المساعد الشخصي الرقمي

مشاهدة النسخة كاملة : شباب انتهى تأمين الرخصة وشرايكم ؟؟


العيد
03/12/2006, 06:51 PM
السلام عليكم

حيالله الشباب . . انتهى تأمين الرخصة وشرايكم اي الشركات تنصحوني وكم اسعارهم هالايام ؟؟
العيد
04/12/2006, 12:16 AM
:confused: وشسواااه يالربع
مشينا
04/12/2006, 12:25 AM
السلام عليكم00000000000000دور ارخص شركه كلها زي بعض
ثعل البرد
04/12/2006, 12:27 AM
أنتظر إلى أن تنتهي الرخصة أو الإستمارة حينها يكون إلزامي أنك تجدد التأمين
أبو حـــمد
04/12/2006, 02:34 AM
أنا من سنة و التأمين منتهي .... صراحة هو له فوائد كبيرة جدا جدا ...لكن تعيجزت أروح أجدده ... كان تأميني من "التأمين الأهليه" و يفضل أنك تدور الأرخص و المصرح به من المرور ... تأكد من هالشيء بالاتصل على 993 مهم جدا أنك تتأكد لأن بعض الشركات ما عندهم ذمة.
وثاب
04/12/2006, 06:15 AM
ان طعت شوري لا تتعدى التعاونيه

التعاونيه لها مكاتب بالمرور


ان حصل حادث لا سمح الله وتأمينك التعاونيه والخطا عليك ياخذ منك العسكري بطاقة التأمين ويقولك راجعنا بالمرور واذا هي شركه ماهي معروفه يركبك بالدوريه معه
الكونترولCONTROL
04/12/2006, 06:25 AM
ان طعت شوري لا تتعدى التعاونيه


التعاونيه لها مكاتب بالمرور


ان حصل حادث لا سمح الله وتأمينك التعاونيه والخطا عليك ياخذ منك العسكري بطاقة التأمين ويقولك راجعنا بالمرور واذا هي شركه ماهي معروفه يركبك بالدوريه معه



===========
صح لسانك ..!!!!!!!!!!!!!
===================
فقط التعاونية
و لا تجدد التأمين الا عند الحاجة له ....
العيد
04/12/2006, 01:13 PM
اشكركم يا اخون . . الحقيقة التأمين اكثر من ضروري لان المرور الان يبحث عن اي فرصة ليحملك نسبة من الخطأ للأسف ! ! تخيل لو يصدمك واحد من الخلف وانت واقف عند اشارة راح يعطيك المرور نسبة على الاقل 5 % ويقول ليش ما تفاديته وكلام من هذا القبيل ، وتصليح سيارت الطرف الثاني اذا جديدة يكون علند الوكالة ويمكن يكون هو المتهور والسبب في الحادث وتدفع له بعض التكلفة لتعينة على اللعب في شوارع المسلمين من جديد ! .
altheeeb79
04/12/2006, 02:14 PM
كيف اخي الكنترول لاتجدد الا عند الحاجه000الحاجه له دائما لانك ماتعرف متى يصير الحادث00 أخي وثاب المروريأخذ صورة بطاقة التأمين لذلك خل معك صور دائما وهذا ماحصل معي منذ فتره00 ويمكن اذا مامعك صوره يأخذ الاصل 00 التأمين مهم مهم يااخوان ويفكك من مشاكل ومثل ماقال اخوي ابو حمد تأكد من الشركات المعترف بها من قبل المرور 0بالاضافه الى التعاونيه فيه شركة هادن وأنا جربتها ومعترف بها وسهرها العام 450ريال000
SRX200
05/12/2006, 03:24 AM
التئمين مهم مهما كانت الشركه (إذا كان تأمين الرخصه)
لكن المهم انها تكون الشركه المؤمن عندها شركة معترفه فيها من قبل المرور والمشكله الحاصله انو بعض الشركات الموجوده
تقول لك انها معترفه من قبل المرور ويوريك خطاب المرور وإذا جا وقت الحادث قالك المرور انه هذى شركه غيرمعترف فيها؟؟؟
فى هالحاله وش السواة
ومثل ماقالو الشباب الحل الوحيد انك تعرف الشركات الموثوق فيها من قبل المرور

والله يكفيككم شر الحوادث ولايحوجنا للتئمين
الطير المهاجر
05/12/2006, 08:02 AM
صباح الخير

اخوي اذا بتجدد الرخصة هذي 500

اذا اضفت عليها 300

راح يصير المجموع 800

تروح التعاونية وتعطيهم 800 تامين للسيارة ويعطونك تأمين الرخصة مجانا

تحياتي
العيد
05/12/2006, 01:14 PM
ما فهمتك يالطير المهاجر الله يعطيك العافية
abu salhe
05/12/2006, 01:27 PM
التعاونيه افضل بكثير من كثير شركات.
عجمي
05/12/2006, 02:28 PM
ان طعت شوري لا تتعدى التعاونيه التعاونيه لها مكاتب بالمرور

ان حصل حادث لا سمح الله وتأمينك التعاونيه والخطا عليك ياخذ منك العسكري بطاقة التأمين ويقولك راجعنا بالمرور واذا هي شركه ماهي معروفه يركبك بالدوريه معه




نفس رأي اخوي وثاب