تعديل مكينة وقير الهايلكس

[alsahli]

السلام عليكم ورحمة الله وبركاته
كيف حالكم×
عندي هايلكس دبل 2012 ابي ارهمها الي 6 سلندر لقيت الحل عند السويدان
بس مالقيت لي حل في القير ابي قير تربوتنك ( توماتيك + عادي ) السويدان ماعاد رد علي وان شاء الله المانع خير×
السوال ابي ورشه ترهمها كلها المكينه والقير واذا مافيه ابي ورشه ترهم القير واي قير بيركب مع المكينه وكم تتوقعون تكلف اللي يعرف ياليت يحط الرقم واسم الورشه والوصف×
وشكرا

[AL3OFI]

وعليكم السلام

اتوقع اخي قير الفورتشنر السته سلندر التماتيك يضبط معك

واللي يرهمون عند بالقصيم

الخضير و الصمعاني و المبتكر

[المميـز]

:

قير الفورتشنر ٦ سلندر

:

[اليامي قطر]

مكينه وقير فورتشنر على كيف كيفك

6 سلندر تقول شغل وكاله ماشاءلله

[alsahli]

مشكورين علي المعلومات لا كن ابي قير تربو تنك هل من مجيب ؟؟؟

[اليامي قطر]

نعم قير الهدد 2008 وفوق يركب على مكينه الفورتشنر

اللي بيركب المكينه بيركبه لك وهو نوعه تبترونك .. عادي @ تماتيك

بتلقاه فالتشاليح كثر الرز

موفق خير :)

[alsahli]

مشكور ياليامي بزعجك بل الاسئله اذا يركب قير الهدد ليه مايركب القير والمكينه حق الهدد او فيها اختلف

[كاشت بالمريخ]

عليكم السلام .
الاخ الفاضل:
انا راسلت احد الاشخاص من فترة واتوقع انه الصمعاني .. الوكاد ناسي بالضبط منهو..
وكان سؤالي مكينة ستة سلندر... ولاجبت طاري القير.
ورد علي جزاه الله خير بالرد التالي:
المكينه المناسبة ثمانيه سلندر لكزس ٤٠٠
يحتاج
داير
حذاف قير عادي
كلاتش شركه
رديتر
قزوز ٤٣٠
رمان كرنك
مراوح كهرب
طبعا هي الافضل
ضمان سنتين على التجليس والكهرباء
شي شغال مايبين بالسيارة شي
ولا فيه اي قص
التكلفة ١٨٠٠٠
...
طبعا شفت التكلفة اكثر من اللازم .. قلت خلها تولي..كنت معطيها حساب كاخر شي 10 الاف ... طلع ربعنا اغلی من مصانع اليابان بنفسها.
..
غيره ماعندي اي خبر.
بالتوفيق

[اليامي قطر]

مشكور ياليامي بزعجك بل الاسئله اذا يركب قير الهدد ليه مايركب القير والمكينه حق الهدد او فيها اختلف

سؤال في محله اخووي ومابه اي ازعاج بالعكس

بخصوص مكينه الهدد اتوقع ماتركب الا قص في السياره

وترهيم انت في غنا عنه لان مكينه الجيب اكبر وتاخذ مساحه

لكن القير مابه اي اختلاف وبأذن الله يركب دون وجع الراس والترهيم

[alsahli]

شكرا للجميع وان شاء الله بنعدل ونشوف