اللي مجرب دنلوب الحجري أبو لبنه يتفضل

[سقم المعادي 1]

السلام عليكم



اللي جرب دنلوب الحجري اللي يسمى أبو لبنه او المضلع

http://www.mekshat.com/pix/upload05/images250/mk146753_1111.jpg

http://www.mekshat.com/pix/upload05/images250/mk146753_22222.jpg


وش رايكم فيه في جميع الظروف لاهل الكشتات في التضاريس المختلفه

1- النفـود
2- الشعبان
3- الحجرة والوعر


و هل فيه عيوب ؟

[فؤادسعدون]

السلام عليكم ورحمة الله وبركاته اخواني انا جربته

اولا في النفود حلو
ثانيا في الشعيب جيد
ثالثا في الحجر فاااااااشل لانه جنبه ضعيف كل الكفر لي ضرب معي منشق مع جنبه


نصيحه لك تبي تركب ركب هنكوك او ماكسس نقاش شاهين وراح تتدعلي ان شالله هذا من واقع تجربه


ودمتم سالمين

[عبدالرحمن السالم]

انا والله سألت ناس يسبونهن والسبب ان جنب الكفر ضعيف اي شوكه او ضربه حصا يشقه
ولا يمدحونهن بالنفود ولا حتى الشعبان ، يعني بس شكل
وناس تمدحه ماتدري عاد
نشوف اراء المجربين

[منصور الفايز]

وعليكم السلام

استخدمه لاكثر من اربع سنوات لكن بعد سنه وشوي اغيره .. ممتاز جدأ بالنسبه لي ولم اعاني منه اي مشاكل ولله الحمد ...

وبالاول والاخير يعتمد على حسب الاستخدام وانا اخوك

بالتوفيق

[سقم المعادي 1]

السلام عليكم ورحمة الله وبركاته اخواني انا جربته

اولا في النفود حلو
ثانيا في الشعيب جيد
ثالثا في الحجر فاااااااشل لانه جنبه ضعيف كل الكفر لي ضرب معي منشق مع جنبه


نصيحه لك تبي تركب ركب هنكوك او ماكسس نقاش شاهين وراح تتدعلي ان شالله هذا من واقع تجربه


ودمتم سالمين

الله يصبحك بالخير اخوي فؤاد
عجيب امره هالكفر توقعت انه احسن كفر يقاوم الحجره و الوعر من اسمه و نقشته تقول ذا كفر مايخرش الميه مع الحجره
الشاهين ياولد الشايب توني فاكه ماصلح لي
حليل و زين بس دعسته ضعيفه مع الحجره تتأكل الدعسه بسرعه


انا والله سألت ناس يسبونهن والسبب ان جنب الكفر ضعيف اي شوكه او ضربه حصا يشقه
ولا يمدحونهن بالنفود ولا حتى الشعبان ، يعني بس شكل
وناس تمدحه ماتدري عاد
نشوف اراء المجربين

صبحك الله بالخير أخوي عبدالرحمن
كل الكفرات الله يسلمك جنوبها ضعيفه انا منشق علي مع الجنب كفر دنلوب اللي يجي على اللاندكروزر وكاله تراه عريض ومكتوب عليه قراند تيك ماله الا 5 شهور راكب و انشق من الشوك على جنب و الكفرات الرمليه ضعيفه مره انشقت من حكه رصيف عندي
مدري وش الكفر اللي جنبه يصير قوي بس تيوبلس ماهو بالون


وعليكم السلام

استخدمه لاكثر من اربع سنوات لكن بعد سنه وشوي اغيره .. ممتاز جدأ بالنسبه لي ولم اعاني منه اي مشاكل ولله الحمد ...

وبالاول والاخير يعتمد على حسب الاستخدام وانا اخوك

بالتوفيق

صبحك الله بالخير اخوي منصور
ياليت تعطيني من تجربتك وش تنقد عليه فيه وش يعجبك فيه و اللي مخليك تستمر عليه

شكراً للاخوان جميعا

[almertah]

من واقع تجربتي انصح بالمكسس بالون في الرمل والحجره نزل هواه 20 ومستحيل يضرب بعكس الكفرات الاخرى لانه يلين مع ضغط الحجر عليه ولا يضرب

[صالح 7788]

سلام عليكم
النوع هذا ضعيف لأنه يجي 6 غاط او كاندس
أقرب من 8 كاندس يتحمل الحجر والوعر وفيه نوع ماكسس مقارب لنقشته بس مقاس يختلف يجي 8 كاندس ممتاز

[محمد السواجي]

استخدمهن من اربع سنوات وحتى الآن ماشتكيت منهن لاكن بالنفود تحتاج تشد على الموتر شوي.
الاصلي بن زقر الكفر عليه لف بلاستيك اصفر

