نحال جديد بقراطيسه حاب الشغله بس رأيح فيه

[ابولولو]

السلام عليكم

الله يمسيكم بالخير جميعآ


من رد ومن مر مرور الكرام :)


شغل النحل حابه من زمان بس ماكان فيه مكان للنحل

وأبشركم جاء المكان وملكنا الأرض بفضل من الله ومنه

ويوجد حولي مزارع كثيره ولله الحمد والمنه

السؤال اذا جيت ابي اشتري نحل من شارع سلام وش المعلومات علشان ما يضحك على البائع

لأني رحت وحصلت عرب وتعرفون هاالزمن الثقه الله بالخير يبيع أخوه علشان ريال الا من رحم ربي سبحانه

وش الأسئلة اللي أسئله علشان يدري أني فاهم وناصح :good2:

الموجود عندهم نحل مصري وقالوا لي بعد المربعنيه يجئ عندنا قلت طيب

قلت السعر قالوا 350 ريال قلت بسيطه بس اهم شي لا يلعبون على

وأنا ما اعرف نحال يروح معي للسوق وإلا كان الشغلة :good::good:

المهم ردوا علينا ولا تبخلوا علينا

اللي قاهرني أني كلمت عضو عندكم من أهل القصيم رأعي نحل ولا عطاني وجه ولا عبرنا وهو يدعدع باالقسم مصتلح قصيمي

شاكر ومقدر لكم تجاوبكم مقدمآ

الخلاصه نبي نربي نحل ونأكل ونهدئ ونبيع :D

أحد عنده أعتراض :D

[نحل و عسل]

حاليا لا انصحك بتاتا لان جميع الاعمال النحلية في نهايتها

في شهر مارس القادم ابد ب 10 او 20 خلية
النحل المرزوم يباع ب 150 ريال وهو نحل مصري في شارع سلام بالرياض
يبقى لك قيمة الخلية من 65 الى 100
ايضا البراويز الواحد ب 7 ريال وتحتاج من 5 الى 7 للخلية الواحده
ايضا كراسي حديد وانحش عن كراسي الخشب

عالم النحل مليء بالمعلومات بس حبه حبه تتعلم ولا تستعجل
350 سعر جيد ومتعارف عليه خلية نحل مسكنة وجاهزه مع براويزها

اكرر لا تبداء الا بالربيع عشان ماتخسر دراهمك و بالتوفيق

[ابوابراهيم34]

السلام عليكم ....اهلا اخوي ابولولو. اشجع فيك هذا الحماس والعزيمة القوية لديك لتربية النحل ماشاء الله واتمنى لك التوفيق
وكلامي اخونا نحل وعسل صحيح وفي محله واعطاك معلومات قيمة. وانصحك بما نصحك به بان لا تبدأ الا في موسم الربيع القادم ان شاء الله حيث يكون النحل فيها نشيطا وتستفيد منه وقليل الامراض ... وان وجدت النحل البلدي فهو افضل واكثر تحملا لاجوائنا واتمنى لك التوفيق

[سرباية]

السلام عليكم
حاليا خذ لك خلية وحدة فقط بس يكون نحل بلدي وخذ المعلومات من النت والاخوان في هذة الخيمة بارك الله فيهم ماهم مقصرين في نقل الخير للناس تجاربهم وخبرتهم كثيرة المسالة وقت وصبر وشهر 3 ميلادي سوف تنتج هذة الخلية عدة خلايا وومكن تشتري فوقهم اذا حبيت ولا تكثر من فتح الخلية والله يوفق الجميع .

