تنصحوني ابدل الجي من تماتيك الي عايدي

[ابوحزااااااام]

السلام عليكم
اخواني الاعزاء سيارتي جي اكس آر تماتيك ستة سرندل وانا راعي مقانيص هل ينفع اذا غيرته عايدي ولا وش الحل
لاني شاريه غالي ولا عاد انسام الابخسارة عشرين وابي رايكم اللي عنده اي فكره يقولها

[علم162]

لاوالله ماانصحك تغير القير اذا صامل على العايدي اصبر على موتر وجاك الشتا ومعه الخير ترتفع الجيوب بعه وخذ عادي على حله بدون لعب فالموتر خسارتك على التغيير ماهيب شويه والا الترهيم كل شي جايز معه وبعدين اخوي انا اطلع للبر كثير ويشكل جزء كبير من وقتي ولااخلي محل ماروح له نفود ظلع شعبان فياض وقير موتري تماتيك مافيه مشكله ...... فقط النيسان طلعوا دعايه ان قير يخلط واتضح ان هذا كلام غير مؤكد ... بإختصار هذا الراي اذا مصر بيع الموتر وشرا موتر قيره عادي اوفق والسلام

[تزبطي]

اول شي كم موديله اذا هو 2007 وتحت توكل على الله

تراك تبي تطرب عمرك وتبي تنبسط اما الجديد ماضنتي يتحول
موفق

[ابوحزااااااام]

موتري2001 والقير يبي تصليح التبديله الثانيه ماتظبط لين ارفع رجلي من البنزين

[تزبطي]

موتري2001 والقير يبي تصليح التبديله الثانيه ماتظبط لين ارفع رجلي من البنزين



ماشاء الله
اجل موترك وتعرفه زين وتعرف محركاته وكل اموره ﻻتبيع وتشتري ثم تبلش
ولو بعته تبي تتوهق بالسوق واﻻسعار الخياليه لها الموديل وخص القير العادي

بالتوفيق

[ابوحزااااااام]

ياشباب ابي واحد خبره يفيدني
هل اصلح القير او ابدله بقيرعايدي
للمعلوميه انا راعي بر

[الهدد الاشهب]

انصحك صلح قيرك تلقى مشكلته حساس في اللهات يمكن ولا شيء بسيط ترا قير اللاندكروزر التماتيك يتحمل الجور و قليل مايخرب
اذا كنت هاوي القير العايدي بعه وخذ واحد وكاله وش لك في وجع الراس مستحيل تحصل احد يضبطه زي المصنع

[Salamah.y]

6 سلندر و قير تماتيك ,, الله يعينك عليه ثقيل شوي

أول شيء تسويه , شف موترك كم يجيب سعر بالسوق على وضعه الراهن
و شف أسعار المواتر اللي مثله قير عادي ,, و احسب الفرق في السعر , و بعدها حدد
أما تبيع موترك و تشري موتر ثاني ,, أو تخلي موترك و تفكر بأحد الحلول (الترهيم أو التوظيب)

أنت سعّر شغلة الترهيم , تبديل القير من تماتيك إلى عايدي بالكويت و بالإمارات و السعودية
و قارنها بسعر توظيب القير التماتيك , لو كان يحتاج توظيب , و ايضاً قارنها بفرق السعر لو بعت موترك و شريت عايدي ~

إذا مالك نية تبيع الموتر ,, القير العايد يطربك و راح يفرق بأداء الموتر
لأن التماتيك سيء جداً على الست سلندر , لكن زي ما قلت لك سعّر الشغلة بالكويت او الإمارات و قارنها بالأسعار هنا , بالإضافة إلى سعر توظيب القير التماتيك
و حدد الأنسب و توكل على الله , خصوصا ً إذا كنت تملك سيارة غيرها !!


أذكر قبل فترة في قطر شفت جيب لكزس موديل 2000 , محول إلى قير عايدي
و زمان كان واحد صديق أخوي , معه جي اكس ار 95 محوله إلى قير عايدي ~

[ابوراكان تبوك]

لا فكيت القير بسبب الخلل مجبور توظب

دامك هاوي العايدي انقز للتشاليح ودور لك قير نظيف يأخذون منك القديم ويعطوك عايدي مع تبديل جميع الاشياء من ديكورات وغيره ولاتنسى الطبلون

المهم القير اللي بتشريه ما يكون فيه اصوات رمانات لانها عله تأكد ان القير العايدي مضمون من الاصوات ع الفحص وجربة في النزلات القوية اذا القير مستهلك بيفلت معك الترس 1و2 او تجربه في نفس الصناعيه شد الموتر بـ 1 لين خلاص يقطع وارفع قدمك عن البنزين ولاتدوس لافرامل ولاكلتش شوف الترس يفلت او لا
نفس الطريقه للترسين 2 و 3 لكن غالبا الفحص يبين مع التروس 1-2
وخلي الميكانيكي يفحصه زود على فحصك

كثير يقول الترهيم مايضبط لكن موترك أصلا مهيأ وموجوده مكان الصواميل ماتحتاج شي بس فك وتركيب وانا ما اعتبره ترهيم أصلا


انا موتري تماتيك واطلع عليه اسبوعي صحيح ثقيل لكن تعودت عليه وبالعكس القيور التماتيك للاندكروز حقات كررررف ودامك راعي قنص يمشي بس انه مزعج في بعض اماكن الصيد وانت ماتبي صوت السياره يطلع وهاذي انا اعاني منها بسبب التماتيك + انه القير العايدي اخف بفرق

لكن معلومه يجهلها البعض مكاين الجيوب التماتيك 90% انظف من مكاين الجيوب العايدي بسسب الجور بالتروس


انت شوف الاسعار كم تكلف وانا اتوقع انك بتزيد على قيرك 2000 او 3000 مع شغل اليد نفس سعر التوظيب

اذا شفت الاسعار شاده بقوة ركب فرار رايح يتحسن معك الموتر

[محب الجهاد]

انحش ياخوي يابو حزاااام من واترك فكرة تبديل القير الاوتوماتك الي قير عادي تراي صلحتها في سيارتي الجيب لا انصح به المرة خذها من اخوك من واقع تجربة