شرفنا بمرورك ، عطوني الحل يالربع بالكفرات البالون !

[السماوي 77]

السلام عليكم ورحمة الله وبركاتة
صبحكم الله بالخير يالربع شلونكم عساكم طيبين انشاءالله
هذا اول موضع لي بالمنتدى وابي استشيركم وانشاء الله
ماتقصرون واللقاء الحل عندكم نبي ندرعم بالموضوع على طول :D
هذا سلمكم الله السنه هاذي قطعة كفرات بالون :( !
ومافي متوفر غير ماكسس تايلندي وفتنامي ومن تالي سمعت الماكسس
. قشراء وبالتراب ولحد يمدحها ولاكن العوض ولا القطيعة وقلت اشوركم
وش الافضل التايلندي ولا الفتنامي علماً بأن سيارتي لاندكروزر 2005
والسلام ختام :good:

[هاوي الباترول]

وعليكم السلام
صباح النور
انا من ناحيتي الفتنامي ممتاز
وسعر الكفر مقاس ١٦ ب ٤٤٠

[السماوي 77]

يعطيك العافية اخوي هاوي الباترول نشوف تجارب الاخوان ، ولاكن وين باقي الاعضاء ٧٠ مشاهد ولا احد يرد !؟

[ابوعبدالله 33]

كنت من مستخدمي البالون التايلندي من 5 سنوات وكان ممتاز ولالاحظت عليه شئ

[السماوي 77]

ابو عبدالله 33 شرفتنا بمرورك ، بس كذا انا توهقت واحد مدح الفتنامي والثاني التايلندي !
ووين باقي الاخوان ١١٥ مشاهد وردين غريبه ؟

[السماوي 77]

المشاهدات تبي توصل ١٥٠ ولا احد عطنا العلم الوكاد !
لها الدرجة محد عنده خلفية عن الموضوع او يحسبون الرد بالفلوس ههههه

[sakhar]

المشاهدات يكونون مثلك ، ويبغون يستفيدون

ان شاء الله تلقى رد استفسارك عند الاخوان

[عابر الموج]

وعليكم السلام ورحمة الله وبركاته
اعطيك رآي من واقع تجربة كل النوعين طيبات للبر ولكن خذ مقاس 825 افضل من 900 طبعا الجنط 16 وخل الهواء بالكفر 20بالبر بالخط المسفلت 30 وحرص على الجنوط الاصليه لان الجنوط الهلل الصيني ينسم الكفر ويسبب رجه لك تحياتي

[امير المشاعر]

اخوي كان معي باترول مركب عليها بوالين ماكسس
توقع منها اي شي طبعاً تايلنديه دعستها تتقشر ويمكن تصحى الصباح تحصلها على الجنط ماعاد فيه بوالين صاحيه وانا اخوك

[حبيتر]

تبي الافضل والاجود والاجمل خذ اسيام ماهي مثل ماكسس وغير ماكسس ست شهور وتمسح تكد معك انا مركبها في موتر قسم اني اطرد في الحجره حصاها امواس مابنشر طول الشتاء وانا اكدها ولاينقص هواها مثل كفرات البالون الاخرا وذا نزلت البر اخلي فيها هواء 15 وادعس ولاتهدي ولاتحس لامطب ولارقله ولايحتاج ترصيص زياده وفوق هذا عليها نظره للموتر وشكلها جميل بس تراها اغلى من اي بالون تخيل منزلها من موتري اول ماخلص الشتاء وللحين هواها فيها مانسمت فنصيحه توكل على الله وشاور واخذ الي يعجبك

[؛ابوطلال؛]

وعليكم السلام
انا جربت الفتنامي الحمدلله لافيه تنسيم ولا فيه ايت مشكله
وعمومن اغلب انواع البالون يتمسح
وتحصل انواع اجود من الماكسس

[التعـ King ـديل]

التايلندي ماعاد هو مثل القديم لذلك خله برا التشكيله

ركب هيرو او مالون اذا جنط موترك 16

اما اذا موترك سته سلندر وجنطه 17 ركب هيرو لان المالون 17 ثقيل

انا من عشاق الهيرو ومجربه على سيارات مختلفه باترولات جنط 16 و 17 هدد مقاس 17 وبطل الدروب مقاس 18

لدرجه ان راعي محل الكفرات مب يسميني الا راعي الهيرو

[abubassam400]

طيب يالربع الهيرو كويس للجلد والرمل والزفلت ولا مخصص لشي معين ؟

[أبوبسام 0104]

هل الهيرو يجي منه825 أو بس900للجنط17

[ميكا مكشات]

فيه ناس يمدحون سوموتومو16 900 8غاط وأنا مثلك بلشان ما أدري وش أركب

[هواي البر فهد]

وعليكم السلام ورحمة الله وبركاته
اعطيك رآي من واقع تجرب علي هدد
جربت الهيرو 17 صيني فاااااااااشل. وخطر مهي سالفه رجه لا يعرج الموتر

وجربت مكسس ابو جمل 900 فيتنامي. 16 علي هلل الحمدلله ممتاز لا تنسيم ورجه خفيفه ولاهي مزعجه. وسفرت للاردن ورجعت وغير طلعت ديره
لكن عيبه بسرعه ينمسح وكثر شي طقم الخلفي يمكن لني محمل عزبه وتانكي ماينزل من لموتر

[البدر 707]

اخوي انا مركب مالون 16 900 وماشاء الله مافيها كلام وانصحك من واقع تجربه والله يدلك على اللي فيه خير