لأصحاب الخبره في الونوش

[fisal742004]

السلام عليكم

اخواني انا سيارتي لاند كروزر Gxr 2004 سعودي وارد عبداللطيف جميل

وحبيت اركب فيه ونش .

من وين الاقي ونش اصلي .

وشكرا

[ابو عاذر]

أخوي تحية طيبة وبعد :-

ونش التويوتا الاصلي غالي جداً وهو في حدود 10000 ألاف ريال مع التركيب (( في الوكالة )) ولكن أنصحك بونش تجاري أصلي ومجرب ومعروف عند كثير من الناس وصيانته سهلة وقطع غياره متوفرة وعملي جداً وصناعته أمريكية ويأتي أحجام متعددة وأفضل من ونش التويوتا بكثير وذلك الونش هو وران WARN مميز بشعاره W وتلقاه عند وكيله السليماني فرع طريق الملك عبدالعزيز بالرياض وانت متجه شمال بعد أشارة شارع الاتصالات بحي المرسلات قبل مركز الدفاع المدني على اليمين وأنسب حجم للجيوب هو قوة أربعة طن ويكلفك في حدود 4 ألاف ريال مع التركيب حيث أن عندهم مختصين ممتازين في شغلهم في التركيب ويكون بشكل مخفي .

مع تحيات اخوك ابو عاذر

[fisal742004]

الله يعطيك العافيه

مشكور يالغالي

[غالي]

اول رح للتشليح وش بكم
لانك ان ركبت ونش لازم تغير الصدام
وعلى فكره ترا ونش الاند شد البلد لظاهر انه ينقطم بسرعه
لانه انقطم مره معي ومااستخدمته الا 3 مرات تقريبا وصلحته ب600 ريال عند البازعي وهذا السعر ترا قيمة فكه بس وخصملي احد موظفينهم خلا شغل اليد يعني مجانا لانه كان على الضمان الموتر
عاد والله اعلم هو موتري بس الي كذا او كثيرين
ومن عقبها صرت مااستخدمه ابد معي واير السحب وبس
ونصيحة الوكاله لي : ان جيت تسحب بالونش لاتخلي مسافه بعيده عنك وعن الموتر الي بتسحبه يعني خل 3 متر وحولها
والله اعلم
والمراد من كلامي اسأل قبل لاتشتري اخوي بالي اقوى حبل حديد من الشد بلد
نصيحه والله الموفق

[fisal742004]

مشكور اخوي غالي

انا سألت واحد من العيال

وقال لي انه طلبه طلبيه من دبي ب الفين وخمسميه

والى الان ما جاء

ابنتظر وش يصير معه وبأكتب موضوع في المنتدى

بالنتائج .

وشكرا

[سعد10]

ونش وارن 4 طن من السليماني قيمته 2900 وتركيبه في ورشة المميز ب500ريال شغل نظيف جدا جدا جدا الاجمالي 3400ريال .
الاخ/ غالي اذا بغيت تسحب بالونش لازم تخلي مترين في البكرة علشان ما ينقطم او ينطلق.

[ابو عاذر]

أخوي غالي تحية طيبة وبعد :
تركيب الونش ما يحتاج تغيير صدام السيارة كنت مركب ونش على جيب G تويوتا ولم أغير الصدام حيث كان بشكل مخفي وكانت فتحة الونش خلف اللوحة الامامية والذي يشاهد السيارة لايتوقع أن فيها ونش وكنت مركبه عند السليماني فرع طريق الملك عبدالعزيز وهناك ورش بالصناعية القديمة يركبون ونوش بشكل مخفي مثل ورشة النويصر وكذلك ورشة السفريات _ بن مرضاح - أما عن ونش التويوتا فهو قوي ولكن سبب أنقطاعه هو الحبل الحديد وهذا يمكن تغييره بنوع أفضل وأقوى( موجود عند السليماني ) والشئ الثاني وهو يحصل دائما هو انكسار مسمار الامان في بكرة الونش( مسمار شد البلد ضعيف نسبياً )وغيره بواحد اقوى وهذا قيمته في حدود 50 ريال ( موجود عند السليماني ) وتغيرها بنفسك و في أضيق الحدود مسمار فولاذ قوي بـ 2 ريال عند أقرب محل بيع مواد البناء وركبه ولا حاجة لك في دفع 600 ريال ( جشع وكالات ) في مشكلة بسيطة.

مع تحيات اخوك ابو عاذر

[fisal742004]

اشكركم جميعا على تفاعلكم في الموضوع