وتمر سفارتنا في جاكرتنا وتاخذ منهم معلومات وافيه عن اتفاق ماقبل الزواج لأنه مهم جدا وسالفته طويله لكن الزبده انه اتفاق يصير بينك وبين الزوجة ووليها طبعا .. يتضمن أشياء كثيرة منها شروطهم من صداق ومؤخر إن وجد وتحديد ما إذا كنت بتاخذ الزوجة لبلدك ولا بتخليها هناك مع اهلها او في سكن خاص واتفاق بشأن دراسة وحضانة الأطفال مستقبلا سواء في بلدك او في اندونيسيا .. واتفاق بشأن الحال في وضع الانفصال او الطلاق لاسمح الله في بلدك او في اندونيسيا وشغلات وتفاصيل ثانية الأفضل تعرفها من السفارة فهم ضليعين بهذه الأمور ولعلمهم بكل مايستجد في القانون الاندونيسي ..

وكل مايختص بالمحكمة وتوثيق عقد النكاح عن طريق السفارة مابيقصرون معك .. ولو بغيت تريح راسك تاخذ محامي عن طريقهم يعرف عربي ويزبط لك كل شي من وإلى حسب رغبتك وشروطك بمبلغ معين تتفقون عليه ..
أنت بس طلع تصريح الداخلية وامورك سهالات.

وأنصحك تتزوج من منطقة باندونق .. مهوب المدينة .. من الضواحي والقرى القريبة من باندونق .. نظرا لكونهم محافظين ومتمسكين بالدين من ناحية (وهذا امر متفاوت كثيرا في اندونيسيا) وانت وحدك من يحرص على ذلك .. ومن ناحية اخرى لما يشتهر به أهل منطقة باندونق من بياض البشرة وحسن الخلقة بشكل عام مقارنة ببقية مناطق اندونيسيا .. ويأتي بعد منطقة باندونق منطقة سوكابومي ..

اهم شي انتبه تتزوج زواج غير رسمي وغير قانوني بدون النظام المتبع لدى السفارة .. ترى الموضوع خطير جدا .. وكثير من الشباب تورطوا بقضايا مع الحكومة الأندونيسية وبوليسهم الفاسد وتعرضوا للسجن و لإبتزاز ضخم بتعاون من الزوجة وأهلها في كثير من الحالات ..

هذا ويالله التوفيق ..

[طريخمه]

الله يجزاك خير ويبيض وجهك ونصيحة من أخ عزيز وشكرا لك على توجيهاتك والتي لاتنبع إلا من أخ ناصح ومشفق الحمدلله لن تكون أمورنا إلا بالسليم والأمور الشرعيه انشاء الله . أكرر شكري لك وللجميع . وبالتوفيق .

[خيال الغلبا]

خشكاري معليش تقريرك متعوب عليه لكن افسدته بجمله صادمه وغير متوقعه ............................

[خشكاري]

خشكاري معليش تقريرك متعوب عليه لكن افسدته بجمله صادمه وغير متوقعه ............................
مرحبا بك اخوي خيال الغلبا .. والله يالغالي ماعرفت الجملة التي تقصدها .. وعلى كل حال العذر والسموحة ..

النقص مشتمل على جملة البشر .. والكمال لله وحده عز وجل ..

[رجبشعبان]

العزيز الغالي خشكاري .السلام عليكم محاكيك شايب يحب الوناسه والطبيعه والحقيقه جازلي تفصيلك
لرحلة الشباب وتبي الصدق طرخت اذني ودي اروح لاندونيسيا ومن فضلك وبموجب مالمسته من
شرحك للشباب انك خبير في اندونيسيا . انا دائما اسافر لحالي ولاادخن ولاتعاطى او اعمل ما يخل في ديني . هل لديك متسع من الوقت تدبرلي برنامج لسفرة عشرة ايام أكون ممنون لك ومقدرا جهدك
سلمك الله من كل مكروه . البرنامج يبدأ من مطار الرياض مع الاخذ بعين الاعتبار الاقتصاد قدر المستطاع . ولك شكري وتقديري ....

[خشكاري]

العزيز الغالي خشكاري .السلام عليكم محاكيك شايب يحب الوناسه والطبيعه والحقيقه جازلي تفصيلك
لرحلة الشباب وتبي الصدق طرخت اذني ودي اروح لاندونيسيا ومن فضلك وبموجب مالمسته من
شرحك للشباب انك خبير في اندونيسيا . انا دائما اسافر لحالي ولاادخن ولاتعاطى او اعمل ما يخل في ديني . هل لديك متسع من الوقت تدبرلي برنامج لسفرة عشرة ايام أكون ممنون لك ومقدرا جهدك
سلمك الله من كل مكروه . البرنامج يبدأ من مطار الرياض مع الاخذ بعين الاعتبار الاقتصاد قدر المستطاع . ولك شكري وتقديري ....

وعليكم السلام .. وحياك الله اخوي رجب شعبان :) ..

بداية .. أسأل الله ان يمتعك بالصحة والعافية ويطيل بعمرك على طاعته ..
من ناحية السفر وحيدا له ميزات جيدة بحيث تكون حر نفسك وعيوب بسبطة يمكن تلافيها تتلخص من وجهة نظري في الوحشة وعلى ماقال مايحصل خوي يرد الصوت .. لكن العلاقات والصداقات مع اهل البلد وبقية السياح تنسيك ذلك ..

