ابشركم طريق الخرج حرض صار مسارين

[مخ سعودي]

بسم الله الرحمن الرحيم
اسعد الله مساءكم بالمسرات
كثيرا منا يرغب بالسفر الى الامارات ويحتار ما الطريق الافضل له ولسيارته


ولله الحمد والمنه
سافرت امس لقضاء حاجه في حرض وعدت في نفس اليوم ولله الحمد والمنه
ووجدت ان الطريق من الخرج الى حرض جاهز بنسبه 99% باقي تحويله بعد التوضحيه ومسافتها كيلو واحد وكذلك قبل نقطه التوضحيه علشان السكه ومسافتها نص كيلو ( حيث انه اصبح مسارين للذاهبين وكذلك مسارين العائدين )
وانصح بالسفر معه مع اخذ الحيطه والحذر من الشاحنات
وأسال الله لي ولكم سفرا حميدا والسلامه من كل مكروه

[فتى الوادي]

بعد حرض باتجاه بطحاء الطريق مسار واحد باكتاف .. والعمل جاري على الطريق المزدوج ..

[مزن طيبة]

الله يبشرك بالخير

[اسهيل]

ياليته حطوه سريع اهل الامارات يستاهلوون والله يعين علی التريلات

[هاوي بلادي]

الف مبروك مريت عليه قبل اسبوع


والخط جاهز وكذلك طريق البطحاء -حرض

جاري العمل عليه حسب ماقال الصريري

شهر 3 الجاي انتهى من حرض -البطحاء

خط مزدوج


:good2:

[اثير]

الله يبشرك بالجنة

وخط مهم جدا بالنسبة للزوار

[ابوهتون]

ان شاء الله يتم على خير وفي اسرع وقت.

[الجنوبي2020]

الله يبشرك بالجنة

ماجيت عليه الإ مرة وحدة مع الوالد واخوي قبل حوالي 18 سنة وأنجانا الله هذاك اليوم أنقطعنا فيه لابنزين ولامعنا حتى الماء وفي الظهر وفي عز الصيف

ولايجينا الا تريلات

[999ابوصالح]

شي طيب الله يبشرك بالجنة

[syed20]

بسم الله الرحمن الرحيم
اسعد الله مساءكم بالمسرات
كثيرا منا يرغب بالسفر الى الامارات ويحتار ما الطريق الافضل له ولسيارته


___________
sultan

[abogarah]

السلام عليكم
كم يبلغ طول الخط من الرياض الي البطحاء

ومشكورين

[عنزي من نجد]

أنا رحت مع طريق الدمام السريع وطلعت مع مفرق سعد الخط القديم سيدين وﻻ علية ضغط نقليات ورجعت مع حرض ماصدقت على الله أوصل والفرق خط حرض أقل ب 65كلم فقط يعني ماتسوى صراحة من وجهة نظر شخصية

[خيال الغلبا]

هل تنصحني اكشت فيه هاليومين ... حوله شعبان وشجر

وكم المسافة من الرياض الى حرض

[مخ سعودي]

المسافه من الرياض الى حرض يالغالي تقريبا ٢٢٨ كيلو ومن الخرج ١٧٠ كيلو تقريبا والخط مسارين اما المكشات ماعندي علم عنها يالغالي لكن بعد التوضحيه الدنيا طعوس الين تقرب حرض

[بربنجي]

الحمد لله والله يبشرك بالخير
وكل الشكر لحكومتنا الله يعزها ولا يعز عليها

[هاوي بلادي]

للتذكير يوجد محطة ساسكو جديده



في منتصف الطريق

[رجل الجزيرة]

مريت عليه أكثر من إسبوع ومازال الطريق واحد ما بين هجرة الطويلة والوسيع وعلى الجانب الأيسر شفت العمال يشتغلون للطريق المزدوج فالله يعينهم.

[خالد تميم]

السلام عليكم .
قبل اسبوعين وقفت علي المفرق بين حرض والهفوف وفتحت الجي بي اس واخترت المسافه بين الطريقين .
هل امشي للرياض مع طريق حرض او مع طريق الهفوف الرياض السريع ووجدت الفارق بينهم 97 كيلو زياده لومشيت مع طريق الهفوف .
وشفت المسافه ماهي كبيره للمخاطره مع طريق جديد وتحت اﻷنشاء مع قلة المحطات.
ملاحظه !!!
الطريق الي بين الهفوف وطريق الدمام السريع يجب اخذالحيطه والحذر اثناء العبور لكثرة المعدات والجمال وبعض المعدات مافيها انوار خلفيه لذا الحذر الحذر .
وربي يحفظ الجميع .

