سكين voyager clip point large من Cold Steel

[خالد الخطير]

بسم الله الرحمن الرحيم



كنت ابحث عن سكين مطوية ذات جودة عالية جداً

اغلب الي بالسوق للاسف سيئة جداً جداً !!

فطاحت عيني على شركة كولد ستيل

وشريت recon tanto وكانت مميزه جداً

http://pabos.com.ua/published/publicdata/PABOS/attachments/SC/products_pictures/Cold%20Steel%20Recon%20tanto%20PABOS_enl.jpg

ولكن كنت ابحث عن مطويه من نفس الشركة

للاسف ماوجدت الا نوعين فقط !!

وحده ماعرف اسمها لكن ما اعجبتني

والثانية كودو kudu وهي ايضاً ما اعجبتني

لكن مريت محل الهدف بالرياض - شارع التخصصي

ولقيت عندهم 3 انواع

نوعين voyager وحده وسط ووحده كبيره

والثانية recon 1 الي لونها اسود

http://store2.up-00.com/2014-08/140888623881.jpg

المهم شريت voyager clip point large

واعجبتني بشده لاسباب من وجهة نظري :

1/ وزنها جداً خفيف !!

2/ معدنها قوي جداً و شفت لها مقاطع مدهشه

3/ النصاب عريض ويصلح للتقطيع

4/ راسها حاد جداً يخترق بسهوله

5/ شفرتها حادة جداً جداً جداً

6/ سهلة الفتح وبيد وحده فقط !!

7/ سهلة الاغلاق !!

8/ شفت لها مقطع من نفس شركتها تثبت ان امانها عالي جداً ، والامان عند الله

9/ متعددة الاستخدامات من ذبح وصلخ وتقطيع و حفر للخشب و للدفاع عن النفس ، الخ ..

بالنسبة لكولد ستيل تصنع سكاكينها في اليابان و تايوان و الصين

وهذي صناعتها تايوانية

وسعرها / 245 ريال

وضعت علبة ماء ابو نص ريال جنبها للمقارنة

اما الان اترككم مع الصور تتحدث عن نفسها

http://store2.up-00.com/2014-08/1408884101991.jpg

http://store2.up-00.com/2014-08/1408884102232.jpg

http://store2.up-00.com/2014-08/1408884102313.jpg

http://store2.up-00.com/2014-08/1408884102414.jpg

http://store2.up-00.com/2014-08/1408884102535.jpg

http://store2.up-00.com/2014-08/1408884102636.jpg

http://store2.up-00.com/2014-08/1408884219221.jpg

http://store2.up-00.com/2014-08/1408884219666.jpg

http://store2.up-00.com/2014-08/1408884309751.jpg

http://store2.up-00.com/2014-08/1408884309882.jpg

http://store2.up-00.com/2014-08/1408884219312.jpg

http://store2.up-00.com/2014-08/1408884219413.jpg

http://store2.up-00.com/2014-08/140888421954.jpg

http://store2.up-00.com/2014-08/1408884219585.jpg

http://store2.up-00.com/2014-08/1408884309983.jpg

وقبل الختام / ذكرت اسم المحل وهذا هو طبعي في كل مواضيعي ، اي شي اشوفه مميز اذكر اسم المحل الي شريت منه وهو ليس دعاية لهم !! ولا داخل جيبي ريال واحد !! لكن من باب اذا احد شاف شي شريته وعرضته وحب ياخذ يكون على معرفه بمكان شراءه !!

واخيراً / لا ارجو من هالموضوع الا الدعاء لوالدي (الوالده الله يشفيها ، ووالدي الله يطيل بعمره)

[ssami]

احسنت وبارك الله فيك شركة كولد استيل غنيه عن التعريف اهنيك اختيار وتقرير مصور جدا جدا خطير

[عصا الترحال]

سكين رائعة جدا وليتك أخذت اختها معها
وبالمناسبة حديدها ياباني
بارك الله فيك

[خالد الخطير]

سكين رائعة جدا وليتك أخذت اختها معها
وبالمناسبة حديدها ياباني
بارك الله فيك

هل تقصد اختها الصغيره ؟!

ولا وحده ثانيه نفس مقاسها ؟!

ولا ريكون 1 ؟!

ارجو التوضيح لان شخص مثلك يؤخذ كلامه بعين الاعتبار

[خالد الخطير]

احسنت وبارك الله فيك شركة كولد استيل غنيه عن التعريف اهنيك اختيار وتقرير مصور جدا جدا خطير

ماسويت شي اخوي

فعلاً كولد ستيل شركة قوية ومبدعه

لكن لفيت ودخت مالقيت الا هالانواع عند محل الهدف

وبالمناسبه لقيت الكودو kudu عندهم ب 35 ريال

يعني للان هم اقل سعر !!

