ما هي علاقة الرطوبة للمدن البرية بالربيع ؟

[اورنس الشمري]

الأيام الي طافت جتنا رطوبة قوية في حفرالباطن
وكما تعرفون أقرب ساحل لنا قرابة 270 كم وهو الكويت.
فقعدت الرطوبة 3 أيام تقريبا وكأنك جالس عند البحر .
الحاصل نشدني شايب عن الحفر قلت جونا رطوبة هالايام الي طافت
قال : ابشروا بالربيع ان شاء الله .
قلت شلون : قال هذي الحفر لا جتها الرطوبة بكنة سهيل إن شاء الله تربع

فما أدري وش العلاقة اذا سلمنا جدلا بصحة كلام هذا الرجل .

[مكسر الشداد]

في كل سنه مع دخول سهيل سحاب وخيال ومعه رطوبه ٠

[وليد الغربة]

والله انا مثلك مستغرب من الرطوبة في مناطق بعيدة من البحر

لكن ليس البحر وحدة سبب الرطوبة يمكن يكون كثافة الاشجار والسحب والله اعلم

اتمنى من يفيدنا جزاكم الله خير

[بن جلاجل]

مرت علينا الرطوبه هذي في سدير وكان الجو كتمه جدا ورطوبه عجيبه, وعسى كلام ذا الرجال صحيح الله يجيب السيل ويتبعه الربيع

[تربة الشمال]

سبحان الله العظيم

[مزن طيبة]

الله يرزقنا المطر

[ابـو ولـيـد الـحـربـي]

شكرا على الموضوع وجزاك الله خيرا

[سمي الحبيب]

بسم الله والله ياشمري اسولف هالايام على شايب عندنا عن ها الامطار اللي جتنا اغلبه من حايل وجنوب قال شف هالديار الممطوره تره والله أعلم تبي توسم وسم طيب ان شاء الله ها السنه قلت عسى الله يعم أوطان المسلمين

[ابو الريان]

الرطوبة تساعد على اخضرار الارض ،، والربيع والخضار الي في صلالة كل سنة بسبب الرطوبة القوية الموسمية القادمة من المحيط الهندي (بحر العرب) !!

[ساقان]

نترقب الخير وربك كريم

[بدوي ممطور]

الله يجيب الخير
اكبر منك بيوم اعرف منك بسنه

[فياض الربيع]

الله يجيب السيل يارب
فعلا السنه هذي بعز الصيف رطوبه
وسحب وجتنا امطار بالرياض رشوش خفيفه