إستفسار عن أسعار الثلاجات ياليت الإخوه يساعدوني

[فؤاد الزهراني]

بسم الله الرحمن الرحيم


السلام عليكم ورحمة الله وبركاته


الله يسعد أوقاتكم بكل خير ومحبه

شباب بغيت أستفسر عن أسعار الثلاجات في ساكو وعند الرماية وغيرها

يعني ودي اشتري شي وسط 16 أو 18 لتر كفايه أشوفها بالنسبه لي

وماهو الأفضل عملياً أنا بركبها بين المرتبه الخلفيه والأماميه

يعني الله يكرمكم بركبها عند الأرجول أجلكم الله


أبي لي شي سعره زين وعملي


جزاكم الله الفردوس الأعلى من الجنة
.
.
.
.

[ابوريناد1979]

اهم شي لاتشتري الثلاجات اللي تجي تبريد بس وعادة تكون اقيامها اقل من 600 ريال
لانها تجي بدون كمبرسور ، انا جربتها وفاشله

[تميم2222]

يافريزر شغل عدل ولا استخدم القوت والثلج وسلامتك

[الشيخ الظريف]

ترى ابو ريناد عطاك النصيحه

[خالد الشمري20]

السلام عليكم ورحمة الله وبركاتة


يمدحون اكثر شئ ثلاجة الطمرة ’’’

[أبو شيري]

دام بتركب ثلاجه

حط ثلاجه تشيل

أما 16 و 18 ما تسوى الخساير

لانك بتدخل عالم مشاكل وكهرباء وتمديد وبطاريه اضافيه وفيوز ومنظم بطاريه ومراقبه اشتغلت فصلت أنكتمت ..... الخ

يعني يا حط ثلاجه اذا احتجتها تسد لزومك والا فلا

انصحك بـ 35 لتر أقل شي

اليوم قد تحتاجها ماء وبارد ولكن بالمستقبل ممكن تحتاجها بغير حاجتك الان


أما بخصوص الأسعار للجديد من 2000 ريال وطالع

أما اذا امورك فقط عند السفر للماء والبارد أنصحك بـ حافطه اي نوع بـ 50 ريال وكيس مكعبات ثلج بـ 4 ريال
وأضمن لك تدوووم وتدوووم وتدوووم

وبالتوفيق

[فؤاد الزهراني]

أولاً أشكر الشباب جميعاً

وأسأل الله أن يجزاكم عن بالفردوس الأعلى من الجنة





دام بتركب ثلاجه

حط ثلاجه تشيل

أما 16 و 18 ما تسوى الخساير

لانك بتدخل عالم مشاكل وكهرباء وتمديد وبطاريه اضافيه وفيوز ومنظم بطاريه ومراقبه اشتغلت فصلت أنكتمت ..... الخ

يعني يا حط ثلاجه اذا احتجتها تسد لزومك والا فلا

انصحك بـ 35 لتر أقل شي

اليوم قد تحتاجها ماء وبارد ولكن بالمستقبل ممكن تحتاجها بغير حاجتك الان


أما بخصوص الأسعار للجديد من 2000 ريال وطالع

أما اذا امورك فقط عند السفر للماء والبارد أنصحك بـ حافطه اي نوع بـ 50 ريال وكيس مكعبات ثلج بـ 4 ريال
وأضمن لك تدوووم وتدوووم وتدوووم

وبالتوفيق



أخوي أبو شيري والله زي ماقلت أنت أنا ابغاها حقت بارد أنا راعي خطوط

بين الرياض والشرقية اسبوعياً

أنا كنت ناوي أشتري ثلاجه شفتها في ساكو سعتها 9 لتر بس حقت ماء

قلت بشتريها وأشبكها قبل ما امسك الخط الين تبرد واحط فيها الماء والبارد

واذا وصلت فصلتها من الفيش بصراحه اعجبتني أقل درجة تبريد في الثلاجه هذي

2- درجه مئويه وأعلى درجه تبريد 24 درجه

وفيها تسخين الى 48 درجه تقريباً


لكن بعد ما شفت كلامك والله قلت مالها داعي

أنا بصراحه زي ماقلت لك ابغاها تبريد للخط بس عشان الماء والبارد وخصوصاً

الإنسولين <<< بحكم أني مريض سكري الله يرفع عنا وعن المسلمين ويجيركم منه




على العموم كلامك راح آخذه بعين الإعتبار



بغيت أسألك لو بغيت أسوي بطاريه ثانيه وأمدد لها كيف :D

[أبو شيري]

