الله يحرم وجيهكم عن النار عندي استفسارات Gx

[راعي الاف جي2]

السلام عليكم ورحمة الله وبركاته
يا اخوان شريت 2004 Gx
الله يطعمنا من خيره ويكفينا شره
وعندي استفسارات عاد تحملوني اول مره اركبه :D

اولا يا اخوان الموتر اخو الي بالصوره بالتمام

نبدا بالاسأله جزاكم الله خير
-1 الموتر مكتوب عليه من ورى Gx هل يعني انه هدد ؟

-2 ابغى ارهم الموتر لـ موديل 2007 وش احتاج اغير ؟ يعني بس اسطبات ورى و خطوط و انوار قدام و اسطبات قدام ؟ بس كذا يعني ما احتاج اغير الصدام الامامي و
الخلفي ( للعلم مافيه كشافات اماميه ) وكم التكلفه تقريبا قطع مو اصليه و اصليه

-3 الخطوط الي اركبها وش نوعها ؟ هل فيه خطوط لنوع الـ Gx و الـ Gxr والـ Vxr ( طبعا انا ابغى خطوط الـ Gx 2007 ؟ )

-4 الموتر وارد وش ؟

وبس جزاكم الله الف خير

http://im76.gulfup.com/28diFM.jpeg

[فرفور بريده]

gx يعني هدد
تبي تحوله ل 2007 .. اللي اعرفه اسطبات وشبك امامي

[anas_3li]

عشان تقلبه.. غير كل من :

الخطوط
الاسطبات الخلفية
الشمعات الامامية
الشبك الامامي
والله يطعمك خيروه ويتسفيك شروه

[يالبى الهلا]

ركب خط بنك البلاد رووووعة على الجيب مع اللون الأسود مع جناح خلفي

[بوهادي]

وعليكم السلام
السطابات اللي ورا ممكن تغيرها لشكل ٢٠٠٧ من غير ترهيم
بس النور اللي قدام قبل لاتركبهم تحتاج تغير الحديده اللي تحتها لازم تغيرها علشان يركب النور
ولازم تصبغها نفس اللون قبل لاتركبها
اذا احتجت صور للتوضيح عطني خبر

[راعي الرود]

ماشاء الله أحسنت الأختيار
مبروك جعله مركوب العافيه

أنصحك تخليه على شكله 2004 ممتاز اذا الخط اصلي لأن الخط التجاري مايدوم معك مثل الاصلي الا اذا كنت بتغيره كل فتره عشان لأنه يوسم بالبدي ولا يتحمل الشمس و خاصه ان موترك أسود .. + وفر فلوس التعديل إلى تلقيطات بالموتر ( تلميع - بواجي - صفايه بنزين - فلتر هواء - تنظيف بخاخات - جلد ركب مساعدات ... إلخ )

ركب له بوالين و جنوط لكزس فيرانيه او جنوط ديزل او هلل اللي يجوز لك و ارفعه من الخلف و بيطلع وقفه