استشاره بالفتك ،،،،

[جدة يونايتد]

السلام عليكم ورحمة الله وبركاته،،

أبغى أسألكم يا إخواني انا ابغى لي باترول فتك 4800 ولقيت لي 2009 تماتيك ماأدري هل تنصحوني فيه والا لا، ممشاه حول الـ 200 ألف
هل السياره متماسكه وطيبه وهل هي مريحه وماتبهذلني بالصيانة ،
استخدامي بالبر خفيف أكثر شي داخل المدن.
أبغاكم تفصلون لي شوي عن هاالسياره لأني لم أستخدم الباترول من قبل،
وجزاكم الله كل خير.

ـــــــــــــــــــــــــــــــــــــــــــــ

[صباح القايله]

احرص على النظيف
والباترول ممتاز
صيانه مثل اي سياره
والمواتر توافيق

[المميـز]

:

اذا هو نظيف وبتحافظ عليه توكل على الله
موتر غني عن التعريف واللي يجربه مايمله ولايبي غيره

:

[مقلع الرمث]

قاعده خذ النظيف

خاصه الباترول قليل تحصل احد محافظ اكثرهم راعي قنص وراعي تطعيس وتكسير

بعدين تاخذه وتقول هذا النيسان ومايجيك منه

نصيحه خذ نظيف جدا باي سياره عموما ولو زود بكم قرش لكن ماتغير الا زيت فقط

[التعـ King ـديل]

عليك بثلاثه اشياء

الاول : الاستخاره

الثاني : الفحص في مركز معروف كانك بالرياض افحص عند الغروب ينفضون لك الموتر نفض

الثالث : التوكل على رب العالمين وشراء السياره

الفتك من افضل السيارات اللي سقتها وخاصه 2009 وتحت

[نواف685]

توكل على الله انا اول مره استخدم الفتك توي احصل الموتر اللي ينشد به الظهر
للمعلوميه الفتك خالف كلام الناس حصلته موتر متماسك ...بعد ماسمعنا عن الفتك بالهرقله طلع كلام فاضي وقوي ماشاء الله ومريح ورزه

[جدة يونايتد]

جزاكم الله خير،
بالنسبه للممشى ((200 ألف )) كثير والا مناسب.

[المميـز]

:

موديلات ٢٠٠٢ فتك متعديه ال ٤٠٠ الف ماشاء الله

: