المساعد الشخصي الرقمي

مشاهدة النسخة كاملة : المكان المناسب للأيكوم في الباثفندر..صور


قرم
06/12/2006, 12:29 AM
السلام عليكم ورحمة الله وبركاته .
هلابالشباب..
موضوعنا اليوم وبعد طول غياب عن جهازالنداء الأيكوم ,وأين المكان المثالي اللذي ينبغي ان يكون فيه. من منطلق الجهاز المناسب في المكان المناسب ,ولأن هنالك بعض الأماكن المهمله في بعض السيارات ينبغي إستغلالها بشكل ذكي .فقد كنت دائماً اقف حائر عندما انضر إلى درج ولا هودرج !! موقعه امام عصى القير والدبل في الباث فندر ويأتي كذلك تحت جهاز ال(المسجل) تماماً ..سترون صورته وأنا انزعه . المهم أخيكم قرم
قرر إسغلال هذا المكان ليكون مكان للأيكوم ,وبطريقة غير بدائيه وبأسلوب قرم ا لبسيط .تم تركيبه
وتنسيقه قدر الأمكان بحيث يساير اللون المحيط للديكور ولا يكون هنالك نشاز ويصبح منظره غير مقبول
فانا احب دائماً تقديم الأفضل والمضمون . المهم إلى الصور فهي خيرمن يوضح.
بسم الله نبدأ وعلى هداه نسير.

نزعنا هاللي مدري وش اسمه.

http://www.mekshat.com/pix/upload/images23/mk8645_1.jpg

بعدها سنجد سداًبلاسيكياً..يجب نشره اقل قليلاً من عرض الأيكوم حتى لايكون هنالك فضاء لنضمن التماسك

http://www.mekshat.com/pix/upload/images23/mk8645_2.jpg

بعد إتمام عملية النشر والتأكد بأن المكان يستوعب الجهاز.نوصل الأسلاك ونسحبها للخارج.

http://www.mekshat.com/pix/upload/images23/mk8645_3.jpg


توصل الأسلاك بالجهاز.
http://www.mekshat.com/pix/upload/images23/mk8645_4.jpg


قبل إدخال الجهاز يجب إدخال قطعة فلين لتكون على ظهر الجهاز لمنعه من الأرتجاج لأنهم لن يدخلوا سوياً.

http://www.mekshat.com/pix/upload/images23/mk8645_5.jpg

تم تفصيل بروواز من الأبلكاش وتم الأستعانه بالغراء القوي لتثبيته وسد الثغره.

http://www.mekshat.com/pix/upload/images23/mk8645_6.jpg



بعد مانشف الغراءوثبت الأبلكاش نأتي ب تجليد لونه يحاكي لون الديكور المحيط ونقصصه ليكون ملائم ولانكتفي بالغراء المصاحب للتجليد فهو ضعيف ..بل ندهنه بالغراء القوي لضمان عدم إنسلاخه ثم نلصقه بدقه

http://www.mekshat.com/pix/upload/images23/mk8645_7.jpg

ويكون هذا الشكل النهائي.

http://www.mekshat.com/pix/upload/images23/mk8645_8.jpg


صوره جانبيه
http://www.mekshat.com/pix/upload/images23/mk8645_s5001779.jpg




إنزل ماقضينا هنالك صور في إنتظارك!!!
قرم
06/12/2006, 12:35 AM
الأن كما هي العاده. تحية إجلال وإكبار للجنود المجهولين والعاملين بصمت. :director:

http://www.mekshat.com/pix/upload/images23/mk8645_10.jpg

صور زائده

http://www.mekshat.com/pix/upload/images23/mk8645_s5000971.jpg


http://www.mekshat.com/pix/upload/images23/mk8645_s5000975.jpg

تحياتي لكم طيور مكشات.. أخيكم الصغير ....قرم :heart:
باب هداج
06/12/2006, 12:44 AM
عز الله انك كفيت وفيت وعلى قولتك الجهاز المناسب في المكان المناسب
راعي الطلعات
06/12/2006, 01:24 AM
صراحه اخوي قرم طريقه حلوه وقويه وخاصه طريقة التجليده الخشبيه التي جعلة من الديكور متطابق تخشيبة الوكاله