انا رجل ابحث عن الافضل بالسعر الي يكون الاقل بالسوق بغض النظر عن اسم المحل !!

واتمنى من اي شخص انه يتبع الجوده والسعر

[m1m2m3m4m5m6]

جرب الزيرو تولرنس ZT وجرب حديد S35vn و ELMAX .

[ahmedmag]

ماشاء الله تبارك الله
الله يبارك لك فيها و يبعد عنك شرها
و الكولد ستيل حق كرف ولا عمره خان مطوية و لا ثابت النصل
شركة جودة فعليه و عملية مش مجرد شكل و اسم

[خالد الخطير]

جرب الزيرو تولرنس ZT وجرب حديد S35vn و ELMAX .

وين مكان بيعها ؟
وسعرها ؟

[خالد الخطير]

ماشاء الله تبارك الله
الله يبارك لك فيها و يبعد عنك شرها
و الكولد ستيل حق كرف ولا عمره خان مطوية و لا ثابت النصل
شركة جودة فعليه و عملية مش مجرد شكل و اسم

الله يبارك فيك اخوي

وفعلاً لقيتها بعد تعب بحث عن المطوية المناسبة

جوده + شكل

[مهندس مكشات]

الله يبارك لك فيما شريت
ويكفيك شرها

[خالد الخطير]

الله يبارك لك فيما شريت
ويكفيك شرها

جزاك الله الف خير

[عصا الترحال]

هل تقصد اختها الصغيره ؟!

ولا وحده ثانيه نفس مقاسها ؟!

ولا ريكون 1 ؟!

ارجو التوضيح لان شخص مثلك يؤخذ كلامه بعين الاعتبار

نعم أقصد أختها الصغيرة
وأنا أخذت من كل وحدة ثنتين
يجي يوم وتنقطع زي الفايقور
اليابانية
بارك الله فيك

[خشكاري]

الله يشفي والدتك ويعافيها ويرفع درجاتها ويطول بعمر الوالد على طاعته ..

مطويه محترمه لك وللزمن تستاهل كل ريال اندفع فيها ويكفي انها فوياقر .. ولو منك افصل لها جراب جلد مشكنم للمحافظة عليها

[خالد الخطير]

نعم أقصد أختها الصغيرة
وأنا أخذت من كل وحدة ثنتين
يجي يوم وتنقطع زي الفايقور
اليابانية
بارك الله فيك

الصغيره جربتها عندهم

صغيره مره على يدي

وبيني وبينك هم صنعو 3 احجام

وسط و كبير وكبير جداً

لكن الي عندهم وسط ، و كبير فقط !!

و الكبير الي عندهم الي اخذتها حجمها مره رهيب

عكس الصغيرة او الي تسمى بالوسط ، صغيره على اليد

لكن تنصحني اخذ وحده ثانيه نفس مقاسها ؟! واخليها احتياط عندي !!

[خالد الخطير]

الله يشفي والدتك ويعافيها ويرفع درجاتها ويطول بعمر الوالد على طاعته ..

مطويه محترمه لك وللزمن تستاهل كل ريال اندفع فيها ويكفي انها فوياقر .. ولو منك افصل لها جراب جلد مشكنم للمحافظة عليها

جزاك الله الف خير على الدعاء وهذا الي ارجوه

مقبضها قوي مره ويتحمل الكرف لابعد الحدود

ورايك اخذه على محمل الراي السديد والشور الطيب

[ابو نواف المطرفي]

اللي يبارك لك ويشفي والدتك ويطيل بعمر والدك

[خالد الخطير]

اللي يبارك لك ويشفي والدتك ويطيل بعمر والدك

جزاك الله الف خير يابو نواف

[عصا الترحال]

الصغيره جربتها عندهم

صغيره مره على يدي

وبيني وبينك هم صنعو 3 احجام

وسط و كبير وكبير جداً

لكن الي عندهم وسط ، و كبير فقط !!

و الكبير الي عندهم الي اخذتها حجمها مره رهيب

عكس الصغيرة او الي تسمى بالوسط ، صغيره على اليد

لكن تنصحني اخذ وحده ثانيه نفس مقاسها ؟! واخليها احتياط عندي !!

