أيهم أفضل وزن الأذرعة الإلكتروني أم العادي

[محب شبة النار ـــ بريدة ـــ]

السلام عليكم .

أنا أبسألكم أيهم أفضل وزن أذرعة الإلكتروني أم العادي ؟

لأن وزنت سيارتي دبل هايلوكس اكتروني وكأن عندي الدركسون يروح يمين شوي في الخط أخاف أصير موسوس

[محب شبة النار ـــ بريدة ـــ]

المشاهدة فوق السبعين ولا واحد رد

[بدران الدوسري]

رح للعضيب رغم ان اسعارهم غويليه شوي لكن بيضبطونه لك ان شاء الله

وبيعطونك ضمان كان المشكلة ماراحت

بالنسبة للوزن الالكتروني والعادي مالي بخص فيه

الله يوفقك

[بحرالقلزم]

رأيي بالكمبيوتر لانه دقيق
بعد ما يجي في الشاشه اصفار بعدين يشد على الاذرعه

[محمد أبومالك]

الوزن العادي أرتجالي ولا يفي بالغرض المطلوب
والكتروني إذا كان الفني عنده فكره كامله عن الوزن بلأكيد هو أفضل وخاصة أن الكتروني يازن ألأنحراف ويازم أستقامة الكفر وعلمك وسلامتك

[أمير بخلاقي]

اخوي انا اشوف ان الوزن العادي افضل ومجرب ميزان اليرموك بالصناعية القديمة بالرياض
وللمعلومية ميزان اليرموك له ثلاث فروع افضل فرع اللي به علي السوداني الاستقبال لاني من سنوات ماشتغل إلا عندهم ولله الحمد شغلهم تمام

[م.سعيد]

دور لك على ميزان الكتروني بشرط تكون العمالة فلبينية..
ابحث عن المحلات المعروفة واللي اجهزتها جديدة..

[عاتب الآمال]

عيب اغلب الالكتروني انه البرنامج اللي على كمبيوترها مطابق للسيارات الامريكية ,,
ماهو كل سيارة خليجية يضبط معها ,,
خذ مثال المكسيما 2000-2009 مايضبط معها الالكتروني لان الامريكية مختلفة تماما عنها

[ابوخالد977]

اخوي كثير من الورش يقولك الوزن الكتروني وياخذ عليك زياده بالاسعار وهو يوزن عادي وانا لي سنين اوزن عادي عند اليرموك وماشاء الله روعه ودقه وترى لهم فرع في حي الروابي وفيه الاستقبال اسمه تاج رجل حبيب ونصوح

[سليمان الصقر]

الالكتروني لأنه يوزنها حسب مواصفات السيارة من المصنع لأن مخزن فيه مواصفات جميع السيارات تعطيه اسم الموتر والموديل وهويشوف شغله
اما اليدوي باب النصب والزحلطه فيه كيييير