بس لاحضة شي الجهاز من دون مروحه للتبريد وخاصه انه مكتوم اضن انه راح تزيد حرارته

بس الطريقه قويه قويه قويه

ويعطيك الف عافيه على التصميم الرائع

ننتضر جديدك الرائع

دمت بحفظ الرحمن
غالي
06/12/2006, 01:52 AM
تسلم يمينك اخوي القرم
م.بندر
06/12/2006, 01:58 AM
مشكور اخوي
ونا من بكرا راح اجخر واكسر بالفندر
لين يركب وسلامتكم
لاتحرمنى من الترهيمات الخاصه بالفندر
تحياتي لك وللاخوان القائمين على هذا الصرح العضيم
قرم
06/12/2006, 05:28 AM
السلام عليكم

يالله حي الطيبين.مروركم الكريم والله ابهج خاطري يشهد الله....عاداتكم يا أهل مكشات. :p


باب هداج..الله يجبر بخاطرك يامكثورالخير .

راعي الطلعات..اولاً الله يعافيك ويسلمك ويحفظك من كروب الدنيا والأخره,,ثانياً..كلامك في محله .لكن انا استخدامي للجهاز جداً بسيط,فأنا مانب هاوي مراسلات وأخذ وعطا بالجهاز.إنما إستخدامي له فقط عند الكشتات ولتحديد مواقعنا انا وأخواني في حال لم نكن سوياً وأشياء من هالقبيل لذلك مايمديه يسخن ...وإلا انا ما يعجزني تركيب مروحه له :no: فالمسأله بالنسبه لي ليست صعبه..على العموم من يريد ان يرهم مروحه فالمجال واسع والأمر بسيط ولوإني متأكد من عدم قابليته للحراره حتى وهو في هذا المكان إلا في حال كون المستخدم يبي يضغط الريشه
ويسردقصيدة البحتريالمشهوره اكيد يبي يسخن.. في هذه الحاله يحتاج لمروحه ..تسلملي اخوي راعي الطلعات.

اخوي غالي ..الله يسلمك من النار.

م.بندر..هلابك ومرحبا. جخر وكسر بس بعقلانيه وتأني وألف تحيه لك وربع مكشات.

الجميع تحيه طيبه ,ودمتم بعافيه. :p
نمر بن حثلين
06/12/2006, 06:58 AM
تكفى يا قرم الموضوع الجاي نبيه بعنوان :

المكان المناسب لمحركات البوينج في الباثفايندر :p
ياخوك ذبحتنا الزحمه وما شاء الله عليك ما عندك شي اسمه مستحيل :good: :p


وبالنسبه للايكوم حركه رهيبه وخصوصا التجليده ممتازه جدا :good:


بس لو ركبت سماعه خارجيه مهب احسن ؟
لان سماعه الجهاز كذا صارت مكتومه من داخل
ولو مسكت ردميه مع الازعاج والصجه ما يكون الصوت واضح ؟
BASSAM
06/12/2006, 09:24 AM
اخوي قرم ماشاء الله عليك شغل نظيف مرررره ومتعوب عليه:good:


انا اخذت الفكره قبل سنتين من الاحداثي في موضوع له في مكشات
ونفذت الفكره بس اي كلام بدون الشغل النظيف والحركات والديكورما شاء الله عليك
هذه صور جهازي لانها ما طلعت برابط الموضوع القديم


http://www.mekshat.com/vb/showthread.php?t=24939




http://www.mekshat.com/pix/upload/images23/mk7984_dsc00679.jpg




http://www.mekshat.com/pix/upload/images23/mk7984_dsc00680.jpg




http://www.mekshat.com/pix/upload/images23/mk7984_dsc00690.jpg



اخوك بسام
حجلان
06/12/2006, 01:12 PM
يالقرم: بصراحه شغل جميل ومتعوب عليه ماشاء الله عليك :good:


ولاكن زي ماقالو الاخوه لاتنسى المروحه والسماعه :confused:

ننتظر منك الجديد
almobd3
06/12/2006, 01:46 PM
شغل نظييييييييييف
مشاء الله عليك
ولد الشايب
07/12/2006, 02:16 AM
يعطيك العافيه وشغل نظيف

سؤال بالنسبة لتثبيت الايكوم داخل الفتحه فقط مع الفلينه

والصورة الجانبية رهيبه ولقطة فنيه احترافيه
القصير
07/12/2006, 02:36 AM
والله اني محتار وين احط الجهاز ..

المكان عجبني وبجرب احطه ...

