المساعد الشخصي الرقمي

مشاهدة النسخة كاملة : كشتة في الدهناء ( ام رقيبة ) الخميس 9/11


عاشق نجد
03/12/2006, 02:10 PM
السلام عليكم ورحمة الله وبركاته .

يوم الاربعاء نويت الطلعة في رحلة تمشية من الرياض إلى جهة ام رقيبة والمناطق المجاورة مع أحد الاخوة ، المهم حزمنا امتعتنا وانطلقنا فجراً . يعني من المسجد على طول .

المهم على طول الطريق والارض مليانه ماء من المطر اللهم لك الحمد ، والجو جميل جداً ولا تشعر بقطع المسافة .

وقفنا في المجمعة وطلبنا كبدة حاشي مع كاس شاهي ، وافطرنا وكملنا المسير .

اول ما وصلنا لام رقيبة نزلنا عند الشباب في المخيم ، وريحنا وتقهوينا .
http://www.mekshat.com/pix/upload/images23/mk7784_r1.jpg

http://www.mekshat.com/pix/upload/images23/mk7784_r2.jpg


المهم عقب ما تقهوينا وريحنا شوي طلعنا يم جهة مهرجان المزاين ، ووصلنا حول مكان الحفل ، ولا العالم مجتمعة ، اوادم وبعارين ، كل مجموعة جامعين بعارينهم ومتجمعين حولها وجالسين يرقصون ويغنون ويمدحون في بعارينهم وقبايلهم .

http://www.mekshat.com/pix/upload/images23/mk7784_r3.jpg


مشينا يتفرج ، وطحنا في الكويتيين اهل الفروت القديمة ، مسوين معرض سيارات الفرت القديمة . شوفوا هالقريب سعرة (85000 ) ريال يا بلاش !!

http://www.mekshat.com/pix/upload/images23/mk7784_r4.jpg

http://www.mekshat.com/pix/upload/images23/mk7784_r5.jpg



( بنت البكار ) والله زمان ايام العز ، عز الله لو الحين قبل 25 سنة ما تمرحين في هالسيارة اكثر من ليلة .
http://www.mekshat.com/pix/upload/images23/mk7784_r6.jpg


المهم طلعنا وخذنا جولة على السوق الشعبي
http://www.mekshat.com/pix/upload/images23/mk7784_r7.jpg

http://www.mekshat.com/pix/upload/images23/mk7784_r8.jpg

http://www.mekshat.com/pix/upload/images23/mk7784_r9.jpg

http://www.mekshat.com/pix/upload/images23/mk7784_r10.jpg


يتبــــع
عاشق نجد
03/12/2006, 02:29 PM
http://www.mekshat.com/pix/upload/images23/mk7784_r12.jpg

بعد ما تمشينا في السوق الشعبي ، رجعنا للمخيم وتغدينا ، وتغير الجو تغير جذري ، وصار الجو ممتع لاقصى درجة ، والصورة توضح ذلك .
http://www.mekshat.com/pix/upload/images23/mk7784_r11.jpg

عقب العصر طلنا مرة ثانية ، ومرينا على مخيم دعوي ، مجتمعين في شباب كثير ، ومشاركات واناشيد .
http://www.mekshat.com/pix/upload/images23/mk7784_r13.jpg


عقب المخيم بـ50 م فيه طعس مجتمعين عليه امة ما ادري من وين جو ، انا سمعتهم يقولون فيه طعس لكن ما شفت من هالطعس شئ وكيف راح يطعسون لاني ما اشوف الا بشر .
http://www.mekshat.com/pix/upload/images23/mk7784_r14.jpg

http://www.mekshat.com/pix/upload/images23/mk7784_r15.jpg


المهم ، مع الغروب رجعنا للمخيم ، وجلسنا جلسة على النار الدافئة لان الجو مال للبرد الشديد ، وقهوة وشاهي وزنجبيل وحليب ، وربع يوسعون الصدر ، يعني جلسة يحبها قلبك .
http://www.mekshat.com/pix/upload/images23/mk7784_r16.jpg

http://www.mekshat.com/pix/upload/images23/mk7784_r17.jpg


المهم الجلسة كانت حلوة مره ، لان الجلسة زاد جمالها بوجود البرق من القبلة والجنوب ، والمطر يهطل بشكل متقطع . طوال الليل . حتى خذت لكم صورة المطر على نور الكشاف .
http://www.mekshat.com/pix/upload/images23/mk7784_r18.jpg


لكن سبحان الله العظيم عند الساعة 2:30 منتصف الليل جتنا سحابة انشقت علينا ، قام المطر ينزل بغزارة ، وصارت الخيمة تصب مع كل محل من قوة المطر ، لكن الله يخلي التنزاني صكيت على عمري وريحت بالي . اهم شئ انك في نفود ما تخاف من شعيب يجري من تحت الخيمة .

وعند الصباح كان منظر النفود في غاية الروعة ، بعد ان تشبع بماء المطر . والمنظر لا تستطيع مقاومته .
http://www.mekshat.com/pix/upload/images23/mk7784_r19.jpg

http://www.mekshat.com/pix/upload/images23/mk7784_r20.jpg

بعد الافطار ، شدينا الرحال للعودة للرياض ، وكان اثرالمطر الطيب الى قبل الارطاوية بـ20كم . وطوال الطريق كان المطر الخفيف مصاحبنا حتى وصولنا للرياض .

وسلامتكم .
فنجال
03/12/2006, 02:34 PM
وعليكم السلام
لعلك سالم ياعاشق نجد عشنا معك الاحداث مشكور ومقصرت
تحياتي
أبو يوسف
03/12/2006, 02:46 PM
موضوع رائع وصور أروع

مشكور على التقرير والله يهنيكم


تحيتي
صوح الجبل
03/12/2006, 03:00 PM
ماشاء الله ..... رحله موفقه تمتعتنا معكم بها ...... بالصورة والقلم ...... تقبل تحيتي لك
مسافر1
03/12/2006, 05:56 PM
أخي عاشق نجد ..
تشكر على هذا التقرير المصور الجميل ..
أيام وكأن شي لم يكن ..
سبحان الله ..
جزيت خيراً ..
جمران
03/12/2006, 10:47 PM
تقرير أكثر من رائع
تسلم يالغالي على إتحافنا به
بارك الله فيك
رسلان
04/12/2006, 07:21 AM
أخي الكريم : عاشق نجد ..
بارك الله فيكم على الموضوع الجميل والصور والتعليقات الأجمل ...
عافاكم الله ...