استشارة بخصوص مساعدات الهايلكس الدبل

[عساف الغربيه]

السلام عليكم ورحمة الله وبركاته

اخواني معي هايلكس دبل 2013 ابغير المساعدات الاماميه بمساعدات استرالي وابعرف المقاس المناسب لرفع الواجهه وريشه للسست الخلفيه
علما اني راعي بر ومقانيص
وايضا الكفرات محتار بين اليوكوهاما والهانكوك مقاس 15/70/255 جنط الوكاله
افيدوني عن الافضل

والله يجزاكم خير

[مسير عليكم]

ركب ياي استرالي اذا تبي ترفع وجه الموتر
وبالنسبه للكفرات الهانكوك جنبه لين ويتقطع في الحصى مايصلح للمقانيص واليوكوهاما الي جربوه مامدحوه للجيوب
شف الدنلوب والبرجستون

حبيت اشارك معك براي والله يكتب لك الي فيه خير

[عساف الغربيه]

الله يجزاك خير ماقصرت

[جي تي]

شف اذا انت رجال بترخي ريالك قدام ركب ياي لفلز مع مساعد لفلز شاد جدا وممتاز طبعا ارفع قدام 3 سم لو فيه اقل ازين بعد الياي اللفلز نفس سعر حق الرمايه تقريبا ب600 وفيها اما المساعد هو الي غالي بحدود 900 ريال واذا تغاليت المساعد عندك الاسترالي حق الرمايه هو غولي على ما اذكر ب600 وفيها وفيه مياعد ماليزي ممتاز جدا ورخيص ب 300 او اقل انا مركبه حاليا ممتاز

اما ورا السسته الزود بتقسي الموتر طبعا ممتازه اذا تانكي الماء عندك ما يفظي عندك تقويس السسته وحل حلو او لعاب ابو بلاطة جمس تحت السست

واذا بترفع ورا الافضل غير مساعدات اذا تبي شيء قاااسي لتحميل وغيره بس الموتر بيناقز شوي ركب جبريال ازرق قاسي وحلو لتحميل وفيه الين منه جبريال ابيض حلو جدا ما ينزل بسهوله

[عساف الغربيه]

جزاك الله خير اخي جيتي
وبيض الله وجهك ماقصرت