وكجدول مناسب لشخصك الكريم بداية من الرياض تأخذ لك عزبة مختصرة ( الكثير من التفاصيل للعزبة والعملة وشريحة الجوال وغيرها في ردود سابقة) ثم تحجز على طيران الاتحاد بحيث تختار رحلة يكون الترانزيت في مطار ابو ظبي أقصر مايكون .. وعند وصولك لجاكرتا وبحكم ان سفريتك قصيرة 10 أيام .. أفضل لك أن لاتمكث في جاكرتا مامنها الا غثا وخسارة وقت ومال .. تنسق مسبقا مع سائق خاص وتتوجه على باندونق وتحديدا منطقة الشياتر ciater وترتاح هناك يومين وتستمتع بالمياة الكبريتية الحارة ( زينه للشيبان ههههه ) بحيث تستأجر فيلا صغيرة من غرفة وصالة ومطبخ صغير في مجمع sari ater وهو مجمع كبير جدا وسط طبيعة سبحان خالقها .. وحبذا تكون الفيلا قريبه من مسابح المياة الحارة وطبيعتها الرائعة وسط الخضرة والاشجار وشف فيلا 315 إذا فاضية فأنت محظوظ .. وطريقة المياة الحارة حسبما شرح لي شايب صيني قابلته هناك انك تنزل المسبح الحار لمدة 10 دقائق بعدها تأخذ دش بالماء العذب البارد والدش بجانب المسبح .. وتكرر العملية كذا مرة .. بحيث يحدث تمدد وتقلص متكرر لعظام وعضلات وأوردة الجسم وتتسلك جيدا هههه وتشعر بعدها بنشاط عجيب ولا ننسى دور المواد المعدنية في المياة البركانية .. أهم شيء تعويض السوائل بشرب كميات من الماء والسوائل عموما .. وفي الفيلا يمكنك طلب قدور وعدة طبخ إذا لم تكن معك او لم تكون موجودة في المطبخ كما حصل معي .. أحضروها لي مع دبة ماء كبيرة ورحت السوق وأخذت لي طماط وبصل...إلخ ولحم وروبيان وضبطت احلى كبسات في ذلك المكان الرائع والطبيعة الخلابة .. كما أن فطور المجمع في المطعم الملاصق للمسابح متنوع وبه كل مايخطر على بالك .. وبخصوص الحجز انا أجيهم دايركت ولا أحجز من مكتب كاها لأنني أختار الفيلا حسب الموقع الذي أريده .. والفرق لايذكر من ناحية السعر بين الاستقبال ومكتب كاها .. وهي كلها يومين انتعش وأليخ الجسم في المياة الحارة وأستمتع بكافة خدمات وأماكن المجمع الرائع .. وهناك اماكن عديدة يمكنك زيارتها في باندونق ذكرتها سابقا ..
وفي الرابط أدناه تقرير قديم لي لصور المجمع ومعلومات عنه :
http://www.sfari.com/forums/sfari16/travel36312-8/

بعد يومين في باندونق .. انصحك تأخذ سائق خاص وتتوجه لقرية قاروت garut .. وقد ذكرت تفاصيلها في رد سابق .. قرية رائعة وطبيعتها جميلة .. ويكفيها يومين في الفندق تيرتاقانقا الذي ذكرته في رد سابق .. وطبعا لم أذكر الأسعار لأنها متفاوته جدا في اندونيسيا بحسب سعر الصرف ..

هذه 4 أيام .. يومين في باندونق ويومين في قاروت .. ويتبقى لك 6 أيام ..

في أثناء إقامتك في باندونق او قاروت .. تستغل الوقت وتتجه لأقرب مكتب حجوزات طيران يكون معتمد مثل كاها او غيره وهي كثيرة .. وتحجز تذكرة على خطوط جارودا او ليون بحسب امكاناتك المادية لان ليون أرخص بكثير من غيرها .. بحيث تكون الرحلة من مطار باندونق إلى مطار سورابايا .. أسهل لك من مشوار مطار جاكرتا .. وكلما حجزت بدري يقل سعر التذكرة وتتجنب ضغوطات الحجوزات .. أهم شي تختار رحلة في نفس يوم الشيك آوت من قاروت وبوقت مناسب بحيث تعمل شيك آوت وتصل مطار باندونق بوقت مناسب ساعة قبل الرحلة إلى سورابايا ..

وعند وصول مطار سورابايا تأخذ تكسي بلو بيرد بيطلع العداد بحدود 100 غلى 150 ألف روبية ليوصلك إلى الجبل تريتيس tretes مع مراعات ان يكون يتكلم عربي او انجليزي .. والفلل والفنادق والشقق هناك كثيرة جدا .. وإذا بغيت نصيحتي أسكن في شقة بما انك لوحدك لأن الفلل كبيرة عليك ومعظمها 4 غرف فما فوق .. وفي ردود سابقة لي ذكرت تفاصيل الجبل تريتيس وذكرت شقق نظيفة ومحترمة اسمها "ماو ماو" maw maw وسعرها 500 ألف روبية على مدار العام وانا دائما آخذ الشقة إللي بلكونتها مطلة على الجبل .. وأضمن لك ترتاح فيها من وإلى وقل لهم من طرف ابراهيم وبيحطونك على اكف الراحة حتى لو لم تذكرني لكن علاقتي بهم جيدة .. والشغالة عجوز فنانه في الطبخ وزوجها اسمه بريادي محترمين وامناء وخدومين لابعد حد سواء اعطيتهم نقود ام لا ..

ترتاح في الجبل تريتيس 5 ايام تتسدح في البراد بعد هجولة باندونق وقاروت و تفل الحجاج وتاخذ لك تويس من قرية باند آن القريبة وتتمشى في الاماكن السياحية في الجبل تريتيس وحوله .. وكلها ذكرتها في ردود سابقة أرجو الرجوع لها لأهميتها .. وأثناء اقامتك في تريتيس ويفضل من البداية تتوجه لمكنب حجوزات وتحجز رحلة العودة لجاكرتا والمكوث بها يوم او نصف يوم استعدادا للعودة بمشيئة الله لأرض الوطن .. اهم شيء تنسق وقت الطريق من تريتيس إلى مطار سورابايا .. وبريادي مابيقصر معاك لاتحاتي من ناحية الحجز والسيارة بيوصلونك بسيارة مالك الشقق ..


وعندي لك نصيحة بخصوص السائق الخاص من جاكرتا إلى باندونق ومن باندونق إلى قاروت .. اتفق معاه عل 500 ألف روبية لليوم كحد أقصى والبنزين وضريبة الهاي واي عليك لكن أكله ومكان نومه يدبر نفسه الله لايهينه وتعطيه كرت الإفطار المجاني لأن المجمع والفندق يعطونك كروت لشخصين .. وطبعا أثناء اليوم يوصلك لأي مكان في اي وقت من تماشي وسوق ومشاوير مكتب الحجوزات والمطار ... إلخ ..

هذا الجدول إللي اشوفه مناسب لك حسبما فهمت من طلبك .. وتجنبت ادخال بالي و لومبوك لأسباب عديدة أهمها ان رحلتك قصيرة ..

وبخصوص السائقين وأرقامهم .. "لتسمح لي إدارة مكشات الموقرة" .. أنصحك بالأرقام الموجودة في موضوع مثبت في منتدى مكتوب العرب المسافرون سابقا .. بحيث تاخذ رقم سائق وتكلمه وتتفق معه على السعر وعلى كل شي ويستقبلك في مطار جاكرتا بعد ما تعطيه اسم الخطوط ورقم الرحلة .. وانا عندي سائق خاص لكن مايصلح لك لأنه مدخن بشراهه وبيحشرك بدخانه ههههه ..

هذا مالدي وأي أستفسار آخر انا حاضر لمثلك وشرواك من اعضاء مكشات الكرام ... اسأل الله لي ولك السعادة والتوفيق ..

[GMC 111]

وعليكم السلام .. وحياك الله اخوي رجب شعبان :) ..