أولاً أشكر الشباب جميعاً

وأسأل الله أن يجزاكم عن بالفردوس الأعلى من الجنة







أخوي أبو شيري والله زي ماقلت أنت أنا ابغاها حقت بارد أنا راعي خطوط

بين الرياض والشرقية اسبوعياً

أنا كنت ناوي أشتري ثلاجه شفتها في ساكو سعتها 9 لتر بس حقت ماء

قلت بشتريها وأشبكها قبل ما امسك الخط الين تبرد واحط فيها الماء والبارد

واذا وصلت فصلتها من الفيش بصراحه اعجبتني أقل درجة تبريد في الثلاجه هذي

2- درجه مئويه وأعلى درجه تبريد 24 درجه

وفيها تسخين الى 48 درجه تقريباً


لكن بعد ما شفت كلامك والله قلت مالها داعي

أنا بصراحه زي ماقلت لك ابغاها تبريد للخط بس عشان الماء والبارد وخصوصاً

الإنسولين <<< بحكم أني مريض سكري الله يرفع عنا وعن المسلمين ويجيركم منه




على العموم كلامك راح آخذه بعين الإعتبار



بغيت أسألك لو بغيت أسوي بطاريه ثانيه وأمدد لها كيف :D


أولاً الله يشفيك من السكر وجميع مرضى المسلين

وبخصوص الثلاجه تقول توصل درجة التبريد -2
للعلم ترى اذا شغلتها بالرياض بتوصل الشرقيه ما وصلت هالدرجه
انت رايح على ثلاجات البيوت على خط 220 ترى الوضع مختلف تماماً

ودام حاجتك للبارد والعلاج مع الخط الأمر سهل جداً
حافظه صغيره وكيس ثلج الصغير بريالين والحمد لله

مثل أول وحده بالصورة فوق

http://img07.arabsh.com/uploads/image/2013/05/09/0c36454363f503.png

واذا أخذت رقم 2 بالصورة
وانت طالع من الرياض للشرقيه تحط ماء وبارد
وانت راجع للرياض تحط سمك طازج للبيت



أما بخصوص البطاريه الأضافيه
هناك محلات كثيره متخصصه بتركيب مثل هذه الامور
ودامك بالرياض عندك سوافي أو الصبي أو المنديل وغيرهم
يركبون وفيه مواضيع كثيره وتقارير مفصله للتركيب والتجارب هنا بالموقع

كل ما تحتاجه للتركيب

قاعدة بطاريه
بطاريه حسب اختيارك
منظم بين البطاريتين
تمديد اذا أردت افياش داخل السياره مع الفيوز

التكلفه من 800 الى 1000 على حسب اختيارك للبطاريه والتمديديات والافياش وطلباتك

[عاشق الهدد051]

و عليكم السلام و رحمة الله و بركاته
اولا الله يشفيك و يعافيك
ثانيا ليتك تعلمنا سيارتك وش نوعها
ثالثا انا اشوف انك ما تحتاج بطارية اضافية
لانه اغلب استخدامك للثلاجة و السيارة شغالة
لو انك راعي بر و مقناص كان قلنا ركب بطارية
اضافية لكن انت ما يحتاج تخسر نفسك وفر قيمتها
و اشتر ثلاجة ويكو حجمها ٢٥ لتر قيمتها تقريبا ٢٠٠٠
ريال و ان شاء الله انها لك و للزمن
و الله ييسر امرك

[فارس العمور]

اخذت وحده من السوق الصيني بدبي
صغيره قيمتها ١٠٠ ريال فقط
شفتها رخيصه قلت نجرب
الحقيقه كفتني
استخدمتها بثلاث سفريات وحليوه تبرد المشروبات والادويه وقيمتها مغريه

[راعي الرود]

دام حاجتك لها بالخط بس وتحط بها ماء و انسولين الله يشفيك ويعافيك انصحك تاخذ حافظه ثلج قووت او ايقلو صناعتها امريكيه شفها عن ساكو توني ماخذ وحده ممتازه و اترك عنك الثلاجات تمديدات و غثاء

عذروب حافظه الثلج رطرطه الماء يعني اذا ماع الثلج كل شيء يربص فيها بس اذا تبي تفتك من رطرطه الماء بالحافظه حط الثلج بالكيس حقه لا تفكه و تنثره و بيجلس الثلج فتره اطول بعد

[Salamah.y]

ياخي تلقى شناط فلين (فوم) عند بعض البقالات
والله انها تفي بالغرض , و سعرها ما يتعدا 40 الى 50 ريال

بس خذ لك قوارير ماء , و ثلجها ازين من أكياس الثلج
عشان اذا ذابت ما تعدم عليك الأغراض , يبقى الماء داخل القوارير

و عسى ربي يشفيك و يشفي مرضانا و كل مرضى المسلمين

[الذئب الاليف]

وعليكم السلام ورحمة الله وبركاته



الله يشفيك ويعافيك



مثل ماقال اخوي عاشق الهدد



نوع السيارة خصوصا كانت صالون تجي بين المرتبتين مابين 30 و 35 لتر ولك ولزمن



ولاتعدا الطمرة

[فؤاد الزهراني]

أولاً الله يشفيك من السكر وجميع مرضى المسلين

وبخصوص الثلاجه تقول توصل درجة التبريد -2
للعلم ترى اذا شغلتها بالرياض بتوصل الشرقيه ما وصلت هالدرجه
انت رايح على ثلاجات البيوت على خط 220 ترى الوضع مختلف تماماً