وتسلم على الشرح الكامل
أبرق دمعة
07/12/2006, 11:04 AM
أخوي قرم فكرتك حلوه وماقصرت .. .. وشغل أروع من الرائع .. ..

تسلم لنا

لكن يا قرم لو كان الجهاز (بخرج أو جراب جمب القير ) ما يكون أحسن ؟؟
حتى إذا بغيت تفكه وتركبه يكون سهل بالحيل ؟؟ !!



http://www.mekshat.com/pix/upload/sign/images/mk39342.gif
قرم
07/12/2006, 09:24 PM
نمر بن حثلين


تكفى يا قرم الموضوع الجاي نبيه بعنوان :

المكان المناسب لمحركات البوينج في الباثفايندر
ياخوك ذبحتنا الزحمه وما شاء الله عليك ما عندك شي اسمه مستحيل


وبالنسبه للايكوم حركه رهيبه وخصوصا التجليده ممتازه جدا


بس لو ركبت سماعه خارجيه مهب احسن ؟
لان سماعه الجهاز كذا صارت مكتومه من داخل
ولو مسكت ردميه مع الازعاج والصجه ما يكون الصوت واضح ؟

اضحك الله سنك اخوي نمر. محرك بوينق حته وحده. :p . سأضع مسألة السماعات والمروحه في عين الأعتبار ,ولوانهامسأله ثانويه بالنسبه لي..المهم هو الفكره الأساسيه الاوهي هذا المكان الجميل والأنيق للجهاز واللذي يوحي بأنه من ضمن التجهيزات الأساسيه للسياره من بلد المنشأ .. والله يحفظك

BASSAM

يالله حيه.الحقيقه هالتصميم اللي انامسويه ينفع ل اصحاب ال ايكوم 8000 اكثرمن غيرهم نضرآ لوجود السماعه في المقدمه وكذلك لوجود المروحه فيه كتجهيز اساسي من بلد المنشأ . في اعتقادي جهازك هكذا غير ثابت .الله يحفظك

حجلان..هلابك.حاضر ابشر يامكثور الخير..والجديد في الطريق ان شاء الكريم. :type:


almobd3.. اشكرك على هالأطراء..تسلم

ولد الشايب..
سؤال بالنسبة لتثبيت الايكوم داخل الفتحه فقط مع الفلينه

ياهلوتين ومرحبتين فيك . شف طال عمرك.. عند نشرت البلاستك في خلف الفتحه راعيت ان تكون الفتحه الجديده المستحدثه اقل قليلآ من عرض الجهاز حتى تحشر مؤخرة الجهاز ويتم له التماسك من الخلف..الفلينه .قصيتها بحيث تملأ الفراغ من اعلى الجهاز لزيادة الثبات..ثم الوجه البلاكاشي في المقدمه يساهم كذلك بنوع من الثبات والأستقرار
من الأمام. وسلامتك

القصير.. الله يوفقك ويقويك

أبرق دمعة..ياهلابك اخوي ابرق..شف اللي يناسبك ونا اخوك..لكن في اعتقادي مافيه مقارنه بين هالطريقه الجذابه وان تضع جهازك في خرج . :no2: والله يوفقك ويرعاك


تحيه طيبه للجميع ..وأسف على التأخيرفي الرد..فأنا اعمل 12ساعه في اليوم...اخيكم...قرم :heart:
غضنفر
07/12/2006, 11:28 PM
وش هالزين
ما شاء الله
شغل مرتب نظيف
::الرهيب::
07/12/2006, 11:47 PM
السلام عليكم...

والله أتعب ونا أقول إنك "قرم"..... : )

الله يعطيك العافية...فعلاً فكرة رايقة...ومكان مناسب...

أنا من فترة ونا أفكر فيه...

بس المشكلة في (إني ما أستخدم الجهاز إلا إذا طلعت البر)...فماودي أثبت الجهاز في مكان محدد...

موفقين...
قرم
08/12/2006, 08:54 PM
black path...هلابك ومرحبابك ومشكور على مرورك العاطر. :p


::الرهيب::... مشكور على اطرائك.وموفق خير ان شاء الله. :p
أبوناصر
09/12/2006, 02:25 PM
مشكور اخوي قرم على ها الأفكار الخلابه

لو كان يثبت بمسمار كان أحسن في نظري


لكن تبقى السباق للأفكار الجميلة

بصراحة دائما تحببني أكثر لسيارتي
Abo Nader
10/12/2006, 06:31 PM
السلام عليكم...

