ماطور الهوا الصيني هل يمشي الحال ؟

[N.m.a]

سلام عليكم

عندي ماطور تويوتا وغاثني بطيئ ويبي له طوي علشان يدخل بعلبتة

المهم ابي اسال عن المواطير الصينية ام 120 وحولها

هل مع الاستخدام المتوسط وعند المحافظة عليها ستعيش ؟
ولا مواطير رديئة ؟

[أبوسعد111]

نعم
بالمحافظة يعيش
أنا أستخدمه لي أكثر من سنتين
ويفضل ترفعه عن الارض عندما تعبئ أحد الكفرات
لكي لايسحب تراب من الارض ويتعطل
وتعبأة الهواء لاتزيد عن 30 لأنه يحتمي

ولكن أنتبه
الأنواع المقلدة الأردى منه كثيرة بالسوق
وكلها تقليد للأصلي ماركة أبوجمل

بالتوفيق

[شنطة عده]

نعم تعيش بشرط عدم الاستخدام المفرط لها
يعني تزويد هواء الكفرات اذا كانت ناقصه او نفخ كفر واحد مبنشر
انا استخدم واحد من ثلاث سنوات ولا شفت علية اي ملاحظة سعره في 115 ريال
ولا تستخدمها الا والسياره شغاله علشان الماطور ياخذ كهرباء كفايه

[مصمم وغواص]

يعطيك العافيه

لاهنت يابطل

ماقصروو الاخوان بالرد عليك

[N.m.a]

جزاكم الله خير

[عبدالرحمن.1]

خذ لك ابو جمل احسن لك زد على 120شوي وخذ واحد

[N.m.a]

خذ لك ابو جمل احسن لك زد على 120شوي وخذ واحد


بكم يعني ؟

[Salamah.y]

معي واحد ماشاء الله صار له اكثر من 4 سنين
و الحمد لله ماشكيت منه , لكن يحتمي مع الاستخدام
حاول يكون اللي بعيد عن جرم الماطور
و لا تلفه بشنطته الا بعد ما يبرد

[المميـز]

:

ابو جمل التقليد يجي راسين بسعر ١٠٠ ريال
ممتاز وقوي ويعيش ومجرب

:

[مسير عليكم]

رح العوبثاني mob مواطيره حلوه واسعاره طيبه خذت منه واحد بمقاس ابو جمل ب١٧٠ وكديته ٣سنين وجاني ماطور هديه من الامارات اطيب منه وهذاك مع اخوي ومانقدت عليه بشي مع ان استخدامي له شتويه اوقات المكاشيت. ولا طلعات نفود وطلعاتي نادره

[وااضح]

:

ابو جمل التقليد يجي راسين بسعر 100 ريال
ممتاز وقوي ويعيش ومجرب

:

مثل الي ذكره الاخ
له سنتين عندي يعمل حتى الان ولله الحمد

[المتلولس]

اذا استخدامك للماطور كثير خذ ابوجمل الاصلي لك وللزمن اذا استخدامك قليل خذ الرخيص يمشيك