ودام حاجتك للبارد والعلاج مع الخط الأمر سهل جداً
حافظه صغيره وكيس ثلج الصغير بريالين والحمد لله

مثل أول وحده بالصورة فوق

http://img07.arabsh.com/uploads/image/2013/05/09/0c36454363f503.png

واذا أخذت رقم 2 بالصورة
وانت طالع من الرياض للشرقيه تحط ماء وبارد
وانت راجع للرياض تحط سمك طازج للبيت



أما بخصوص البطاريه الأضافيه
هناك محلات كثيره متخصصه بتركيب مثل هذه الامور
ودامك بالرياض عندك سوافي أو الصبي أو المنديل وغيرهم
يركبون وفيه مواضيع كثيره وتقارير مفصله للتركيب والتجارب هنا بالموقع

كل ما تحتاجه للتركيب

قاعدة بطاريه
بطاريه حسب اختيارك
منظم بين البطاريتين
تمديد اذا أردت افياش داخل السياره مع الفيوز

التكلفه من 800 الى 1000 على حسب اختيارك للبطاريه والتمديديات والافياش وطلباتك


الله يجزاك الفردوس الأعلى أخوي أبو شيري

والله كلامك واقعي ومنطقي

للعلم أنه عندي نفس نوعية الترمس هذا اللي بالصوره

الحجم الوسط تقريباً

لكن من شركه ثانيه والله ناسي أسمها شاريه

من أسواق بنده وبصراحه أستفيد منه في أشياء كثير

عموماً الله يجزاك عني بالفردوس الأعلى من الجنة

ويتقبل منك الدعاء





و عليكم السلام و رحمة الله و بركاته
اولا الله يشفيك و يعافيك
ثانيا ليتك تعلمنا سيارتك وش نوعها
ثالثا انا اشوف انك ما تحتاج بطارية اضافية
لانه اغلب استخدامك للثلاجة و السيارة شغالة
لو انك راعي بر و مقناص كان قلنا ركب بطارية
اضافية لكن انت ما يحتاج تخسر نفسك وفر قيمتها
و اشتر ثلاجة ويكو حجمها ٢٥ لتر قيمتها تقريبا ٢٠٠٠
ريال و ان شاء الله انها لك و للزمن
و الله ييسر امرك


اخوي عاشق الهدد

جزاك الله عني بالفردوس الأعلى من الجنة

وتقبل الله دعائك

أنا موتري تاهو 2014

وبصراحه كلامك مؤيد لكلام أخوي أبو شيري

شكراً لك من أعماق فؤادي <<< ساعه جالس أكتب فيها من كبرها :D



اخذت وحده من السوق الصيني بدبي
صغيره قيمتها ١٠٠ ريال فقط
شفتها رخيصه قلت نجرب
الحقيقه كفتني
استخدمتها بثلاث سفريات وحليوه تبرد المشروبات والادويه وقيمتها مغريه


اخوي فارس العمور

جزاك الله عني بالفردوس الأعلى من الجنة

والله أنت تحمسني بصراحه ودبي ماهي بعيده مره عني

بخليها شوي حتى تجيني سفره لها وبشتريها من هناك

أرخص وأفضل من اللي عندنا

شكراً لك حبيبي




دام حاجتك لها بالخط بس وتحط بها ماء و انسولين الله يشفيك ويعافيك انصحك تاخذ حافظه ثلج قووت او ايقلو صناعتها امريكيه شفها عن ساكو توني ماخذ وحده ممتازه و اترك عنك الثلاجات تمديدات و غثاء

عذروب حافظه الثلج رطرطه الماء يعني اذا ماع الثلج كل شيء يربص فيها بس اذا تبي تفتك من رطرطه الماء بالحافظه حط الثلج بالكيس حقه لا تفكه و تنثره و بيجلس الثلج فتره اطول بعد


اخوي راعي الرود

تقبل الله دعائك وجزاك الله عني بالفردوس الأعلى من الجنة

شروتكم وهداية الله دام الترمس موجود مالها الا ثلج ونحط

الأغراض فيها أحسن


شكرا لك يا الغالي




جزاكم الله عني بالفردوس الأعلى من الجنة جميعاً


أخوكم/ أبو أحمد
.
.
.

[فؤاد الزهراني]

وعليكم السلام ورحمة الله وبركاته

الله يشفيك ويعافيك

مثل ماقال اخوي عاشق الهدد

نوع السيارة خصوصا كانت صالون تجي بين المرتبتين مابين 30 و 35 لتر ولك ولزمن

ولاتعدا الطمرة





أخوي الذيب الأليف

جزاك الله عني بالفردوس الأعلى من الجنة

وتقبل الله دعائك

وأبد حنا مع المشوره الطيبه من الرجال شرواك


بس عندي سؤال :confused::confused:


كيف تجي الذيب الأليف

^^^

اللي أعرفه الذيب حيوان متوحش <<< ياااي يا شراني :D


الله يسعدكم والله لو الود ودي كان قابلت كل واحد فيكم وأعطيت كل واحد بوسه على راسه


فدييييتكم جميع


^_^