بداية .. أسأل الله ان يمتعك بالصحة والعافية ويطيل بعمرك على طاعته ..
من ناحية السفر وحيدا له ميزات جيدة بحيث تكون حر نفسك وعيوب بسبطة يمكن تلافيها تتلخص من وجهة نظري في الوحشة وعلى ماقال مايحصل خوي يرد الصوت .. لكن العلاقات والصداقات مع اهل البلد وبقية السياح تنسيك ذلك ..

وكجدول مناسب لشخصك الكريم بداية من الرياض تأخذ لك عزبة مختصرة ( الكثير من التفاصيل للعزبة والعملة وشريحة الجوال وغيرها في ردود سابقة) ثم تحجز على طيران الاتحاد بحيث تختار رحلة يكون الترانزيت في مطار ابو ظبي أقصر مايكون .. وعند وصولك لجاكرتا وبحكم ان سفريتك قصيرة 10 أيام .. أفضل لك أن لاتمكث في جاكرتا مامنها الا غثا وخسارة وقت ومال .. تنسق مسبقا مع سائق خاص وتتوجه على باندونق وتحديدا منطقة الشياتر ciater وترتاح هناك يومين وتستمتع بالمياة الكبريتية الحارة ( زينه للشيبان ههههه ) بحيث تستأجر فيلا صغيرة من غرفة وصالة ومطبخ صغير في مجمع sari ater وهو مجمع كبير جدا وسط طبيعة سبحان خالقها .. وحبذا تكون الفيلا قريبه من مسابح المياة الحارة وطبيعتها الرائعة وسط الخضرة والاشجار وشف فيلا 315 إذا فاضية فأنت محظوظ .. وطريقة المياة الحارة حسبما شرح لي شايب صيني قابلته هناك انك تنزل المسبح الحار لمدة 10 دقائق بعدها تأخذ دش بالماء العذب البارد والدش بجانب المسبح .. وتكرر العملية كذا مرة .. بحيث يحدث تمدد وتقلص متكرر لعظام وعضلات وأوردة الجسم وتتسلك جيدا هههه وتشعر بعدها بنشاط عجيب ولا ننسى دور المواد المعدنية في المياة البركانية .. أهم شيء تعويض السوائل بشرب كميات من الماء والسوائل عموما .. وفي الفيلا يمكنك طلب قدور وعدة طبخ إذا لم تكن معك او لم تكون موجودة في المطبخ كما حصل معي .. أحضروها لي مع دبة ماء كبيرة ورحت السوق وأخذت لي طماط وبصل...إلخ ولحم وروبيان وضبطت احلى كبسات في ذلك المكان الرائع والطبيعة الخلابة .. كما أن فطور المجمع في المطعم الملاصق للمسابح متنوع وبه كل مايخطر على بالك .. وبخصوص الحجز انا أجيهم دايركت ولا أحجز من مكتب كاها لأنني أختار الفيلا حسب الموقع الذي أريده .. والفرق لايذكر من ناحية السعر بين الاستقبال ومكتب كاها .. وهي كلها يومين انتعش وأليخ الجسم في المياة الحارة وأستمتع بكافة خدمات وأماكن المجمع الرائع .. وهناك اماكن عديدة يمكنك زيارتها في باندونق ذكرتها سابقا ..
وفي الرابط أدناه تقرير قديم لي لصور المجمع ومعلومات عنه :
http://www.sfari.com/forums/sfari16/travel36312-8/

بعد يومين في باندونق .. انصحك تأخذ سائق خاص وتتوجه لقرية قاروت garut .. وقد ذكرت تفاصيلها في رد سابق .. قرية رائعة وطبيعتها جميلة .. ويكفيها يومين في الفندق تيرتاقانقا الذي ذكرته في رد سابق .. وطبعا لم أذكر الأسعار لأنها متفاوته جدا في اندونيسيا بحسب سعر الصرف ..

هذه 4 أيام .. يومين في باندونق ويومين في قاروت .. ويتبقى لك 6 أيام ..

في أثناء إقامتك في باندونق او قاروت .. تستغل الوقت وتتجه لأقرب مكتب حجوزات طيران يكون معتمد مثل كاها او غيره وهي كثيرة .. وتحجز تذكرة على خطوط جارودا او ليون بحسب امكاناتك المادية لان ليون أرخص بكثير من غيرها .. بحيث تكون الرحلة من مطار باندونق إلى مطار سورابايا .. أسهل لك من مشوار مطار جاكرتا .. وكلما حجزت بدري يقل سعر التذكرة وتتجنب ضغوطات الحجوزات .. أهم شي تختار رحلة في نفس يوم الشيك آوت من قاروت وبوقت مناسب بحيث تعمل شيك آوت وتصل مطار باندونق بوقت مناسب ساعة قبل الرحلة إلى سورابايا ..

وعند وصول مطار سورابايا تأخذ تكسي بلو بيرد بيطلع العداد بحدود 100 غلى 150 ألف روبية ليوصلك إلى الجبل تريتيس tretes مع مراعات ان يكون يتكلم عربي او انجليزي .. والفلل والفنادق والشقق هناك كثيرة جدا .. وإذا بغيت نصيحتي أسكن في شقة بما انك لوحدك لأن الفلل كبيرة عليك ومعظمها 4 غرف فما فوق .. وفي ردود سابقة لي ذكرت تفاصيل الجبل تريتيس وذكرت شقق نظيفة ومحترمة اسمها "ماو ماو" maw maw وسعرها 500 ألف روبية على مدار العام وانا دائما آخذ الشقة إللي بلكونتها مطلة على الجبل .. وأضمن لك ترتاح فيها من وإلى وقل لهم من طرف ابراهيم وبيحطونك على اكف الراحة حتى لو لم تذكرني لكن علاقتي بهم جيدة .. والشغالة عجوز فنانه في الطبخ وزوجها اسمه بريادي محترمين وامناء وخدومين لابعد حد سواء اعطيتهم نقود ام لا ..

ترتاح في الجبل تريتيس 5 ايام تتسدح في البراد بعد هجولة باندونق وقاروت و تفل الحجاج وتاخذ لك تويس من قرية باند آن القريبة وتتمشى في الاماكن السياحية في الجبل تريتيس وحوله .. وكلها ذكرتها في ردود سابقة أرجو الرجوع لها لأهميتها .. وأثناء اقامتك في تريتيس ويفضل من البداية تتوجه لمكنب حجوزات وتحجز رحلة العودة لجاكرتا والمكوث بها يوم او نصف يوم استعدادا للعودة بمشيئة الله لأرض الوطن .. اهم شيء تنسق وقت الطريق من تريتيس إلى مطار سورابايا .. وبريادي مابيقصر معاك لاتحاتي من ناحية الحجز والسيارة بيوصلونك بسيارة مالك الشقق ..