مبطين عنك أخوي قرم...

مشاء الله شغل نظيف وحركة الديكور ممتازه لكن سؤال؟

هل فيه مكان أقدر أدخل الجهاز ومعه المروحه؟

لأن الأيكوم 2200و2100 مايجي مروحه والمشكلة أن الجهاز إذا أحتمى مب بس يؤثر على قوة الأرسال بس لكن ممكن يحرق الإيسيات عليك يعني الجهاز كله راح....

طبعا مايحتمي إلا إذا حطيته على الhigh وقعدت حول الساعه و الساعتين مشغل..

الأمر الاخر نصيحة للجميع أنه إذا كان خويك قريب(حول 5 كيلو)حط الجهاز على الlow على شان ما يحتر بسرعه و أيضا لأسباب صحية...

و ننتظر تجديدك دائما...
قرم
10/12/2006, 09:10 PM
السلام عليكم.. :)
ابوناصر يالله حيه..الجهاز ثابت في هالمكان ثبات منقطع النضير ولايحتاج مسمار وخلافه ومشكورعلى اطرائك :p


Abo Nader.. هلابك ومرحبا.. :)


هل فيه مكان أقدر أدخل الجهاز ومعه المروحه؟

نعم هنالك متسع لذلك وفراغ مناسب لوجود المروحه..لكن انا ما اضفت المروحه لأن استخدامي للجهاز لن يعطيه الفرصه ليسخن . انا اضغط الريشه وكلمه وردغطاها فقط ..مانب راعي هذره واللي اراسلهم نفس النمونه.
مايحتمي إلا إذا حطيته على الhigh وقعدت حول الساعه و الساعتين مشغل
في اعتقادي المتواضع ان الجهاز لن يتضرر في حال التشغيل ولوكان على وضع ال هاي ولن يسخن مالم تضغط الريشه ، فاذا تم ضغط الريشه على ال هاي الجهاز سيولد ماعنده من الواطات ال55 بينما قبل ضغط الريشه في مرحلة الخمول واللتي لاتستهلك سوى القليل من الواطات تساو ال5 واط فقط وهذه لن تظره ولو شغلته يوم كامل



الأمر الاخر نصيحة للجميع أنه إذا كان خويك قريب(حول 5 كيلو)حط الجهاز على الlow على شان ما يحتر بسرعه و أيضا لأسباب صحية... كلامك في محله . :good:
تحيه طيبه للجميع . :p
برق بني خالد
10/12/2006, 09:47 PM
مــاشـاء اللـه عـليك ياخـوي مـبدع وفـوق الابـداع بعـد ..
اللـه يوفـقك دنـيا وآخـرة..ويغـفرلك أنت والـديك ومـن يقـرا..
مـشكوور..وجزاك اللـه خـير..
salehhd
11/12/2006, 11:46 PM
السلام عليكم

ما شاء الله ابداع جديد من شخص مبدع

واجمل مافي مواضيعك كل شي بالصور وبأسلوب بسيط وغير مكلف

يعطيك العافية
قرم
12/12/2006, 06:54 PM
برق بني خالد..الله يجزاك خير..ويستجيب لدعائك ربي.

salehhd..الله ربي يعافيك ويحفظك .
راعي النيسان
13/12/2006, 12:31 PM
ما شاء الله ياقرم شغل تمام ... وهذا المكان مناسب جدا للآيكوم 8000 حيث توجد به مروحة للتبريد وكذلك السماعه في مقدمة الجهاز


تحياتي
قرم
14/12/2006, 08:50 AM
راعي النيسان

مرحبابك وهلا فيك. صدقت اخي مناسب جداً لما ذكرت , اشكرك على التكرم بالمرور والتعليق ,وتحياتي لك كذلك
السحاب
16/12/2006, 08:42 AM
السلام عليكم
دائماً مبدع ياقرم
بصراحة مكان رائع للجهاز:good:
لكن باقي تعلمنا من وين تطلع سلك الكهرب على الكبوت عشان نشبكه
في البطارية مباشرة بدون تخريم
بانتظارك ياقرم
sanbook
16/12/2006, 02:52 PM
اخي الكريم قرم
تسلم ايدينك على الشغل النظيف والفكرة العبقرية
بس فيه مشكلة وحده.. ايش تسوي لا جيت تطلع من البلد..
يعني لو جاك مشوار لقطر او الامارات او اي دولة ثانية ايش تسوي؟؟؟
عجبتني الفكرة كثير وناوي ادور على مكان للجهاز عندي في الباجيرو .. بس مشكلتى ان اطلع بالسيارة بره البلد كثير وما ينفع يكون الجهاز ثابت بهالشكل
النداوي HZ2AF
17/12/2006, 05:08 AM
مشكور اخوي قرم
وانصحك بجهاز ايكوم 8000
يركب 100 % ولا يوجد مشكلة مع السماعة
لانها في الوجه ولا مع المروحة لانها راكبة من بلدها

