كشتة بالكسر دون الفياض بالرياض ( صور )

[سيف الرعد]

جميلة جدا هي الاجواء
هذه الايام فمعها تحلوا الرحلات والكشتات
لكن شئ من الله سبحانه ما أحب الرياض
لا احد يزعل
واحمر واصفر لاصار لي روحة هناك .
وحكم على إني أروح الأسبوع الماضي..
أبو نواف يا حبي له .. خال العيال
يعرف الشئ هذا قال به كشته باتسر من الفجر
قلت مشينا قال خلك والم ... قلت ابشر .
بعد الصلاة الجوال يدق الو
أبو نواف اطلع طلعت ... قال اركب.. قلت اركب أنت
ركبنا وعلى الشباب في بيت العمده الله يعمره
ماشاء الله عليهم أخذنا فنجال وركبنا
وعلى الثمامه وهناك أخذنا ذبيحتنا من مفرق الصمان
حيث الغلا بالأسعار
http://www.mekshat.com/pix/upload/images23/mk8073_39.jpg
ثم انطلقنا باتجاه( الكسر) يقولون اسمه كذا
الأرض ممطوره ونظيفة
واللعب بالرمل استهوى الشباب
فهل هو الحنين لايام الطفولة ؟ مدري
الله اعلم
http://www.mekshat.com/pix/upload/images23/mk8073_36.jpg
اخترنا المكان فكان جميلا جدا
http://www.mekshat.com/pix/upload/images23/mk8073_35.jpg
وهذي جلستنا
http://www.mekshat.com/pix/upload/images23/mk8073_30.jpg
وطعينا النار (شبيناها )
استمرت طوال الوقت مشبوبه الشقى على الرمث تمعيط
وجهزنا الفطور فووووووول محكور بالكاتم من يد سعود وسوالف وبلوت
وفاحت الدلة

http://www.mekshat.com/pix/upload/images23/mk8073_38.jpg
الصغار كانوا شعله
http://www.mekshat.com/pix/upload/images23/mk8073_32.jpg
والرمث على كيفك هات وشب وهات وشب
وبلا مسحاة
ويا كليب سب النار يا كليب شبه
عليك شبها والحطب لك يجابي

http://www.mekshat.com/pix/upload/images23/mk8073_33.jpg
قرووم القوم
http://www.mekshat.com/pix/upload/images23/mk8073_50.jpg
إلى أن حضر عميد الخليفة الله يحفظه
ويخليه لعياله ولعيال الخليفة
كلهم زانت الكشتة بوجوده
http://www.mekshat.com/pix/upload/images23/mk8073_31.jpg
تغدينا وعينا من الله خير وهذا بريق
وذيك دله وذيك برتقاله بس
( ماهب يالبرتقاله .. )
http://www.mekshat.com/pix/upload/images23/mk8073_34.jpg
لين جاء الليل صلينا المغرب
مع العشاء جمعا وقصرا جازت لبعض الربع
الشباب حكروا الحليب(زبطوه ) تسنه ترجمه
( أكثر ما بالطلعة الحليب والبرتقال )واكتشفت شئ حلو
من أهل الرياض اللي يخلف الوعد ولا يجي حسب
الاتفاق من الشباب
إذا اتصل يبي الوصف ابلشه جب وجب لو انك
ما تبي فكرة( ن )جهنمية :
بعد العشاء اساذنت أنا لوجود موعد سابق
مع احد الزملاء (بالجزيرة)
مع إن الجلسة مع الشباب ما تتنفوت ابد
وناسه وفلة حجاج وجو زين ووجيه سفره
وخيال ورشرشة مطر
تحيتي

[غالي]

ماشاء الله تبارك الرحمن
الحمدلله على سلامتكم والله يعيدها عليكم مرات عديده
تمنياتي لكم بالتوفيق

[سيف الرعد]

مشكور يالغالي غالي
والله يوفقك
انرت موضوعنا باطلالتك البهية


تحيتي

[بن فيصل]

تسلم على هالموضوع الجميل والسوالف السنعه
تعالي الرياض وفض لي نفسك اسبوع والله لخليك تموت بالرياض وطاريه

[جمران]

الله يهنيكم يبو محمد ويجمع شملكم على خير
ألف شكر على الرحلة السنعة والشغل العدل
تحياتي

[سيف الرعد]

تسلم على هالموضوع الجميل والسوالف السنعه
تعالي الرياض وفض لي نفسك اسبوع والله لخليك تموت بالرياض وطاريه
تسلم وما تقصر
نجرب
ليش لا
بس اسبوع والله كثير حله ثلاثة ايام ايام الضيافه
وما عندي ما نع
تحيتي

[مسافر1]

تشكر أخي سيف الرعد ..
مثل تلك الرحلات .. تجعل الإنسان يرمي الهموم خلف ظهره .
سلمت أخي الغالي ..

[السنع كله]

مكان رائع والرمث له جذول سنعه لكن ممكن تحدد لنا المكان بالدقة الله يحفظك

[قرناس الخبر]

الحمد لله على سلامتك والله يعطيك العافية... ابتسامات رائعة وجميله....

[هاوي البر]

رحلة موفقة وتقرير رائع

[طيور نجد]

جزاك الله خير

مشكور

[حمدبن ناصر]

الله يعطيك العافيه والحمد لله على السلامه

نحتاج بس ماهى(ن) الجهنميه تحدد المكان

[ريم البراري]

حياك الله أخوي سيف
كشتة حلوة ماشاء الله
بس ياليتك بدل ماخليت الصور كلها لخششكم :D صورت لنا المكان باين عليه حلو ماشاء الله

[الرواف]

الحمد لله على سلامتك والله يعطيك العافية...

والله يعطك الف عافية

الرواف

[*القبطان*]

أخوي ابو محمد


السلام عليكم ورحمة الله وبركاتة




يعلم الله كم كنت اتمنا اني مازلت في الرياض ليحلو اللقاء بك وقت الامطار والربيع والكشتة وتقديم الواجب معك لكن قدر الله وما شاء فعل.






ما شاء الله رحلة موفقة ومكان جميل يبدو انكم قريباً من روضة الخفس

سرد اكثر من رائع ..حسيت اني معكم برحلة






اسئل الله ان يبارك في الخليفة كلهم ويحفظ لكم عميد الخليفة






الجايات اكثر ولابد من ان نلتقي في براري الرياض ولو طال الزمن ....ولازم نخليك تحب الرياض









اتمنا لك التوفيق

اخوك ابواحمد

[المرقاب]

الله يسعدكم دنيا وآخرة

[الكاشت للبر]

بسم الله الرحمن الرحيم


السلام عليكم ورحمة الله وبركاته
سيف الرعد

صور جميلة ورحلة موفقة

[ابو عدي الحاتمي]

ماشاالله طلعة مميزة جداا والتصوير رائع

[جهام القصيم]

ماشاء الله شي جميل وصور دلع

[سيف الرعد]

الله يهنيكم يبو محمد ويجمع شملكم على خير
ألف شكر على الرحلة السنعة والشغل العدل
تحياتي

القدير جمران

شرفني تواجد ك يالغالي



تحيتي

[سواق الوايت]

ماشاء الله طلللللللعه ولا أروع



الله يوفقكم ويجمع شملكم ان شاء الله في الدنيا والأخره

[أم رقيبه]

ماشاء الله تبارك الله

رحله جميله والله يوفقكم يارب

[سندباد الخليج]

ماشاء الله عليكم انا اشهد انكم شقرديه

والله يجمعكم دوم على طاعته