الفايقور اليابانية انقطعت وبيعت بألف ريال
وكان مشتراها 300 ريال
ولهذا أنصح دائما بأخذ ثانية من الشي الزين
وحدة تضيع وهي منقطعة ماكن عندك شي
والقاعدة دائما في النوادر أثنين يساوي واحد
بارك الله فيك

[خالد الخطير]

الفايقور اليابانية انقطعت وبيعت بألف ريال
وكان مشتراها 300 ريال
ولهذا أنصح دائما بأخذ ثانية من الشي الزين
وحدة تضيع وهي منقطعة ماكن عندك شي
والقاعدة دائما في النوادر أثنين يساوي واحد
بارك الله فيك

و نصيحتك على العين والراس

و شخص مثلك كلامه يؤخذ بعين الاعتبار

واخذت وحده زياده نفس حجمها

وفعلاً كلامك سليم وفي محله

بيجي وقت ماتلاقي زيها

وسبب شرائي لها نفس السبب الي قلته

بالاضافه ان عندي هدف اخر وهو اني استبدل السكاكين العاديه بالمطويات

يعني الثنتين استخدمهم للبر بشكل دائم ، من تقطيع واذا احد معاي يعاوني على التقطيع واذا خلصت اغسلها وانشفها وارجعها مكانها

يعني سهلة التخزين مو زي السكاكين العاديه بدون جراب ، لان هذيك النوعية تصلح في اطار المطبخ من وجهة نظري وتاخذ حيز في نقلها لو فصلت لها شنطه !!

اما هذي مطويتين وحده بجيبك دائمة للاستخدام اليومي لاي شي ، والثانيه احتياط بالسياره في حال حب احد يساعدك بالعمل !!

وبصراحه جربتها على الورق !!

موووووووس !!

لدرجة انها احد من سكين ابو طير السويسرية !!

موس موووووووووس !!

وهذي صوره للتوئم

http://store2.up-00.com/2014-08/1409066944741.jpg

[خالد الخطير]

هذا مقطع من اليوتيوب يبين حدتها وانها مووووس

ارجو خفض الصوت لان فيه موسيقى ، للتنبيه !!

http://youtu.be/pUOS03hSxdY

[m1m2m3m4m5m6]

عز الله خلص اللي عند الهدف الليله هههههههه ,, اليابانيه تلقاها متوفره في النت من فتره لفتره بحدود 500 ريال

[خالد الخطير]

عز الله خلص اللي عند الهدف الليله هههههههه ,, اليابانيه تلقاها متوفره في النت من فتره لفتره بحدود 500 ريال

الله يرزقه ويرزق اي شخص يوفر بضاعه جيده حنا بحاجتها

بالنسبه للي بالانترنت ، هل تضمن تمر وتوصلك ؟!

وانت قلتها توصل 500 ريال ، يعني دبل سعر هذي

سياسة كولد ستيل زي سياسة تويوتا

تويوتا شركة يابانية ، تصنع كل من :

الجيب المفخره باليابان لذلك سعره غالي

الافلون و السيكويا بامريكا

و غيره وغيره

الهدف ان لهم مصانع بعدة دول لخفض تكاليف اليد العاملة !!

وكولد ستيل شركة امريكية لها مصانع باليابان و تايوان و الصين

على سبيل المثال الكودو بالصين مع ان معدنها الماني !!

و الريكون تانتو صناعتين امريكية ووحده يابانية والفرق بالمعدن مع انهم طقم

و الفويجور تايوانية ومعدنها ياباني

بالمختصر للسكين /

صناعتها بتايوان ، و المعدن حقها هو :

:Japanese AUS 8A Stainless Stone Wash Finish

يعني السكين بالاصل امريكية من معدن ياباني ومجمعه في تايوان

وجودتها لا تقارن بغيرها من الشركات الاخرى

وهذا موقع الشركة الرسمي وخذ العلم من روسهم لانهم اصحاب الصناعه

http://www.coldsteel.com/Product/VOYAGER.20_SERIES/VOYAGER_SERIES.aspx

ارجع اقول انا ما اسوق لاحد ، مواضيعي دايم متنوعه واحب الشي الحلو بالسعر الحلو من اي كائن يكن بغض النظر عن اسم المحل او صاحبه !!

ولو لقيتها عند غير الهدف بسعر ارخص تاكد باني اخذها من المكان الارخص

بس انت شايف السوق عندنا !!

والنت ما اثق فيه ، افرض ان البضاعه ممنوعه من الجمارك بالذات انواع من السلاح الابيض وقتها من بيرجع لك فلوسك !!

[m1m2m3m4m5m6]

في المطويات خصوصا ولأن اللي يقتنونها كثير وفيه معارض سنويه وشهريه لشركات وصناع كثير فالخيارات بحر , ومستويات الجوده متفاوته والاسعار كذلك ,, تقدر تفصل لك السكين اللي تبي من كثر الخيارات , جرب بس تدخل موقع bladehq.com وكحل عينك .