وعندي لك نصيحة بخصوص السائق الخاص من جاكرتا إلى باندونق ومن باندونق إلى قاروت .. اتفق معاه عل 500 ألف روبية لليوم كحد أقصى والبنزين وضريبة الهاي واي عليك لكن أكله ومكان نومه يدبر نفسه الله لايهينه وتعطيه كرت الإفطار المجاني لأن المجمع والفندق يعطونك كروت لشخصين .. وطبعا أثناء اليوم يوصلك لأي مكان في اي وقت من تماشي وسوق ومشاوير مكتب الحجوزات والمطار ... إلخ ..

هذا الجدول إللي اشوفه مناسب لك حسبما فهمت من طلبك .. وتجنبت ادخال بالي و لومبوك لأسباب عديدة أهمها ان رحلتك قصيرة ..

وبخصوص السائقين وأرقامهم .. "لتسمح لي إدارة مكشات الموقرة" .. أنصحك بالأرقام الموجودة في موضوع مثبت في منتدى مكتوب العرب المسافرون سابقا .. بحيث تاخذ رقم سائق وتكلمه وتتفق معه على السعر وعلى كل شي ويستقبلك في مطار جاكرتا بعد ما تعطيه اسم الخطوط ورقم الرحلة .. وانا عندي سائق خاص لكن مايصلح لك لأنه مدخن بشراهه وبيحشرك بدخانه ههههه ..

هذا مالدي وأي أستفسار آخر انا حاضر لمثلك وشرواك من اعضاء مكشات الكرام ... اسأل الله لي ولك السعادة والتوفيق ..


يابعد راسي انت والله اني احبك :D

اول شي ارجع واكرر الشكر لشخصك الكريم على ردك لموضوعي

وعندي كم استفسار ثاني اخوي خشكاري واسف للازعاج والله

ابشرك حجزت انا والشباب على الخطوط الصينية ودورنا على الاتحاد قبل لكن للاسف طلع فرق بالمبلغ قوي حول 1200 للشخص خذنا الصينيه بـ2400 هي ارخص تذكره حصلناها



نجي للزبده موعد الوصول يابعدي 28 من نفس الشهر والعوده 14 حبيت اسئلك حنا ماندري عن اوضاع الطيران الداخلي في اندونيسيا من جاكرتا لبالي هل نحجز من هنا ولا عندهم في المطار بعد الوصول ان شاء الله وكم تكلفت التذكره للشخص الواحد ذهاب وعوده من جاكرتا الى بالي



واذا السواق اللي معك من اهل جاكرتا ياليت ترسل لي رقمه خاص :)



رحم الله ام انجبتك واب رباك كل الشكر اخي خشكاري على ماقدمته لنا

[خشكاري]

يابعد راسي انت والله اني احبك :D

اول شي ارجع واكرر الشكر لشخصك الكريم على ردك لموضوعي

وعندي كم استفسار ثاني اخوي خشكاري واسف للازعاج والله

ابشرك حجزت انا والشباب على الخطوط الصينية ودورنا على الاتحاد قبل لكن للاسف طلع فرق بالمبلغ قوي حول 1200 للشخص خذنا الصينيه بـ2400 هي ارخص تذكره حصلناها



نجي للزبده موعد الوصول يابعدي 28 من نفس الشهر والعوده 14 حبيت اسئلك حنا ماندري عن اوضاع الطيران الداخلي في اندونيسيا من جاكرتا لبالي هل نحجز من هنا ولا عندهم في المطار بعد الوصول ان شاء الله وكم تكلفت التذكره للشخص الواحد ذهاب وعوده من جاكرتا الى بالي



واذا السواق اللي معك من اهل جاكرتا ياليت ترسل لي رقمه خاص :)



رحم الله ام انجبتك واب رباك كل الشكر اخي خشكاري على ماقدمته لنا

أحبك الله وملائكته اخوي GMC ...

مبروووووووك ألف مبروك على الحجز عسى الله يهنيكم .. بصراحة ماشاء الله سعر خرافي من جد وفرق جامد في السعر يسلم راس الذيب إللي حجز .. والصينية طيران جيد قد سافرت عليها لكن أغلى منكم ب350 ريال ..

قلت لي الوصول بحول الله 28 ذي الحجة ويصادف الأربعاء .. والعودة 14 محرم ويصادف الجمعة .. تواريخ ممتازة وبعيدة عن زحمة الويكند عندهم .. وبخصوص الطيران الداخلي أنصحكم بقوة تحجزون من هنا على خطوط جارودا من بدري وبتطلع عليكم رخيصة أرخص من هناك وغير كذا بترتاحون من زحمة حجوزات الطيران في مطار جاكرتا .. والحجز من هنا بحيث تكون الرحلة قريبة من وقت وصولكم .. يعني بعد وصولكم بأكثر من 3 إلى 4 ساعات .. لأن إذا قلنا إجراءات الوصول والجوازات بتاخذ ساعة + الطيران الداخلي لازم تكون في المطار قبل الرحلة بساعة + ساعتين أحتياط عن الشكه في حال حصل أي تأخير في رحلة الصينية لجاكرتا وتكونون في السليم .. والوقت في مطار جاكرتا يعدي بسرعة مطاعم وجلسات ومساج .. ثم على بوابة بالي من قاصر من المطار بلا جاكرتا بلا غثا ..

وانا أضمن لكم تحصلون حجز رخيص من مطار جاكرتا بعد وصولكم لكن أبي لكم الراحة .. ولا الرحلات واجد على خطوط ليون أو بتافيا او ميرباتي أو آير أسيا أو سيتي لينك أو سيروي جايا .. كلها لها مكاتب للحجز وشراء التذاكر في مطار جاكرتا .. والرحلات كل ساعة رحلة .. وليتك علمتني عن وقت وصول رحلتكم لمطار جاكرتا ..

وبخوص الاسعار مقدر أحدد لك يالغالي لأنها متفاوتة جدا في اندونيسيا وحسب وقت الرحلة .. لكن اقول مابين 500 إلى 600 ألف روبية تنقص شوي تزيد شوي بهالحدود ..

لا تحجزون ذهاب وعودة جاكرتا بالي .. العودة احجزوا من بالي بعد وصولكم عندكم وقت طويل والله ماكثر الا المكاتب والرحلات للعودة .. لكن مهوب تحجزون قبل العودة لجاكرتا بيوم هههههه .. قبلها باسبوع كفاية واجد ..

