اذا انت من اللي يستخدمون سلة خلفية للعفش ياليت تتفضل ..

[turkiq]

السلام عليكم ورحمة الله
إخواني قرأت في بعض المواضيع عن تأثير تحميل السلة الخلفية
على الدفرنس .... فهل سبق وحصلت مع احد منكم وبالذات اصحاب
النيسان الفتك؟

ودي استخدمها بس طبعا ما ابغاها تكون على حساب الدفرنس
أتمنى اسمع منكم

[ميكا مكشات]

نظرياً. تأثر. عمليا لا

[فارس العمور]

ما انصحك بها تخل توازن السيارة

[المميـز]

:

اللي جربوها تركوها وصاروا يستعملون السله العلويه او عربه صغيره وهي الافضل

:

[taal0]

السله العلويه احسن وشراع من الغرابي سحاب افضل شي
بالتوفيق:good2:

[سعود الرويضان]

انا استخدمتها اكثر من ثلاث سنوات على باترول 99ماقد حصل اي مشكله منها والتوازن عال العال بشرط يكون العفش موزع بالتساوي داخل السله.

السياره بعتها اما السله لاتزال لدي اذا لك رغبه بالشراء.

السله معدله .. اكبر مما هو موجود في السوق.

[خالي الهم]

طويل العمر ركبتها على جيب لكزس ورحت من الكويت الى الدمام

اذا تعديت سرعة ١٠٠ يروغ الموتر بسبتها ولا نقدت على الموتر الا يوم ركبتها

اذا عفشك واجد شترلك عربانه قلص الي تسحبها افضل من السله واذا عجل حطها فوق الغماره بسله

وسلامتك وتعيش والله يحفظك انت وكل مسلم

[وااضح]

طويل العمر ركبتها على جيب لكزس ورحت من الكويت الى الدمام

اذا تعديت سرعة 100 يروغ الموتر بسبتها ولا نقدت على الموتر الا يوم ركبتها

اذا عفشك واجد شترلك عربانه قلص الي تسحبها افضل من السله واذا عجل حطها فوق الغماره بسله

وسلامتك وتعيش والله يحفظك انت وكل مسلم

:good2: ....

[مريقب العيفار]

السله العلويه احسن وشراع من الغرابي سحاب افضل شي
بالتوفيق:good2:

انا استخدمت السلة العلوية ولقيتها متعبة جدا

تتعب علشان تجيب حاجتك

رغم اني مفصل خرج

وتتعب تصف اغراضك وتتعب تنزلها

ثم حولت على السلة الخلفية

اريح من السلة العلوية واي واحد من افراد العائلة ممكن يخدمك

لكن تحمل على الموتر

وبعدها تجاهلت الثنتين

وطالبت العائلة بتقليص الاغراض

وشريت شنطة عزبة صغيرة وارتحت كثير

وتقييمي للسلة الخلفية افضل من السلة العلوية

[كم كيلو باقي]

السلة الخلفية سيئة جدا
تتسبب في نزول كبير للسيارة من الخلف
سلامتك وسلامة سيارتك اهم من العجله

[turkiq]

جزاكم الله خير يا اخوان على ردودكم
بس ملاحظ ان ماحد إشتكى من تأثيرها على الدفرنس
فهل تكون مبالغة او حصلت صدفه مع احدهم واتهم فيها السلة!!

[Hwer]

انصحك بالفيبر العلوي استخدمه لي سنتين ومريح وامن للسيارة وسهل بالتحميل والتنزيل http://www.prolineracks.com/yakima-rocketbox-12-roof-cargo-box-lrg.jpg

[هارون97]

اذا كنت مركب ياي استرالي ماريح تنقد عليها شي ابد بلعكس حلوة وراعي لكزس لوكنت مركب ياي استرالي ماريح يلعب الجيب معك الان ياي التايوتا الصالون كلة لين مرة ويلعب بدون حمل كلامي عن تجربة

[رسيس نجد]

انا استخدمها من سنين في الرحلات الطويله ولا شفت منها الى اراحه . والسهوله في التحميل

والتنزيل . وبنسبه للتوازن ما شفت منها أي مشاكل وخاصه في طريق الجنوب (الباحه_النماص_ابها )مع العلم اني من هوات العفش الواجد .

ركبها ولاتخاف من شي .

[مسير عليكم]

انا مجرب السله الي علي الشاص انا مجربها ينزل الموتر ويلعب بس مافكر بالي فوق
اذا بتهوجس بدفرنس وتوسوس لاتحمل عفش خخخ

[النشمي11]

جربتها على تاهو ٢٠٠١
في اكثر من سفرة وكنت املاها جداً بالعفش
احلا منها مافيه

ميزتها تصف عفشك برواقة بدون ما احد يساعدك

السلة العلوية متعبة في التحميل والتنزيل تحتاج مساعدة من احد

[(هزاع)]

وعليكم السلام ورحمة الله وبركاته
الا متعبه وعدم اتزان وعفطت العكوس وغيرتها ولاظبطت وتالي غيرت الدفرنس كامل من التشليح لان قيمته مرتفعه جدا
والمساعدات تفقعن
لانها عباره عن عتله محمل عليها ثقل
وعند حساب الوزن يجب ان تظرب باضعافه
ولى موضوع عن اثر السله على السياره
http://www.mekshat.com/vb/showthread.php?t=582878 (http://www.mekshat.com/vb/showthread.php?t=582878)
واللي ماهو مقتنع يشغل النور امام جدار ويركب مع شخص اخر على السله الخلفيه يعني( 150) كيلو ويشوف كم بلغ ارتفاع النور ليعلم كم الضغط على مؤخرة السياره
مايخالف تحمست لاني عانيت من السله ومشاكلها
ارجو المعذره

[alwali]

يا زين السوبر حط اغراضك كلهافي الشنطة لين تغبط والحمدلله سافر وانت متطمن
على فكره انا مثلك كنت بركب سلة خلفيه وكل مايمر علي واحد اتحسر اني ما ركبت لين شفت موقف قدامي في فندق على طريق السفر الرجال مريح بالفندق يوم جاء يمشي لقى الطربال مشقوق ومسروق منه شنطه الله يعيين يعني ما تسوا

[أبو شيري]

السله الخلفيه اذا زاد الحمل علة 50 كيلو بتضر الدفرنس


انا افكر احطها للحطب فقط بالشتاء ومتردد

[سليمان الصقر]

احد الزملاء معاه يوكن جديد والرجال راعي سفريات على الموتر يقول بعد فتره طلع بالموتر ونه كرونه بسيطه وعدها الغى الشله

[التعـ King ـديل]

وجهه نظري العربه ورا السياره افضل حل ،، لان الضغط يكون على العربه نفسها وليس على السياره

انا مع كلام المشرف هزاع

[الجوكر حسن]

جزاك الله خير على الموضوع
الحمد الله اني ماشريتها