فقط ردي على كلمة ان الفيوجر لاتقارن بالشركات الاخرى , في نظري انها ذات جودة متوسطة بين الشركات الاخرى . تحياتي

[m1m2m3m4m5m6]

عشان اكون اكثر تفصيل باذكر لك الاسباب,
اولا كولد ستيل لم تحسن تصنيع حديد AUS8 على خلاف مانراه من سبايدركو مثلا,
ثانياً حتى لو سلمنا بإتقان تصنيع كولد ستيل للحديد AUS8 فليس هو الافضل في السوق , فمثلا من ناحية الحفاظ على الحد استطيع اذكر لك قائمة بانواع افضل منه S35vn , S30v CM154 وايلماكس الخ ,

طبعا يرجع الموضوع للاذواق والاحتياج والميزانية الخ , وعلى حد علمي الفيوجر هي الافضل في السوق السعودي حاليا على الاقل نعرف لها اصل وفصل

[خالد الخطير]

فيه مطويات توصل لمبالغ باهظة الثمن !!

وذات معادن قوية جداً !!

لكن تجارنا للاسف مايوفرون تنوع حسب رغبات الاشخاص

عموماً هالسكين بالنسبه لي من رأيي الشخصي ممتازه جداً لعدة اسباب :

١/ سعرها ٢٤٥ ريال ، ونوعاً ما مقبول بعض الشئ مقابل مطويات دبلها مره او مرتين !!

٢/ جودتها ممتازه ، ومعدنها طيب ولا يعاب عليه ويتحمل اسوء الظروف

٣/ الجود من الموجود وهذا الموجود

وهذا مقطع من رأيي الشخصي يكفي ويوفي ، يقص فيه خشبه وبالنهاية يختبر حدتها على ورق ، و حدها ماتغير باقي موس وحاد جداً !!

حنا بالاخير استخداماتنا بسيطه ، تقطيع لحم او دجاج او خضره او دفاع عن النفس اذا كنت بمنطقه نائية واشوف انها ممتازه بالنسبه للاستخدام اليومي

وهذا المقطع

http://youtu.be/gLTN3kuKgGI

[al_6al7i]

ماشاء الله واضح ان السكين ممتازة.
بس لو تكرمتم ممكن تعلمونا وين نلقاها ﻷني مريت محل الهدف وماحصلت عنده

[abufahed2014]

الكولد ستيل شركة ممتازة وسكاكينها ذات جود علية وخاصة المطويه وانا شريت من امزون وحدة بخمسين دولار قبل سنة وهي ماشاء الله قويه وتقص العضم وسماكة النصل 4ملم ومقبض ما يسكر او يتحرك مثل ام ردة العادية

[خالد الخطير]

ماشاء الله واضح ان السكين ممتازة.
بس لو تكرمتم ممكن تعلمونا وين نلقاها ﻷني مريت محل الهدف وماحصلت عنده

المشكلة المحلات يجيبون شي زين وبعدها يوقفون مادري ليه !!

سياسات سيئة

[خالد الخطير]

الكولد ستيل شركة ممتازة وسكاكينها ذات جود علية وخاصة المطويه وانا شريت من امزون وحدة بخمسين دولار قبل سنة وهي ماشاء الله قويه وتقص العضم وسماكة النصل 4ملم ومقبض ما يسكر او يتحرك مثل ام ردة العادية

فعلاً ممتازه

وزين اني شريت منها ثنتين

هالمحلات ذبحونا شوي يجيبون

وشوي يتم ايقاف الاستيراد ولا اعرف ليه دام البضاعه حلوه وماشيه تمام

[abdullah5225]

الله يعطيك خيره ويكفيك شره ويطول بعمر والديك

[خالد الخطير]

الله يعطيك خيره ويكفيك شره ويطول بعمر والديك

جزاك الله خير

ولك دعوه بالقلب

[فارس العوده]

كولد ستيل متميزه ومحترفه في صناعتها للسكاكين

احسنت الاختيار ، الله يطعمك خيرها ويكفيك شرها

[adnanmgh]

زادك الله بسطة في العلم والمعرفة

متميز أخي خالد

بإفادتك للغير

دمت

[خالد الخطير]

كولد ستيل متميزه ومحترفه في صناعتها للسكاكين

احسنت الاختيار ، الله يطعمك خيرها ويكفيك شرها

جزاك الله خير اخوي

[خالد الخطير]

زادك الله بسطة في العلم والمعرفة

متميز أخي خالد

بإفادتك للغير

دمت

جزاك الله خير

والتميز هي اطلالتك بالموضوع