وهذي روابط شركات الطيران الداخلي في اندونيسيا وأفضلهم واكثرهم أمان جارودا بعدها سيتي لينك التابعة لجارودا .. وبعدها ليون .. ورتبتها لك حسب الأفضل :
جارودا :
http://www.garuda-indonesia.com

سيتي لينك :
http://www.citilink.co.id

ليون :
http://www.lionair.co.id

بتافيا :
http://batavia-air.net

ميرباتي :
http://www.merpati-air.net

آير أسيا :
http://www.airasia.com/ot/en/home.page

سيروي جايا :
http://www.sriwijayaair.co.id/id/welcome


وبالله التوفيق ،،

[خشكاري]

وبخصوص السواق نعم هو بجاكرتا وبرسل لك رقمه على الخاص .. ولو إني ماودي تنزلون جاكرتا ..
بالي ياعين أبوي بالي .. دزوا الحديد دامه جديد على طول من مطار جاكرتا لايردكم إلا بالي ..

[GMC 111]

اخوي خشكاري الف شكر يالغالي على كل شئ قدمته سوا لي أو لشباب والله يجعلها في ميزان حسناتك

وأي خدمة من اندونيسيا ولا الرياض لايردك غير الخاص نتشرف بخدمة الرجال شرواك

[رجبشعبان]

الاخ الكريم في القول والعمل والله انك قد سربلتني واحرجتني بردك السريع وسبحان من اعطاك البصيرة
والاخلاق وسماحة النفس كيف لا وها أنت تتجاوب مع من يحتاجك بسرعة مذهلة ثم اجابة وشرح مفيد
لايخلو من روح المداعبة وخفة الظل . نعم اخي الكريم السفر منفردا فيه مميزات كثيره منهاى ( الحرية) فلاانت تابع ولامتبوع ولايمكن حصرها . اخي . لقد نورت لي سفرتي وجعلتني ارى رحلتي
ممتازة جدا قبل ا ن تبدأ بفضل توجيهاتك وارشاداتك وفقك الله وسدد على النهج القويم خطاك كما لايفوتني ان اقدم لك شكري وامتناني بردك المفيد والشامل ولك من الشيبة التقدير والسلام

[رجبشعبان]

الاخ الكريم في القول والعمل والله انك قد سربلتني واحرجتني بردك السريع وسبحان من اعطاك البصيرة
والاخلاق وسماحة النفس كيف لا وها أنت تتجاوب مع من يحتاجك بسرعة مذهلة ثم اجابة وشرح مفيد
لايخلو من روح المداعبة وخفة الظل . نعم اخي الكريم السفر منفردا فيه مميزات كثيره منهاى ( الحرية) فلاانت تابع ولامتبوع ولايمكن حصرها . اخي . لقد نورت لي سفرتي وجعلتني ارى رحلتي
ممتازة جدا قبل ا ن تبدأ بفضل توجيهاتك وارشاداتك وفقك الله وسدد على النهج القويم خطاك كما لايفوتني ان اقدم لك شكري وامتناني بردك المفيد والشامل ولك من الشيبة التقدير والسلام

المعذرة نست أن أكتب الاسم خنشكاري المحترم

[خشكاري]

جزاكم الله خير على دعواتكم أخوي GMC وأخوي رجب شعبان .. ماسويت شي وتستاهلون كل خير .. أسأل الله لي ولكم الخير في الدنيا والآخرة ..

وأعجبتني مقولة أحدهم يا أخي رجب شعبان .. يقول : تسافر لوحدك تكتشف البلد ، تسافر مع صديق تكتشف صديقك ..

وبخصوص اسمي إللي يغلطون فيه الشباب كثير هههه ... تراه ( خشكاري ) وهو تسم بر قريب من منطقة رأس تنورة ومشهور جدا عند اهلها .. وأسمه الآخر الجعيمة ..

ودمتم بخير ..

[تربة الشمال]

الفيزاء تاخذهاء من المطار

[yassaer]

السلام عليكم
وابفيدك بشور حلووووووو لك وللجميع
اسعار التذاكر كنت اشتريها 3500رايال
طيب والي بيطلعك من الرياض لي ماليزيا ومن ماليزيا لي جزيره بالي ومن بالي لي جاكرتا 3500ريال

ماليزياء مافيها فرق عن اجاكرتا // انا رحت 22يوم وماليزياء فيها جزيره اسمها بيناق حلووه وخطيره

طريقه الحجز
1- التذكره من الرياض لي ماليزيا والعوده من جاكرتا لي الرياض. ( ع الخطوط السرلنكيه )
2- حجز من ماليزيا لي بالي ومن بالي لي جاكرتا.. ( اير اسياء ) لو تشتري الذاكر من ماليزيا ارخ لك ولو تاخذ فكره بلسعر من المكتب السياحي..

[رجبشعبان]

اخوي الكريم خشكاري .يا خوي عجزت احدد ميزانيه للسفره ماودي اشيل معي اكثر من اللازم او أنقص
بودي تتجمل كما هي عادتك وبحسب خبرتك الشامله لكل شيئ ماشاء الله تبارك الله في اندونيسيا
وتراني ماني قليل خبره في السفريات تقريبا القارة السوداء هي الوحيده التي لم ازرها الى الان
أمريكاسنتين ونص بريطانيا سبعة اشهر وهذه السفريات للدراسه . مضم دول اسيا واوربا الى جانب مصر والمغرب . العام بعد رمضان كنت في زلمسي اسبانيا ثم المانيا . لكن احب ان استفيد من خبرة
اهل الخبره والدرايه حتى يكون الانسان لديه معرفة مسبقه ولا تحصل له مفاجأت لاقدر الله . ولك جزيل تقديري

[الدبا]

خشكاري ماشاء الله تبارك الله علامه في اندونسيا حتى امور الزواج ملم فيها ماشاء الله تبارك الله

بارك الله في جهودك

[hamo0o0ody]

السلام عليكم

أخوي GMC بما إني من محبي هذا المنتدى وأعضائه .. وبحكم سفراتي العديدة لأندونيسيا بفيدك باللي أقدر عليه وبعطيك عصارة خبرتي لأكثر من 14 سفريه .. بما اني رايق حاليا :) ..

1- الخطوط الناقلة : انصحك بالإتحاد بحدود 3000 التذكرة .. المهم أنتبه تسافر مع الخطوط السعودية أنحش .. ولا عليك من اللي يقول رخيصه ودايركت .. وربي تندم انواع المناكح سووها فينا من تأخير بالهبل وخدمه زفت واكل يمرض الله يديم النعمه ووسائل ترفيه معدومه في طياراتهم .. بإختصار يخلونك تكره السفريه .. وانت خابر ربعنا !!

