الصيانة ولا الكفرات ؟

[البرق zx]

السلام عليكم
السيارة عندي ماشية 60 الف وتحتاج صيانة وتغيير كفرات
نصيحتكم يا شباب الصيانة اول ولا اغير الكفرات بعدها الصيانة
وشكرا

[بيق مان]

الكفرات بالطبع .. اذا الممشى ستين الف فقط فلا زالت السيارة جديدة ما شاء الله ولا تحتاج صيانة حالياً أو على الأقل يمكن تأجيلها

[مسير عليكم]

وش نوع السياره وكم لها معك
عشان نساعدك

[ابوخالد977]

اذا ماتلاحظ شي بالسياره فالكفرات اولا

[ابو محمد1991]

رح للصيانه وشف وش بيسوون لها هل بيغيرون زيت القير وبواجي وينظفون بخاخات او لا اذا بيسون الشي هذا سو الصيانه اولا احيانا اذا ماكنت راعي جور وتفحيط الكفر اذا نوعه جيد بيمشيك ٨٠ ماعنده مشكلة واذا مارح يسوون كذا قالو لك بنغير الزيت ونشيك غير الكفرات اذا هي معدومه وتحياتي

[غار بن شعلان]

السلام عليكم

اذا الموتر مافيه خلاف ولايشكي من شي الكفرات اهم لكن شيك على كتيب الصيانه وشوف تغيير زيت القير اذا تماتيك متى موعده كانه كل 60 الف غيره قبل الكفرات لانو التماتيك عله اذا ماغيرته بوقته واحترق زيته ماينفع تغيره بعدين بعضهم يخبط القير

[كم كيلو باقي]

الصيانة الضرورية + الكفرات الامامية
غير زيت القير والفلتر مع زيت الدفرنس وصفاية طرمبة البزين وفلتر الهواء
الكفرات الامامية الحين والشهر الجاي الكفرات الخلفية او كل شهر كفر
والصيانة مهمة يعيش بسببها الموتر سنوات والحافظ الله
موفق