[رمال النفود]

نتمى يكون سريع إلى منفذ البطحاء لكي يخدم المسافرين. شغلة صار مسارين هذي لا تكفي لأن الطريق تسلكه الشاحنات بكثرة.
اخ مخ سعودي للتصحيح المسافة من الرياض الى حرض هي 274 كم

[ملهوف البرق]

انا الحقيقه كل سنه ابي اجرب هالطريق ولان الردود ما تشجع اروح عن طريق سعد
ان ودي اجربه هالسنه اذا الله احينى بعد رمضان وش تشيرون به يا اخوان

[ددسن الشرقيه]

مريت على طريق كالتالي

الاحساء -طريق الحويه -ثم مفرق معامل الحويه يمين -طريق حرض -العضليه

المتبقي من حرض 85 كليو الين كبري حرض -البطحاء طبعا خط مزدوج

اخذت يمين ومريت على حرض ومحطة ساسكو الجديده ثم مشيت الى الخرج فقط توجد

تحويله بسيطه قبل نقطة التفتيش والطريق سلك والحمد لله

الخط افضل بكثير قبل عامين

البعض يسال ماذا ذهبت عبر طريق المطار-الحويه

الاول شي الطريق يشق المسافه وخط مزدوج ونظيف والخط مشبك من قبل ارامكو

المسافه من دوار المطار الين مفرق طريق حرض 90 كليو

عكس انك تمسك من طريق الصناعية كبري القديم وتكمل من قبل العضليه

بالنسبه حرض -البطحاء العمل جاري على اصلاح الطريق وخط مزدوج

خاصه انه المفروض يكون 3 مسارات مع اكتلف الطريق لانه خط يخدم الكثير

[ملهوف البرق]

مريت على طريق كالتالي

الاحساء -طريق الحويه -ثم مفرق معامل الحويه يمين -طريق حرض -العضليه

المتبقي من حرض 85 كليو الين كبري حرض -البطحاء طبعا خط مزدوج

اخذت يمين ومريت على حرض ومحطة ساسكو الجديده ثم مشيت الى الخرج فقط توجد

تحويله بسيطه قبل نقطة التفتيش والطريق سلك والحمد لله

الخط افضل بكثير قبل عامين

البعض يسال ماذا ذهبت عبر طريق المطار-الحويه

الاول شي الطريق يشق المسافه وخط مزدوج ونظيف والخط مشبك من قبل ارامكو

المسافه من دوار المطار الين مفرق طريق حرض 90 كليو

عكس انك تمسك من طريق الصناعية كبري القديم وتكمل من قبل العضليه

بالنسبه حرض -البطحاء العمل جاري على اصلاح الطريق وخط مزدوج

خاصه انه المفروض يكون 3 مسارات مع اكتلف الطريق لانه خط يخدم الكثير
اخوي ياليت توضح اكثر
انا الي فهمت منك ان فيه طريق من بعد الاحساء افضل من طريق سلوى ؟

[ددسن الشرقيه]

اخوي ياليت توضح اكثر
انا الي فهمت منك ان فيه طريق من بعد الاحساء افضل من طريق سلوى ؟

اسعد الله صباحك

انت تريد الذهاب من الرياض الامارات

الطريق ممتاز من الخرج الى حرض مزدوج

لكن طريق حرض -البطحاء لايزال العمل جاري عليه بالمرور عليه قبل شهر يحتاج الطريق الى مجهود عامين بضبط والاهم الامن الطرق في صد الشاحنات التي تعكس الطريق ويوجد طريق اخرى بجنب الثاني وماذا يعكس لكي يصل الى التقاطع المعين ! هذي اكبر المصائب التي واجهت بالخط وخاصه من حقين المراعي المحطات توجد على الطريق لكن تحتاج الى صيانة بسطيه

هذا راح يوجهك في منتصف الطريق الذى تبقى على البطحاء 150 كليو الوضع طيب والبقيه المسافه هي المشاكل التي توجهه الكل

بالتوفيق

[ملهوف البرق]

هلا بك اخوي ددسن الشرقيه
واشكرك على التوضيح
الحقيقه رحت للشيخ قوقل واليكم التوضيح الفارق بنسبه للمدة الزمنية لايكاد يذكر
تقريب 13 دقيقه لصالح طريق حرض وكذلك المسافة عن طريق سعد الهفوف كانت 602 كيلومتر
وعن طريق حرض 529 الفارق 73 كيلو متر لصالح طريق حرض فلذلك انا اشوف ان طريق سعد
هو الافضل حتى تاريخه ...
اليكم الصوره التوضيحية
http://im52.gulfup.com/OYb8Yk.png (http://www.gulfup.com/?iND0Km)
ودمتم بود

[ابو نايف التميمي]

قبل 3 شهور رحت للامارات عن طريق سعد ورجعت عى طريق حرض

في الرجعه من منفذ البطحاء حتى حرض 200 كم سيد واحد واعمال صيانه وشاحنات وما انصح فيه حتى يكتمل ثم من حرض حتى الخرج مسارين

اشتر راحتك مع طريق سعد والزياردة بسيطة

[ددسن الشرقيه]

حاضرين ماسوينا الا الواجب

صحيح المسافه مافي فرق كبير

وطريق سعد محطات اكثر

ولاهنت يابونايف على التوضيح

لايزال العمل جاري على طريق حرض -البطحاء

وشاحنات يجب على الامن الطرق التعامل معهم ! لانه اللي يصير مسخره وحوادث

وبالتوفيق للجميع

:good:

[خالد تميم]

للعلم انا رحت معه اﻷسبوع الماضي والله ماانصح فيه ابدا الطريق مااكتمل باالثلث اﻷخيرجهة حرض كله تحويلات ورمال وعج يطيروجهية موترك
وسواقين الشاحنات مسيطرين علي الطريق بشكل مخيف مايراعون حقوق ولا افظليه حسبي الله عليهم يتجاوزون ويتصاقطون بيناتهم مايناظرون ﻷ رواح الناس البعد عنه افظل .