2- العملة : خذوا دولارات احسن من الريال لأن بعد الحج ينزل سعر صرف الريال هناك .. اصرف دولارات فئة 100 دولار نسخة جديدة من محلات الصرافه زي العمودي .. وتجنب بنوكنا الحراميه .. حطوا الدولارات في زرف قوي شوي علشان ماتتسفط .. وانصح بشنطة الخصر زينه للسفر .. وعلى جنب لكل واحد 25 دولار للفيزا في مطار جاكرتا .. وبخصوص الفرق بين الريال والروبية حط فبالك دايم ورقة 100 ألف روبية حدود 40 ريال وورقة 50 ألف 20 ريال علشان تزبط معك الحسبه والوزنيه ..

3- العزبه : تكون كلها بشنطة وحدة قوية أريح لكم .. والأساسيات بس علشان الوزن .. الاتحاد متساهلين شوي بالوزن إلى 30 كيلو للشخص وحتى لو زادت شوي مايدققون .. العزبة كالتالي : رز - مكرونه - قهوه وشاهي ودله مشكنمه وفناجيل - قدوع - بهارات - نواشف معلبات - تونه - مكسرات - صلصه وشطه - سفر طعام واكياس بلاستيك شفاف لتقسيم لحم الذبيحة بالفريز - قدر ضغط مشكنم وخفيف ( ونصيحة ) خذوا طباخ كهرب ابو عين وحدة 220V ب 50 ريال وخفيف من بندة لزوم الطبخ والنفخ والتقهوي حتى بفندق 5 نجوم :) وصدقني بيفيدكم كثير

4- مطار جاكرتا "سوكارنو هاتا" : موظف الجوازات حق الفيز اذا طلبك هديه عطه علك ابو نص هههه امزح .. لاتعطيه شي انتبه توهق أخوياك لأنك لادفيته بينشب لأخوياك .. ابتسم له وسو نفسك غبي هههه

اكشاك الصرف في المطار تصرف منها 100 او 200 دولار بالكثير كل واحد فيكم .. وأحسنهم مكتب كاها 24 ساعة فاتح .. وان كان مابتحجزون شقق أو فندق عن طريق موقع بوكينق احجزوا من عنده كانكم بتريحون بجاكرتا يوم بعد تعب الرحلة .. اما اذا بترقدون في الطيارة وتقومون مصحصحين أنصحكم ماتقعدون بجاكرتا مامنها الا غثا وزحمة .. والخيار لكم .. وأرشح لكم شقق اريادوتا سيمانقي وتحتها مشي سوبرماركت كبير .. وبعدها شقق أستون مارينا قريبة من منطقة أنشول البحرية ( الكورنيش والملاهي دنيا فنتازي وعالم البحار سي وورد وغيرها ) تشوفها بعينك من البلكونه .. دامكم شلة شباب خذوا شقتين أمهات غرفتين او بحسب عددكم .. وأشرط عليهم المطل على الكورنيش أو المسبح على هواك ..

خذلك شريحة أندونيسية شركة سيمباتي شبكتها قوية .. لاتشتريها من المطار غاليه خذها من برا بحدود 15 ألف روبية وأشحنها ب 100 ألف يعني ب40ريال .. كلكم خذوا شرايح علشان المواعد بينكم وتسهيل اموركم

5- الفله والتماشي : 13 يوم ؟؟؟؟ أممممممممم بالنسبة لي مستحيل اروح اندونيسيا بس 13يوم .. أقل شي شهر ودايم امدد شهر ثاني من دائرة الهجرة ب400 ألف روبية 160 ريال ... المهم ماعليك مني ههههه تعال أعطيك الزبده دامكم بتقعدون بس 13 يوم : ( وسالفة الفلة والوجهات تختلف من شخص لآخر ) لكن دامكم شلة شباب أتوقع أنكم كوكتيل ههههه

بونشاك .. الجبل : شخصيا لي اكثر من خمس سنين ماطبيتها والسبب ان العرب دعسوها وخربوها وخربوا أهلها .. ماغير سرقات ومداهمات وجريات ونصب وغلاء وحقد وطلب هديه في كل مكان .. بإختصار غثا وقلة حيا حتى من ربعنا اللي بتشوفهم هناك وبتشوف عمايلهم .. لكن دامكم بتروحونه انزلوا تحت لشيباناز وشيباداز .. وشقق كوتا بونقا زينه وخياراتها كثيرة ومجمع كبير تضيع فيه لكن عيبه مقطعه شوي لابقالات حوله ولا مطاعم .. وان حطيت كل الكلام ذا براسك ورحت لمكتب سلطان المزيد في الجبل وقلت له أبي فيلا من فللكم رايقه وهاديه ومافيها قلق وبياعين وقروشه بتحصل مطلوبك عنده .. وتقدر تحجز من بدري من موقعهم حط بقوقل مكتب سلطان المزيد وخش موقعهم وحدد له التاريخ .. والرجال ماأزكيه على الله محترم وصدوق وخدوم .. واذا تبون بعد عندك فلل جاياكرتا في وسط الجبل زينه ونظام فنادق وحراسه لاكن الله يعينكم على المهسترين اللي بيسكنون جنبكم .. من ألحين أعلمك .. وانتم وحظكم ولا الفلل مايعلى عليها ..
التماشي في الجبل بونشاك : حديقة الحيوانات سفاري ملام حلوه ويبيلها من الصبح للمغرب ..شلال شيباداز حلو والكبسه على جال الشلال مامثلها والمنطقة كلها جنان وهادية .. شلالات شيليمبر حلوه لكن زحمه وتعب شوي .. حديقة الزهور ومزارع الشاهي ... وعلى بعد نص ساعة تقريبا مدينة بوقور وحديقتها العجيبة وبحيرة الليدو الساحرة والاكلات البحرية


وبالنسبة لي بعد ماكنسلت الجبل بونشاك صرت أروح جبل ثاني لكنه بعيد صوب سورابايا ساعتين بالطيارة .. اسمه تريتيس tretes .. نفس بونشاك وأحلى زي ابها بالنسبة للطايف والباحة .. وشعبه لبا قلوبهم وطبيعة خبال ومايجيه عرب واجد .. وكل اللي في الجبل بونشاك تلقاه هناك بربع السعر والله من فلل وتيوس وتماشي وحديقة حيوان زي اللي ببونشاك وشلالات حذفة حصاة من الفلل .. وماتحصل قلق وبوليس وفساد وهدية وغثا ..

وأنتم بكيفكم .. أعرف فيها دكتور سعودي متقاعد رجال محترم ومهوب دايم هناك عنده شقق تمام اسمها ماوماو maw maw وأعرف حارسها وزوجته عجوز طبيخه .. ساكنين بنفس الشقق تحت .. وخدمات على كيف كيفك .. لو تقله لهم من طرف ابراهيم بيحطونك بعيونهم ..