وانا مركبه من ازود من سنة ولا يوجد مشاكل
ولله الحمد


http://www.mekshat.com/pix/upload/images24/mk14490_001dddd.jpg


اخوك ابو عبدالله
قرم
17/12/2006, 09:38 AM
السلام عليكم.
عفواً على التأخير.

السحاب.
لكن باقي تعلمنا من وين تطلع سلك الكهرب على الكبوت عشان نشبكه
في البطارية مباشرة بدون تخريم

هلابك ..ابشر اقوللك بالصور

http://www.mekshat.com/pix/upload/images24/mk8645_s5002030.jpg






وليس هنالك خوف من هالطريقه فهنالك سلكان الأعلى سلك القارمن الماغناطيسي ات من السقف ويستقبل الأشاره من الأقمار , والأخر هو للأيكوم ومن البطاريه مباشره .وكما هو ملاحض سلك الأيكوم قد تم تثبيته بشريط لاصق من النوع القوي وصبغه بنفس نوع الصبغ وللعلم له سنتين بهالأسلوب وليس هنالك ادنى ضغط من الباب على السلك طالما هو ثابت بالشريط , وهنالك فيوزان في نهاية الأسلاك من جهة البطاريه في حال الألتماس ستضرب تلقائياً.


sanbook ..هلابك

بس فيه مشكلة وحده.. ايش تسوي لا جيت تطلع من البلد..
يعني لو جاك مشوار لقطر او الامارات او اي دولة ثانية ايش تسوي؟؟؟

بكل بساطه ..افكه بطريقتي! وأرجع وأرجعه بطريقتي! :)

النداوي HZ2AF مرحبتين كبار يابو عبد الله


مشكور اخوي قرم
وانصحك بجهاز ايكوم 8000
يركب 100 % ولا يوجد مشكلة مع السماعة
لانها في الوجه ولا مع المروحة لانها راكبة من بلدها

وانا مركبه من ازود من سنة ولا يوجد مشاكل
ولله الحمد



هذا اللي بالبال طال عمرك إن شاء الله عن قريب..بس وين الفضوه .. تحيه طيبه لك يابو عبد الله ولكل من شارك
ولكل من رد او مر , تحيه لأهل مكشات جميعاً دمتم برعاية القوي العزيز..اخيكم قرم
BASSAM
18/12/2006, 10:24 AM
اخوي الغالي قرم وبقيه الاخوان


بالنسبه لخروج السلك من السياره الى البطاريه، ما رايكم بطريقتي والفتحه اللي استخدمتها في اخراج سلك الايكوم ومحول الكهرباء (الفتحه موجوده وراء الدرج)

انظروا الرابط لمشاهده الصور


http://www.mekshat.com/vb/showthread.php?t=66633


اخوكم بسام
قرنديزر
26/09/2010, 10:09 PM
ما..شاء..الله..

شغلك..مرتب..ونظيف...
mtrk
26/09/2010, 11:24 PM
ماشا الله شغل نضيف
ابو حسان الجنوبي
13/02/2011, 10:51 AM
تم تطبيق نفس الفكره بنجاح لك اخي كل الشكر
نومـ11111س
17/02/2011, 12:19 PM
انا مسوي نفس طريقتك لكن الفرق اني مركب ايكوم 8000

له مروحة من بلاده ، وسماعته امامية (:

وله سنتين في الموتر ولا احلى
عاشق نصب باث
18/03/2011, 06:48 PM
حلوه مشكووووووووووووووور
تسلم يدك يا زميل هههههههههه
بس بكم الكنود سعره!!!!!!
ابراهيم 2003
18/12/2014, 11:10 AM
اخوي قرم
مشكور على الابدار بس ابيك منك طلب سلك الاريل كيف جبته ممكن صور لاني عندي السلك وبداء ينقطع من كثر فتح الشنطه ياليت لوتكرم وتعلميني كيف جبته