…:: | (( ما أفضل مكان في حائل عروس الشمال ..!؟ )) | ::… [الأرشيف]

مشاهدة النسخة كاملة : …:: | (( ما أفضل مكان في حائل عروس الشمال ..!؟ )) | ::…

أبوالوليد

03/12/2006, 07:27 PM

بسم الله الرحمن الرحيم

السلام عليكم ورحمة الله وبركاته ..

حيا الله الشنبات كله :) ..

أنا عازم بحول الله وجمعٌ من الصحبِ الذهاب لحائل يوم الأربعاء القادم ..

وسأحل ضيفاً على الشمامرة بذاك .. من يبي يعشينا الأول .. :D

أذكر أننا ذهبنا إليها قبل سنوات .. لكننا لم نكن نعرف الكثير عنها ..

وذهبنا لبعض المناطق .. ومن أفضل ما رأيت منطقة عقدة .. هي أفضل ما مررنا عليه ..

هل يوجد أماكن رائعة .. وهل يوجد شعبان وفياض .. !؟

سمعت أن جبال أجأ وسلمى تحوي شيئا جميلا فهل هذا

صحيح .. !؟

وهل بـُه مكاشيت زينة .. ؟

خبركم حنا حقين بريدة ما نعيش بليا تراب ونفود .. :p

يا ليت تفيدونا يا أهل حايل يا بعد حيي .. :)

سؤال آخر // أين أجد خريطة حديثة ووافية لحائل .. !؟

والله يكلؤ الجميع بحفظه ..

.

.

محبكم في الله //

أبو الوليد ..

أبوالوليد

03/12/2006, 11:54 PM

يرفع ..

بانتظاركم يا أحبة ..

ابو خالد 2006

04/12/2006, 12:01 AM

اما عن الفباض فهذي ما فيه

واما عن المكاشيت والشعبان فهذي واجد بحائل

لكن يجب انكم تعرفون ان السيل منذو مبطي عنها

يعني ما جاها سيل مثل ما جاء باقي مناطق نجد

اما عن الربيع فهذا يبي له وقت وما فيه ربيع الان

لك تحياتي عزيزي ابو الوليد

شـهـاب

04/12/2006, 12:41 AM

ياهلا والله ومسهلا بالي لفانا

يامرحباً اخوي بك بحايل وبهل بريدة كلهم ومكاشيتهم

موضوعك ما يحتاج وقت ابد ابد ابد

والبنسبه للخريطة بدون خريطة ان شاء الله ابي افصل لك

لكن الان الوقت متأخر وانتظر غداً الاثنين ان تأخرت الساعه 1 بالليل

باتسر الكليه حاشرتنا حشر

----

وعندي لك شكر ونصيحه
الشكر انك تبي تحل على الشمامره وهذا من طيبك
والنصيحه : انك لو انت قايل ابي احل على اهل حائل افضل

لأن الرسول صلى الله عليه وسلم سمع رجلين احدهما يقول يا الانصاري والثاني يقول انت من المهاجرين
فقال الرسول لهم دعوها فإنها منتنه ..

فا تخصيص قبيله بحائل قد يغيض بعض القبائل
علماً اني لا اجد في نفسي احد على احد
اغلب طلعت الزقرت تلقاه واحد شمري والثاني عنزي وتميمي وغيره وكأنهم اخوه والحمد لله

المهم ان شاء الله ابي افيدك عن المناطق لكن غـداً ( النوم ساس اللوووم ) :)

مسافر1

04/12/2006, 06:00 AM

هذه خريطة حايل ..
نتمنى لك كل توفيق .
http://www.athagafy.com/maps/Fig-09.jpg

شـهـاب

04/12/2006, 01:25 PM

بسم الله الرحمن الرحيم

اشوا رجعت مانسيتك :D

طبعاً انت جاي تبي تكشت بحايل واكيد انك تدري ان فياض مافيه بحايل

والمرغوب عند اهل حايل الشعبان عكسكم انتم تبون النفود

لكن افضل الأماكن بحايل للكشته

1- جو :
طبعاً مكان شمال حايل تقريباً 50 كلم طريق جبه ومفرق الحفير تقريباً 5 كم وتشوف مكتوب لوحه جو يسار
طبعاً جو فيها مكان اسمه صحى
صحى \احسب 6 كم من الردمية وادخل بين الجبلين الي يسارك وتلقى فيه ناس لأنه يجونه اغلب العالم وانت دور لك مكان بين الجبلين وابتل داخل فيه مصك مضبوط بس ما اتوقع تلقاه فاضي
واذا ماتبي صحى تعد ال6كم مادري بالضبط بس تشوف دخله على يسارك ادخل من عنده بين الجبلين هذا يقاله ام الحلاقيم لكن صحى احسن
واذا تبي تبتل مع ردمية جو يجيك طلعة جو وهو مكان فيه ماء وتمر من فوق جبل تقريباً وهو مضبوط مره للي يبي يفطر ويمشي عند الماء طبعاً الجلسه فيه ماتصلح لانه ممر للعالم