هذا بخصوص الجبل ... فصلت لك فيه ... وانتم بكيفكم

منطقة باندونق : حدود 5 ساعات بالسيارة من الجبل بونشاك .. طبيعتها شي ماينوصف .. وتشتهر بالبركان تاكوبان براهو .. وبمنطقة الشياتر "المياة الحارة" ciater .. فيها شلالات وحدايق .. وأنصحكم بقوة بمنتجع ساري آتير sari ater للمياة الحارة .. فيه غرف وفلل وشغل ملكي ونظيف .. مهوب زي باقي المنتجعات والبرك الحارة الشعبية .. بترتاحون فيه كثير وبتحس بطاقة مهيب عادية بعد مسبح المياة البركانية الحارة .. خطر تكملون باقي السفره مشي على أرجولكم هههههه .. مجمع كبير بالحيل وطبيعة سبحان مبدعها .. وعندك بعد شلالات ماربيا قرب باندونق تصلح مكشات بالكبسة والقهوة .. ومنطقة وبحيرة تشيبودي حلوه وبارده ..

جزيرة بالي + جارتها جزيرة لومبوك الساحرة : قال رحت أندونيسيا قال ايه قال رحت بالي ولومبوك قال لا قال أجل مارحت أندونيسيا :) .... بالي ولومبوك ...... وما أدراك ؟؟؟؟؟؟

هنا أعجز عن الوصف ولا تسعفني الكلمات .. هنا أطبن مكاني هههههههه
رأس مال بالي تذكرة ب 600 ألف على خطوط ليون ساعة زمان من جاكرتا الا انت في بالي .. فتح عيونك خلاص ماعاد فيه نوم في بالي ... يالطيف ليش انا ماجيت بالي على طول !! بلا جبل بلا تسدح هههههههه

من مطار جاكرتا رحلة كل ساعة لبالي .. وكلما حجزت بدري رخصت التذكرة مع تجنب عطلة نهاية الأسبوع لزحمة الحجوزات .. اهل جاكرتا شادين الرحال لبالي في الويكند ..

التماشي في بالي : يبغالها مجلد .. وبشكل عام بحيرات شلالات انهار جبال شواطيء .. والجديد على بالي يتعب نفسيا خصوصا اذا مدة الاقامة قصيره :(
السكن متنوع من شقق وفلل وفنادق وترى بالي مهيب غاليه زي مايدعي بعض عربوه الغشم .. وشخصيا أسكن في فنادق في بالي فقط .. لأني ما اجي الغرفه الا وقت النوم بس وأهج منها الصبح بدري .. أشهر شارع في بالي شارع لاقيان في منطقة كوتا قلب بالي النابض .. وفيه فندق رايق ورخيص اسمه سيمبانق إإن على نفس الشارع وسط الدعثه .. ومسبح وطبيعة وأشجار وسط الفندق .. الغرفه ب 450 ألف روبية حدود 180 ريال .. موقع استراتيجي بقوة وكل شي جنبك صرافين مطاعم بقالات اكشاك سياحية والشغلات الثانية النوادي الليلية ومحلات ملابس وكل شي .. وشارع كارتيكا بلازا مطاعم عالميه وحلو بالليل ..
الجدول المناسب للمواطن السعودي الشقيق في بالي : وببدأ بالمهم
- التجديف النهري : تجربة ماتنساها طول الحياة .. بين الطبيعة والجبال والوديان .. تكلفة الشخص من 250 إلى 350 ألف انت وشطارتك شامل وجبة غداء بعدما تخلصون النهر والحجز من الاكشاك المنتشرة في شارع لاقيان .. يوجد 3 انهار أحلاهم محل اسمه alam والباقية صعبة شوي شفل محترفين بروفيشينال .. ولاصرتم قروب تقل التكلفة وياخذونك من استقبال الفندق الساعة 8 الصبح ويرجعونك للفندق العصر .. لازم تاخذ شورت وفوطة وبعض التسالي ولاتخاف يعطونك شنطة ضد الماء للجوال والكاميرا والدراهم وصندوق امانات وشغل مرتب .. اللي مايجرب التجديف النهري بهاك الطبيعة ماعنده سالفه ابد ابد
-شاطي نوسا دوا .. للألعاب البحرية وبرضو الحجز من الأكشاك والله الله بالمكاسر تكلفة الشخص حدود 500 ألف روبية وأرشح لكم تطلبون الألعاب التالية : البراشوت .. البنانا بوت .. الفلاينق فش .. الجت سكي .. وكلها بيدربونكم عليها عالسريع وحتى العجز يركبونها هههه
- منطقة اوبود الساحرة بطبيعتها الجبلية وبحيراتها ومطلاتها ..
- منطقة كينتاماني خيال الطبيعة وسحرها والبراد
- منطقة بحيرة بيدقول بحيرة بين الجبال وطبيعة خلابة

والاماكن واجد في بالي ولا يمدي أذكرها كلها .. استكشاف شمال بالي - والسفاري - والغواصة اوديسي - شلال قيت قيت - القرية المائية وتقفل 6 المساء - شاطيء دربم لاند - شاطيء جيمبران للماكولات البحرية لكنه غالي بالحيل - المياة الحارة ديفازا - حديقة الطيور - وغيرها كثييييير وأكتفي بهذه عن بالي

واهم شي للي يروح بالي هو زيارة جزيرة لومبوك ليوم أو يومين وتحديدا لشاطيء سنقيقي وبالذات جزيرة قيلي تراونقان عشقي الاول والأخير :( .. وتقدر تروح جزيرة قيلي دايركت بدون ماتمر لومبوك وهذا الافضل للي سفرتهم قصيرة .. والرحلة لها طريقتين السبيد بوت قارب سريع تقل فيراري ساعة ونص وأنت في لومبوك ب 350 ألف روبية للشخص والمكاسر يلعب دور وكلما زاد العدد قل المبلغ .... او بالباخره ويسمونها "فيري" ب 10 آلاف روبية يعني ب 3 ريال هههههه ... لكن التكسي بياخذ منك 300 ألف لأن الميناء بعيد ... باخره تضيع فيها وصيد سمك وقاعات مكيفة ومطعم ومسار وطبيعة بين جزر الأرخبيل الخصراء .. تستغرق الرحلة 5 ساعات .. والفيري فقط الى لومبوك وليس لجزيرة قيلي تراونقان ...

جزيرة قيلي تراونقان ماراح أوصفها لأنها زي ماقلت عشقي الاول والاخير مع ان مساحتها ما تتعدى 3 كيلو متر مربع تقريبا .. وأخواتها التوائم جزيرة قيلي آير وقيلي مينو ... لكن قيلي تراونقان هي العروس ... ولي تقرير عنها على النت كأول مواطن سعودي شقيق يحط تقرير لها مع انها ثاني اشهر جزيرة في اندونيسيا عالميا بعد بالي ..

