كفرات بالون و الشنبره تنصحوني فيها للمدينه و الخطوط..؟؟

[خالد998]

السلام عليكم

اخباركم عساكم بخير

انا ودي اركب كفرات بالون واشنبر..؟
سلفرادو 1500 غماره

وش رايكم هل تصلح للاستخدام اليومي و تعيش معي وسفراتي ماهي كثيره

ولا اركد واركب جنوط اسكاليد22
وجزاكم الله خير

[ريان2002]

وعليكم السلام ورحمة الله
كفرات البالون ما اعرف عنها كثير إلا إنها خطيره في الشوارع اللي فيها مويه ووزنها ثقيل
والجنوط بصرف النظر عن نوعها ترى كل ماكان الجنط كبير كل ماكانت الراحه في مركب السياره أقل
فالتاهو مثلا LT أريح في الحفر والمطبات وحتى على عيون القطط من LTZ لأن الجنط أصغر والكفر كبير

[خالد998]

يعطيك الف عافيه يريان

ننتظر باقي الاعضاء

[الحربي 591]

البالون ما انصحك فيه
انا جربته بس زمااان في جمس الوالد
كان الموتر ينقز طول الوقت ويحاوص يمين ويسار
مرره ماهو زين ابعد عنه
واذا بتركب جنوط ركب اصلي افضل...

وافضل الافضل لو تخليها زي ماهي جنوط الوكاله...اذا انت بتدور جنوط مريحه حقت الوكاله لا تدور غيرهاا...
واذا انت راعي خطوط ميشلان مالها منافس من تجربه لي ما خليت كفر ما جربته من صيني وغيره ميشلان مالقيت مثله بس الاصلى فيه ميشلان مضروب راح تكره نفسك لو ركبته..وهو اللي موجود بكثره المضروب

[خالد998]

ياخوك الاصالي من جنوط السكاليد

قيمته 10 الالف ريال مع كفرتها
وجزاك الله خير
علشان كذا قلت اركب صيني

نصايحكم ياخوان لا تبخلون علينها

[التعـ King ـديل]

من واقع تجربه للبالون انا اركبه طول السنه برد وحر صيف وشتاء ربيع وخريف

بر وسفر ومازال كفري الاول

جربته 16 و 17 و 18 والان على موتري بطل الدروب 18

بس ركب هيرو ولا مالون لا تبعد عن ذا الاثنين

الهيرو اخف من المالون والمالون حق نصب لانه اعرض

[ذيبان_]

السلام عليكم

اخوي كنق التعديل ممكن ترسل رقمك بالخاص عندي كم استفسار بخصوص البالون

[Esam]

عيوب البالون اكثر من حسناتة

[خالد998]

احترت واحد ذيمه وواحد يمدحه ترونها اولى مره اركبه
اشوف الاخوان في قطر اولى مايخرج السياره يركب بالون ماهي معقوله انها غير جيده هل ممكن احد يفيدنا

[القلب الرهيف]

السلام عليكم
شف ونا اخوك البالون مشاكلها واجده منها 1 / تشيل هوى كثير بالكفر 2/ ثقيله ما تخف الى لا مشيت بها بخط عشان تحتمي وترتكز 3/ خطره عند مسك البريك تزحف عند حرارة الازفلت تزحف وتصارخ وكل ملف زاحفتبك 4/ تلعب بمقصات واذرعة السياره

مميزاتها 1/ الرمل هي الي تداويه ناعمه تتمزلج على الرمل تسبح يعني حقت بر 2/ تركز السياره

[الهدد الاشهب]

انا مجرب البالون فتره قصيره وفكيته ماصلح لي ابد
البالون يصلح طقم ثاني تروح تقنص ولا تكشت و ترجع الديره ترجع طقمك الأصلي
اما اللي يركبه طول السنه مع احترامي له اشوف انه يحاول يترزز عند خلق الله على حساب سلامته محد بينفعك اذا زلق بك الموتر و صدمت بسبب بالون

[مسافر شمال]

انا مجرب البالون اللي يقول ماينفع انا اقول غلطان من وجهة نظري
البالون كفر يعطي الموتر رزه ومطبه خفيف بس اللي يذمونه ماعرفوله صح انامااركب إلا البالون
لكن إذا ركبتها لازم ترصص ترصيص أرضي واذا انت داخل المدينة تخلي الهواء فوق 45 ع شأن ماتنمسح دعسه الكفر ويخف الموتر مع الخط واذا طلعت للبر خل الهواء 25 إلى 30 واسف ع الاطاله