2- توارن :
طبعاً توارن قبل جو بـ 1 كم يمكن
ادخل ردمية توارن واقضب يمينك مع الخطوط او الردميات المتفرعه يجيك شعيب اسمه الشعيبين باين من شكله كله طلح بس مشكلته بعد العالم :D كل شي عالم :D

---

اذا تبي تبتل مع طريق الحفير مانت داخل لجو ابتل لمين يجيك شارع مرتفع الي يطلع بك لحفير او ماتاصله ادخل يسار مع الردميه الممهده الظاهر زفلتوه الان
ادخل من عنده وابتل لمين تجيك محطه ادخل ورا المحطه وابتل لمين تصبخ الضلع هذا اسمه التفيهي
ماتبي التفيهي تعد المحطه وابتل لمين تعدا مزرعه وبعد المزرعه يجيك ردميه يسارك هذي ردمية حيه يمكن تجوزلك به طعيسات

----

تقولي ابي نفود
اقولك لا تلف مع مفرق الحفير ابتل بوجهك تشوف النفود يسارك ويمينك وهذا هو قنا
تعده تجيك جبه
اذا تبي طريق الجوف قبل مفرق الحفير راع به لفه مكتوب لوحه التربيه ادخل من عنده تبتل شوي يجيك الزفلت يقطع عليك هذا هو طريق الجوف ونفود على كيفك

طبعاً اذا عندك مكان تسمع به وودك اعلم اذا اعرف اسئل عن مكانه
هذولي الي ذكرت الاماكن الي مناسبه
شهاب

أبوالوليد

04/12/2006, 06:38 PM

حيا الله الأحباب ..

الغالي أبو خالد ..

هلا بك يا بعدي ..
فعلا ما جاهم سيل .. لكن الشباب يقولون ودنا نأخذ جولة وحنا عجلين ..

تسلم يالغالي وما قصرت ..

أبوالوليد

04/12/2006, 06:42 PM

الغالي مسافر1 ..

بارك الله فيك وجزاك خيرا ..
وأهلا يك ..

أبوالوليد

04/12/2006, 07:02 PM

الغالي شهاب ..

حياك الله يا بعدي ..
شرفتن والله ..

تسلم على نصيحك .. ما أنساه لك يابعدي ..

معلوماتك راااااائعة جدا .. لا عدمناك حبيبي الغالي ..
لعلنا نزور هالمواقع إن شاء الله

سؤال يالغالي /

الجبال الشمالية .. أو الجبال عموما ..
هل تتوقع أجد فيها مناقع ماء ولا عيون .. ؟
وهل به أماكن ممكن تصلح للنوم والتخييم .. ؟

سؤال آخر / هل أجد استراحات تأجير للعزاب .. !؟

أنا سمعت أن التأجير يكون نصف يوم .. وغالي شوي ..

يا ليت تفيدني يالغالي ..

وبارك الله فيك وجزاك خيرا ..
لا حرمك الأجر والمثوبة من عنده ..

بحفظ الله ..

شـهـاب

05/12/2006, 01:20 AM

هلا والله وغلا بك

بالنسبه للجبال الشمالية ففيها ماء مثل جبل ( جو ) فيه ماء ويمشي على خبري لكن ماتقدر تنام عنده لأنه فرجه

لكن قبله بـ 5 كم تقدر تنام وهو حول صحى والاماكن الي قلت لك

---------------

اما الاستراحات فعلا حسب الاستراحه

اذا تبي الي به ملعب مزروع وقريبه بوسط الديره فهي والله غاليه

اذكر ناخذه اليوم بحدود الـ 400

اما بدون ملعب وتجي ماهي اكا النظافه تلقاه بحدود الـ 250

اي خدمه

أبوالوليد

05/12/2006, 06:04 PM

بارك الله فيك يالغالي ..
الله لا يحرمك الأجر .. نبي نمشي غدا قبل العصر إن شاء الله ..

بحفظ الله ..