[خوي الفرخ]

السلام عليكم

اول شي تراها تجي نوعين اماراتيه واصليه
الاصليه تحصل عليها لف اصفر والاماراتيه هاعليها لف

ثانيآ اخوي كفر الدنلوب ابولبنه يصلح لجيوب الهدد كمنظر وخفيفه في الخط
اما كأستخدام للبر ماتنفع مره مره لا لنفود ولا للوعر
انا شريتها ثاني يوم طلعت للبر وعر انطقت معي على طول

ليش لأني منسم هوا الكفرات والمشكله اذا نسمت هوا الكفرات تنطق لأنها خفيفه
على الجنب واذا عبيتها كسرت السياره

ف الافضل انك ماتشتريها
اذا انت راعي بر اخذ البالون ماكسس حجره نفود تطربك وقويه
صح انها ثقيله على السياره لكن كويسه لراعي البر
والله يوفقنا وياكم جميعآ

[احمد الصالحي]

افضل شي جربته

لافجي دلوب نقش شواهين .والجي اكس اكس ار بوالين ابوجمل 900وبس

[طير شلوى نجد]

السلام عليكم ورحمته الله وبركاته اخوي بالنسبة للكفر ان جربته وعندي ممتاز بالنفود وبالشعبان والحجره واي كفر ماتمشي فيه بركاده بينشق والكفر خفيف بالموتر وهذا الطقم الثالث الي اغيره وكفر يكد معك يعني يقعد معك سنتين وزود ما شاء الله

[علي101]

ناسبني اكثر من غيره في الشعبان

[ABUAZIZ]

من خلال تجربتي لدنلوب الحجري على الهدد ميزته يعطي شكل لكن غير عملي في النفود والحصى مثل ما تفضلوا الاخوان في مشاركاتهم .. اذا تبي رايي ركب مارشال نفس مقاس ابو لبنه ب500 ريال من عند وكيله (الصافي) الكفر كوري لكن قاسي مهب مثل الهانكوك انصحك فيه وبشده جيد في النفود والوعر وفي الخط

[PATHFINDER 4]

والله انا مجرب نفس الكفر وعلى جنطين 16 و 17
الكفر ممتاز بالحيل ومقتنع فيه والرمل نسم 20 مايرده شي
وعمره طويل عكس الشاهين

لكن العيوب اللي اشوفها ان له صوت ونين واضح من 80 وفوق بسبب النقشة
والشعبان حليل سمعت يشقه الشوك لكن ماصار معي هالشي

[faisal7]

منظر الكفر جميل لكن مايتحمل الوعر وخصوصا اذا كنت منسم

[محمد الهياف]

ك نظرتي انه شكل بس بالنفود جربته مع خويي صراحه لا يعلا عليه

[أبو خوذة]

بالنسبه لتجربتي معه
١ خفيف
٢ منظره جميل
٣ قاسي بالقار
٤ يمشي اموره بالنفود اذا نسمت له
٥ بالوعر ما يجمل ابد وتبلش فيه ان عبيته هوا تعبك وتعب الموتر وان نسمت له ادنى ما جاه من الجوانب وهقك
ماهو على اسمه ابد

[عاتب الآمال]

افضل ماجربت لمقاس 235 -85 -16
المرتبة الاولى اليوكوهاما جيولندر ياباني عيبه قاسي شوي سعره 600-650,,
والثانية نان كنق تايواني راسي بالحيل ف البر عيبه يتاكل بسرعه سعره 420-480,,
مع انها كل النوعين ضربت علي مع الجنب مع طرد الارنب ف المحجر

البالون افضل منهم ف البر لكن عيبه ف الرجة والخطوط غير راسي,, وكمان الاندونيسي النايلون 750-16 زيه (اللي يجي على الجيوب القديمة) لكن مع الخط دمار ,,

الدنلوب طيب ف الخطوط لكن تنزل هواه ف البر اعرف انه ضرب,,

[ابو محمد543]

صوته مزعج بالخط
كفر قاسي
في النفود يمشيك على كيفه تلف الدركسون ويسدبك الموتر
يلعب بالرفارف لانه يمسك الحصى
كفر تبيه شكل بس اشتره غيره مايصلح

[محمد الهياف]

يعطيك نظره حلوه للسياره
ومن واقع تجربه انه زين بالنفود

[الهدد الاشهب]

اللي يقول لك زين بالنفود شكله ماجرب غير ابولبنه
كفر مخيس بالنفود و ممشاه عسر لازم تشد على الموتر شوي
لكن بالشعبان و المطينه و الحصى ممتاز و ترا جنبه ضعيف انتبه