هذا كل ماسمح به وقتي يا أخوي GMC ... والرد هذا كتبته مخصوص لك ومهو مقتبس وأخذ مني وقت مهوب شوي ... بما انكم شلة شباب قلت علكم تستفيدون منه .. وتقلبونه بينكم وتجتمعون وتنسقون وتتشاورون وماخاب من شاور ...

ونصيحتي لكم يا أخوي أنكم تكونون على قلب واحد وتأمرون امير تكون القطه اليوميه معه .. بحيث كل يوم كل واحد يصرف 100 دولار وتعطونه اياها علشان تسهل عليكم الامور وماتختبصون .. واللي يزيد يتقسم ويرجع لكل واحد تالي اليوم .. قطة السكن والتكسي والمطاعم والتذاكر الداخلية .. وباقي الامور كلن وبصره .. ولا تاخذون سواق باليوميه ماراح تستفيدون منه ... تكسي بلو بيرد في كل مكان وبرخص التراب في وجه العدو .. وانصحك تحمل تطبيق تكسي بلوبيرد من متجر قوقل بلاي BLUE BIRD سهل ومريح تطلب تكسي وانت بمكانك بس تحط رقمك شريحتك الاندونيسية وتريح بالك ..

ودامكم شلة صدقني لازم بتختلفون ببعض الامور .. هذا يبي ينام للظهر وهذاك يبي يسهر وهذا بيتزا هت والثاني مكدونالدز والثالث مايبي البحر ورابع مايبي مدري ايش ... ومن هالأمور ... لاكن الترتيب والجدول المنسق والاتزام به يريحكم ويختصر وقتكم القصير أساسا .. اهم شي القومه الصبح بدري وماتقولون اجازة نبي نشخر للظهر ههههه لا حبيبي تتعبون وتنسقون وتسافرون ومرمطة مطارات وبالعملة الصعبة وآخرتها شخري للظهر ماينفع أبها تراهي قريبه ههههه ... ولا تقول الشي الفلاني ما أبيه لين تجربه وتشوف وتعيشه بنفسك وتشوف بعينك مثل يوم اقول التجديف النهري مثلا ...

وكثروا من الشورتات والتي شيرتات واتركوا عنكم الكشخات والجنز والترزز ههههههه .. والله الله بالتصوير الزين والتقرير الكايف عقب ماترجعون بالسلامة سالمين وغانمين ... وأي مكان تروحونه هناك مثل التجديغف والالعاب البحرية أتفقوا معهم يصورونكم شغل احترافي بحقه طبعا ويعطونكم سي دي وصور وشهادات للذكرى ... وأعيد وأكرر المكاسر في أندونيسيا ثفافه وتراهم يستهطفون اللي مايكاسر ..

وأن كان بغيت رقم سواقي الخاص هناك يستقبلكم ويزبط أموركم تامر أمر وتراه زكرت وتربيتي من سنين ويعرف عربي .. ان بغيتوه أرسل لك اسمه ورقمه عالخاص .. والطيبين الغالين بمكشات الغالي يستاهلون كل خير .. وان بغيت بعد روابط لتقارير قديمه لي على النت أيام عز النقارير هههه فيها وصف وصور لبعض ماذكرت بردي هذا ..


والسلام ختام ....



السلام عليكم أخوي,, بالنسبه للخطوط السعودية تراها تغييرت وتحسنت مع الطيارات الجديدة (بوينج 300-777) أخر طراز فيها خدمات حلوه وشاشات واهم شي مدخل يو اس بي تشحن جوالك فيه
والتأخيرات صدقني تحسنت وقلت وانا كم مره رحت عليها ماشاء الله مظبوطه وماصار لي معهم مشاكل

سعر الصرف الريال بـ 2970 إلى 3100
يعني الـ 100 بـ 33 ريال أو 32 ريال

واسف على المداخله
اخوك أبو نواف

[رجبشعبان]

السلام عليكم أخوي,, بالنسبه للخطوط السعودية تراها تغييرت وتحسنت مع الطيارات الجديدة (بوينج 300-777) أخر طراز فيها خدمات حلوه وشاشات واهم شي مدخل يو اس بي تشحن جوالك فيه
والتأخيرات صدقني تحسنت وقلت وانا كم مره رحت عليها ماشاء الله مظبوطه وماصار لي معهم مشاكل

سعر الصرف الريال بـ 2970 إلى 3100
يعني الـ 100 بـ 33 ريال أو 32 ريال

واسف على المداخله
اخوك أبو نواف

أظنك تقصد 100ألف روبيه ب 33 ريال صح والا انا غلطان ؟؟

[سلطان الفلا]

ايه نعم الله يجزاك خير أخوي كشخاري على إفادتك عز الله إنك بريت ذمتك
ترد رد متعوب عليه بارك الله فيك و الله يسعدك ، نصحت و أفدت لا حرمك الله الأجر

كما هو الشكر موصول للأخ سلطان و نسئله كيف الوصول للمالك و قد وضع مندوب له ؟

جزاك الله خير العفو هذا واجبنا طال عمر ماسوينا شيء بالنسبة للمالك ممكن تتفاهم مع الوسيط اللي حاطه بالموقع وغالبا يكون مكتب عقاري وحتى مع الوسيط السعر بيكون قابل للتفاوض انت وشطارتك وحتى بدون تفاوض بيكون ارخص بكثير من الاسعاراللي معروضه للسياح وترى حتى السواق والشغالة تقدرتاخذها بنفسك وتتواصل معهم فيه مواقع كثيرة مخصصه للسواقين والشغالات ومربية الاطفال وهكذا وتحصل راتبها متفاوت وتحط المواصفات اللي تبي ديانه اونوع العمل اوالمنطقه على سبيل المثال فيه موقع اسمه pembantu.com هذا بالنسبة للعمالة اما بالنسبة للسيارات الايجار موقع اسمه berniaga.com تقدر تستأجرمنه سيارات على حسب المدة اللي تبي يوم اسبوع شهر وعارضين لك الاسعار يعني مافيه تلاعب تختار اللي يناسبك والسيارة اللي تناسبك بسواق اوبدون كيفك انا اخذ السيارة بدون سواق اريح لي الله يسلم القارمن في الاماكن اللي مااعرفها اماداخل العاصمة مايحتاج قارمن السواق يتعبك بأكله ونومه وبعضهم يتذمرمن العمل اوالمسافات الطويلة احلى شيء مفتاحك معك وسيارتك متى مابغيتها دق سلف وحرك