[ذيب الفقارة]

وعليكم السلام ورحمة الله وبركاته

صباح الخير

أفادوك الإخوان

وكما ذكر أخي الغالي

سرباية

تلك هي الطريقة الأفضل

ومن خلالها تكون قد استفدت خبرة جيدة في تربية النحل

تحياتي

[إحسآس]

هلابك

اذا انت من القصيم ادلك على مكان

او تشتري نحل الي عندي 4 خلايا منتجه

[ابولولو]

ماشاء الله تبارك الله

وش هاالردود الجميله اللي تفتح النفس وتشجع الوأحد

عينى عليكم بارده يمكن هذا من أكل العسل الطازج :D:D

عليكم باالعافيه

الشكر للجميع وصراحه أستفدت من ردودكم الطيبه ياطيبين البال :good2:

[ابولولو]

هلابك

اذا انت من القصيم ادلك على مكان

او تشتري نحل الي عندي 4 خلايا منتجه


ونعم والله أخوي إحساس

قول وفعل :good:

انا من مدينة هج عنه :eek: من الزحمات وقطع القلب

بارك الله في مالك وحلاك ونحلك

[ابورايف]

السلام عليكم



قبل البدء بهذا وأنا أعتبره كمشروع



المكان : هل المكان مهيأ من ناحيه الأشجار التي يستفيد منها النحل .

هل المكان المراد وضع الخلايا فيه أرض زراعيه أم أستراحه



أذا هي أستراحه ومساحتها صغيره فلا أنصحك بذلك



والسبب ::ربما تشتري وتخسر وبالأخير لا يتأقلم النحل بالمكان

\او يتسبب بالأذى على الأطفال فعالم النحل لو نتكلم عنه لن توفيه صفحات.



أما أذا هي مزرعه كبيره فلا مانع أن يكون مكان الخليه مظلل أما بالشجر أو غيره .



الأمر الأخر أحرص على شراء نحل بلدي مع تسكينه



لابد أن تأخذ بعين الأعتبار لو ذهب أي شخص لوحده فربما يغش بأي نوع



وعلى سبيل المثال النحل الصيني أو نحل الشوارع لا يسكن بالخلايا ولو سكن فأنه لا يطول به وعلى طول يهاجر لأماكنه لذلك لابد أن تأخذ معك أي شخص معرفه بهذه الشغله



هذا الكلام من واقع تجربه بسيطه من تلك العالم الكبير ((النحل))



أتمنى أني قدمت لو شي بسيط يفيدك



تقبل مروري وردي

[ابولولو]

السلام عليكم



قبل البدء بهذا وأنا أعتبره كمشروع



المكان : هل المكان مهيأ من ناحيه الأشجار التي يستفيد منها النحل .

هل المكان المراد وضع الخلايا فيه أرض زراعيه أم أستراحه



أذا هي أستراحه ومساحتها صغيره فلا أنصحك بذلك



والسبب ::ربما تشتري وتخسر وبالأخير لا يتأقلم النحل بالمكان

\او يتسبب بالأذى على الأطفال فعالم النحل لو نتكلم عنه لن توفيه صفحات.



أما أذا هي مزرعه كبيره فلا مانع أن يكون مكان الخليه مظلل أما بالشجر أو غيره .



الأمر الأخر أحرص على شراء نحل بلدي مع تسكينه



لابد أن تأخذ بعين الأعتبار لو ذهب أي شخص لوحده فربما يغش بأي نوع



وعلى سبيل المثال النحل الصيني أو نحل الشوارع لا يسكن بالخلايا ولو سكن فأنه لا يطول به وعلى طول يهاجر لأماكنه لذلك لابد أن تأخذ معك أي شخص معرفه بهذه الشغله



هذا الكلام من واقع تجربه بسيطه من تلك العالم الكبير ((النحل))



أتمنى أني قدمت لو شي بسيط يفيدك



تقبل مروري وردي





عليكم السلام ورحمة الله وبركاته

بيض الله وجهك أخوي الغالي ابو رايف وفيت وكفيت كفأك الله كل شر وبلاء

المكان عباره عن أستراحه 3000 متر

ومكان النحل بعيد عن الأولاد مره

يوجد حولنا مزارع كثيره وكبيره وقديمه جدآ

لايوجد لدي أحد يروح معى للسوق وأنا أستفت منكم بارك الله باالجميع

البدايه لازم أنغش ويلعب على شوي ولازم أتعلم أذا مالقيت أحد يروح معي بس يبي يجي إبن الحلال الدنياء لسه فيه الخير أبشرك