[مخ سعودي]

بالامس روحت معه ورجعت في نفس اليوم مع نفس الطريق ولله الحمد اعتبره بالنسبه لي افضل وذلك لفرق 73 كيلو كما ذكرت ولايوجد به ساهر وبالفعل فيه تحويلتين بعد التوضحيه لكن الشكوى لله

[فياض الربيع]

انا من سكان شمال الرياض دخلت على قوقل ماب

المسافه من طريق سعد من البيت لمنفذ البطحاء ٥٨٨

ومن طريق الخرج حرض ٥٤٥ كلم سعد افضل مليون مره

حتى لو صار حرض سيدين رايح جاي يكفيك ان طريق خريص

سعد مافيه شاحنات وماتروح لطريق الخرج وزحمات جنوب الرياض

وتدخل للخرج سعد افضل مليون مره والفرق ٤٠ كلم من بيتي بالضبط بين الطريقين

ولو اروح مع سعد شرط اوصل قبل حرض بساعه لان خريص تدعس دعسه وحده طريق فاضي
طريق مايصلح الا لاهل الخرج حرض اما اهل الرياض افضل لهم سعد خاصه اللي بشرق الرياض وشماله

[فياض الربيع]

هلا بك اخوي ددسن الشرقيه
واشكرك على التوضيح
الحقيقه رحت للشيخ قوقل واليكم التوضيح الفارق بنسبه للمدة الزمنية لايكاد يذكر
تقريب 13 دقيقه لصالح طريق حرض وكذلك المسافة عن طريق سعد الهفوف كانت 602 كيلومتر
وعن طريق حرض 529 الفارق 73 كيلو متر لصالح طريق حرض فلذلك انا اشوف ان طريق سعد
هو الافضل حتى تاريخه ...
اليكم الصوره التوضيحية
http://im52.gulfup.com/OYb8Yk.png (http://www.gulfup.com/?iND0Km)
ودمتم بود

ترى على فكره لو تروح مع خريص مع انه ابعد من بيتك ب70 كلم

شرط توصل بالسلامه بأذن الله قبل اللي يروح مع حرض لان خريص

دعستك وحده وتقدر تمشي 140 الى 160 اما حرض طريق رايح فيها

يكفيك بس طلعتك من الرياض من جهه جنوب الرياض ودخولك للخرج يبي لها

ساعه ونص الى ساعتين تكون قطعت 300 كلم من جهه سعد هههه

هذا غير التريلات بحرض تعيق ممشاك وكل شوي تهدأ السرعه ومتوتر ليش القلق

[bahrainz]

ماشاء الله
تبارك الله

[رمال النفود]

ياشباب أنا سافرت قبل أكثر من 10 أيام إلى الأمارات وسلكت طريق سعد خريص الاحساء والله طريق رائع وتقدر تمشي 140 /160 كم بالراحة ولايوجد ساهر إلى الاحساء مسافة 300 كم (حيث يوجد بالحساء ساهر على الطريق السريع الجنوبي وبعد الاحساء بمسافة 30أو 40 كم ايضا يوجد ساهر لكنه واجهني وأنا راجع للرياض).
هذا الطريق شبه فاضي من الشاحنات وشبه فاضي من السيارات الصغيرة وصراحة هو الطريق المثالي للي يخرج من الرياض إلى الامارات ... وخلوا عنكم طريق حرض الفاشل الذي تسكله الشاحنات وأصبح سيء بسبب الحفر التي تحدها الشاحنات. مع أن الفرق بسيط جدا بين الطريق الى الامارات بحدود 80 كم فقط.وكما ذكر احد الشباب في الردود السابقة ان هذا الفرق انت تكسبه بدعستك التي لاتتوقف فيها بالاشارات المروية حيث الخرج حسب توقعي انك توقف عند اشارات . مع انك تسطيع تتجاوز الخرج ولا تدخل زحمتها عن طريق مختصر يصلك بشرق الخرج مباشرة لكنك ماتسطتع تسرع عليه بسبب الشاحنات اما طريق سعد الاحساء لايعترضك شيء على هذا الطريق الشاحنات قليلة.


- منطقة تواجد ساهر على طريق الاحساء سلوى - البطحاء
https://www.google.com.sa/maps/@25.2591391,49.6988868,12z?hl=ar